澳門有間叫"味皇"的茶餐廳,我不喜歡佢用我的名號,因為賺錢的不是我
早兩年,味皇係佢度叫左個"焗豬扒飯"黎食,結果佢上菜的是"焗豬扒+飯",好明顯佢來自火星,如圖:
味道不過不失啦,係甜左少少,果時的價錢是26蚊唔連野飲(現家唔知),而平時味皇食開的果間25蚊仲連野飲(現家30),仲好食好多添,幾年過去了,味皇茶餐廳由當時新開張到現家變成3間分店,而味皇食開的XX記茶餐廳仲係得1間店
講返味皇茶餐廳,假設佢沒有舖位,利潤僅收支平衡,如果想質佢上市,並要有每間分店2億市值,要點做呢?
計一計數,PE30倍要2000萬盈利,扮成長比多少少佣就係,第一時間搵業主同凍肉佬食飯,叫業主向自已收租,唔好向茶餐廳收,老婆另外成立分租個公司,向茶餐廳收租,同理比凍肉佬的錢亦由老婆的採購公司經手,連員工亦由老婆外判,總之就整多一層,支出歸老婆,收入歸茶餐廳,只要比1000萬支出老婆,茶餐廳就會變相有1000萬收入,歌仔都有得唱:怕老婆會發達,腰骨硬則趕客,怕老婆梗會大發達,要食羊肉先貴格
上市前一刻拖數,賒別人的錢同貨,扮0成本,售出的直接入盈利,呢度多500萬盈利,雖然賬面會多500萬負債,上市後找數就係,雙倍成本一陣盈警好快就過
上市前一刻叫人訂幾返一千幾百萬個外賣,就一直唔送貨,扮賣左出去,呢度多500萬盈利,雖然賬面會多500萬應收賬,上市後撇賬就係,硬膠擦一捽盈警好快就過
如是者就夠盈利上市了,唷!搵老襯,駛乜驚呀
沒有留言:
張貼留言