財經網站的好壞

之前味皇問,有冇人有好的資料網站介紹,有人介紹中銀

中銀有係有5年資料,但係殘廢的,查實味皇06年最初用開的係舊南商/中銀的報價王系統,但後來南商/中銀換了經濟通的殘廢系統,於是味皇換用永隆的報價王系統,後來報價王執粒,永隆連資料都冇得睇,味皇被迫轉用工商的阿斯達克系統,後來工商連財經都執埋,於是換做阿斯達克官網,後來上商出返阿斯達克系統的財經,味皇認為比官網好所以轉用,非本意咁就轉左4次

用100分滿分黎計,舊南商/中銀/永隆90分,新南商/中銀20分,工商50分,阿斯達克40,上商60分,yahoo/gogle10分

介紹中銀同yahoo比味皇,說明他平時不多做批量分析快速分析,一個網站好同唔好味皇是有個標準的,現家分享下等大家都會自己分析,以下說明

味皇可以單用資產負債表唔睇其他,就可以60%把握分析隻股好壞,只用現金流量表唔睇其他,亦有40%把握,但是只看損益表,味皇完全無法分析到公司質量,因此網站最重要的是提供資產負債表同現金流量表5年必要的資料,另外味皇以單用公司背景唔睇其他,就可以60%把握分析隻股多數係OT,不過公司背景個個網都差唔多就算

中銀/南商資產負債表

阿斯達克資產負債表

味皇使用的系16:10的顯示器,垂直可視範圍相當於當年的4:3,是現時最大的,但中銀的也不可以一版過要拉頁,而且佢會自動拉伸,畫面越大數字分得越開,中銀最主要的缺點是今年同上年之間多了些廢字切割了畫面,阻礙比較,阿斯達克就多了個不必要的棒形圖,令頁面變長

上商資產負債表

這和舊南商/中銀,永隆,工商的格式一樣,簡潔得多,冇咁眼花

資產負債表上,中銀的評分是50分,官網是70分,上商是100分

yahoo/google連5年都冇不用睇

中銀/南商現金流表

阿斯達克現金流表

上商現金流表

阿斯的問題是頁面太長,中銀的資料就殘廢就在現金流表,例如股本同交稅是非常非常必要的項目佢就冇,冇呢兩樣就好難係數字上睇到有冇出千,至於上商就比官網簡潔

現金流表上,中銀的評分是0分,官網是70分,上商是100分

味皇另一樣非常常用的是同業比較,大規模選股必備

中銀同業比較

中銀的同業比例倒是能用,也能自選升降序,舊中銀,永隆的也是這水準,但是得佢用英式單位

阿斯達克同業比較

同中銀基本一樣能用,但是中式單位,頁面有拉伸的問題,有時要縮細畫面或字體

中銀同佢的缺點是你知道例如408係油有關,你可以打408黎查成個油業,但如果係D濕9行業你一隻都唔知,就無從查起

廖創興同業比較

之前味皇寫的2億以下3億以下物體就係用廖創興寫的,工商的報表部分可用,但同業比較缺失,所以用廖創興代替,佢可以查所有濕9行業,缺點係冇升降序同派息之類資料,可周其他網並用

上商同業比較

最近先有的,有廖創興一樣的查濕9行業,有升降序同派息之類資料,缺點係冇市值

同業比較中銀同官網70分,廖創興同上商獨一檔,特殊用途

中銀損益表

阿斯達克損益表

上商損益表

中銀有拉伸同廢行的問題10分,官網頁面長50分,上商最精簡100分

中銀圖表

應該算有用的,同舊中銀,永隆相比,甚至多查兩年,然而沒有甚麼卵用,當然,你打例如威利之類的12年歷史即時老千現形

阿斯達克圖表

甚至去到15年,最詳細應該係佢不用多講,然而沒有甚麼卵用,價值投資這門派用不著圖表

yahoo圖表

得10年,但線形圖睇落乾淨D,而且佢可以查任意一日的股價,可以八卦,然而沒有甚麼卵用

中銀獨有

得中銀獨有的可以查子公司,例如打建業同惠記就會查到佢揸幾多建聯同利基咁,可以八卦,然而沒有甚麼卵用

yahoo獨有

可以查上市咁耐的歷史股價同派息,可以八卦,然而沒有甚麼卵用

價值投資者應該專注返係三大表上,所有網味皇覺得最方便的是現在的上商,這包括個人主觀感覺,新中銀廢的,用佢分析只會自己感覺良好卻半桶水而不自知,官網只是單純不方便,官網易用上反而不及分支,上商只係同業同報價頁面之類簡陋,其他都還好

同業比較只是在堆填區找煙頭或做分析員時有用,撿煙頭派的投資者鳳毛麟角,估計永遠不會流行

相對地,官網對基本分析不算友好,但這圖表相信技術分析派狂喜,不過圖表除了做統計,對味皇選股一點用都沒有

也許有折衷的門派,佢地應該用官網居多,但基本分析,特別係30秒大法,基本上只能在上商這種上用,味皇只希望個網可以長久唔好又執

非常極端的煙頭,可以用廖創興之類初步找到

公司資料本應是用唔著的,但香港這濕9市場,味皇不得不因地制宜,專門開發出分國人老千的手段,正常來說會睇三大表就已經非常足夠了

美蘭就快清曬

 48.7賣出1000股美蘭,同時掛埋50蚊全清冇成到,0.125換入65000股羚邦,0.201換入20萬股雞扒(1843),兩隻總市值都非常低

之前苦於30秒大法被封技,但現家又用得鳥,最近上海商業銀行有市場資訊,這個可以用

味皇最近煩緊唐樓的舊樓維修,成棟咁多人居然要味皇黎打骰

2連?

 特此留念,應該唔會好似美蘭咁誇嘅

順便一提,早排寫的2015死剩種果兩隻,當中1786表現又係類似咁,3882嘛,還要等業績出先知

另外,雖然味皇寫文話死剩兩隻,但只係齋分析,唔好好似湯財兄咁以為味皇寫左就等於買左,於是跟兩口支持,令口惠實不至的味皇心生妒忌

早前佳華排隊,排成日只係成左0.146的2500股,總金額是365蚊,但是銀行抽手續費90幾蚊....唔成好過成

今期有點冷

上星期44.7賣左1000股美蘭,1.04換入40000股比人罰錢的國銀,視情況跟住可能仲會繼續換

今期有D凍,上個月味皇剝大牙,麻醉完左想要冰FU,諗諗下,手頭上有乜野最凍,於是味皇諗到用凍柑黎FU,好似現家咁,味皇兩手都係雪條

又諗起以前477奧普浴霸,舊文寫過呢個時候北方D屁孩9成會搶佔廁所黎做功課,貪浴霸夠暖,嘛,雖然佢地現家冇功課又冇電,要不是奧普私有化,味皇可以走少很多彎路,至少不用換成太古,留意返奧普己在大陸上市,都係小眾股,但市值都50幾億人仔,圍起黎應該每股6蚊左右,咁味皇應該有過百萬

有人寧要面子,不要褲子,傳統的光榮任務,人地應該裸得非常榮耀,浴霸燒電的,但上面冇電,周圍普遍都是火力發電,但是但凡大一點的火電都是比較近港口的,因為水運方便,自斷水運同自宮一樣,練神功,練果時也應該留意出血,老子老是想著老子天下無敵喇,自然不把出血當回事,老子就是霸氣

南方大陸進口的煤佔整體好少啫,某樹嘅,就是佔岸邊的電廠燒的比例有億點點高,要不西電東送,北面南宋,煤車過黎就係,不過咁啱呢個時候,道路結冰鐵路結冰港口結冰,運煤有點兒難度,電塔結冰電線結冰,送電有一點兒難度,倒不如你送核電上黎

還不是有水電嘛,斷泰國水20日算啥,是咁的,6月之後上面係咪落左幾個月雨的?有D水壩塌左,塌的還叫好辦,冇塌的塞滿山泥,唔通叫你用怪手掘返出黎?水庫容量變細使用壽命變短,落雨時發多的電儲不了只時即時用,水電最好的儲電方式係將低位的水抽上高位存在水庫留返下次發,周圍落大雨或者水庫容量變細都儲不了,有人不但缺電,仲要缺水

浴霸燒電的,本來呢個時候應該炒高,結果冇電反而要佢跌,又何止浴霸呢,要沽空的可以有大把,例如咁多年自出自入的港口,現在要開破冰船,火電廠借錢燒貴煤,練鋁的工廠冇電,冇得用電解要停,煉鋼煉銅冇煤用要停,現家冇飛機生產鋁價點冇乜問題,鋼價上漲會令之後好多工程超支爛尾,銀行又借咁多錢比冶煉廠之類同地產,前面入公數冇事,地產大劑D,照計貨櫃工程車怪手之類會有運煤清塘泥之類需求,但冇鋼材生產,變成浴霸咁,原來霸氣的盡頭就是柒

分拆的少掂為妙

也不是新聞了,地產股分拆間管理公司出黎,閒閒地幾十倍市盈率,仲一樣咁多人買

將股票視為交易工具炒賣工具,這是合理的,但如果將股票視為權益証劵公司股權,這就站不住腳了

是咁的,早幾個月華南城低過7亳,市值57億,以佢為例好了,佢管理費每年增加幾十%,6年前幾千萬,3年前3億,上年6億,當佢賣舖位係昆水魚,每年昆咁多水魚,水魚一上左勾就甩唔到,租唔租得出都好,管理費一定能騙到手,有加無減機制下增長一定快,而佢上年管理費純利應該係2億幾,同PE143的永升,PE59的新坊悅同水平,為PE54的綠城同保利的一半

因此,華南城分拆方案A,將管理公司同一D負債打包,放部分股權例如25%上市,假如PE30招股好了,市值60幾70億,當65億好了,最後,華南城管理市值65億,華南城本體的市值由57億升返D例如80億?理由係多左筆現金同可以賣股

好似好合理

或者,華南城分拆方案B,將管理公司剝離本體,華南城本體同華南城管理完全獨立,華南城管理市值65億,華南城本體除淨後市值-7億,冇錯,正是負7...負7?之後應該會升返D的,華南城本體市值下降,似乎係因為盈利同負債下降,華南城管理市值更高,理由是佢資產同盈利更低?

好似好合理?

仲有,華南城分拆方案C,將除管理公司外的業務剝離上市公司,1股舊股分到1股新股,新公司市值可能50億,舊公司市值可能7億,然後新公司市值繼續50億,因為佔大份,舊公司由7億炒到65億,因為佔細份?

好似好合理?

當本體一千幾百億,分拆一件一百幾十億出黎,大家都唔多覺,但是如果幾十億分拆幾十億出黎,就會睇到問題出黎,原理是一樣的,發唔發覺而已

技術分析的話,只會看到股票A股票B,成交多少有多少能量,按佢地的學說來睿是合理的,所以基本分析同技術分析完全是風馬牛

抽新股係偏向技術分析的門派,呢邊唔啱用

最近銀行難借錢,所以人人都分拆抽水,我們小市民,何必去做銀行都唔肯做的角色