百貨股的真偽

傳說中的BLOG偉哥重新寫文,可喜可賀,,味皇雖然是一位作者,但同時也希望是一名讀者,高質兼免費BLOG可遇不可求(貌似免費的先有高質,收費的普遍都相當劣質)
偉哥的持股有味皇認同的,但亦有不苟同的,但始終是別人的持股,求同存異,有個參考就是,比如佢有的1833銀泰,味皇覺得其存貨數量不妥,於是產生靈感引出今篇文
銀泰固定資產70億,而存貨僅8億,這代表銀泰實際上更像是地產公司而非零售商,08至現在佢存貨差不多都是固定資產的1/10以下,今年現金流14億而貨8億,即7個月內清一次貨,08年現金流10億而貨0.5億,即3星期內清一次貨,果時賣白粉呀?首先變化太大,其次現實中的超級市場可能都要幾個月先清到一次貨(估),似乎低存貨會同店舖外表不乎
那麼它有冇是地產公司的可能呢?同類公司比較:
 高存貨組         存/固        存/流                      
佳華                   1:1           1:0.8    
京客隆               1:2           5:1
聯華                   1:1           2.1   
物美                   1:2           1:1

 低存貨組
百盛                    1:10         1:10
新世界                1:15         1:10
銀泰                    1:10         1:8
金鷹                    1:15         1:10
歲寶                    1:10         1:8
春天                    1:40         1:10

味皇認為低存貨組作為零售股是超自然現像,如果排除考慮假數的前題下,高存貨組同低存貨組的經營模式必然毫不相同
據味皇所知,百貨公司有兩種經營模式,一係7仔的老闆仔咁,租個舖自己入貨自己售貨,皮費重,做到成隻積咁,一係7仔大佬闆咁租個公司名比老闆仔,自己齋收租
而在百貨公司中,據說有人只出租貨架,自己不賣野,如同格仔舖的物體存在,例如PK其實都是格仔舖,而且連魔鬼都不捨得賣
如果不是假數,低存貨組必須是格仔舖的一種
由於租金先惠,隨意入賬,作為販賣用途的公司,此模式非常方便會計師作業,對老闆同經紀都非常吸引,因為對賣方有利,所以作為買方的我們要更為謹慎,比如春天百貨似乎比行家更為神奇

假定格仔舖是真實存在的,那麼格仔舖模式理論上會優於士多模式,因為存貨少封左蝕本門,估值上格仔舖必然會高於士多,但外觀上格仔舖同士多都是零售,市場可能統一估價,士多同格仔舖PB一樣甚至更高(如下),那麼收購格仔舖自然更明智
至於士多,則可以視作同賣衫之類相同方式估值,就是毛利率上有差別,而士多中物美貌似數字上較好,當然估值亳不吸引(接上),至於要否改買,則要小心存在假數

3378廈門港

南粵物流3399,08年時賺1.5億,但09年卻只蝕1.9億,10年又開始賺返,南粵物流主要成份是公路股,大半盈利來自收保護費,理論上盈利不會大起伏的,但南粵有一個副業--炒賣廢鐵,例如100噸爛鐵用100萬買入,兩個月內以105萬轉手就賺到5%,但是如果爛鐵在果兩個月內跌價20%,咁佢就要倒蝕15萬
現在假設3種情況,1-有100萬現金,2-冇現金,3-借100萬現金
A.回收105萬後,可以買105噸再賣過去賺更多,如回收85萬,可以買85噸或動用現金買返100噸
B.回收105萬後,可以買105噸再賣過去賺更多,如回收85萬,只可以買85噸,經營規模永久下降,要好幾年先恢復原來水平
C,回收105萬後,可以買100噸再賣,5萬還利息,如回收85萬,只可以買80噸,再下年7X噸,萬劫不復
南粵的情況是A,所以現家仲係度,而且盈利都還算不錯...唔,不對?折舊多了點,本業盈利都還算不錯...
來人呀,把這個亂入的傢伙攆出去!於是福建佬一腳伸廣東佬出去
廈門港3378,08年時賺3.8億,但09年卻只賺2億,10年又開始賺返,廈門港主要成份是港口股,大半盈利來自收保護費,理論上盈利不會大起伏的,但廈門港有一個副業--炒賣石頭,例如....咳咳
廈門港固定資產同投資長期40幾億,証明冇擴充,由08-10年,現金不變,但債務少左,錢一半派息一半還債(某方面說明收購回報不如還債吸引),2011年積壓了一些存貨,2012年開始借左5億用於收購公司,首次改變策略
主業,頭三項分別是倉庫番,投石車,三無船,12年營業額17億,11年16.7億,再之前是15.1同12.4及14.1,佢第4項係採石,第5項是倒賣雜貨,味皇認為只有水魚送上門的業務先有高毛利率,其他出出入入營業額多但賺不到大錢,如果增加投資的話,買頭3項還是有前途的,投放5億套息如套到3厘,可多賺千幾萬
業績期後,廈門港突然大量增資分公司,而它們有的是陸運公司,上年年尾組合總結時,表示睇好唯一主業有陸運的運股,結果今年就真係得果隻升,現價個4左右,講返廈門港,陸運公司供股5000萬,某碼頭供股3000萬,同新創建有關的近5億收購計劃,盈利能力多千幾二升萬應該冇問題(唔係今年)
幾年前,味皇對福建出身的廈港極有介心,幾年後,報表如有水都出足,而多年派息都正常,再者和黃同新創建都同佢合資碼頭,現時點味皇願意對其報表採取較為信任的態度
但廈門港也是有副作用的,佢賬面現金較多,以往數年佢都是遭董事挪用,投資於親朋戚友的公司,或者炒股,己成惡習,雖然不是回報,現在廈門港作出各種正式投資,卻看似主要傾向採用貸款而非現金,這種風格未必人人歡喜
估值方面,即使盈利持平,都足夠倍升,而以其投資幅度,增加一兩成盈利應不成問題,10厘股仲未得,但業務開展需要時間,初期的盈利數字可能會比暴增的折舊拖垮,等收成期也許需要雲格的耐心,整體而言廈門港估值在2蚊以下

撈

月黑風高殺人夜,味皇化身底褲蒙面俠,捕捉那些掛在窗外隨處可見的底,你確定是底褲蒙面俠而不是瘋狂假面?哼哼哼,不見味皇嘴角含著的菊花嗎,使用飛行道具才是紳士的浪漫,不要把只會體當的變態混為一談
於是乎在上星期五以0.91買入14000股廈門港,提早用埋下個月的預算
原先味皇今年的回報接近20%的,現在回到10%以下,差唔多半年人工,冤枉來瘟疫去?
下個月味皇就可以收到舖位的租,不過據說大陸ATM禁止提款,因此要拿錢也不是易事,09定10年時味皇已說過內銀有料到買唔過而一直不再沾手,難到現在開始應驗?話說內銀剛除完淨,今期應該未會縮返,,下年派息前如仲未度到水,下年咪話唔派,唔叫你回水都偷笑,收息過活用內銀在大前題就出錯,銀行唔死唔等於股東唔死,除非股東數目比存戶數目多,否則維穩時中央犧牲邊方就一目了然,收息用港銀就差不多

fm2013熱刺開檔

首先講下味皇的經營理念,味皇不買球王,魔鬼隊冇意思,不買妖人,成隊不知名冇意思,不買冇品球員,個人喜好問題,不買20M以上的人,人工高亦不買,味雲格,如果有好價,任何時候都可以是收成期,味雲格(但隊長不賣),基本不留30歲以上的人,個別人員除外,就結果而言,味皇只買二線名將,集中在大球會棄將同小球隊核心
隊中的球員分為自用同投資用,自用球員作為主力攻堅,投資用以返賣人口為目的,間中出場升值就賣,必須人工低,照顧接手的下家的購買力

RF取消左圖片上傳,上圖唯有迂迴處理,2013年熱刺的人員同2012年相比,味皇相當不滿,主要是因為克羅地亞幫解散,比如FM2012時味皇用卡蘭積卡以雙30當選英格蘭足球先生的,說回正題,味皇急需處理人工超高的三老同王子,廢左的賓利同預備隊的閒人,因個人喜好問題兩個契仔,白痴兄弟,電老鼠,卡寶亦會賣走
賣人就必須事後補回,等於賣自住轉租往往會非常悲劇,換馬有分幾種,現金套現,升級轉換,將貨就價
加拉等人是套現的,身價不重要,主要是慳人工身價賣比馬賽,,王子人工超高,為求火棒有人接,跪地喂豬乸免費推售,波爾多一半糧租,照殺,費度推比富咸,白痴兄8M高價賣比雷丁,迪福冇人要,契爺都唔收逼住用,丹比斯都係,但實力足可以用住等,柏加重傷冇人要
升級轉換部分,名字非常霸氣的契仔李佛魔,7.5M送返比佢契爺,用5M從利雲得換成強力中場艾邦拿,卡寶24M高價賣比祖記,用7M買來皇馬的艾比奧爾,蘇爺本來不特別打算賣的,但14M不能拒絕,5.5M換史雲斯實力相近的尼祖泰萊,連儂以低市價的9M售予紐卡,換成同樣低市價賓菲加的卡坦8M,以上的不但實力更強,而且人工更低,兼有錢袋,另外仲有賓利2.4M送走,4M換成因AV重傷的艾伯頓,3.6個贊師傅的價錢賣走不比贊師傅強的哈利基恩,再換回一堆贊師傅,後備龍2M買來受皇馬政治逼害的阿丹,5M租賀治比給曼城,3.5M入上海申花的文尼路,唯一一個中超可同孔卡比較的球員
另外蘇爺有3間出價,曼,廠同法甲一間,理論上賣比法甲最好,但味皇賣比曼而拒絕其他,因為味皇認為阿蘇不可能搶到艾夫華等人的主力,遲下一定會賤賣,於是決定坑魚拉突一把,結果下季果然3.3M挂牌,味皇都有競價回購,但佢去左紐卡
投資的世界上總會存在更平但更好,或者同樣但更平的東西,你找不到不代表冇,係睇有冇心去搵
將貨就價,23.5M賣白痴弟去車仔,呢一代白痴弟被過度美化,GAME入面比佢強的右後不太多,但23.5M也是好價,味皇想用佢擠掉車仔AZ的主力位置,然後把AZ低價擼來,結果冇左主力的是伊雲,味皇只能擼管,賣左白痴弟後,套現的錢足夠買強人,不過味皇5M換來西布朗的巴利鍾斯頂當,同時召回預備隊青訓名字非常霸氣的右後阿當史密夫,味皇有心練佢,雖套現不少錢,但實力相應下降(預備隊還有個名字非常霸氣的叫道瓊斯,有三件吉祥物,難怪熱刺生財有道)
投資用的部分,免簽前布力般的vukcevic,同挪威的不知名物體,其實上面的艾邦拿,艾比奧爾,阿丹,巴利鍾斯,文尼路都是投資用的
由於前鋒人手不足,改打451


開檔要求利維建新球場,佢同意,49000,坐,比現實的5萬幾坐位少,同時要佢搵衛星球會,搵左比特步邪左落英冠的伯明翰
教練團有幾個違約金獵人,炒要賠好多,可以加價50%同佢續約,但縮至1年期,續左之後即炒,例如弗洛伊德由賠2M變成只賠1M,先附出小小的捧捧糖做餌,以後推倒就輕鬆得多了
開檔第一個轉會期的情況



繼續講開季後,季初各種不順,控球都控唔好,成日唔係1:0就係打和,大約6-7場正式比賽後先步入正軌,攻防先流暢,大慨是磨合不足同語言不通,訓練度SET磨合同合作,6-7場後SET控球同進攻,聖誕節前除左主場敗於車仔同作客慘敗於阿仙奴外,一切順利,期間作客嬴曼城,巴爾攻入一球,完場後經紀出來叫加薪一倍,果斷SL,將巴爾改打左後,結果果場打平,之後都冇叫加人工
聖誕節魔鬼賽程,客場連敗於紐卡同修咸頓,主場對曼用SL大法勝出(味皇是反曼),半季聯賽12勝4平4負,得益於辛度的鐵壁防守,失球尾2,但前鋒郜林斯曼上身,入球數也是最少之一
簽約技巧,除左上面的加薪炒人外,簽合同時將所有野SET1蚊,等AA還價,得幾次到發皮四最後通諜時,價錢一般都可以還到6折
賣人時,同以往幾代唔同,賣人50%所有權會影響到銷售,所以有必要取消,另一方面,你開轉會費高,佢出的人工就低,球員可能唔肯走,例如柏加可以9M賣走,但人地人工少賣唔郁,於是改為5M賣,咁就走到
投資用球員有個BUG,你低價新簽入一個球員後,立即將其推售,往往會有人出錢租用,你租比佢,半年後召回再出售,一般都可以順利高價售出,可以在開檔半年後使用呢招,特別係一年後大量好球員比人休的時候,副作用就是大量人員進出,球隊的磨合度下降,即使主力冇變,攻防運轉都會似季初咁出問題,簽約BUG網上有,冇必要就唔好用
衛星俱樂部,除左租人同商業衛星外,一般冇用,衛星俱樂部可以增加球會的球探國家知識,簽各種國籍的職員都可以,例如味皇簽左廣東日之泉的前球員MADJO做球探,逗我果700蚊週薪,28歲仔就退休真係陰公,講返衛星俱樂部,年青球員衛星,可以令該國產生年青球員,例如南華就出到幾隻香港腳,法國出年青球員你會唔該,但第三世界的會易發覺,適合愛國人士,商業衛星可以少量增加收入,足夠比年費就係,租人衛星有用,但只限外國衛星,次級聯賽完全是雞肋,第一年青球員留隊練得仲快,第二租出寺會因為人地獸醫少而經常傷,第三有點本事的年青球員推銷下就有人租,次級聯賽衛星完全冇用,外國租人衛星需要等到第二季中時先有,問利維,佢叫你自己搞掂,選擇冇限制,但成功率有限,味皇推薦左葡超的國民隊同比利時的標準列治成功,選衛星唔係出名就好,最好選實力弱但唔怕降班的,最好都是灰人,咁租出去一定有正選,葡超同比甲冇勞工証,又係主流聯賽,比較合適,租人的目的是加球員聲望,提高賣價,或者球員兼職教練加國家知識
29歲就可以出口術叫球員做教練,似乎教練能力同球員能力掛勾,但只限出口術
練新位置時,練到一半租出去,新位置可以快速練成
一開始最好同辛度續約,加薪至5-6萬,去到這水平似乎不會再主動喊加薪,否則半季後叫你加到8萬就肉赤,雖則佢值,唔好比巴爾加薪,佢一叫加就SL,否則會引發加薪潮,其他人叫加薪:"我不會周圍同人講,我人工是不是太低呢?",味皇:"我什麼都聽不見,你說了什麼?","噢,我沒有說什麼",大慨咁上下忽悠下佢,可以拖到一兩個月,到時再賣人,BUG簽約?
非賣品請SET零身價,否則人地一旦出價買時,AA就會乘機扭計加薪,如SET零身價,人地出價為0冇誠意,球員就唔扭計,比如曼城出價哥爾卡同皇馬出價辛度不下十次都一樣冇問題

下半季7M買左老熟人比基拿,相當好用,似乎是因為佢靈活同判斷高,攻防轉換相當快速,禾夫溫基出口術勾引下8M拿下,同蒙尼路同類型,非常適合打防守型前鋒,布洛治平到冇人有又買,維利拿同拜仁雷斯同球會閙翻,身價買來
丹比斯9M出售,柏加同迪福主動減價就人地預算,艾比奧爾雙倍比祖記,挪威那傢伙換了5M,由於人手過多,租左艾伯頓比城篤史,全年+52M,於此時球隊基本完成重組


經過一季努力,人工由116萬降至84萬,實力用潛力都有所提高
下半季13勝3平兩負,敗於車仔同曼,由於有主力重傷數月,SL左兩次,全季入66失33,入球排第3,失球尾3,隊中神射手是得8球的赫度士東....戰術比紐卡,史篤城,雙曼同車仔克制,仲比車仔雙殺,最後3分之差壓過曼奪冠

第二季同樣理念,交易如下:
10M出巴利鍾斯,13.5M強拍戈查,實力同之前的獲加差不多,即是無損套現23.5-5+10-13.5=15M
比基拿高價比利物浦,用返大蛆同賀比治,反而冇咁好用,丹比利有水魚出31M,不能拒絕
阿丹7M比富咸,免費拿下雲昇
禾夫溫基同蒙尼路高價出售,換戰術用老鼠型前鋒,出拜仁雷斯,維利拿同賀比治練前鋒
王子有人要唔駛我貼錢,謝天謝地
至於本隊的青訓球員,亞當史密夫此時已獨當一面,表現非常逆天,卡奴爾跟赫度士東學完師表現都相當唔錯,青年隊的六耳獼猴跟大聖爺練左成年邊後衛,開始可以稍為用下


16M賣走表現一般的拜仁雷斯,25.5賣出神級表現的加坦,8M換乒實力相近的阿斯柏斯
21M賣出艾邦拿,相當艱難才找到同水平的人換,12M高價換成馬拉鷄的甘馬曹,高賣高買
免簽本田,由於人手太多,艾伯頓又係時候遊歷了

換馬

以12.32沽出早兩日入的新創建,蝕手續費,0.95換同同金額的廈門港,因為相對前者跌幅更高
氹仔果層一房經屋,以前可能是香港樓的1/3價錢,現在已經變為香港樓的1.5倍,有見及此,味皇打算下年賣出間一房經屋,清左按揭佢,剩低D唔加錢一筆過換成屯門兩房居屋,都係收咁多租

欲練神功

欲練神功,OOXX
重練3人組神功大成後,一個可打十個,在外表現出來的造型同手法其本差不多,今次味皇關注在內沒有顯見的細節
東方不敗屬於感性的人,劣根去除後,想必會感慨一番,然後裱起佢,高掛於庭以作紀念
岳不群屬於理智型又小氣的人,礙事物切除後,定必掘地三尺,就地掩埋,然後立碑"此地無LUN三百兩",然後看到LUN字又刺激到佢,於是改立"此地無向左走向右走三百兩",LUN字列為派內禁語,埋物地列為禁地
林平之為人孝順,中刀後仰天長嘯"父精母血,不可棄也!",便把OX塞進嘴巴吞嚥下去
雖然3人組看來差不多,但想的事可大不相同
基本上不同人做同一樣事而得出同樣結果,但背後理念往往是不同的,跟一次結果可以相同,跟兩次都有機會相同,跟三次就未必同了,而且有冇可能次次跟得足?而有相同理念的人去做不同的事,得到相似結果的可能性也許較高,其他部分像是割皮包,要吞的人還是會吞下去
買收息股又好,科網股又好,BUY&HOLD又好,炒賣又好,起碼知道理由先,唔好人做你又做

波叔會爆炸

076第一天然 769中國稀土 1149博智藥業 1889武夷藥業 1175福記食品 904中國綠色 682超大現代 3335ＤＢＡ電訊 556泛亞環保 889連達科技
見到這樣一個小小的列表,大家會有何反應呢,其實這列表早在2009年頭味皇已經列左出來,但冇人在意,因為那些公司當時還健在,事過境遷,我想現在舊事重提應該會受返少少重視
舊文
http://blog.yahoo.com/_7MEOO5K243HYUTFOVISBFVO23Q/articles/323424/category/%E6%A0%B8%E6%95%B8%E5%B8%AB%E7%A0%94%E7%A9%B6
http://realblog.zkiz.com/lgaim/9320想當年的陳葉馮,現在已經改名國富浩華,至於其老闆,是波叔劏房波
味皇進行的三個研究,律師研究的原理是如果老闆的愛好是向澳門交稅,咁佢為左其愛好,首先會不務正業,而且會有很大的動機淘空公司去交稅,保薦人同核數師的原理是,如果使同功能組別的的保薦人同核數師,就一定會用到其功能
不管你信不信,反正好多人就不信了

補貨

之前無股可買的囧境,在股市下跌的情況下得以解除,12.24買回2000股新創建,買果時仲紏結買克絲,文軒,永利定佢,最後買左跌最多的,資金主要來源是電腦網同富豪的股息,如加埋龍翔的息基本上不用揼本,未有需要食息的時候不斷的增加股數是收息過活的必要前提
公屋阿婆可以趕的都趕的七七八八,領匯開始變成低增長股,同置富比已無優勢,越秀真正息率偏低且一段時期不會有增長,乙級孖寶息差優勢不大,朗豪孖寶等佢盈警完先,暫時仲有利用價值的只有置富,兩年半內的富豪同匯賢,不過實際上其他股大跌的情況下,買其他收息股也許更好
中信供股價2.02,現在供股後先2.0幾2.1幾,其實抵到爛,只是契約限制下現在收息不多,要變10厘股起碼等佢還左貸款先可以
文軒盈利會下跌,因為有特殊收益,但派息可以維持,至於發行A股,照計是對公司有利的,但其於管理層較低的投資水平,集到資也冇本事增加太多盈利,發新股後每股派息相信會大幅下降
跌幅較大的仲有中銀香港,金利來,神威之類的,特別係中銀香港,是優於一半REITS的選擇
味皇換左手機(其實係淘寶2手貨),非常極之冷門,肯定唔會同人撞機,RF度有人講買乜機好又可以見人,買D偏門到冇人識又唔係大陸牌子咪唔怕比人笑攞,例如Alcatel同黑莓之類的,實情味皇買左毛記的美版機
樓B油油,工程進行中,放工自己一個人油--駱駝漆,油到1997--真係有排油,話說駱駝漆的價錢係紫荊漆的一半

收樓

樓C收樓,一如4月時所料,原業主果然使出焦土政策,拆左熱水器,揼爛左房門鎖,整壞油煙機同抽氣扇,連一粒燈都拆走冇剩,最作死佢真係拆左花籠,七傷拳為左損人佢仲自己比錢拆,果然係人間極品,由於事前有所預料,因此味皇沒有發作,不過暴怒的味老母知道後立即前往全程監督前業主搬屋過程,因為味皇同佢講前業主有較大的可能會扑馬桶,最後馬桶在老母眼皮下得以保全,佢交左鎖匙後,原來仲有鎖匙,味皇走後仲上到黎搬野同破壞,油煙機同抽氣扇就係果陣壞的,總體而言,房屋的損毀狀況未到最差預期,可以接受
其實佢硬膠,如果是味皇就事後報警拆花籠,駛鬼自己出錢,果然小學雞卑鄙度不足
講返股市,最近收息股大跌,D人"忽然收息"咁爽拿?話說收息股買親都一定會大手,所以"忽然收息"可能會比買老千股更加重創,大部分人在貪息的時候手損的話,自然會極端批評買股收息是邪道,我想不少聲稱買股收息的人都會有不快經歷,但是像3厘不足的領匯算是收什麼息?如果不是因為價升的話恐怕不會有人去"收息",正式是收息的話,起碼應該比較一下定期,IBOUNS之類同股的優劣,就像今次,就是因為有人將股同債(IBOUNS)進行比較而成的,很多收息股在安全性同利率都不及呢批官債,有人要買債就要先賣股套錢,仲要超額認購佔用資金就更多,如果IBOUNS是每年一度的話,類似事件就會每年一次,今期熱錢的題材係收息所以影響收息股,上年題材係第樣就影響第二類之類,反正熱潮一過又打回原型