新年快樂

新年都就完，同大家拜過晚年，祝大家悶聲發小財
賭場靜左頭兩日，初3之後開始又變返街市，旺丁是否等同旺財呢？數量以外，質也很重要，兩隻丁蟹加埋也未必及肥蛆之重量也
為提高組合質量，味皇在4.09-4.17之間沽清越秀，現家升到4.3，味皇一貫地燈燈地，首於重大的技術問題，無法順利地大手買入匯賢，因此施行plan b在3.23買入10萬股開元，剩下的每日兩萬一萬咁轉入人民幣戶口黎買，現時只買到區區5000股，似乎無法在27日出業績前收夠貨，到時餘額買應該會買春泉
在大陸抽左香港水幾百億成千億的情況下，reit似乎過度堅挺？那也是知名度高的那些才堅挺，當中存在高水低水
如果加息會調整？龜兔賽跑，看過故事的人成日凝注龜會超越兔子，但實際上係兔子如果不長時間停下來龜是追不上來的
部分reit出左業績，打算出多幾份先一次過講

安踏業績

大約各項數據都升3成，銷量升3成是不可能的，售價升1成半，銷量升1成就得，更主要是行政成本差不多不變，人手沒有增加代表好賣爭住買，產品量價齊升是重大利好，通常可以持續一排
銷售支出多4成，舖位數量不變，照計加租冇加咁多，估計廣告費去左
租金按金1.6億，比上年多9％，租舖要比幾多個月按金我唔清楚，假設2個月-半年按金，租金介於9.6-3.2億之間
存貨升25％至8.7億，升幅合理，存貨約營業額1/10，5個星期清一次貨
62億現金但欠13億債，淨現金49億，但問題是今年借多左9億，行為並不合理，味皇不是第一次質疑該行業現金的真確性，49億現金大半活期兼有借錢，收2.2億利息，利率4.5％，這不是銀行能給的利率，因此安踏的現金推測是存放在“金融機構”中的，存貸8.7億，因此安踏必須保有相約數量的現金先得，由於多借9億，因此安踏的營運資金都是借的，其餘都用盡作其他用途
表面上是存在銀行的，但可以通過一些手法套息，例如結算日子是12月31同6月30，佢先將錢過比子公司，12月30存錢入相熟銀行，結完數1月2號提出，6月29日存入銀行，7月1日提出，其餘時間借比“金融機構”放貴利，子公司收到小筆利息交差說成銀行利息，其餘大半利息直接比老闆，由於中間隔左一層子公司，所以冇咁易查，嘛，反正他們並不孤單
呢部分是完全沒有根據，只是隨意假設的，盈利的真確性味皇倒不會懷疑，盈利17億要調集8.7億的現金並不是難事，因此還是有基本的安全性的
每股3.9的資產淨值中有2是現金，剔除後資產淨值1.9，pb8.4相當娼狂
數學的問題，同樣是25，100+25是上升25％，125+25是上升20％，如安踏維持同樣級別的量價齊升，成長率依然會及不上今年，一來佢唔增開分店又唔出口，店舖周圍的人口不會平白增多，成長只能來自產品自身的售價及同店銷量提升，特別是前者，二來唔會收購，現金有好用途駛乜去收購
現時pe19，如果下年成長率20％有pe20，到時每股盈利1.02，股價也就是20.4，不見得比現在的16高幾多
ps*味皇持有匹克

1883業績

業績出左，盈利有點成長，派息全年11.3仙同新意網基本持平，都話一股ctm價值大過一股新意網啦，都唔知之前跌乜畢，呢次換馬略有小賺
”ctm有兩個缺點，1是最近公安做野，冇曬賭客，於是電話粥式的遙控投注全部收皮，今年長途話費可能會出現重大跌幅，2是上次都講過的4g，如果澳門有其他公司出到4g無限plan，ctm的固網就真係會玩撚猿
至於優點，1是最近公安做野，封死大陸翻牆的手段，而唯一能被官方承認的代理伺服，必然會出自紅底“外資”的ctm，佔中後大陸唔會益香港，條水比冇左賭客的澳門，兼扮支持橫琴，政治上相對正確，2是ctm開展server服務，中信說我1歲時就看新聞聯播，3歲跳廣播操，8歲入少先隊，根正苗紅，又一國兩制，你唔用就冇得比你用，萍果都會變軟，做server有得做，3是ctm認左做私生子後，海關都是浮雲，打電話上網可以港澳大陸3地都打到，磅水就得，比起受地界所限只有兩地能用的其他公司多左一個競爭優勢
4g的陰影也不是無法抵抗的，只要想方設法拖延4g推出，退一步拖延4g無限plan推出，再退一步4g出左後放出強烈干擾電波，阻得就阻，然後在爭取到的時間內強推入屋光纖，電話線上網抵抗不了4g無限plan，但光纖可以”，早兩日業績前大致咁評過，基本冇乜大補充以為佢idd會因為少左賭場進行的非法活動而唔見好多，加埋微信果d夾佢，現家只下跌10％算少了，下年還會跌，應該冇今年跌咁多，現時營業額14.5億，就算再少一成也只是1億幾，比今年的2.2億少，因為基數細左，影响漸細
固網電話月費收入4億，仲會下降，但降到現家咁應該會降慢d，要取消電話的晨早就取消，唔取消的估計都唔會去取消了
4g有d機會會在今年出牌照，而在澳門開展4g是不需要任何設備成本的，因為澳門一早就有訊號，只是大陸屏閉而已，出左牌後任何公司只需交租比大陸電訊商，就可以使用珠海的4g信號，這比起私伙野平得多又冇折舊，當然這是像裸跑一樣亳無私隱可言，不過做得澳門人就冇得講呢d了（就算出錢起私伙發射塔，咪又係長城之內），所以說在4g上ctm並沒有特別的競爭優勢，中移並唔會因為大家都紅底就收平d，ctm有的優勢只有44％的佔有率兼澳門唔可以帶號碼轉台
今年營業額特多係因為出ip6，今年就冇了
有讀者擔心新固網公司搶ctm生意，這是完全不需要擔心的，1：固網電話重要的是個號碼而唔係差果少少收費，2：ctm上網好很貴，但新公司亦唔見得平，例如50m平ctm減左價到285，貴新公司27蚊，2年慳648蚊，而用新公司要即比1080安裝費，現時83％的家庭用緊ctm電話線上網，升級到50m唔駛安裝費，邊個轉公司就是屎忽痕，係剩低果17％未上網的人先有機會用新公司，不過新公司舖位都冇間唔上網點搵？
服務器業務非常看好，奇貨可居，同樣的定位，ctm可以碾壓新意網－只要是大陸客的話，好似google果d唔服軟的先會用新意網，正常屈服於邪眼淫威的公司會優先採用ctm的服務器，因為ctm同時也是長城城門正式的管理人，在城門在兵大哥監視下交點過路錢就可以正常出入，而穿牆偷渡的則會被官府打壓，用ctm最多被查水表，唔用ctm水表都沒收你，況且官司之後新意網的政治成份變得唔良好，ctm閉門造車，新意網食閉門羮，當然洋腸的味道ctm是不懂的，雖然騰訊同巴巴都可以做，但ctm是官方的，冇人可以同官府作對
同樣地，雲服務的開展也是必須在邪眼的視線之內，香港做唔到的澳門反而可以做到，大陸乜都貴，就係人最唔值錢，人力上ctm可以半外判咁做，而且冇人願意把資料放心比細公司，因此ctm暫時又是唯一的選擇，簡而言之，大陸呢塊餅有毒，會爆炸，係特定嘅人先可以食
此消比長之下，今年上半年的業績可能因為ip6熱潮過左而圍唔到皮冇乜成長，而半年後服務器應該開始叫糊抵消其他的衰退，4g的影响初時唔會有乜問題影响，年尾先再睇過
ctm雖然負資產，但利息支出不算重，重要的是收入比較穩定而且沒有大支出，4g相信是沒有重大的資本支出的，而服務器投資的錢又穩賺，派息可以加
每股賺22仙，pe15為3.3，派息11.3仙，4厘為2.8，平均3.05，我想1股ctm的價值相當於1.15股新意網

人民幣股續

已經買到極少量人民幣股，發現存在大量技術問題，特此公告
以永亨為例，同一時間取樣，買入1.246賣出1.23，差價1.3％，另一時間樣本買入1.245賣出1.229，差價1.3％，即是來回一次換馬損失1.3％匯價
買人民股佣金用人民幣計，即是最低佣金比正常貴25％
雖然兌換人民幣兩萬的官方限制取消左，但政令不出中南海，在銀行不存在這回事，永亨依然有2萬的限制，建行仲得1萬添，提款每日亦不能提2萬以上
人民幣現金存款超過幾多幾多就要收手續費，建行超過1萬的部分要收0.25％，永亨就2萬以上，收0.2％
賣出港股存在t+2，兩日後戶口才有錢，唔可以2日兩內用港幣結餘買人民幣股，2日後手動將港幣轉成人民幣先得，一買一賣換馬一來回需時4日
實例，有50萬越秀，沽出到有錢需2日，得50萬港幣即40萬人仔，每日換兩萬需時20日，全換買成共需22日，上年越秀3/13出業績，而匯賢2/24出業績，只有17日時差，因此用50萬套時間差不可能成立
同時每日2萬人仔可買5000-6000股匯賢，每次永亨最少收費85蚊人仔的佣金，買入20次為1700蚊，比一次過買40萬貴1000蚊人仔，亦比買入20次港幣股貴420港幣，港幣＞人仔＞港幣一次需時44日及去最多40次銀行
因此人民幣計價股咁耐都係得一隻咁多
解決方法1：唔好再諗人民幣股
解決方法2：去齊全澳所有兌換店，換幾公斤一百蚊毛紙，比手續費銀行再存入去
解決方法3：開齊10間銀行的戶口，每間買2萬，2日就ok，提款亦能2日提曬


ps：原來你換同存係分開的，以建行為例，帶1萬人仔存，加港紙兌1萬，1日就做到2萬，永亨最多4萬

人民幣股

早排除淨後8.71賣左10000股778，0.84換入10萬股多d嘅888，想換多d但一時又冇咁多貨就算
跟住特登去開個人仔戶口，準備專用黎買某隻大陸野，手上的越秀reit升左些少，而其他同lv的就反而冇升仲要跌，大陸野換返大陸野唔會有額外的風險的原因，所以打算換馬，由於佢2月出業績而405係3月先出，無論以炒業績的時間差或者係普通換馬，似乎都制得過
開左戶原來仲話要等3日先可以用黎買股票，永亨廢到冇人有，另外買人仔結算的股票，原來有t+2限制，係係我賣左隻港幣股，唔可以即時買入人仔股，要2日後收左錢再轉入人仔戶口度先可以買，反過來也一樣，即係唔可以同步換馬而出現空窗期的風險，亦唔知到時有冇足夠的交易量，相當唔人性化，咁唯有準備定plan b，如果到時換唔成，就換做同樣計港幣的前餐飲reit
廣州東塔2016年就建成，同時老母的補貼到時也會用曬，下年中係405最後食用的期限，早一點開包也ok，本來味皇也不打算持有呢隻到下年，反正別人招租也不會等起好曬先黎招，供應量一出就加唔到租了，今年應該仲可以增派十幾％，之後就

整合

由於電腦網的水位不比低克絲低，因此0.5-0.53沽清克絲，2.85換成電腦網
電腦網今年應該冇乜增長，外幣貶值大陸車廠賣唔出，正常都買進口車啦，因此未必有閒錢打廣告，再加上個人電腦早就式微冇人再裝機，不過收息都仲可以既
另外出左糧同用租客的按金2.13增持盈警的新百貨6000股，0.84買48000股路通訊
由於唐宮上升至1.45pb，而味精拉面又跌到1.45pb，因此尋日想到轉換，不過唐宮業績向上而味精向下所以考慮出業績後再換，不過今日味精拉面就發飊了....希望還有下次機會
上星期打算趁778貴，沽左換888同1883的，排隊隊唔入，現家778又打回原形，應該都冇乜機會再比我換了
由年頭到現家，估計在換馬上增加了每月1000以上的股息收益

7up

我說的不是美斯或者汽水，而是指某西人賭場近期推出的新game，叫7喜百家樂的物體
係咁的，呢個物體同百家樂基本一樣，但閒固定會有一隻7仔打底，閒7點贏到只賠一半，庄7點贏到賠180％，冇左對子，但有得買7啤，加埋打底果隻7庄閒兩邊有2條7就2倍，出3隻5倍，出4隻17倍，出5隻70倍，6隻牌全部7就700倍，點解咁執著隻7，叫7up唔叫9up？因為老闆係鬼佬而唔係中國人，所以鐘意嘅係7而唔係8（賭客應該感恩戴德係7而唔係8）
由於職業道德的關係，味皇也不會明目張膽的爆陰毒，走去推算個game的毛利率這樣正義的事怎會去做，唔？我已經計了？那麼味皇不公開計就是了
澳門點解賭場多過米舖？因為賭場好搵過米舖
點解賭場好搵過米舖？因為毛利率多過米舖
雖然招牌大大隻寫住“娛樂場”，但味皇做左咁多年倒是沒有看見有幾個人開心進來“娛樂”完又開心走番出去的
如果賭客人人贏錢，本質上就是要賭場的毛利率為負數，到時澳門就米舖多過賭場了
唔識計數唔緊要，有常識就得了，要人積極做一件事，無非是有利可圖或自我滿足兩種原因，賭場唔係善堂總不會走自我滿足路線，所以好易就明白開賭場是有利可圖過賣米，等於大行出報告比你地睇仲叫財演放埋比你睇，真係為左做善事咩
那麼推出新game同樣也是這種原因，摺舊game出新game必然具有新比舊更好賺的前提，想當年賭場推出“免佣百家樂”時，味皇第一日做就知佢會取代“有佣百家樂”，因為那個“免佣”毛利率比”有佣“多最少1/6，秘密在那裡？你可以想下為甚麼是6點抽一半而不是5點抽一半
同樣今次個7up毛利率就係要比免佣仲高，賭場先會積極推動仲要24小時長開，嘛，作為抵抗打貪的負面影响，這樣創意的手段味皇倒是頗為欣賞，用百家樂個名包裝一下，就可以氹到大班沒有學識又沒有常識的人上釣，為澳門創造稅收，增加股票的盈利，可喜可賀
招牌大大隻寫住“愚樂場”，得未
“人冇夢想同條鹹魚有乜分別？”，好吧，味皇自已沒有夢想就不去破壞別人的夢想了，澳門是夢想之城
回到個game的毛利率上如果你想估算下，你計一般的百家樂都得，最多比你兩個貼士：1：0-9總共有10個數字，2：a-k總共有13隻牌，都是很常識的東西，並不需要小學以上的學歷