無所是事

已經成為廢人的味皇最近間中會去行山,最近已上過板樟山了,之前返工果陣係想像唔到嘅事,有機會的話想行下麥理浩徑

在匯賢出左換股價3.36第二日,以3.48賣出7000股,而味皇持有的匯賢以股代息的話可以換到6900股左右,如果下跌到3.33以下味皇又會重新入返,如此類推

大陸鋪位重新續左租,租金為之前的57%左右,淨租金約為130蚊/平方米(2樓),咁稅前估計在170蚊左右,同揚名廣場/富華里/華發新城的一樓400蚊相比應該低一半,但又高過甲級寫字樓的100蚊,圍起黎珠海只係比成都低級D

已經收到公積金,唔同香港,冇對沖到,10年份量為13萬,現家味皇有30萬左右的閒置現金,因此有計劃增持惠記,CTM,新創建之類的,但味皇9月20號會一支公去台灣旅行,有動力的話會順便睇果邊D樓同地皮之類,所以閒錢就HOLD住先,另外日本樓果邊都有諗過玩唔玩木屋呢咁

收息方面,新一期的業績呢,可以咁形容--千揀萬揀揀著個爛燈盞,是咁的,奧普呢期私有化唔派息唔講,開元,春泉,太平洋,貿易通等幾隻主力都減左D派息,燈神附體,明確地說,4隻都出乎之前的予測結果,事實證明,味皇信唔過,英國都可以脫歐攬炒,咁杜林普都有機會當選炒多鑊,味皇又比利口予測,希拉利當選當冇事發生,萬一杜林普當選,港元兌日圓台幣之類的會貶值一排,所以現在有50%機會是外遊的適當日子

奧普可能係最後一次開股東大會,作為初代小股東,因此味皇打算出席

*8/31加息疑雲下以3.3買回13000股匯賢

CTM業績

CTM本身營業額貌似倒退咁主要係賣手機少左,第一點是冇乜新機出,第二點是4G制式不同3G,3間電訊公司買的機都通用的情況多左而唔駛一家要係CTM同和記度買,賣電話賺錢本身就冇乜穩定性,遲下出IP7或者出D更易跌爆MON的機或者可以改善,當然如果澳門有得捉寵,咁就可以大幅增加爆MON數

核心業務暴利的固網上網加價3.1%同多人用左1.2%,而業務整體增長9%,即係SERVER提供剩低果4-5%增多,而SERVER是由上年先由0開始的,即係呢部分狂飆緊,以4.4億的營業額計,SERVER增加左2000萬營業額左右

IDD由於賭場冇左曡碼打的電話投注,賭場又炒咁D賓仔賓妹同尼泊爾,IDD營業額自然會少左,呢個扭轉唔到

政府同增加左的新賭場,都係用CTM,因此商用網絡循例增長,由於今年永利同金沙都有新場,因此增長會維持

財政改善左,雖然盈利同上年差不多,但欠債少了

用1億幾收購歐洲的電訊公司,只賣1億幾的公司肯定只是賣電話的賺不了多少錢,即係好似數碼通果種,CTM收購目的是:1.推出歐盟漫遊服務,2.賣國產手機去歐盟

8.5億收購一棟樓,其中一半3蚊發新股支付,3蚊的話即係PB1.5或4厘息,都唔會點攤薄,如果慳租蝕息的話,當蝕1厘也不過是850萬,收購的目的是為左起SERVER,位於在香港,簡單的講,就是監控中心,同8008不同,佢是100%紅色的,睇怕唔駛搵生意,而是生意自己上門,例如國產手機的用戶資料之類的

SOHO業績

SOHO派0.19,份業績就係咁多野

分析SOHO的人應該好多,可能重覆內容味皇就不提了,舊文http://realblog.zkiz.com/lgaim/158481,今次同樣味皇主要推理下SOHO的行為同動機

一如所料,SOHO採用還錢的穩便方式取得5.75-7.125%的回報率,資金來源來自以3-4厘的價錢賣樓,正面講係精明,負面講咁代表佢沒有5.75%以上回報率的大型投資方式,由於現在利率己拉到4.4厘,賣樓還債套取的利差不多,因此還債的動機冇上年咁強

但SOHO要賣樓,今次想再賣3棟

是咁的,SOHO其實係扮賣樓,因為佢現家搞緊劏房,味皇可以好明確話你知,想過做劏房的人,會咁思考:賣左層樓出去,但立即租返佢十幾廿年,再劏細佢分租出去(合法情況下),至少大陸做二房東唔算犯法

老潘之前講明做劏房唔一定要用自己物業,因此可以水魚價賣比復星,再問復星租黎做劏房,現家租金基數大可能唔覺,其實SOHO係值錢在做管理公司果度,雖然樓賣比人,但收管理費都係佢,,自己樓就蝕看更費啫,但人地樓就會收管理費,不過唔知管理公司係唔係上市公司包埋啫

賣得出的話每股收回兩蚊,唔肯定佢會還債的派息,但無論賣唔賣,今期的派息不代表下期,以其核心收入計,唔賣樓下期仲派到近10億股息而又不超出現金流,是比較低的概率,30%掛?但味皇認為佢唔係立亂定0.19呢個派息,佢可能會認為下半年這0.19在能力範圍內

如賣樓後又派肥美的特別息,無論是你我還是劏房潘,應該都會留意到REIT比現樓好租的情況

賣樓的不講,由於佢有新樓同劏房還在招租,因此下期租金依然會大升,而離下一批新樓起好有個空窗期,自有資產產生的租金好快到上限,但別人資產劏出黎的租金就冇限制,有人租的話

預料SOHO會向極端輕資產轉型,然後比阿爺係邊日修改租務法玩死

關於組合中的晨鳴

味皇BLOG初期應該係幾勵志的,IT狗通過努力擺脫被奴役的命運,華麗的轉變為大魔法師再歸隱江湖,不過呢,魔法師退隱後變返普通的死毒撚,似乎就不具教育意義,正如大丈夫英明神武,七尺卧床,貴婦人沉魚落雁,如花似肉,搞本土但原來係大陸人一樣咁反高潮,大抵都係地球人一個,對佢地有期特只因為佢地係陌生人,大家既然知道味皇的尿性後就不要過度大C化味皇了

味皇成副身家組合,暫時的回報率都係6%多D,唔係乜大條野,組合成員應該相當穩定,因為離叫糊的期限仲相當遠下,而當中可以係最近1年叫糊的,應該係晨鳴,因為今年紙價升左唔少

其他紙業股黎講,紙價上升,你聞同狗屎同價咁滯(非常適合作為証劵分析的比較題材),咁借貸比率高的狗屎更值得食,而且狗屎淨值更高,而零售向的dark vader廁紙就或者因為來貨價上升而受損

講返晨鳴,可能講緊每股盈利有1.1以上,派息亦相當肥美,加上可能在A股集資,淨值應該會增加較多,因此再倍升的機會唔算低,但係這是由於紙價上升引起的,並不是銷量增加多少,在價值投資上來講,紙價變動是不確定因素,而銷量是確定因素,持有靠確定因素賺錢的股,比起靠不確定因素賺錢的股更能稱為價值投資,當然這只是風險管理的取向而已,價值投機的話,賺的機會大就沒有必要浪費

(如果紙價上升而股價冇升而買入,咁紙價是確定因素,如果買入後等紙價上升,紙價就係不確定因素,用黎駁人的語言偽術一種)

味皇預算是因應業績後的價錢,將晨鳴換成第一太平或美蘭機場