電池比較

是咁的,味皇上次去廣島旅行果時,係秋芳洞井倉洞呢D暗屬性地域進行探洞時不幸地製造唔到閃卡,雖然味皇係魔法師,區區放個光明球自然不在話下,但問題是身為地球人的味皇MP上限是0.....於是最近係萬惡的淘寶神度召喚左單眼二手神獸,獻祭用左15個毛爺爺

呢款,不過味皇唔係呢部3倍紅有角,而係白色惡魔

味皇貪佢容易餵飼唔揀食,能夠現地調達食物的品種現家好少有,戰鬥力都叫有D,同渣古是唔同的,同渣古比

問題就係呢度了,飼料的問題,出於測試求其用左呢款木屬性飼料(碳),新苗賣葡幣4.5

結果好快打柴,於是味皇認識到佢提供的HP非常有限,4個半似乎浪費左,於是味皇試下調查下各飼料的補HP值

基本上內容係呢度搬磚http://www.pcpop.com/doc/0/522/522522_all.shtml#p7

係超級市場入面有兩種補血藥冇寫回血量,分別是木屬性(碳性)同金屬性(碱性)兩種,主要牌子有金霸王,勁量,GP,南孚,樂聲之類的,而作為對比,我們隨身帶住的菠蘿內含的回血量2000左右,而傳說中的古代神兵NOKIA3310內含的回血量則有800

霸王奀版1617,價錢近4蚊粒

霸王壕版1615,得個貴字

南孚碱性1513,南孚比金霸王收購左其實就等於金霸王,價錢近3蚊粒

渾身是勁1658,勁都長在臉上了,價錢近4蚊粒

GP1622,價錢近3蚊粒,香港上市,號碼40

樂聲1525,價錢近3蚊粒

下面係碳性

東芝111,原來碳性係得咁多咋

GP146

黃樂聲156,藍樂聲同黑樂聲冇資料,藍色1個2毫半,黑色2個2毫半

大致得出的結論就係,碱性回復量為碳性的10倍,而碱性無論邊一種,回復量都差唔多,揀最平的就好,所以GP佔優

碳性回復量細,基本上係少眾用途,品質可能差距較大,但體積不變的情況下點改良頂多都係去到200幾,而大牌子垃圾極都過100,所以差價達1倍的話買兩粒好過單春(咁不如直接上碱性),超市度藍樂聲同GP都係4.5,黑樂聲8蚊,所以前者較好,而碳性好多會漏水,而樂聲的未曾聽過出水,所以同價的藍樂聲似乎較好

好似呢個就成日出水鳥(來自以前玩4驅撞牆車同反太陽能電筒的經驗)

碳性約1蚊粒,碱性3蚊粒,性價比碱性為碳性約4倍

不過講環保的話現充最好(現充爆炸吧),一般都有1800-2600,下圖係三洋愛老婆,回血量2100,不過充電池電壓係1.2V,大致廿蚊粒

*PS:關於菠蘿會爆炸,雖然報紙冇解釋過冇人思考過原因,統統話係使用不當山寨之類的,但只要肯加D常識思考下就會發覺,基本上所有爆炸的機種都係冇得換電池式的,當鋰電池長時間使用就會出現發漲現象,內部壓力自然會提高,有得換電池式的菠蘿蓋會比電池逼到變形,電池內壓會相對低D,而冇得換電池式的個菠蘿蓋壓到實一實,電池內壓高溫度高自然會爆炸,同邊樹生產冇乜關係,而係設計BUG

建業(216),漢國(160)及建聯(385)

建聯(385)

                    10      11      12      13      14

固定資產      3.9     4.4     5.5     6.5     7.2

投資                0     0.4     0.5     0.5     0.5

淨現金             0      -1    -0.5       0      1.5

-----------------------------------------------------

資產增加         -       -0.1    1.7     1.5    2.2      

現金流          0.5       0      1.3     1.3     2.6

由上面的記錄來看,建聯的現金流比較真實,而收到的錢在2014年前都是增加規模,而在2014年開始就留現金,隨財政改善極大機會增派息,2014年欠債2.4億,即用多1年就能還清

營業額          20       22      29      32     38

盈利             0.2      0.2     0.5       1     1.4 

折舊             0.3      0.3     0.4     0.4    0.5  

------------------------------------------------------

盈+折           0.5      0.5     0.9      1.4    1.9

資產增加       -       -0.1      1.7      1.5    2.2      

(調整)            -        0.5      1.1      1.5    2.2

雖然建聯盈利表面較低,但固家資產等都無視折舊的增加,因此建聯的折舊判定為無效,其固家資產是耐用品而非消耗品

2014年其每股盈利0.24,但還有0.2的隱藏盈利,合計0.44,派息只有0.04,公司留起左0.4,隱藏盈利以後還會隱藏,但2016年建聯有機會還清債務,到時每股盈利的0.24就變成自由現金流,派多D的動機很高

每股盈利0.24PE12為2.9,市值17億,估計將來派0.09-0.12

以上是永隆提供的30秒大法用數據

現在睇最新業績,2015年上半年再次增長,固定資產增0.3億,現金增1.6億,合計1.9億,半年咋,因此現時點的建聯隨時值4蚊以上,另外有機會分拆子公司上市

而這樣的建聯,29.1%的股權由建業持有,按17-24億市值計算,建業持有份額5-7億,分得股息

漢國(160)

                    11      12      13      14      15

固定資產        48     53       61     74     110

投資                0       0         4       4        4

----------------------------------------------------------------

資產增加         -      15        12      9      32 

集資                0       0         0       6       0

淨現金           -13    -19       -30   -32     -45

現金減少         -        6        11      8      12

--------------------------------------------------------------

現金流推算      -       9          1      -1     20

利息支出        0.6    0.7        1     1.5    1.8

營業額           1.5      9       2.4     3.8    3.6

好遺憾漢國係地產公司,經營現金流唔同計法入現金流表表,咁唯有自己計,初步推算漢國每年賺7億冇乜問題,而佢2014年有大型項目,可能增加到現金流,以10%回報計算固定資產可賺11億,講係咁講,漢國營業額並不高,說明其固定資產大而無當,要麼估值高估,要麼租金低效,實際情況似乎係地皮估比過大,以這水準來說,利息支出姑且叫夠比,但完全冇還的傾向

2013年供股,供股價2.7,由於母公司有份供,因此可視為母公司增持

派息              0.6     0.6     0.6      0.6    0.9

漢國派息奀,由於一直加大投資,動機上完全沒有理由增派息,貌似加派左少少,其實係股數多左,派多左比老母,如無意外下年都係維持派0.125

之後又到年報時間,漢國賣樓錢多數會用返落公司唔會益我地,只有收租部分還利息剩下的先會用黎派息,而下年係深圳有棟75層高的寫字樓建成作收租用,以每平方租300計租到4.6億,當實用率一半多D都租到近3億,今期開始重慶有棟41層高的寫字樓有租收,租8000萬應該得,即現租金2億翻兩倍,咁2016年開始就有錢還了

賣樓部分唔理剩計6億租金,當淨收一半,為每股0.42,到時或者肯派0.15-0.18,以12PE計為5蚊,市值36億,漢國的資產淨值有77億或每股10.7,不過現時養住成40億地皮然並卵

而這樣的漢國,68.1%的股權由建業持有,按36億市值計算,建業持有份額24.5億

建業(216)

建業持有上面兩公司值30億的股票,除去上面兩間的股權,建業本身仲有一間拖盈利後腿的製衣廠

建業市值9億

現時來自建聯的股息600萬,漢國的股息6000萬,共6600萬,建業派息5600萬派左85%

估計將來來自建聯的股息1000萬,漢國的股息7000-9000萬,共0.8-1億,同樣派85%的話建業派息6800-8000萬,即6-7仙,唔算高息

綜合來說,385現時點在同系中算係最值博

飛機出租

中國飛機租賃(1848)

基本上公司名掛"中國"字頭通常都會爆炸,而唔係大陸註冊而又特登掛"中國"字頭的一般都是別有用心,命中率高達8成,當然呢D只係唔可信的都市傳說,唔係味皇講的

中國飛機租賃係2014年的新股,新上市條數嘻嘻就算,但佢的保薦人當中有中金,所以唔怕發生字面意義上的爆炸,至少公司在地球上確實存在,起碼唔會停牌先

飛機租賃公司點解可以生存到呢,是咁的,舉個例子,好多人成日諗住啪啪啪,於是想買吹氣公仔,但吹氣公仔價錢貴,未講點放係屋企,剩係搬返屋企果段路都恥度極高,萬一啪壞左要掉,無論拆開定成個掉,比鄰里發現都會以為你處理屍體,囧察叔叔會上門關心你的,面皮薄的你為左唔駛責任唔駛善後,於是就派生了出租吹氣公仔的市場了

航空公司成日加班減班,唔用的吹氣飛機自有的話唔方便棄置,更重要的是航空公司債務水平高,自有飛機的折舊影響財務數字的話,會同時影響航空公司借錢時銀行開出的條件,靠銀行度水的航空公司關乎生死的問題

*同樣吹氣公仔比人發現的話,買家也是生死尤關的問題,各種意義上

於是飛機租賃的盈利來源於飛機,即係固定資產,固定資產多左,盈利就正比例上升,如果借錢就要扣息,但始終係收租,賺的錢唔會出現超自然現象

                    14            13          12          11

固定資產       17            15          15            0

營業額          11             6.8         4.5        2.2

盈利               3             1.7         1           0.5

-----------------------------------------------------------------------

營/固(%)        64            45           30         -

盈/固(%)        18            11            7          -

呢度先唔吐糟佢第一年的資產效率,估計飛機係每年中途大量買落,次次盈利入數都食唔正成個業績期,每年入帳的總日數唔同,事實上我們對呢利認識唔深,佢點入數都未知,例賭廳租兩地牌咁,一次過比30萬租5年,咁分開60個月入定一年入曬就因人而異了

但係用10蚊買的東西每年以3-6蚊租出,事情自體已經非常超常識,咁好賺的話中國人猶太人一定早就搶到供過於求

                    14            13          12          11

債                143          101          59          26利息                6           3.8          2.5         1.2

-----------------------------------------------------------------------

利率(%)         4.2           3.8         4.2         4.6

現金太少所以忽略不計,貸款利率大致平穩

固定資產       17            15          15            0

折舊              0.7           0.5         0.3           0

---------------------------------------------------------------------

折舊率            4             3.3          2            0

固定資產       17            15          15            0

債                143          101          59          26

借咁多錢買飛機,但飛機去左邊呢,食左呀?

其他資產       114           77           44          31

係資產負債表入面,唯一的大數就係呢個"其他資產",話係其他的話就唔駛計入折舊了,話係二奶的話就不用比贍養費了

其他資產       114           77           44          31

營業額          11             6.8         4.5        2.2

盈利               3             1.7         1           0.5

--------------------------------------------------------------------

營/其             9.6            8.8        10         7.1

盈/其             2.6            2.2         2.2       1.6

好了,呢度呢度可以出結論了,中國飛機租賃2014年有價值114億的飛機,出租飛機的租金回報為9%左右,套利所得為2.2%左右,將來就算買新飛機亦唔會超過呢個回報率幾多

另外如果正常計入折舊114億折舊4億幾,就可以扮蝕錢

債                143          101          59          26

營業額          11             6.8         4.5        2.2

----------------------------------------------------------------------

營/債            7.7           6.7         7.7         8.4

佢的租金為債務的7-8%,即係佢做緊92按,借92%,最近盈利3億只派7000萬,保留2.3億,92按可借近30億,即下年可買30億左右的飛機,回報率2.2為6600萬,合計3.7億,下下年保留2.8億,可借37億,回報8100萬合計4.5億,下下下年保留3.5億咁,如此類推,有市場就可以每年成長2成,當然前提係佢現家真係賺3億先得,而且唔加息,因為手上一有錢就可以借大錢,佢冇動機派息,仲有動機不斷集資

由於係9成按,利率4%,借緊美元,每加0.25%利息就上升4000萬,頗為重傷,而且利息就上升保留盈利就少左,借錢額度低左,連帶成長都縮水,如果高PB就會C朗式插水

PE13,每年成長2成可以比到20PE,加息周期會差D,減息周期或唔加唔減時就啱,不過等佢派息就相當殘念,復利18年後就另計

PB2.6,由於佢用1蚊借9蚊,自有資金率低,所以PB應該要好高先啱

偽飛機租賃(1,659,78,355)

飛機租賃業務本身,成長率就係咁.只要本身有錢就可以一直谷,咁邊間最多閒錢又平呢?

但有限制,如果係混合公司的話,使用9成按公司的負債比率就會一口氣爆燈,進而影響公司實業部分的信貸,而且混合公司買左要計折舊,即刻就扮到蝕錢,因此要大搞的話必須將佢同本業切割,另外開間飛機租賃黎入數,借錢同上市,咁邊間接近上市要求又平呢?

黃蛙

原因不明,繼以前YAHOO果BLOG執粒之後第二次有網站執粒,而D圖放曬係果度,所以...死圖,好似黃蛙咁

呢度就遊記同日本樓D文影響最大,由於冇留底,咁唯有重新做過先得,股票分析最舊果批YAHOO執左之後就冇左圖就另一件事

睇黎係以後呢度寫BLOG之外,係GOOGLE度開個分身BLOG會好D

收到3隻REIT的近6萬息,晏少少先再買,不過就算計埋息,今年仲係負數,不過姑且叫比接左味皇層樓A而負資產的仁兄好,澳門的樓價跌左3成,有D荀盤有4成,於是,層垃圾樓C再次存在一開二又唔駛供的實施可能,不過現家呢D時候減幾多都唔方會賣得出,所以只能理論上

跌到呢個水平,已經重新出現一D租大於供的稀有情況,讀者或者可以從中搵到D食用價值,或者味皇搵埋D垃圾荀盤再提供優化方案比人當成以後退休後的外快都唔錯,不過味皇自己就股票優先

現時味皇持股最大比重係收租股,3隻REIT,川河佳寧娜建業SOHO主食都係收租,其次係基礎設施,美蘭惠記新創建,另外新創建同世城都有出租飛機,圍起都係D低技術傻仔股居多,現家呢個世途,做訓係度果個舒服個騎係度果個

出租飛機似乎係個唔錯的題材,下次寫下

舊居入伙

其實已經入伙左一排,所以先出到業績文

裝修裝到秋官兩套完左,連C大都封埋筆咁耐,駛左廿幾萬仲唔止,組合仲見紅添

現家買股性價比很高,於是大信封縮左去唔知邊度

指數2萬零幾點左一排,買唔買好呢?去同唔去之間好似養緊果隻老龜個頭咁縮下縮下咁,你有冇縮呢

係呢個時候可以咁惗,放一個屁唔多嚮,但只要持續不斷累積放屁,當屁超過一定濃度的臨界點後,就會引起氣條爆炸,變成好嚮的屁,驚天動地由第一舊番薯開始

比如買一個月閒錢的股票股息可以解缺一日伙食費的話,儲30個月你就可以唔憂食去一個月旅行,就算係外國訓街都係高級D?投入就有回報的事總比投入唔一定有回報的更為安心,味皇認為將汗水換成股息會比汗水換成升職的機會更確切(可換成升職機會的主要因素是演技而非汗水),比起嘗試去感動鐵公雞的心,還是自己行多步走直線更實際

買唔買好呢咁惗下惗下,最後都係買,幾時買買到乜影響的是你前進的速度,並唔影響前進的方向,方向啱就遲早都會達陣

於是味皇3.08買左5000股SOHO,也有打算買匯賢,但都遲下係用股息買

入伙本應值得啪啪啪的,但結果比錢的味皇要訓廚房,反被啪啪啪(廚房改睡房,2房變3房)

1883業績及收購相關

業績升1成,澳門的數據中心上半年起好,下半年會提供收益

7000萬的攤銷,不會影響現金流,但如果總是玩溢價收購的話,攤銷增加會影響盈利數字,CTM唔似新意網咁用現金流黎計派息,盈利"數字"減少會影響派息

CTM現金半年狂吸4億,但81億債務依然好多,有心還都要10年,何況佢冇心還,利息支出1.7億成4厘,其中35億係6.1厘定息債唔駛理,咁就剩下46億浮息,6.1厘35億半年息1.07億,咁剩6300萬係46億的息,即2.7厘,如加息0.25厘影響也不過係幾百萬

6厘債期限係2020年之後,如果CTM唔提早還,咁5年內派息比率都較低

手機業務難估唔理佢,佢有線上網度增長12%,由於有包含到數據中心建成的貢獻,所以CTM的有線上網看來增長唔是特別高,光纖推廣似乎唔算非常順利,將來的成長主要要靠數據中心了

冇左賭場D電話投注同外圍佬之後,IDD狂縮兩成幾,起碼近期都唔會改善

雲服務增長1成,增加的大陸客居多,主因係國安局唔比人紅杏出牆,代理伺服器一旗桿打死曬,所以呢個業務又相當睇好

CTM的員工年頭有人工加,但現家市況公墓員都未必有得加咁CTM之後應該都冇得加

全年或者賺到0.25,PE15為3.75

佢忽然又搞收購,買D看似垃圾的物體,睇黎又產生攤銷

收購價15.6億,買入目標公司的39%,即係唔會合并報表,事實上合并報表的話立即就會拉低盈利,冇人會同意的

估計將來還會收購多一次,等到間野扭到虧啦,就高價收購多12%以上再合黎并報表,然後再高呼皇上聖明咁

CTM債重仙都唔仙下,所以收購以賣屎忽形式進行,用3蚊發行5.2億新股比老母,現家股數為34億,即係用15%CTM股份交換,由於間野唔會有盈利提供先,所以一完成交易就即刻攤薄盈利15%,雖然發行價都叫做溢價有利淨值,最敝收購的公司亦唔見得唔係溢價,原先值3.75一股的縮為值3.2,將來間野或者會好返,但到時先算,味皇本來認為CTM=1.15股新意網,但收購後就變成1兌1了

現家CTM超跌到得返2.44,但同時新意網先得2.29,唔考慮慨念的話揸新意網會好D

惠記路勁業績

路勁的路費由4.6億增至5.2億,由1.1億變賺1.2億,其他公路跟住都有D成長,唯有天津果段唔知會唔會受天津港停運的影响少左貨運量(貨車改去青島同秦皇島),而路勁的公路去天津的佔大份,下半年唔算特別樂觀

22億6厘的人仔貸款會在下年到期,續期的利率應該會下降,而2017年先到期的10厘3.5億美元債,由於路勁本身債重,加上人仔資產貶左值,應該冇空間加按去還,下年最多只能減少批6厘債息,減到半厘就慳到1100萬

賣樓賺到2億以內,今年上半年70萬平米動工20萬平米收樓,下半年80萬平米動工100萬平米收樓,即是說下半年路勁的的資本資出同上半年大致一樣,但可回收的資金是上半年的5倍,收入會大於支出,如趕得切在債券到期前賣出大半的話,續期時的財政會更好利率更低

                15        14

銷售費用  1.9        1.3    +46%

已收按金  70         56      +25%

應收賬     19          14      +35%

14年上半年賣樓30萬平米,今年似乎多賣3成,推算為40萬平米,即除左20萬平現樓外,下半年有20萬樓花預售左,下半年剩80萬平米現樓可賣(唔肯定有冇計錯)

今年路勁未必有能力加派息,但下年有足夠的條件增派

惠記來自利基的部分下年同今年應該唔差得幾多,經營環境變化唔係好大

來自REIT的半年股息550萬,由於是美股稅重回報率低D,以4.5-5.5%收緊租的部分推算值2-2.4億,由於出租住率已95%唔會忽然爆珠,要增加就要等未有租收的部分落成先得,即2016下半年

惠記多左批7厘債劵,數目8000萬,係利基借落的,用途不明,似乎係早幾日收購的蝕本山東公司度用左,即買即蝕,但間野營業額由1800萬升到2900萬就蝕少180萬,即900萬營業額純利180萬(稅前,蝕錢免稅),純利率近20%夠填利息果7厘8厘有突,打和點為營業額3600萬,睇落今年可以扭虧,或者將來幾年做到6000萬營業額,(6000-3600)X20%=480萬,不過這數目對利基還不算有重大影响力

惠記利息支出多左200萬,但REIT的派息增加300萬以上,利基一年也派多左600萬息,惠記成年先派得果1億基數好低,在路勁維持派息的前提下,惠記派息也有能力增加1/10

美蘭業績

機場收費增加1成,希特拉都阻止唔到佢加價

店面收租增加兩成半,希特拉都阻止唔到佢加租

海南島的客量是增加的,但來自三亞鳳凰機場的貢獻反而下跌左1成,本來海口周圍係乜都冇的,游客首選的自然係近景點的三亞鳳凰機場,但現家海口起到幾個新景點,咁美蘭機場的立場就大為改善了,今期的業績增長大半都係搶鳳凰機場的,客量增加店面自然可以加租,而且今年冇上年咁猛嘅台風

9月新翼用得,到時可出租面積增加一半,估計每個月多1000萬收入,同時停機坪多1成幾,可以容許更多飛機同更快上落,多少能提升機場收費

新翼起好之後立即就起138億的新新翼(美蘭出72億,每年利息支出要成4億),資本支出仲未停得到,還是說變得更離譜,今期由於常規收入多左多而利息支出冇變多而多派息,但下半年開始又變返疑問,當美蘭全年賺5億幾6億,但下年開始要比4億利息的話就有排餓,當然錢係分期比的,唔會話一次過借曬,假設分三期比,初期的利息支出就1.5億上下,第二期3億第三期4.5億咁,或者會強徵旅客機場建設費圍皮,每年1500萬人每人搶10蚊就有1.5億,成本10新翼的工期兩年,咁成本7倍的新新翼的工期起碼唔會少過兩年,新翼佔地125公頃,新新翼佔253公頃,看來3年差唔多

(138億253公頃,平過邊度邊度條跑道)

新翼10億成本,回報15%就會賺多1.5億,即每股0.31人仔,新新翼唔起的話美蘭全年每股賺1.3人仔,而新新翼上馬後,當利息分別是1.5億同4.5億,每股只賺1同0.4人仔,N年後新新翼用得而回報15%就會賺多11億,即每股多賺2.27,理論上,總體計美蘭係值得養的幼齒,幾時先到收成期就一件事

投資十幾廿億係機場外面起商場,臨門撻Q政府唔批,慳返筆資本支出,現家缺水應該唔會上馬住

今年美蘭股價試過9以上可以發A股的,加上鳳凰機場賺少左,正是收購鳳凰機場的好機,不過股市虛火完之後打回原形,阿爺亦禁止公司IPO抽A股水,咁又有排等

REIT業績

823領匯

唔講其他,領匯賣咁貴係因為佢係惡業主,租客係綿羊,比業主剃完毛仲要捉去羊當奴度油炸

而領匯開始賣公屋商場,買大陸樓,同其他REIT同質化,咁仲可以維持到惡業主的身份?維持到高溢價?

778置富

派息增至23.38仙,現價6.3厘,負債比率31%

利息支出1.3億,毛利為利息的約5倍

財政好好,又有得加租,驅蝗短時間未影響到佢

魔鬼出國,置富有機會做垃圾桶

778>823

1270朗廷

驅蝗後入住率同房租少左,派息減少到11.7仙,財技效果未到期,到期後會再少至11.1仙,現價7.8厘,負債比率39%

利息支出6500萬,毛利為利息的4倍

1881富豪

驅蝗後入住率同房租少左,派息減少到7.4仙,現價7.4厘,負債比率39%

利息支出1.1億,毛利為利息的近5倍

同1270一樣全部酒店都係香港冇法分散風險,由於美國唔加息,未需要考慮利息支出增加,如利息加一倍富豪毛利少1/4,而朗廷則少1/3,所以富豪值得有一D溢價

同樣的負債比率但富豪毛利更高說明富豪的酒店質量較高,又或者是朗廷的物業比富豪更高估,冇相熟估值師搞過的話實際朗廷負債比率超過45%

暫時1270派息更高於富豪,但美國真係想加息的那個時候,就富豪更佳

1275開元

派息減少到10.75仙,現價7.4厘,負債比率33%

利息支出4000萬,毛利為利息的近3倍

好彩利息唔加,毛利低只是資產作動不良,由於借貸是美元,所以同上面兩隻冇分別,講旅業前景邊個衰D係香港衰D,1275都叫話有老鼠樂園開張

人仔貶值會減少幾%租金,但成長可以填返,負債增值則為一次性,有人鬼崇放臭屁索到都冇乎,但聖斗士係唔會聞兩次臭屁的,在預料以後有人會放屁的前提下,自然可以做預防措施,做張人民幣遠期其實唔難

1275>1881>1270

808泓富

派息增至8.7仙,現價6.7厘,負債比率28%

利息支出3700萬,毛利為利息的約4倍半

現時的形勢,寫字樓前景姑且比酒店好,因此808會優於1881

這種負債比率說明估值師隻手非常滑

778>808>823

(陽光未出業績就唔寫了)

2778冠君

派息減至9.6仙,現價只有5厘上下,負債比率23%

利息支出1.7億,毛利為利息的5倍幾

朗豪部分毛利5億上升中,花旗銀行自身則跌至4億,假設朗豪之後升5-10%會多2500-5000萬,花旗銀行升5-15%會多2000-6000萬,就算最其上限的1.1億,毛利增加也不過是1/9,現價的5厘價值全無

405越秀

派息增至15.37仙,現價7.7厘上下,負債比率31%

利息支出1.7億,毛利為利息的3倍幾

大陸減息雖有利405,但佢78億債入面有幾十億係美金,呢兩日仲借多左添

今期用左4000萬補貼,剔除服務或乜叉的毛利為4.3億,假設增長3%就多1500幾萬,全年3000萬,派息16仙冇乜問題

服務或乜叉到補貼到期前應該有些少機會填到果4000萬空缺

東塔就起好,加價唔睇特別睇好,如有增長都只會由白馬大廈同書城提供,新買的上海樓亦會有不明的貢獻

6139金茂

派息23.4仙,現價看來9.6厘,負債比率38%

利息支出2.2億,毛利為利息的4倍,但一扣左佢奇高的"管理費"後得返兩倍

果23.4仙原來有6.6仙係老母比的零用,扣除後得16.8仙或6.9厘

補貼上限3億,今期用左1.3億,剩下的下年頭就搾乾而變返7厘,你可以理解為折讓3億賣比你

債84億,半年利息2.2億近5厘,看來人債美債各半

前景上海比廣州好D,因此6139>405

1426春泉

派息增至14仙,現價9.3厘,負債比率34%

利息支出1300萬美,毛利為利息的2倍半

全美債加息會重傷,好彩唔加息,聞屁後估計已進入聖斗士模式

債重,所以多數唔會收購

前景幾好,但今期揩左野要靠下半年的成長填返,想加派息不太實際

但9.3厘贏曬

87001匯賢

派息增至13.63仙,現價8.9厘,負債比率18%

利息支出8400萬,毛利為利息的10倍都黎(考慮到李家估值師同東方廣場的有效期,嘻嘻就算)

前景很好,前景好的比前景差的大份得多,加租冇乜問題,債少貶唔貶加唔加息影響都唔大,有力搞收購

如果無視有效期,87001>1426