2020年3月29日 星期日

債劵也食人

咁樣,今次呢個浪好多孖展買債收息的人收皮,平時買債比較少機會死,所以買親都大大份,所以皮的面積比較寛廣,邊個唔有錢都唔死
孖展買債安全嗎?咁同孖展買收息股有乜分別?
咁呢度假設孖20%好了,好低槓桿的設定
債呢,一係派息,一係唔派息,假如隻野係波音,係空巴,係漢莎,佢派息的概率係99%,只有1%唔派,基本上冇可能唔派,評級AAA,比夠SSS好了,忽然佢有員工醒覺替身能力,向公司發動替身攻擊,財產危機一髮,派不出息來,不派息的債券基本上沒有價值,跌80%並不出奇,証劵行可能問都唔問就同你提前斬左佢,一下就清0,就算冇斬到,冇派息時你亦沒有資金養利息,實際上,公司唔一定唔派,可能今日傳冇錢,第日又有錢,下日又冇錢,之後又有錢,彈出彈入,打佢丫笨,咁佢彈出黎自然冇事,但一彈入去隻債可能跌34成,你孖50%都有升天的危機,主要指心臟
收息股的話,除左派同唔派之外,仲有加減派呢樣野,一隻收息股要唔派息減派息並不需要替身攻擊這樣的罕有事情,上層看起來有人腦抽筋就可以,概率高很多,如果賺少左唔派息,自然大跌,賺多左佢一樣可以唔派,令你冇錢比利息,如果只係減派息,跌仲係跌,但你仲有錢養長倉,如果加派息就冇必要討論,假設唔派息,減派息,不增不減,加派息的概率分別是20%,20%,30%,30%,咁你被斬的概率可能在30%以下,還有些少吊命概率...非然也,股價和派息並不掛勾,就算賺多左加派息,還是可以大跌比你睇,概率比上面高,輕輕的你死了,木大木大木大
於是,任何時候高槓桿伴隨著高危險,買波音債削死,實際上波音違約嗎?未必,但買債的人跳唔跳樓是另一回事,算是出街比車撞死,皇天擊殺一樣,概率算不高也不算低
孖債同孖股的分別,味皇認為是覺悟的不同,孖債的人恐怕沒有想過一點點被斬殺的風險,孖股的人多少會知道危機如臭狐一樣,前者直接跳樓或者未跳之前已經心臟病發,後者大班人係天台邊緣彈出彈入想死又唔想死
股票算係高風險的代名詞,但債券,貨幣,仲有保險,風險再低也不是0,評級再高,進行評鑑的也不過是人類,有私心的人類,反而味皇認為垃圾債向來都有不少評低過低而大折讓的有利用價值
實際上上年尾味皇問銀行有冇得比我孖兩成CTM,結果冇工開唔得
酸完一大輪,味皇的意思是,多少要有些風險意識,有幾大個頭戴幾大頂綠帽,想定PLAN B,就算係買地產都不是0風險,地震比飛機撞死靈法師爆屍的概率都唔能夠完全排除,何況証劵
PLAN B嘛,以前有提過但對多數人冇乜吸引力的用按揭買年金之類,用按揭買太陽能板之類,唔多好賺的日本樓之類,馬死落地行搵工之類,做村霸出外食朋友之類,用象筋綁一綁叫少幾次雞之類
債券違約現時唔一定係高峰,第時債券違約反而會變多,鬼佬普遍不留隔日糧,先駛未來錢,得猶太人同東亞人先有存款,雖然世界將會出現遺產潮,但當中用於消費的應該不會多,一黎冇錢開二黎冇心情,大量遺產出售比猶太人東亞人美國軍票人私有化,錢在上層流動而不在下層流動,留返幾隻白武士條命,再放任其他工廠,建設同零售因為冇人消費而違約後收購同整合,而且遺產潮令大量遺產同時間出售,資產價格也不會變高,最著數就政府,福利支出少左,又可以沒收大筆遺產,印完銀紙轉頭又有返錢減債

2020年3月28日 星期六

惠記路勁,順便首創業績

路勁派息8.8億,惠記佔路勁42.6%股權可收3.7億,唔計利基分的3000萬,惠記派息2.5億有點少
原材料的部分蝕得有點多,但利基係賣面包的,如果惠記唔將面粉蝕賣比利基,利基就賺不到錢,盈利數字分配的問題,集團本身冇乜分別,佢覺得利基值錢會比較著數就隨得佢,惠記今期值得稱道的只有係發瘟前賣左一D美國樓
路勁的業務是向好的,起碼確定左下限,但大6係2月尾停左全國所有高速公路的收費站,即係港珠澳大橋可以免費行果時開始,路勁上年公路收費31億,圍起黎1個月2.6億,通常高速公路賺營業額一半差唔多,當15.5億,賺到的一半派息,就同上年數字接近,至於地產賺的,除非收租,否則1仙都不派,如果味皇自己係果個位就會咁做,按以上設定,假如公路收費分別停3個月,停半年,路勁公路收費會跌至23.2億同15.4億,即毛利11.6億同7.7億,而利息支出不變,減去每月7700萬,最終剩9.3同3.1億,轉換成派息就是每股派0.62同0.21,比今期的1.18大為縮減,如果路勁達成停止派息的成就,大6只要停收費站9個半月就係,惠記由於派息不是把路勁的全部都轉派,因此要惠記停止派息可能只需停收費站8個月,至於政府會點補償全國的公路公司?因為証頭現在還是補血劍亂揮的狀態,要佢地免稅減稅不太可能,味皇認為最可能的是把收費專營期順延幾個月,澳門的賭牌味皇認為政府也會採用這種方式處理,唔洗你白蝕,但絕對唔會比現金
不過停收費站半年以上感覺可能性比較低
大致結論就咁,路勁惠記下年必然減派息,閒閒地減78成都唔出奇,如果之後負債冇失控的話,1年半內就可以回復今年的派息水平,即使今年的派的你要慳D駛用成年
下年減派息將會是市場的普遍現象,收到的派息在現在買貨,還不如留在下年出業績時再去搞選醜大會

首創每股派0.17,由於最近先2供1,股數多1/3,等於舊時的每股派0.255,即係增派
供股多幾億現金,杯水車薪,首創的債券利率不高,因此不能慳很多利息
世界普遍在減息,舊債券價格上升,如果到期換新無疑可以降低利息,但如果有長期債劵例如5年10年甚至世界末日債,咁公司就會成日想贖回,而每次贖回都會計一次損失,首創還升好都是3年就到期的居多,唔似D成日發末日債的
首創利息支出成30億,而租金收入只有7億幾8億,"其他業務"估計係商場分成2億幾,唔夠比利息,因此首創的派息組成好大部分係來自賣樓,難以予測
發瘟之後各地都有聚眾傳菌R錢示威,好似省城405的白馬大廈一堆人出黎信政府唔怕叫免租,9成9首創都有,同私企唔同,私企可以企硬,硬到殭屍咁,但國企會比上面以保就業的理由施壓,壓到包皮咁,首創,越秀,中糧,招商局呢D多數遇強即屈,當成花敬佛,佢地唯一的好處係債務可以無限續期唔會爆,首創佢收租部分佔比相對較低,免租的影響會比越秀系細
講左咁多,根本上內房就好難估,廢話
基本上,首創同恆大呢類的官商分別是,恆大呢類會無節操咁發大金額長債末日債,然後成日贖回,首創呢類會發很多小金額中短期債而唔怕冇得續
恆大呢D就好似波音,減息時很想贖回買回債券,但平時借太大,贖回債券就要提列一次重大損失,可能損害評級,損害優先股的發行力,如果市場很難借錢時,等於有得睇冇得食,無法出手
所以債務多在減息時會更得益,但一旦太多就會完全沒有出手機會冇得R著數,特別係難借錢的時候
回到首創,老老實實,味皇完全估唔到佢下年會點
另外提下,首創子公司首創鉅大,連續兩年虧損,表面上呢,味皇判斷佢最近連續兩年的盈利都係4億幾,但佢上年的利息支出上升,利息已同盈利相近,今年免租冇生意的話,佢應該會第一次出現真實重大損失,味皇估計年內佢需要母公司增資

2020年3月23日 星期一

90普星潔能

早排菲律賓停市之後一日1.35買入20000股第一太平,3.7買入6000股惠記,0.56買入20000股琥珀能源,一陣係舊交加返上去,費事開多篇
路勁出左業績但惠記居然仲未,係然惠記出業績之前先寫一寫浪費下時間

之前叫琥珀能源隻野,唔知幾時改左名叫普星潔能
隻野2009年上市,保薦人味皇認為不可信
但佢上市到現家都有派息,而且派息比率還算狠,就結果而言佢係屬於盈利數字不可信而非公司本身不可信
經過11年,味皇現時認為呢間公司可信
記憶中呢隻野長期市盈率好高,完全冇買的價值,大約2012-14年上下連續盈警,而味皇認為虧損後的2015年起,此公司甚具投資價值
沙特同戰斗民族攬炒後,味皇搵下發電股之中有冇因此受惠而又買得過的,琥珀能源係當時30秒大法淘汰剩的兩隻的其中一隻,就結論來說,油價下跌對佢一點好處也沒有,和搵股的初衷不乎,但同時味皇發現,佢係全球股票市場中極奇罕有的"公務員"股,升職加薪的能力不高,卻但可以無損度過今次人類危機,不過這只是味皇觀察的推測,並沒有任何有力根據
講返2014年前後的分別,2014年前,發能了咁樣的事,味皇模擬一下:
3年前
植生所長:今次的收穫係正常的3倍,這批金坷拉很有效呢,大家都很開心
總司令:唔,做得很好,辛苦了,不過公會剛下了指示,說別人農業不發達,我們都要支援他,我看你不要用金坷拉好了
植生所長:減產嗎,好的

2年前
植生所長:總司令,今次的收穫好了,雖然知道是命令,但大家還是不太高興
總司令:唔,做得很好,辛苦了,我知大家收入減少了,但壊消息是公會下了指示要求我們把產量再減半,公會不想收購太多
植生所長:這樣龍人們會不滿的,大家都空閒起來我就要每日聽老人們的囉嗦了
總司令:你就忍耐一下,總會好起來的,咁啦,有空閒的人手就去清理基地的大便好了,不要閒著
植生所長:總司令!
總司令:命令噠

1年前
植生所長:這是今次的收穫
總司令:辛苦了...雖然想咁講,還是你講先
植生所長:呼,總司令...
總司令:係?
植生所長:臭死老子了不對!冇錢了!我們都要開飯的,收入減少2/3,跟住再減一半,大家都已經屎都痾唔出了!
總司令:你唔食屎又怎會痾得出屎
植生所長:總司令!現在不是開現笑的時候!我們都不是蒼藍星!3年了!YOOU KNOW?
總司令:我地只係公會下的一個分部,上頭指示係咁都冇辦法
植生所長:就算係一個分部都應該要有生存空間!
總司令:咁我試下同公會交涉一下啦

後來
總司令:交涉的結果出來了,公會決定不再收購,改為租借我們的設備,要生產多少隨公會便,我們收固定租金,以後我們再不是出口業,而是服務業了

大致係咁,琥珀能源2012年起比上頭命令連續減產幾次,奴家不依了,交涉結果是出台了新政策,按佢的設備設計產生比個租金佢,好處是再也不用食屎啦!相對地,壞處是佢不可能擴大產能,因為冇上頭授意,上頭唔會為佢的新產能比租,於是琥珀能源有錢只能用於派息,減債,買証劵,收購大纜扯唔埋的公司之類的
佢消費金錢的方式係派息同減債,每年債務減1億左右,最多4-5年還清,2018年利息支出係3000萬,佢派息1000萬多D,今日計係6厘半,如果佢還清,就有額外每年6分的自由現金流,或少每年2分的利息支出,到時佢漏多少出派息非常值得期待,但這僅限於揸4年以上的情況,而且只是推測

2015-17年佢租金2.12億,2018年2.13億,看來是不變的,今次人類的危機,對消費者的電費有可能減免,但這個租金下降的可能性看來不太,損失都由電網公司吸收,如果大陸祭出減利得稅的政策一刀切,則所有公司都受益

有人問有沒有可以同CTM匹敵的公司,味皇找不到,武漢肺炎之前的時候味皇還可以祭漢國同路勁出黎,現在可不行,而琥珀能源則只有尚未証實的穩定性可以匹敵CTM

2020年3月14日 星期六

稍作增持

早兩第一次大跌果日0.62賣出130000股佳寧娜,2.02換成40000股第一太平
尋日大奇蹟日0.58賣出剩下的50000股佳寧娜,1.77換成20000股第一太平,收集了好幾年的佳寧娜未收成就賣,覺得非常可惜,但味皇明日也要食飯,飯錢必需確保,2.99賣出匯賢10000股,2.62買入15000股CTM,呢段時間匯賢冇跌過所以換馬,雖然佢出業績後多數跌,但仲有利用價值甩曬又唔好,象徵式換些少,另外0.6買入琥珀能源40000股,惠記係大奇蹟價時想買但買唔到索性唔買,建業同漢國買賣差價太大冇成交,最後選了琥珀能源,當日總共掏左幾萬蚊出黎增持,想買的東西很多,哪有錢你老帽
味皇預計今年的股息會減相當多,買股需要安全邊際,但在此之前,生活費也需要安全邊際,以為財務自由,退休鳥,轉頭又要重返職場就...也不是醜事,馬死落地行,適當的時候做適當的事才是新好男人...話說味皇不旅行壓縮消費的話,仲可以撐幾年而且唔駛減家用,應該足夠撐到完事,但如果用太多儲備買股票的話,可以改善未來,但損害現在,有時你面前會出現一些投資項目好似好好搵,但你投入去,會發現自己越買越窮,帳面值一直增加,但你生活卻越見寒酸,因為資產可以是正數,但現金流卻是負數
味皇重新撿討一下投資組合,正常應該算非常穩當抗逆力特化的組合,但今時今日居然退潮時是裸泳狀態,味皇不去深究邊條友仔強行拉脫味皇的內褲,你急著去追內褲賊只會演變成變態味皇裸跑追男人,因此還不如堂堂正正光著鳥漫步出來,起碼算是光明正大冷酷有風格的變態,反正變態是不能避免
組合中有87成係收租股,港口股,公路股,公用股,現在的情況是,公路冇車行,業主要免租,海港空港冇人用,十幾隻股當中,只有CTM一隻可以雷打不動想食人就食人,不否定現在情況特殊,但如果能多幾隻就最好,味皇想改善一下內褲,下次再緊身一點,不要再被扯掉
一般來說,社會會越見貧富懸殊,人類只要動用腦細胞,貧富差距就會拉闊,現在是腦細胞不重要的時間,但始終都會回歸常態,現在是少有的貧富差距收窄的情況,例如有錢佬財富急降成負數,窮人最多也就是接近0,銀行存款是大量窮人的血淚集合,政府不會保障少數銀行客戶的負債,但姑且政府會想保障多數存戶的存款,死少數有錢人讓大多數窮苦百姓存活,同達爾文病毒一樣,打工仔或許能領到下個月的工資,但老闆可能連明日的太陽也見不到,你能龜下來苟下來,明日之後你的競爭力會相對提高,係"相對"提高,至於業主嘛,基本不在三界五行之中的
如果是究極的打工仔的話,之後會變成眾生的頂點掛,只可惜味皇不是普巴摩連奴,究極體就不追求了,通常打工仔的完全體是公務員,如果股票當中存在公務員股票的話甚為善也
最近油價好似大跌,味皇在油站感受不到,但據說油價真係好似大跌,味皇在油站感受不到,但新聞報導油價真係好似大跌,味皇唯有在油站喜迎油價上漲,由於油價上...油價大跌,味皇覺得電公司會唔會得益呢?於是用30秒大法篩選各電公司,篩剩兩隻,分別是90同816,結果而言兩隻都在油價上得益並不太,減息的效果仲大D,816對明日之後的效果應該不錯,但90味皇冇眼花的話居然睇見有完全體的特性(2015年起),因此選左買佢,就係手頭冇蚊冇辦法買多,不過90的類型似下限高,上限低的品種
股市方面,之前完全係中國武漢肺炎,處理方法無非係壓,埋,同燒,抗體不是在三尺之下的地中就是去了見三尺之上的神明,流入凡間要迂迴很長的路程,現在全球煉蠱,周圍都有樣本,人體實驗邊度都有得做,針拮到肉,之前可能研究幾千人個達文西就算多,現家則全球的文西都團結起來被研究,藥應該好快就出到,現家主要係冇藥醫先存在不確定性,只要有藥,有錢佬就不用怕,當然藥未量產前作對社會用不大,但起碼有錢佬可以自行解決心理同生理需求,即是說有藥為第1階段,量產為第2階段,回升唔會一次過回曬


*早排菲律賓停市之後一日1.35買入20000股第一太平,3.7買入6000股惠記,0.56買入20000股琥珀能源,暫時冇閒錢了,結果第二日第一太平跌到1.1,匯賢跌到媽都唔認得,早知就賣多D,味皇的買入價成日都咁眼冤

2020年3月5日 星期四

次優解

剛在2.82增持多10000股CTM,增加派息在予期中,價冇郁過比較出奇,美國居然減息,因此收息股的吸引力相對上升,佢地欠的債可以用低息新債更新,兩面受益才是
其他出左業績的405減咁多派息比較失望,賣廣州舊樓買武漢新樓丫拿,新創建就不增不減不明不滅,不過佢出租飛機部分下半年應會有影響,不過應該可以比其他增長抵銷
雖然都唔係第一次講,味皇認為CTM係現時股市的最優解,但總不可能寫親的內容全部都充斥著CTM,就像當年寫奧普一樣
話說奧普後來改係大陸上市,以佢私有化前味皇的持股量計算,味皇應該有2000萬左右,香港市場就係咁啦,低調好公司留唔到,就一味攬住班死老千
既然CTM係最好的,咁全攻CTM咪最好囉?是的,財務上來說的話
是咁的,如果你娶左一個入得廚房出得廳堂不會痾屎放屁身上帶住淡淡的幽香溫柔體貼技藝超群的王祖賢,開頭你會好爽,但味皇可以斷言你不出半年就會陽痿,不能自理,失去人性,大叫"我不做人類了!舅舅!",遁入空門,法號夢遺
無疑財務上來說買曬CTM似乎係個很好的決定,但精神上不是,我們總不能因為食蕉營養均衡易吸收又好食,就一日3餐全食蕉食足80年,這樣的生物依然可以定義為人類,但"人間臭"不足,這樣的人生可能有人向往,但未必是一般人想追求的生活,自少味皇想食焗豬
做最好的事不一定對精神建康完全有益,所謂的精神建康係對比出黎的,有些少不好的事先顯得平時好,間中做些少蠢事先顯得平時幾英明,炒左雲爺爺之後先顯得咸豐年歷史有幾好J(誤),出面有人比老婆靚人生先滿希望,而唔係一出街就雞全部都係雞整個人都不好,人生是需求剌♂ 激的,過得太好腦袋就會出問題
一般人全揸一隻,多不能避免疑心暗鬼,作散分分散可以改善精神狀況,例如大C說100%安全,當然有人不信,也有人會信足,但之後又轉為不安,何況大C講野沒有100%,假設有信心隻最優解幾年內可以無甚風險有30%回報,咁你去搵其他時就需要有風險地遠超過30%先得,實際未必搵到,但過程可以分散注意力也是具有義意,次優解,planB,追求的通常不是最大效率
由於腦袋是生在屁股上的,追求精神健康往往會損害肉體健康,因此精神健康和肉健康康不兩立的情況較多,需自己找平衡
以上是肉體充分健康時先好咁,周身冇蚊連肉欲都滿足唔到就做最有效的事餵飽自己優先,人生是分開不同階段的,係初期階段就唔好做ON9事
講返股票,未來還可以的類型一時都幾難諗,物管同監控算一個,推5G的話耳機,鏡頭,電視同MON都會變無線,大廈可能整雲主機服務,server需求上升家機需求下降,話唔定以後連游戲機都可以變為月租接收器,無人機反應會變快,CALL台變控制塔再炒司機,結果而言還是做server最實際,做server的股票也就4-5隻左右,其他new-type太貴,old-type的話一係搵京客隆呢D,或者搵欠一堆美元債又唔怕死的靠減息黎得益
醫療可不行,現家就一窩蜂,但事後會供過於求