2019年2月26日 星期二

味皇X後藤喜一

你好,這裡是不是可以問投資建議?
...還真是稀客呢,不知道大名鼎鼎的特車隊隊長是從哪打聽來的,的確可以問投資建議
我要發達!
特車二課已經不再滿足於做稅金小偷嗎?世風日下呢
吔,請不要再損我了,我不過是個普通的公務員而已
既然係公務員,人工高又有退休金,做到公傷退休咪得囉,有建議的需要咩?
其實呢,最近我覺得我的職位開始不穩了,我都唔知仲可以做到幾耐,想未雨籌謀
好啦,想要乜野建議?事先聲明,如果問股票我只會香港的,你先講下你的情況
我現家職位係警部補,月薪39萬9千円,四個月花紅,有宿舍,退職金應該有3300萬,但係唔知攞唔攞得到
你現家手頭有幾多錢?
400萬左右...
好少!是因為天下男人都有的支出嗎!?
咳!唔唔唔...呢點唔好深究了,總之只有400萬
你的目標係乜先,你先要問下自己:1.目標係乜,2.有幾多本,3.期限,4.風險承受度,5.性格,6.精神健康
問題有D曖昧添,味皇大人可唔可以解釋一下呢D內容同投資的關係?
唔,是咁的,各種因素係相輔相成的,例如目標係乜,你想要大筆錢定係定期收入?你有大筆錢時就一定有一堆狂蜂浪蝶同遠房親戚,你有光鮮的社交生活,要定期收入就會過得低調,財產處理和你的性格有相性關係,然後期限,目標大期限短你可能需要使用特殊的手段,你能夠接受幾高風險的手段?性格同風險承受你自己問自己好了,然後你執行投資過程的時候,能否保持冷靜的思考,在於你的精神健唔健康,你進行同你性格相性差的投資手段時,會損害你精神健康,你食煙飲酒鹹濕,會損害你精神健康,你投資可能會唔成功,後藤隊長!你食煙飲酒!你鹹濕!你唔會成功!
...唔好指住我強調鹹濕,好吧...我目標係定期收入,現家生活已經夠高調了,親戚都嚇走曬,期限嘛,我比人炒之前啦,唔知頂到幾耐,假定5年好了,精神同肉體健全除左香港腳,香港腳受環境影響,但我自問精神冇咁易受環境影響,咁上下
你去買樓啦
意思叫我唔要宿舍?有自住樓會冇宿舍的
冇人叫你自住,買左租出去,唔好買東京,你買其他地方唔會收你宿舍,大把人你租比我我租比你,然後都痴政府樓住
其實呢...特車二課個名已經臭曬,成日都會罰停俸,銀行唔肯借錢
咁買股票啦,現家總結一下,你現家有400萬,我希望你保留半年工資240萬不動,剩下160萬,月薪40萬,獎金160萬,一年收入稅後600萬好了,對不對
(BLOG帶BUFF,以下日圓轉換為港幣)
係,比你
你比我鉸剪做乜?
你知唔知增加本金有乜野手段?
借錢?騙錢?搶錢?乞錢?慳錢?
你銀行唔借錢,又冇親戚,已經係稅金小偷了,唔好罪加一等,所以只有慳錢了,你肚臍下面三吋,一野剪落去,你的天下男人支出就會消失
我已經知道慳錢的重要性了,所以鉸剪還你...我不排除將來乞錢就是了,現在緊著制服唔太好乞
你手下的隊員,月薪只有2萬蚊,你人工差唔多佢地兩倍,佢地生存得到,你都得,你明我意思?
...
本金11萬,每月剩2萬,一年24萬,月供股票有5-6厘的REIT,5.5%好了,35萬可以得到19000,平均每月1600蚊,24萬的部分產生1100蚊收入,跟住我會比較長氣,唔好插嘴
你設定期限5年,月供股票,如果REIT冇成長,1年後收入19000,2年33500,3年48500,4年64400,5年81100,每月6800,本金155.7萬,其實唔差,此時你有幾個選項,1.延長期限,奶上司腳趾保住份工,2.想辦法騙到退職金,加埋原本的月收入有2萬,等於你的手下,3.中年再就業,你嘛,可以做名偵探後藤,捉姦夠收入,4.提高收益率
同樣係呢隻REIT,正常係會有成長的,假如佢每年成長5%,要求不高,只要5%,1年收入19000,2年34500,3年51400,4年70000,5年90900,每月7600,本金174.4萬,之前冇成長版本的,5年後的收入係第1年的4.27倍,有成長係4.78倍,以你的年紀,比多5年的期限乘多一次應該比較乎合實際?忍10年就有輕鬆好多
我插一插嘴可以嗎?
請講
無論如何5年也不行嗎?
你認為呢?
...
如果無論如何都要5年內的話,條件就要改變,一係你的回報率提高到35%,你可以自己試下,但唔好問我,一係你搵到5.5厘有10%成長的REIT再加上5年後的退職金,呢個就有D可能
或者你忽然搵到0首期低首期租大過供的不動產,咁你用租金黎貸款,咁唔怕停薪
那個,頭先講左銀行唔借特二...
調職啦,你唔識調去保安部睇猥褻物呀
而且冇0首期
等攞,5年你可能等到可能等唔到,可能等到呢?月供都係邊收息邊籌首期
如果等唔到?
你冇咁嘅命,放棄啦,世間發大財的總需要運氣,冇就認命用時間好了
...還有冇其他法子?
我同你講,最發達的人都係用人地錢發達的,冇例外的,手段乜都有,你自己諗啦,我就做唔出啦,自己最多都係悶聲發小財咋
所以說,做不到?
唔係話做唔到,只可以話成功率相當低
咁我去問其他人
請便,我只可以話比你聽,進行成功率低的事叫做賭博,係問其他人進行成功率低的事也叫做賭博,同買大細一樣的,啊,經人手隨時比人抽水,成功率仲低添
味皇大人,所以只能延長時限?
延長時限是成功率最高的,後藤大人
你地公務員有宿舍,起點已經比人高了,而且話延長時限,並不代表真是延長很多,你在培養投資組合的時候,世事每日都在變,你可能升職加薪,可能性不大啦,你可能結婚多一份收入,可能性不大啦,等到有荀盤而你又有本,可能性不大啦,不過遇到的人也是有的,這樣你的就能縮短
我覺得味皇大人的言語中充滿惡意?
我只係談論世間的公平性啫,你多心了,REIT已經是很基本的了,取得比REIT高的回報未必很困難,任何提高回報率的方案,都可以縮短時限,想提早一係增加本金,一係增加回報率
咁點樣提高回報率?
自已諗呀,唔係要教呀?
無責任呀
我同你講,你自己冇本事做到,就點都做唔到,冇可能有人24小時比你問的,況且問人你能一直相信嗎?相反一直信自己會比一直信別人容易,掉返個波比你,呢D先叫負責任
如果我自己搞,回報比REIT低點算?蝕左點算
回報低咪變成延長時限囉,如果你一直蝕,咁你就冇發達的資格,世界上係有D人唔聚財的,咁認命啦,專心工作,買年金
仲有,你咁嘅年紀年開始投資,唔係話你遲,但如果到達一定年紀後先黎開始時,我覺得專心工作更好,因為時間關係,投資回報唔會在退休前成為收入主力,你只能採取增加本金的方法,等退休金再合併處理,後藤隊長你幾歲?
42
仲有得救,總之越早開始越好,投資是聚沙成塔,時間長基本都能成功,習得財技能可縮短時間,年紀大了再學習可不容易
味皇你似乎很愛說教?
咁你想我點講?
直接講投資組合
結果把我當成財演...算了,舉例講,夏夫特同四菱的盈利唔錯,你會唔會買
我有呢D公司的黑材料,唔買
哼...你有邊間冇黑料的?估計你是疑心大的一類人,就咁啦,將投資組合分成4份,衣食住行OK?
衣-零售,生產
食-飲食,加工
住-不動產,金融,水電,保養
行-公路,港口,能源
平均分配嗎?
隨你鍾意,1111定0004之類睇你心水,你鍾意買死一樣都得,概率上唔會有乜差別,差別在心理,如果你自已唔鍾意的股票,你持貨唔會持久
唔係有人話唔好同股票講感情的?
咁你答我,長揸同出出入入邊個佔用你的私人時間較多?如果長揸取得成功的概率是50%,咁出出入入是幾多%?你幫自己賺錢定係幫經紀賺錢?
...
我可以繼續講未
你現家錢少,得果11萬,你最好月供REIT或者公用股,好了,直接開名了,405或者778是但一隻啦,一邊供,以後多少少本時搵雞碎去買其他野,學習學習,當你的派息收入可以足夠你最低生活開支時,你應該累積了唔少經驗值,就調出一半新本金,一半繼續月供,可以供其他,另一半買其他自己研究的,嘗試縮短年限,中途有荀盤時,你可用月供的本金去轉向投資,當然你要比較荀盤有冇荀過REIT先得
如果月供股票跌左點算?
你地呀,就係雙重標準,咁啦,30年保險你有冇買?
有買
點解你可以月供30年保險唔去考慮中途斷供蝕本金,股票就日日記住?你好似定左起碼5年期限,供保險你看30年後唔看中間,股票你就唔可以看5年後反而日日看中間?僅僅是因為股票可以比你隨時賣?你也可以隨時把保險斷供呀,如果保險話N年後比你可能幾多的回報,可能有可能冇,股票也是N年後比你可能幾多的回報,可能有可能冇,咁兩者有何差別?這就是雙重標準,如果你說服到自己買保險,但又說服唔到自己買股票,咁你不如做保險經紀好了,也許能說服其他人同你買
我再舉個雙重標準的例子好了,你和一個超兄貴一同流落荒島,過著愉悅的生活,你和一個人妻一同流落荒島,過著另一種的生活,你和一個人妖一同流落荒島,好了,相信各種生活都不同,點解要不同?如果我一開始把後滕隊長你閹了,你應該會更平等的對待不同的人?
總之我希望你更公正地看待股票,更公正地看待概率,如同其他投資項目一樣,你不用我幫手物理閹吧?(笑)
我想起特車二課還有檢討書未寫,失陪了(汗)

2019年2月13日 星期三

薜丁格的屁

假設薜丁格食左好多番薯,再食D蛋白質係牛肉的幾倍,除衫裸跑個半馬,之後感覺個肚唔舒服,想放屁,薜丁格搵手指塞住佢,薜丁格的屁可能是臭屁,可能是响屁,也可能係水屁
根據量子力學的哥本哈根解釋,放出黎的屁將會是又臭又响又濕水,又臭响又乾爽,又臭又濕又優雅,清爽而又優雅等3的三次方共9種屁同時存在,薜丁格的大腸處於9種屁同時疊加的狀態,但量子去相干的效應,把手指掹出來,放出來的只可能得一種屁,咁另外8種比邊個食左?唔通比你食左?哥本哈根解釋似乎是說因為掹左手指這動作,毀滅左8種屁,只要一日唔掹,9種屁就可以同時存在係薜丁格的大腸?簡單講就係一日唔掹手指,你都唔會知道係放乜屁
如果根據量子力學的平衡世界解釋,唔掹手指出黎時,9種屁就同時存在係薜丁格的大腸,一掹!呢一刻就創造了9個放不同屁的平行世界,原來創世神是屁,簡單講都係一日唔掹手指,你都唔會知道係放乜屁
量子力學的解釋如果應用係股票上面,會咁:
1.你買一隻股票,你可能賺錢可能蝕錢,於是你同時又賺又蝕,但你結算時唔係賺就係蝕,好似講緊你未上時就又人又妖,真係上過先會上到人妖
2.隻股票唔公開透明,佢就有無限的想像空間可供炒作,如果公開左佢的財政狀況,就會現光死,想像空間消滅,炒作的人會暴動,好似講緊J美腿時只能看腳,一看全身就痿
3.隻股票陰陰揚揚咁得閒濕D好消息,會炒到好多成交,一次過全部消息出曬,D成交會一哄而散,好似講緊脫緊的女會比脫光的女好J
大致係咁啦,味皇建議打J之前多收集些情報冇壞,至於今次寫呢個題目...冇錯,味皇放了水屁有感而發
早兩日3.82出清出左盈警的1292,正是一日未出盈警就豈知佢出盈警,認損好了,係第度賺回來就可以,而且本來就打算賣左佢換馬216
肚感覺其實冇乜野,忽然濕左,創造了若干的平行世界,你以為正正常常,突然出個唔正常的結果,世事往往如此,只能睇開D,不過也有些東西你能夠把握的,例如遲早都會放屁咁,有些東西是未知,但也有已知,例如租客入伙之類的,但更即效的也有比如國泰恢復返派息,又有燃油付加費,咁上次冇收派息的人,現家又可以收返,隻B股今次應該可以變返高息股咁,雖然侵侵玩野味皇蝕左幾隻細股,但今年收入應該也有唔錯的增長