最近股市有跌到好低,然後又升返,大奇跡日咁,果時冇入貨恐怕噴血3升,血流成河
然後味皇有冇噴到天花板都係呢?多少都有D嘅
不過其實味皇已經好耐冇睇市,懶高深就叫乜野手心有股,心中冇股咁,唔好聽就叫記性差,老淫痴呆,大慨年半前開始味皇已經冇點理D股票
呢度可以舉兩個例子:
例子1,李+X以前投資好多錢落長江生命科技,9成9係想搞長生不老藥,但當佢過左60幾歲,幾時香都唔出奇,此時佢發現,世界的科技進步得好慢,各種研究比道德阻頭阻勢,於是+X認為長生不老藥有生之年都唔會研發到出黎,熱情燃盡而對長江生命科技半放棄咁
例子2,伊謝爾倫要塞可能好多人唔識,咁就講三國啦,漢中的地形特殊,四邊環山,漢中盆地也有一定的平地面積,也有水源,南北只有兩條很窄的道路,只要搵兵塞住佢,只要冇25仔,邊過都攻唔到入黎,敵軍嫌麻煩都費事搞佢,因此準備好足夠的兵力,糧草,放隻魏延係度,就可以安心玩太監,軍情報告?咪煩我
大致係咁上下,一種係感覺已經冇所謂,另一種係應該要做的都做好曬有信心而唔理
味皇認為第2種先係乜野手心有股,心中冇股呢句的正確表達
用邏輯去解釋,你自認以前的決定正確並足夠應付將來可能發生的問題,咁你就唔需要理將來的事,因為你的當時決定正確,如果出問題,就是你當時的決定唔正確,反過黎講,你以前作出自認唔正確的決定,並在將來用正確的決定修正佢,如果冇問題,咁你的決定正確,如果又出問題,你當時的決定唔正確,又一種咁樣,你自認以前的決定正確,但到後來又去改變佢,如果冇事,咁你現家的決定正確,卻否定以前的自己,如果出事,咁你現家的決定不正確兼否定定自己
係唔係寫到有D難明?就咁,你為左去目的地,一開始就決定向東面行,一直向東行,最後可能到達也可能唔到目的地,你一開始向東行,之後又向西行,係咁改變方向,最後都可能到達也可能唔到目的地,事實上兩者的概率是等價的,關鍵在於你能否正確的知道目的地位置,你可以事先搵定目的地的坐標,也可以邊行邊搵,你可以用3年黎確定目的地的坐標自出發,也可以中間轉下轉下轉3年黎搵,概率是冇分別的,如果說有分別的部分,則在於精神層面,你把功夫一次個做完,通宵幾日,之後就可以輕鬆度日,你將功夫分開一節節,咁你雖然唔駛捱夜,但成日都有功夫做唔可以放開心情,而且比足信心一次過搞完,總比每日去質疑昨日的自己,精神層面更為健康
味皇認為我當初買的時間分析已經做到足,覺得冇問題先買落去,所以點解仲要成日睇股?當然連自己買乜股都唔記得就離譜左少少,實際上真係有D唔記得左
同樣用返三國黎說明,當你係孫權,如果你的領地係長江以南,隔住條河幾百米到成公里,你防守非常容易,進攻卻很難,除非你死心不息想三民主義統一中原,否則你布好防之後,就返去大覺訓乜都唔理,如果你的領地包括荊州的襄陽,田野千里,又有秦嶺天險,進可攻退可守,估計你會充滿斗志,絞盡腦汁,逐鹿中原,如果你的領地係長江以南,加埋江夏,咁你會非常煩惱寢食不安,阻隔條河補給難,周圍係平原,進攻有D難度,守就肯定守唔到,估計你索性盡力一煲,,嘗試攻下襄陽,羸左就取天下,萬一輸左就失江夏,返去守長江做土皇帝,如果你領地只有零陵,你一係博老命反抗,一係就等死
換成股票,用人生歷程睇,你不同時候有不同的野心,首先你後生時會很有理想敢去博,如果你的成就超過某一水平,你會更有野心想搞更大,如果你去到某個年紀達不到目標,你會失去熱情搞小確幸,用資源睇,你缺乏資源時你唔想死就需要想辦法改善情況,你有點資源唔算多唔算少時,你可能好博,也可能開始保守,你有超出需求的資源時,你會把多出的用黎博,羸就谷輸就縮,你很有米時,你就游戲人生了,就睇你果時當唔當賺錢係游戲.
味皇自己到左現家的年齡,已經係魔導士,食又食唔多,女色又唔掂,砍掉重練又唔著數,又唔會異世轉生,現家的科技發展速度又唔覺會有乜特殊精神刺激,結論係味皇搞緊小確幸,無欲無求,當然這是因為味皇的資源係足夠有多的水平,如果資源很多或不足的時候就會更積極,前者是青春,後者是掙扎
回到主題,股市又高又低要點算,會咁問係因為你一係自己確定唔到目標,一係資源未到自認足夠水平,當你解決到呢D問題,就唔會問股市上落要點做
