先講明一下,味皇係唔識英文的,名義上叫學左廿幾年英文,但味皇以投擲的方式把字母都掟回學校了,甚至可以聽到爆玻璃聲
因此唔打漢化味皇真係玩條毛了,其實日文化都冇所謂,有漢字就睇得明,但現實上能用的只有簡體,有人見到會唔高興
是咁的,早排R到個高登AC(借用版),為免被不誠實使用電腦起錯人底,於是先開D雜POST試水,而有好多人只是因為見到簡體字就開始批斗,第一反應有D愕然,不過諗真一下又好正常,味皇雖唔開口其實諗野都唔見得差太多,不過噴"其他國家"的人誤變左噴"境外"的人,咁誤噴埋台佬玻佬應該都或者試過,於是有問題了,連見簡體字同一見發財一樣,咁如果話想係大陸搵銀恐怕要跪玻璃...唔,係高登做宣傳似乎唔掂
離題左,講返FM,係FM度包含好多財務技術的,下面搵D講下:
人工比例
阿仙奴球場60272個位,平均票價49鎊,聯賽38場,收入1.12億,假設18人主力,每人12萬鎊周薪,或每周215萬預算
熱刺球場36310個位,平均票價38鎊,聯賽38場,收入5200萬鎊,假設18人主力,每人5.5萬鎊周薪,或每周100萬預算
曼城球場55097個位,平均票價40鎊,聯賽38場,收入8400萬鎊,假設18人主力,每人9萬鎊周薪,或每周160萬預算
實際上阿仙奴全隊人工230萬左右,最高係奧斯爾等3人14萬,另外有8人8-12萬,另外雲加15萬
熱刺全隊人工130萬左右,最高係多哥的10萬,洛里斯等4人8萬5,主力6人同肥波6萬,其他人3萬
曼城全隊人工300萬左右,最高係也也的25萬,共15人超過10萬,工程師反而得7萬
球會除左門票收入外,仲有每年3幾千萬的贊助,千幾萬英超排名獎金,約半億的電視轉播費,特殊收入有歐洲賽獎金幾百萬到2000萬同不定的轉會費,固定支出就有球員獎金,續約費,球場維護費,貸款利息同稅等,特殊支出只有轉會費
其中門票收入是常規收入,保到級排名獎金,轉播費同贊助都會較高,但一降級所有收入會降到可以忽略不計,入歐冠多2000萬,歐霸贏冠軍都不過500萬
因此人工支出如果超過門票收入,就需要由其他特殊收入填數,減低可用的轉會費,如借錢,球場不變大的情況下唔賣球員財政會一方的變壞,一降級或球員賣唔值錢就破產跌落丙組,所以長期維持球會有足夠的轉會費,就要限制人工或者入歐聯,呢個就係"量入為出"的概念,而且要分精固定收入同特殊收入的分別,固定支出由固定收入支付,特殊支出由特殊收入支付,現實上相同原理的是,花紅可以用黎消費,但連花紅都要用埋供樓的話,條友財政管理一定有問題
人工上限
朗尼人工30萬鎊,多哥17.5萬(曼城),巴爾8萬(熱刺),華迪3萬(續約前),折合年薪1564萬,910萬,416萬,156萬
如果要出售球員,球員必需要有個買家,例如阿仙奴的預算係12萬或624萬每年左右,如果咬牙或可支付16萬或832萬每年,以這個預算,阿仙奴唔會買多哥王子,如果租曼城要貼1.5-5.5萬,熱刺的話要貼7.5-9.5萬,多數冇人買直至完約,而買阿仙奴租朗尼的話,曼聯要貼14-18萬,愿支付30萬的球員只有3間,因此加到30萬令人冇興趣買是求仁得仁,因為冇人買要等完約,轉會費是0以至負數,而阿仙奴如出12萬未必吸引到巴爾加盟,但16萬就有機,實際上肯出16萬的是皇馬,巴爾無法拒絕,,相反皇馬出16萬要朗尼的話,他會說曼聯是我家之類的話,假如皇馬的轉會予算是5000萬,買巴爾可以支付4168萬的轉會費加16萬人工,或3336萬轉會費加32萬人工之類的,有人錢多人傻都冇法,華迪3萬續約變7萬,可以有效阻止利物浦以下的球員的興趣,如果兩曼想買就不用阻止,如果維持在低人工,就好多買家買得起,因此想賣人就要令球員人工低,考慮對家的承受力,呢點係維持成交量的作用,現實上相同原理的是賣野要迎合人地喜好之類的,比如養豪宅管理費又貴買家又少,中小型樓皮費少而且較易放
名氣不等於實力
原理是咁的,佢係地球人,佢又係地球人,點解人得佢就唔得?呢個世界的人有分資唔資格論的,價值觀的問題冇話邊個錯,但味皇明確是人得佢都得派的
簡單地說,卡斯算係世界最好的龍門之一,味皇同意,但同時味皇認為基雲或者哥頓這些龍同站在同一個位置上,他們也可以做世界前列,市面上相反的論點通常是某球員由細會加盟大會,然後就立即成為世界級球員,實力就提升好多咁,但味皇認為實力不會在一日內改變,雲達華不會僅僅因皇馬轉熱刺而變廢,巴爾亦不會僅僅因熱刺轉皇馬而變勁
(有個特例,當年曼城有赫特同舒米高兩個年輕門將,水平相近,但最終曼城留赫特放棄舒米高,因為赫特係英人舒米高係丹麥人,結果一個踢冠軍球隊一個落英冠陪雪糕筒,好功夫不如好命水,食力不如食爹)
不就係有於有相反一派的人存在,名氣高的一方因此存在溢價,而味皇呢派會令溢價收窄(但不會變成折讓),最終加埋都係存在溢價,咁點解卡斯勁過基雲呢?是咁的,例如有10個人,5個話卡斯勁過基雲,5個話卡斯基雲一樣勁,於是卡斯就勁過基雲了(唔好用CCC尼果D黎比)
而呢點可以咁利用,如果球隊唔出名,買入未成名的實力球員,佢踢到出名之後賣出,,如果球隊出名,買入未成名的實力球員,叫公關部門宣傳佢之後賣出,如果球隊有出名球員,賣出後以較低價換入未成名的同等水平球員
例如熱刺500萬買英甲的MVP,阿仙奴100萬買贊師傅,人工低到可以忽略,就算唔踢比賽養佢1年,原價賣返出去並唔難,踢好少少就升值幾倍,踢得一般都會升值,就算斷腳人工都低,只要虐菜時比佢上場基本有賺冇蝕,無名氣有D水平的青訓(免費)球員,比佢係有電視直播的聯賽上陣1場啤膠,之後英冠的球隊就會跪求出租,新特蘭韋斯咸呢D球隊甚至肯比幾百萬買,冇乜風險,反過來貴貴的成名球員,傷左易貶值,踢得唔好又貶值,踢得一般唔升值,踢得好先升值,但又要加好多人工,風險大,差別在於人工差一大截之餘,出名的球員踢得一般同唔好時都會比人鬧,唔出名的球員踢得差時就教練比人鬧
係股票上面,有人只買指數股屏棄非指數股,或只買成長股(財演推薦的)屏棄非成長股(財演未提過的),由於溢價關係,貴買的人要負上業績唔夠好都要見光死的風險,而且股息上低價的一方明顯有實益,同派5蚊的股票出名的125唔出名的100,賣125的冒上見光死的風險之外,股息仲要少1厘,對復利來說1厘是大數目
無論教練定財演都唔想比人鬧,做代理人搵兩餐點會上身,所以精明人一定唔會玩育成,好簡單的辦公室政治,不過我地係當時人就唔好同佢地一樣了
人棄我取
馬戲團主席有鋪集郵癮,好似D全身都著要名牌,一有新款又追,但又唔諗襯唔襯,冇他既,鬼叫唔駛佢出錢,人地專長係選舉而唔係營運,其他曼城,車仔,莉莉,芒果之流都成日買人又唔用,不過佢地定原因則是教練年年換,年年新教練都要親疏有別排除異已,結果又係政治掛帥
同上面提到的,有D地位人工超高的球員如果列作異端的話,就會因為人工高而賣唔出,如果貼錢送走球迷會抗議,如果冇得出場老闆又投訴白食米飯,例如人工高到一定程度合約又長,教練幾唔想用都要跪舔,好似方丈咁,結果都係政治掛帥
因此經常會有比教練話有臭狐唔用,話靚仔過佢唔用,話唔識踼人唔用,話老婆後生過佢唔用,話似大陸人唔用之類理由冇波皮踢的球員多出黎,冇得踢身價就會唔升甚至變低,由於人地趕到趕唔切,所以可以以跳樓價買到球員,而且仲是成名的,低上加抵
今次FM味皇一開季用350萬就係曼城買到身價470萬的波皮員蘇古連尼返黎做主力,現實中AC免費租卡卡,熱刺簽雲達華,阿記買施治咁,如果加強使用呢,就可以試下高賣球員比班水魚,佢地簽一個球員,就會突返一個同位置的波皮員,下年味皇就可以低價回收返個球員或走去買個波皮員
股票的話,股價跌冇人要時買--一般人通常會咁講,都冇錯,但味皇的就有進階做法,例如航運業唔好所以買航運股,因此味皇冇買船公司股,但走左去買碼頭股,船公司股同碼頭股都叫航運股,但業務特質完全不同,股價一齊跌左,但盈利只得船公司先會跌,搵D好似受連累,實際唔乸更的股票就係進階做法了
套現/換馬/升級
平時味皇用實際行動做唔少,之前都講左好多次,呢度就唔講了,講返足球經理
味皇今次試玩的係阿士東維拉,老老77,D球員味皇都唔係大半叫得出名,味皇熟熱刺但維拉就唔多熟,何況大半唔睇波的讀者,因此今次用大家熟少少的利物浦說明
以門將米勞列為例,現實中剛以9萬續約,GAME入面標價12.5M,下面兩個例子說明佢的溢價
熱刺的門將洛里斯,人工同米勞列現實中剛以9萬續約的一樣水平,紐卡的門將告爾,人工只有4萬,推測,如果利物浦出12萬人工買洛里斯人地唔會黎,米勞列9萬人工比熱刺人地唔會要,利物浦出7萬買告爾人地扑黎,米勞列5賣人工比紐卡佢地都要諗下,9萬米勞列潛在買家好少...先唔講,如果可以以1000萬賣出米勞列,再1000萬換成告爾,實力不會大損,但慳到人工
祖亞倫,前朝皇親,冇乜波踢,但人工較低,即使韋斯咸都買得起,估計能賣1500萬
阿仙奴有個一樣的球員,不一樣的價錢,有價冇市,此為後話...祖亞倫價錢算是合理的
波皮倫的錢絕對夠換呢兩條友是但一個,仲有錢剩添,換左返黎利物浦會用得著,因此可以連鎖式咁賣走盧卡斯套現
以利物浦的陣容,理想上可以咁改進(為方便說明,案例不用不知名人員)
Mignolet-->Ruddy(諾域治) 套現型,慳人工,賺潛力,加英人注冊
Skrtel-->Boyata(些路迪) 套現型,慳人工,賺潛力,加英人注冊,Skrtel年紀大開始唔值錢,Boyata後生可以博升值
Lovren-->Nastasic(史浩克04) 升級型,賺潛力,估計要加300萬
Kolo-->自由轉會 合約到期
Enrique-->自由轉會 合約到期
Lucas-->Pritchard(熱刺) 套現型,慳人工,賺潛力,加英人注冊,將來代替占士米拿
Joe Allen-->Rodwell(新特蘭) 套現型,慳人工,賺潛力
前線10勁幾萬人工班友冇乜可能送得走,除非又去中超,另外買斷昆士柏的Caulker要5M左右,而Lallana冇潛在買家(曼唔買利球員,外國唔買英人)
估計可賺5M轉會費,慳15萬周薪,唔計合約到期的慳3萬周薪,改善球隊構成同多左英人
認唔認同就一件事了
第一桶金
是咁的,維拉窮到冇朋友,所謂一元難倒英雄漢,你手上冇蚊,就算你識法術都冇錢買道具,所以D人你唔想賣都要賣,盡量慳人工,高薪高能換低薪高能,係能保級的前提下就近低薪低能都袋住先
味皇於是換下換下將維拉的人工由51M CUT到26M,一開波賣左7個人,再租左8個人出去,當中唔少係主力級,換左33M返黎,再用18M補充返5個人,換返黎的人精選過當然將來會較好賣,一開始賺到同慳到的錢後來就可以正式去買好球員了
分開幾步
是咁的,維拉窮到冇朋友,所謂一元難倒英雄漢,如果想買例如謝斯卓夫咁,令皇馬盃賽禁賽果個呢,當佢開價20M咁,AV賣身都買唔起,因此味皇會咁,例如用尼索比亞開始,賣N'Zogbia得4.3M,再3.5M買Zuculini,剩0.8M同慳左幾多人工,再稍為湊左D錢1.5M買波斯尼亞國腳Susic,半年後3.8M賣走Susic,再2.7M買荷連芬的Thern同1M買般尼的Lowton,半年後能6M賣走Thern,14M Zuculini,剛好夠比Cheryshev的20M仲剩一個賣唔出的後備
現實味皇施行過的是,用一桶金30萬買78萬一房租貴過供的爛唐樓+2400現金流,2年後165萬賣走,165萬換成兩房更舊的爛唐樓,借突D錢78萬人仔買大陸舖,+3200現金流,兩年後第一次叫賣時(雖然賣唔出)兩間合計價值相當於1間正兩房電梯經屋,現家低潮叫賣時(都係賣唔出)兩間合計價值相當於1間正兩房電梯私樓,而這原點是一間一房唐炮房
簡單講就係冇一步到位呢回事,當年D人肯天水圍或屯門將就下的話,現家已經可以入沙田同4小了
因時制宜
是咁的,結果就係賣人賣過龍,隊波平價搵唔到一D位置的球員代替,本次的情況係冇曬右翼,於是就索性改打單翼戰術(效果仲幾好添)
如果係股票的話,視乎手上組合的情況黎決定下一步
暫時諗到咁多
