太古19,87

太古A發行9億股,太古B發行9億股30億股,A股同B股兌換比率是1:5,即相當於合共15億股太古A或75億股太古B

太古B每股派0.78,咁75億股即係派58.5億

太古的現金流表面上有143億以及18億股息,而太古持有國泰45%,港機75%,太古地產82%,可樂公司87.5之類,當中得國泰(293)未夠45%,因此18億股息多數是國泰出的,而上年國泰派21億息,即太古佔9億,另外9億睇怕是其他垃集公司出,而國泰周期性大,最近5年派息由現家的1/3到2倍都試過,因此太古分佔國泰的股息可能在3-18億之間

港機(44)的現金流平均在8億左右,75%即少2億,太古的現金流需扣除2億,港機的業績比較穩定,三跑對佢有利,但要等好多年,主要問題係技術員不足人工變貴

太古地產(1972)現金流106億,另外仲有24億股息,82%即係少19億及2億,太古的現金流需扣除19-21億

現金流143億減去1972的106億及44的8億剩29億,即係可樂公司,太古方糖之類的現金流係29億

當可樂公司的12.5%要扣2億,扣減後現金流最後變成118-120億,股息收入18億,如用總額計,派58.5億派息比率是58.5/(120+18)=43%,即總現金收入的43%,如股息收入18億是全轉派的,(58.5-18)/120=34%,即本公司現金收入的34%外加聯營公司的股息,總括而言,不用擔心太古的財力,佢只係有冇心派而已,現時派息5.2%,有心維持不難

固定資產2723億,折舊28億,折舊率1%,採用好似半島酒店咁的搵老襯折舊率,因此盈利數字冇乜可能低估到幾多,如按2.5%折舊率計算,太古的固定資產為1089億,少左1634億,每股B資產淨值由29跌到7.2,PB比以前的領匯仲高,達成這樣的條件是,太古收的租金同物業保養的支出相映成趣,一邊的戰鬥力53萬,另一邊是5的渣渣,暫時來講,香港不太可能發展出能超越太古城或取代太古城的商場,就整個Chi na來說,在2047年前估計也不太可能有類似水平的真貨商場,但寫字樓方面,太古的寫字樓並非不可取代,在香港要競爭,同上面也要競爭,寫字樓佔收入6成商場4成,同冠君REIT類似,但太古勝在息率較高且有保留盈利

由於跟住有物業落成,租金有上升可能

債務686億,利息支出24億,利率3.4%,以香港水平來說偏貴,一是因為有23億債劵以8.84%利率發行,原因是不用還本無有效期,二是債主未必認同佢用的估值師,將太古的固定資產睇到好低負債比率睇到好高掛,由於市場上超越3.4%回報的地產項目不是很多,太古沒有必要亦沒有條件借錢發展

保留現金流80億左右,1%的折舊率應是不足的,假如太古保留的現金有40億,自有資金投資項目回報不低於8.84%,咁佢每年可增加3.5億淨收入,4成派息的話增派1.4億,即唔理自然增長,股息成長率2.4%

2047對策

因為年青所以犯下錯誤

應該幾多人試過,但有D係不可挽回的,因為有人很小器,或者說成個物種都係小器,咪話秋後先算帳,仲可以50年後算帳,50代後都仲可以算帳,就算你重複跪舔多次也不必能得到實質性的原諒,10萬蚊人工收4年但斷送往後的人生相當不平衡

以下講的不是地球,唔好對號入座

按火星歷史經驗,就算一個朝代再不濟,往往都持續到幾百年,因為一啖砂糖一啖屎,暴君明君概率上是相等跳住出現的,甚少會10連暴10連明咁,只要中間幸福返一年半載以往積壓的污氣就會像放屁一樣呠了,於是總是累積唔夠爆發力,而達到改朝換代的,一是比原本更強的外敵,二是比原本更強的內敵,三是有比原本更強的外敵撐腰的內敵,四是有比原本更強的內敵支援的外敵

現時情況是,有垂涎國家自然資源的外國,但又沒有萬無一失的軍力攻擊,敵對除了政治利益外就沒有了,而用如表面上用友好交易的形式,就能取的人文上的利益,即係錢,再用賺佢的錢買佢的資源就是,這樣就比較有利,如果無論如何也想採取打擊的態度,兵攻並不困難,但對當政者來說戰俘,難民同傷兵才是真正的惡夢,果D像出軌動車一樣埋了就最安全,但明面上不能咁做,只不斷投入預算,民選總統比左反對派把柄就要落台,投入大風險高,相反只要用文攻,投些錢做反間,對面處理混亂要成本,公安要成本,牢飯也要成本,自己損失的只是有限預算,有事的只是當地人,投入少零風險又必有成效,係現家資訊發達的年代,你埋戰俘,難民同傷兵即刻就會唱通街,所以打仗唔係現在的主流方式,除非是不介意就地掩埋的恐怖份子

所以肯定是不會有外來兵援的,同打三國誌不同,三國誌有地圖限制不會有地圖外方向的攻勢,冷兵器唔會在視線外打到黎,但襄平一城抗全國的玩法在現代行不通,一是被包圍,二是兵力差距大,三是射程遠,四是攻擊範圍廣,五是沒有補給,立即開城投降方為上策,留得小命才可以諗其他方法

火星人歷史就講完了,講返我地,到2047時,我想味皇應該未死,多數讀者最多都應該係半死唔會話都死曬,在生的人自然就要想將來的日子點過,假設你現在20歲,2047年先51歲,如果之前得罪唔得罪得的長命小器鬼,咁往後的日子實冇好果子食,不但在自己屋企冇啖好食,係人地竇口都唔會有得食,因為人地個個都知佢特別小器費事為左你而得失佢,所以為自已同屋企人31年後的生活著想,門面功夫做好佢,同時準備多幾個落腳點以策安全,如果已經炒了大鍋,咁就準備定160萬去福爾摩沙,一般認為31年後果邊仲在有效食用日期以內

2047,澳門就是2049,比較嚴重的問題是,現在的一般法律仲適唔適用,除50年不變過了期外基本法應該仲適用,因為冇講過基本法有限期,但普通法冇提到,2047年後,假髮人是否要脫髮呢?稅率是否由17%變25%呢?外匯儲備是否充公呢?養老金同綜援金額是否變同全國社保一樣?護照能免簽的國家變少?不承認以前的租約的法律效力因為該法律己不存在?之類的,明明儲備夠買半個澳洲,咁都唔將香港誇國化,一D遠見都冇

銀行唔批31年按揭是相當嚴肅的事,這將無人接火棒,我地手上的財產並不一定貶值,但會次級化,大陸鄰近同本地產值拉近物價拉近,因為31年間鄰近都是競爭性大於合作性,政體差異消失,不再存在買香港樓變偽外國人,沖香港關生仔變偽外國人,味皇在香港開戶會被要求拿中國居民身份証而非護照,呀葉鴻輝可以合資格踢中超老人聯賽,咁香港樓就冇左大半的政治價值了,馬化騰未死可能會去做美國人,好多香港有錢佬會去做美國人,另一點是如果外匯儲備被充公,就等同港幣不再等於美元

每日150人,31年後將增加170萬人,由1997計起是290萬,佔890萬人的33%,大概人人都食煲東瓜了,無論用民主方式還是扮民主方式,投票結果應該也差不多,有得投的話,如果沒有果290萬人,600萬人的香港或者仲有英文可講

澳門唔駛講,晨早就比大陸吸收左,鄰近是合作性大於競爭性,主要問題是澳門的養老金同大陸唔同,作為地方政府唔一定有權自訂,中央估計也不容許地方儲備居然多到影射中南海的儲備,因此養老金可能轉私營化,大陸姑且都叫承認私產,廣州派1000澳門派2000唔得,但廣州派1000澳門派1000,另外養老金公司分紅1000咁就過到橋,這樣可能會出現一個情況,澳門舊居民獲得養老金公司股份,打工仔供款獲得股份,外來人黎就冇咁樣,澳門用儲備買了廣東相當多的高速公路私有化是有可能的,香港的強逼金也是同原理,2047後也是私產,但強逼金是一筆過而非長遠收入才是問題

2047對策是:

1.人心難測,特別是...保證安全最好多個落腳點,換左護照先搵就遲了

2.如果買本地消費品,例如爆炸午餐肉,就需獲取本土收入,這樣不怕匯率風險,注意"本地"包括"將會變成本地"的

3.如果買海外消費品,例如泡菜午餐肉,就需獲取海外收入,理由相同,如果缺少海外收入,你在買進口野時就會時多時少,注意"海外"指的國家賺錢手段最好要同本地相反,你進口佢就出口咁

4.竇口一係一筆錢買下來,冇得炒都有得住,注意要另外製造一筆管理費,一係製造一筆租金租下來,注意是製造一筆租金

5.公家財產不可靠,係自己手先最可靠

6.將來打工環境會比現時更差,準備多D被動收入以減少工時

7.能改變環境的就改變環境,不能的就請適應環境,一係換過環境

8.冇眼屎乾淨盲

買入太古B

奧普私有化回收的資金,15蚊左右買入30000股太古B,息率低奧普2厘左右,而且成長性有點疑問,但現時也沒有太多適合的代替品

太古B的息率不算肥美,但有隱藏的賣點,現時太古B同太古A有10%的差價,而最近5年內,至少試過兩次0差價甚至逆襲,分別在2011年頭同2013年中,味皇認為養住太古B將來總會有機會食到差價的,因此太古B被動收息之餘亦有主動的套利可做

另0.38買入20萬股1556建榮,比起建榮,建業的資金需求更大,如果母公司不採用關聯交易淘空的方法,建榮應該會用大額派息的方式回流現金比母公司,可能未做到10厘股,但做高息股的概率應該不低

兩隻股收入都係港紙,人民幣下跌的情況下可以稍為對沖一下成手的人民幣股票,不過現在人民幣的跌幅也足夠味皇面腫了,老老77,人民幣已經冇必要降準,因為再增加貸款力度已無效用,但有機會減息

人民幣貶值進行中,但秦國秦王半條命果邊又扁,唔駛問北漏洞拉果D都會跟,所以有利出口甚麼的現在意義不大,比較有意義的是銀行抵押品的標價高了,負債比率冇咁難睇而已,港幣相對升值,本來可以降低食物物價降低通漲的,但舖頭賺多D業主自然不會坐視,租仲係繼續加,你口袋的錢不會因此而增加,你要增值一係做收租佬,一係跳過華人業主直接去外地採購商品

順便一提,香港生產的維他檸檬茶500ML,香港本地好似賣港幣7.5,但支付了運費運過海到澳門賣葡幣6.8

大陸計劃生肉由1979年開始,果年出世的人現在37歲,而計劃生肉今年結束,即係一蛋制的人介於1-37歲,即在2053年前,產卵的基數會偏低,一隻靈長目實會死一次或以上,但產卵必須起碼兩隻或以上進行交配,簡單說就是有段時間死亡率可能會高於生殖率,令奴隸數目減少,工業同非主要城市的地產就炒粉,自然環境就有得救,如果引入另一種可能,識字的唔生仔唔識字的博命生,識字的會剩到錢移民,仙都唔仙的就留低曬,又變返做全民掘礦的日子,同圍都係窿同塵,現在37歲的傢伙,也許扑完野後悔緊,大6樓價超自然現象大概在2010年開始?6年時間,即是說現在31歲識個字的人或者一路扑一路抹,一邊爽一邊驚,生怕多舊叉燒會影響供樓

去台灣10日用左17000台幣,10日返黎,CASHMAIN執左,同縮死左,議員選左,同縮死左,巴黎人開左,同縮死左,咁上下,CASHMAIN又死味皇痛心疾首,至於邊過邊過死左,加上大樓生冇得去澳門,兩巨頭消失係唔係代表老千股息微呢?係有幫助的,但功能組別依然存在世上,沒有帶頭大哥統籌,小弟們依然可以搞小圈子,作小規模的偷雞摸狗,冇大佬照住,動用德勤同均富也許難度提高了,於是變成更小的核數師限定,保薦人也許亦限定為本地功能組別証劵行,如果連上市委員會都剔走功能組別,咁老千股就真係唔駛玩了

台灣城市觀察

早兩日係台灣旅行返黎,撞啱連續兩日8號風球邊度都唔駛去,因此亦觀察到平時冇的資訊,味皇果幾日去左高雄,林園,台南,台中,日月潭.空氣質量不是蓋的

台灣投資移民門檻500萬台幣,主要是36歲前的要服兵役,因此現在不在味皇考慮

高雄周街都係地產,同呢度藥房數量差唔多,市區樓普遍超過500萬,單位居多,價位800-1400萬,一楝唐樓有但比較少,價位>2000萬,單位的居住率比較高,夜晚有開燈,但唐樓2樓以上幾乎全部空置,所以租金拉低,企係地產舖門口唔會學香港咁即沖出黎刻緊迫盯人,而係當透明,如果目標只係旅遊証件的話應該租樓,再買樓以外嘅野,例如定期之類的,買高雄的單位有機會有人接下一手,但唐樓基本只能自用爛係手上,單位同唐樓比例6:4,高雄整體而言有港式炒樓文化,有人睥住冇影相

台南完全係民國時代,講開其實又真係民國,城市面貌等同於澳門的新馬路同河邊新街,非常奇特的一點是,台南街上沒有地產,也不是絕對,舉例說明就是在台南找一間地產的難度相當於在大陸找一個公廁咁上下,簡直是去到真.社會主義世界一樣,當然味皇不是說地球上有偽社會主義云云,單位同唐樓比例2:8,多數都係唐樓,適合自住不適合投資,但價錢依然超過500萬

台中地產地產較多,單位同唐樓比例8:2,多數係單位,舊區同新區市容係兩個世界,火車站果邊係50年代省城,客運站果邊係21世紀廣州,簡單而言,火車站果邊現家是非居住區,僅供返工呃游客用,估計買單位仲可以有人接手,但相當貴下

林園應該冇人去過?當係元朗就差唔多,價錢平,種類多,但說投資不如說自住,說自住不如說隱居,因為現時就是廣西山區咁上下(味皇5月去過廣西山區),基本冇公交,要自己揸車,買左就等於傳比後人,同市區相鄰,將來會有地鐵,但唔好妄想將來可以大賺,原因之後會講,隱居倒是一流,可以有樓有果園有地下室,死左發臭都冇人知

日月潭冇散買,所以總價都高

台風幾日,發現台灣一D問題,當返風落雨,台北新北等北部地區會停水,反常識的原因是,水塘會沖入大量泥沙,濁到供唔到水,當返風落雨,台灣高概率停電,因為電線浸水倒塌之類原因,而且人手少地方多有排都未整好,大城市下水道設計上限500毫米雨量,但今次台風雨量800-1100毫米,今次台風全台灣所有交通工具停駛,兩日,好在便利店有開,只是貨少些,香港打風旺角的招牌會浪下浪下,台灣的招牌只是比香港的舊些少,多些少,大些少,伸出些少咁解

物價方面,茶里王係澳門買7.5蚊,因為係台灣製造,而港產鴻福堂賣5.5,去到台灣,本土茶里王買4蚊,而港產鴻堂買10蚊,簡單講就是台灣製造的都好平,反過來台灣冇整的就好貴,如果用價錢睇會覺得,衫台灣冇出,洗頭皮水又冇,傢俱又冇,零食又冇,電器又冇,也許眼睛業障重,除了農產品同租金,其他基本同外國睇齊,而台灣剛調升了最低人工到5500蚊

假設香港人主動收入10000蚊,求生落黎每月剩500,一年剩6000,走去台灣,有工開收入5500蚊,每月都係剩1000沒有多大義意,冇工開食谷種,除了賺左健康外,依照改變不了鞋底的命運,但香港人主動被動收入15000蚊時,求生落黎每月剩2000,一年剩24000,走去台灣,被動收入7000蚊,廢人落黎每月都係剩2000沒有多大義意,只是租金平3000,面積大一倍,伙食平4成,賺左8小時+OT時間而已,即使去台灣打工多5500,一年只是剩90000,香港有加薪(辛)可能而台灣冇,金錢上差距不大,如果只視台灣為一個落腳點,由66000產生的幾千被動收入對回到香港意義不大,但相對地幾千收入在台灣就頗大作用,變成有去冇回,又如果只有被動收入15000蚊時,香港只能生存,但走去台灣做大爺,廢人落黎每月都係剩8000,每年可以創業失敗而不死,好彩或者可以反攻大陸,要達到具實際意義的移民,一係香港要混到每月幾乎赤字迫住逃避賤火,一係本身被動收入在本地同外地是兩個社會階層

講返樓,典解台中火車站周圍係死城,新區又咁靚,味皇估計,一是因為民國的三民主義下,業權異常堅固,死人唔係棺材爬返出黎排隊簽名的話,冇人可以郁到佢業權,業主失蹤返一百幾十年,果區自然變冧樓區,民國政府好窮的,一定唔會出錢拆,二是台灣成日地震,但層樓又唔冧得曬,爛D唔爛D,想整又怕再震,業主唔知整唔整好,無限觀望,況且又冇錢,三是台灣城市外大片農地工業地多,政府私人完全沒有必要困難重重的做市區收樓,除非大片唐樓震冧少做一重功夫,否則直接建新區就好了,因此林園雖然有機遇,但財不落舊區,便利性提高價值上升,但舊區依然是舊區,殘依然係殘,未必有人接