去完大陸一排返黎

先講返上回,味皇提過去睇126,160同357起成點

舊文 https://realblog.zkiz.com/lgaim/263955

126,東莞總站落車所見

上次仲圍曬板的左邊場,拆左板,但好似爛尾咁霉霉地,姑且見到有1個工人HEA做,唔算爛尾?仲係地盤

呢邊下面停車場仲未整好

之前已經算開業的中間場

一個人都冇(職員同味皇都唔係人)

出道即顛峰(笑)

場同場中間的地方

右邊場,門口廣告話入面邊間邊間今日開張,試業緊

啊~啊~啊~(回音)

得3層半有職員

呢邊停車場就應該做好的,用途係學威尼斯人個停車場咁,唔按正當同途泊車而係用黎做展銷,今日似乎冇野展冇開放

圍住佢逆時針轉一圈,南面係巴西總站,呢度係東面,都係民居,視線係東南角望向東北角,有相當的長度
咁佢應該要做零售同飲食先啱,做乜7建材?

視線係東北角望向西北角,背面原來仲有個細場,寫住睇肉用品場,咁即係賣球鞋球衫球拍的地方,網球王子真好啊!    好你個大頭鬼~~

啡色場果度樓下開左間便利店,幾間餐廳

細場再後面係住宅

細場同住宅之間有條坑渠同綠化

視線係西北角望向東北角,中間場同左邊場背面原來有高地積比的大樓,至於係服務或住宅定係寫字樓就不得而知,一堆明顯係職員的出出入入

西北角有間牛肉店,之前所見的住宅也看起來也有十年八年的年頭,應該不算在126的範圍內

西北角望向北面,密度有點低

西北望向西南,遠少少先有住宅

中間背面向西望,仲舖緊綠化同廣場

中間背面有間咁,原來又係便利店

右邊場背面間茶記食飯

時間2點,見有8個客食飯,似死場的職員居多,物價係澳門物價,按大陸收入水平好狠貴,焗豬35,凍檸茶16,不過炒飯就25

右場同中場背面有個空隙,就係茶記旁

地舖都係民生品,呢度又OK
右場原本分前面場同背面場,向民宅的地舖係背面場,如果右場總面積係4的話,背面場只有1

穿過背面場,去到中間,原來有個廣場,咁遲早變廣場舞大媽主場

中間場前場的背面

中間場後場的正面

好高下,望落似用中央冷氣

冇露台,除非有天井,似寫字樓多,呢邊D工人冇咁HEA

結論黎講,佳寧佳個場的用途做錯曬,D舖頭賺埋都唔夠比冷氣費,既然貼民居,就應該將場地用於民生方向,租比零售服務業...當然,佢未起好,將來的用途應該會豐富少少

有時係一D公屋就快入伙的時候,有人預早幾個月係公屋附近開電器舖同裝修舖賣水貨貴貨,D人入完伙就一次個執曬,售後都慳返,業主重新招租,唔排除有呢種商業模式,當然扮好租氹人落疊,把舖位賣清光再收管理費的商業模式也有

反而覺得佢車位會比較值錢

佢D場未開曬,店家仲入緊去,租金收入未有咁多,應該要養一排先見效,特別係背面個幾個場同寫字樓開,佢先發力,外裝基本都完成,係內裝同綠化未完成

建築物範圍目測200米X200米咁啦,126佔50%權益

160,216

有冇搞錯,仲未搞掂

堆在大廈門口的係大塊地磚,去到鋪磚都應該拉好水電收尾掛

漢國中心兩邊的風景

雲格曰:說好的收成期呢?

357

是咁的,係番禺,即係廣州南站買左去海口的車票,廣州>海口,OK,買到,翌日...

鮮腥,隻女莫能用丫,姐嫖要去廣州火車站上車哩

卧槽你老木,呢度唔用得就唔好係呢度買到啦!

退票 -1/4現金 (噴金幣~~)

結果冇去到海口

其他的東西

7仔酒店用的係有相當紀念價值的奧普浴霸,私有化時30幾厘股,現家仲留住應該去到80厘股

廣州食左個豪華牛腩煲,128,呱呱呱,位置係廣州淘金地鐵站北上,叫大神牛腩,超足料夠火候,夜少少D客會坐到出街,要食預早少少唔好係正食飯時間

淘金地鐵站北上牛腩舖附近,叫百年雲吞,由於上下九附近的雲吞舖一定逼滿冇位,所以呢度食仲好,而且更平

農講所地鐵站,叫武林廚神,有點少貴,都叫比珠海平,質量吊打港澳茶樓,好食有推,廣州食野都好高質,冇偷工減料,仲可能補充齊元素周期表的成份添

順便爬山,白雲山上野餐

行左山路

中略,冇地圖好多分丫路後,到左山泉

想沖幾耐,開聲呀

味皇野餐食完,條友仲沖緊涼洗緊頭,洗成大半個鐘仲未洗完,淨骨水乎?

海拔400左右

九龍泉(乾)

鬼叫有人係山泉淨身

少量增持

6.92還是6.95咁上下增持多4000股美蘭，另外1.09增持多10000股佳寧娜，當時恆指27300,現家得返26300，一買就跌，話說港股點數奇景地比道指反超，咁下一個目標係比日經超埋?

所謂國進民退，范冰冰變犯冰冰，無非係求財，順便劫埋色啫，如果利益唔大，郁手又麻煩，咁就江洋大盜都費事劫你，如果覺得你係肥羊，或者係魚肉，江洋大盜先會捉拿你，話你勾結江洋大盜，強姦母豬

如果話邊D企業容易招來大爺，就係控制基本物資的公司，例如以前鹽唔比民辦咁樣，官老爺喜歡插手的係礦產砂石水泥，碳水化合物同製作白色粉未，水電能源，海陸空港，情報渠道資金渠道宣傳渠道，教育醫療交通，邊境漁船管制，敵國的主要行業的國內山寨咁上下，而服務業，飲食業，娛樂業，零售業就唔會插手控制，目的是求財而已，抽重稅就可以，地產同科技，表面上唔插手，但可以用水泥，貸款，服務器，基站黎鍊住個春袋

味皇買入的美蘭機場名義上係民企，但應該會收歸國有，母公司海航周身債除時爆，但有事時子公司應該會拆出黎賣用於填氹，母公司窮子公司就較會派息，母公司係政府就更加會派息比人分，美蘭的派息現家雖然少但也是安全的，公司長期前景也明確，佳寧娜就每半年吸碧貴園成億現金，現家樓市雖然唔好，但佢好快就由負債變成身現金，加息周期成身現金應該有各種好處，不過味皇自己就冇現金，本來想買少少嘉士利的，佢係食品廠唔會比政府充公，但萬稅爺眼金金咁，會有機會唔捨得派息，所以買唔買有D猶豫

股市跌而你又唔敢郁或者唔知點郁但又怕執輸，長江基建同新創建應該可以無痛止癢

味皇現家係中山用電話寫緊呢篇文，似乎早排低估左中山的稅收，似乎係坦洲政府特別窮，石岐周圍的予算應該比較充足，市容同珠海基本一樣，係綠化帶修剪得漫D,路面標誌暗D,未見過行人天橋咁，大致還算繁榮，之前係咁sell港澳人買的大信新都滙，人流在生同死之間比較傾向生少少，人流是有的，是個唔錯的商場，但能否產生滿意的回報就有些疑問，好的資產如果不能用好的價錢取得，就好睇唔好食

實際上味皇呢幾日諗住去睇下126同160的新場開成點，新年果時去睇未開冇野睇，現家再去睇多次，有時間味皇還打算去海口睇埋357，無論實地觀察定財務分析，也不過是一種確認手段而已，一般實物資產，你能確認佢的價值時，可能已經存在相對應的價格，不過證券好多時會唔同，你確認到佢的價值時，佢的價格可能和你的認知有很大的乖離，唔係超前就係滯後，睇定黎食一般都係証劵先可以做到