爆水管

煩死了煩死了煩死了
不是味皇傲嬌,而是樓B爆水管,情況嚴重,需要大修,租客炸形,另外樓C也有長期不明的漏水現象,買垃圾樓回報雖然很高,但總是會出現煩心事
因此,以2.36沽清震雄,3.18換入萬零股晨鳴,餘款準備用作維修費

日本樓的屋契近日入手,好薄的一份

股市大跌,但不代表公司的盈利轉差,甚至情況相反,這是買股的好時機,特別是一些平時買唔起的藍籌,現在價錢也相當相宜
個人認為中石油,中海油,中移,九倉,中遠,中銀香港都有利用價值

中石油(857)VS中海油(883)

由於需求點都會有,我們只需將它們想像成債券,以適當的價錢入手就可以了

首先要說明,中石油是陸上油田,中海油是海上油田,兩者在固定資產同投資效率上不具可比性
原因是,陸上油田,如果有易開採交通方便的地方,一早就會被發現同採乾,若後來才發現,又會因為附近居民多而不能開採,而如果油田在山卡啦地方例如沙漠,把器材同人手搬過去,把成品運出黎,過程會駛好多錢,而且當地亦不適宜人類長期工作,但是海上油田的話,無論你在珠江口還是在馬達加斯加,把生財工具移動過去的方法都相差無幾,反正再偏遠亦只是船程問題,而成品又可以就地出口,因此中海油固定支出會比中石油低得多,現家係,將來都係

                                中石油             中海油
固定資產+投資  16500億            2500億
存貨                       2100億                 50億
------------------------------------------------------
                                 13%                       2%

就好似咁,中石油開採出黎的成品,好在都在路上或貨倉上,發現一個油田,中石油要先搞配套,而中海油可以即採即售,因此中海油的資金需求相對較低

                                中石油             中海油
固定資產+投資  16500億            2500億
折舊                        1500億              330億
--------------------------------------------------------
                                     9%                  13%

看起來中海油的油田壽命比較短
中海油的存量是產量的10倍,即起碼可以撐10年,中石油就12年以上,同折舊率也算成比例

油田的存量同盈利沒有關係,影響的只是收購價,影響盈利的是產量,好似你個肚係得咁大,但你可以用甘油泵日日排放,亦可以一星期先爆一次大獲,甚至變態的用萬能膠封左佢都得
政治正確的做法,如果是國內油田,應該要慳住吸,國外油田,就搏命搾乾佢,甚至把外國油灌入國內的廢棄油田,不過強國方針是盈利至上的話,就好遺憾地變成先把自己的老本賣光,日本仔就不會這樣了,正如稀土一樣
第一,現時的油田並非全力抽水,而是留有餘力,第二,存量起碼可以用10年,股票性質起碼同10年期的債券相近,因此固定資產同存量對股價影響力似乎不大
由於是因應市場需求量來開採,因此不要妄想存量增加或發現油田就會增加盈利,增加盈利的是銷量同油價,如果經濟向好價量齊升,就留著,如果發現油田的消息令股價上升就脫手,換公用股

                                中石油             中海油

增加固定資產      3800億             630億
折舊                       1500億              330億
------------------------------------------------------
                                2300億             300億
總有些折舊是維修費,由於壽命同折舊成比例,味皇相信其折舊是有效的,維修費等同折舊金額
可用於增加油存量的支出為下數


                                中石油             中海油
保留盈利                 640億             470億
增加固定資產      3800億             630億
投資增加                   70億           1500億
投資減少                   -                   1400億
債                            4500億             580億
貸款利率                   4.X%               5.X%

似乎中海油的舊油井可以拆解重用或當廢鐵出售,而中石油就唔得
發現中石油大量借錢探油田,由於油田的債券性質,這點也不能說是缺點,而且利息也不算非常高,不過探油田的成功率隨機性極高
中海油就基本不用花太多錢探油田,而是改為收購現成的公司,反正收購價不會平,回報只比利息多一些,但投入的收益確定性很高
中海油的利率比中石油高,原因相信是中石油可供抵押的物品更多,銀行看抵押品而非盈利能力來訂利率
5.X%的利率相當於美蘭機場一類收入穩定的公司,評級還算高的

                                           中石油             中海油
表面利息保障倍數        14.8                    66
減去維修費後                   6.8                    49
債                                     4500億             580億

中石油可再借的範圍有限,假設利息保障倍數由6.8降至4,債務上升至7500億,即可借3000億,不過投資功效隨機
中海油假設利息保障倍數由49降至10,債務上升至2840億,即可借約2300億,假設套息2.5%,可增加盈利5X億
簡單來說,兩者皆不可通過借貸大幅增加盈利,何況有限的保留盈利,公司發展只能漸進式的,而不會大躍進

實際上油公司自體發展和市場的力量變化相比,微不足道


                                中石油             中海油
市值                     14200億            7400億
派息比率                 45%                  30%       
股息率                     4.5%                 3.8%

如果派息比率統一為45%的話,中海油的息率會升至5.7%,中海油財政比中石油好,派咁少一代表姑寒,二代表出面有駛錢機會,由於中海油亦曾經高息過,而且最近有收購,屬情況二,而且就財政來說也比中石油好
作為投資的話,中海油更平,財政更好,確定性更高,投機的話,反正都是市場因素隨便一隻都OK,咁都係選中海油好了
作為收息用的話,中移動比中石油同中海油好多了,仲買乜鬼油股

日本福岡旅行LAST DAY

LAST DAY
搭2點鐘機,10點去地產補簽一些簽漏的文件,又要去買鎖
之前再周圍行下

再去全家買炸雞,今次豉油味...鹽味好食D
順便仲買左D手信

另一間便利店買的,150円500ML,比汽水機抵好多

連日清都有總部係度

新鮮的白果
日本種咁多白果,是為左打仗圍城時,有應急糧食,都是古代的習慣

D人開始返工,我亦要上地產舖
社長:昨天睡得好嗎,辛苦了
味皇:你地尋日加完班,今日又早起,咪一樣辛苦
經紀"想買鎖嗎?大創有賣
社長:你陪味腥買,兼送佢一程

去巴士總站大創度買鎖,店面大得滯,要經紀問店員放邊度先搵到,最後仲買左支1公升裝CCLEMON,同一D零食都係105円,日本乜都貴澳門50%,但只有大創平,同樣的貨品,價錢是澳門的50%,掃貨必去
在日本補充水份是非常嚴峻的問題,汽水機賣的容量只有150-350亳升,同韓國一樣小型化,但賣100-150円,閒閒地十幾蚊一支,幾啖飲完,我去左幾日,咁就飲左張紅衫魚,結果臨走先知點摼
因此比個貼士大家,係香港帶個維他樽,去大創105円買支1公升裝,分成幾樽慢慢飲,反正飲到1/3已經回本

經紀又訴苦,連續返左10日工,仲日日加班,就黎支持唔住
鬼佬比麻煩你了,唔好意思

在博多站,經紀私人買左盒手信比我

甜到漏果隻,入面似係豆沙,但好重奶油味


去到機場,右門神

機場食左個咖哩蕎麥面,500円
應該說是咖哩汁淋蕎麥面,標準的木魚湯底,蕎麥面本身有陣香味,咖哩亦唔錯,無論分開黎食定混合黎食都各有風味

機場內

侯機室

(筆者第一次買投資用公寓是XXXX年,30歲的時侯,當時30買樓的人極奇珍奇,周圍的人都當自己是怪人,不過自己還是有點信心的)

同一款飛機餐

到達上海,毒霧依舊
住左幾日日本,落機突然呼吸非常唔舒服

毒霧影響,無限期停飛
..........

滯留人士尊享豪華晚餐,肉丸,椰菜,雞髀

寶刀本應向天嘯,味皇奈何飄泊身

5點的機11點先開出,書都睇完
下次一定要用長榮

待遇好左


+1DAY
到達香港,已是半夜,超蛇餅

不愉快事情連撃,今次冇爆鎖,但好明顯味皇的行李遭到鹹蛋過肩摔,納爾遜式鎖同筋肉強打的重擊,外皮完全爆開

以前在YOUTUBE睇過大陸地勤的投石技,點解唔參加奧運?


冇船,只好粟一燒,下層冇位,此處不留爺,自有留爺處,我去上層
類似愛回家的在取景...妖,我不是臨記,咪痴埋黎
最後是味皇走開,導演似乎是相當燥底的樣子

早晨大叫一聲,走鬼!
你走我走大家走!

中環坐早船回來

扣除損失後,買左的東西不多


完

祖國蠕動(941)VS祖國攣通(762)VS祖國澱腎(728)

                                941           762           728
固定資產+投資  5300          4400       4000
經營現金流         2800            770          770
---------------------------------------------------------
效率                         53%         18%          19%

固定資產+投資  5300          4400       4000
總債項                    290         1000        1000  
---------------------------------------------------------
槓桿                            5%         23%         25%

經營現金流         2800            770          770
增添固定資產    1200             880          500      (保養費)
---------------------------------------------------------
可用盈利             1600           -110           270
派息                        550              20              60
派息比率                 34%          N/A             22%
現金                          +                 -                 -

固定資產+投資  5300          4400       4000
增添固定資產    1200            880          500      (保養費)
----------------------------------------------------------------------------
費用                      23%            20%         13%


通過列舉法可以知道,三隻野之中,只是中國移動有財政增長,而聯通入不敷支,電信僅收支平衡,因此將來只有中移有大幅增加派息的能力
進入死豬年代,如果三間公司都已經完全研發,那麼最劣質的聯通電信盈利會大升,中移增長比例相對低而冇得升,但即使盈利增長左,派息亦只有中移會加
而如果三間公司都在研發初段,則因為僅有中移是淨現金,所以只有中移可以有錢研發,如果大家都投入1000億研發死豬,過程中中移只會浪費一些利息收入,但另外兩間就會負債更多還更多息,1000億中移半年盈利可找數,但另外的賣屎忽都揍唔出錢還,而且多1000億固定資產最少要花130-230億保養費每年,因此聯通同電信一兩年內都冇本事升級發射站
中國移動不知想儲錢儲到幾時,可能內銀爆煲時就會比政府充公,但以佢每年現金流入千幾億的情況下,可以中飽同揮霍的空間較高,雖然政治任務亦重
聯通因為不敷支,可能需要各種補貼,技術力可能會被拋離,派息冇保證,除投機以外沒有太大價值
電信同聯通差唔多,不過仲可以原地踏步
近3個月,移動跌6%,聯通跌18%,電信跌14%
用現金流計,當中移1600億,PE14=2.24兆,即每股74,當派700億3.5厘計,2兆即每股66,不過中移動每股派息加埋大於總派息,似乎有人以股代息?當每股派息3.8計,3.5厘為108,直接盈利計,當中移賺每股9,PE14=126,合理值74-126,本來想計埋PB,不過同另外兩隻想比似乎冇可比性(中移股數300億,市值是2.34兆而不是只有1.55先兆)
同樣,當聯通好彩有200億,PE10=2000億,即每股6.7,萬一停派息仲會大跌,當可以維持派息,每股0.15,計3.5厘即4.3,就職用盈利計,每股0.3X的盈利也計不到好價錢,老老豆豆,好很唔掂(聯通股數300億,市值是3090億而不是只有2450億)
同理,當電信有300億,PE11=3300億,即每股4.1,但派65億3.5厘計,則只有1600億,即每股2.3,不過電信因為利息支出多,轉化為盈利的比例較低,當每股賺0.26,PE11=2.86(電信股數809億,市值是2920億而不是只有500億)

中國移動現價派息4.4厘且有增長,作為公用股,某程度上優於現價的新意網,至於買聯通同電信似乎比較容易損手

日本福岡旅行DAY4

DAY4
由於這天晚上要準時到地產舖簽約,不能遠行,因此以遊行為主

朝早7點起身,落酒店餐廳睇下,打算好食就另外比錢,不過看似唔啱我口味,轉個圈就算,BOOK房唔連早餐正解
穿過住吉神社出發



一路向西

有人派咖啡試飲版,50ML,雖然味皇不飲咖啡...味道還挺不錯的,就是奶味重了點

經過街市

當時仲開緊檔,有580円一盒的士多啤梨買,本來想買的,不過又想回酒店先食,費事壓爛變壞,打算夜D先買

渡邊通的地下食街,呢個時候仲未開檔


黑影果邊係蔬菜專門店

去7仔度買左個肉包當早餐,一個都要100円,日本似乎冇幾十円的物體
好多汁,而且入面仲有竹筍,之前仲苦惱如何才能食到九州的竹筍料理,結果係呢度食左....算唔算?

我也想著下....水手服果件

三越,西鐵站在入面

穿過佢,係一塊比商場包圍的空地,有間神社

警固神社


向南折返,轉入內街

自來水公司

維修中的大廈係咁嘅樣

由城中村出返大馬路,向藥院同平尾方向

平尾附近的內街




百年大道,電影FEEL


食博多拉面,於是想搵一蘭,由於食肆味道總是和工作量成反比的,因此味皇選去一蘭創始的老舖,而不是去中洲的總部

食長腳蟹專門店

M記請奴工,時薪750-938円,暑期工715円
原來在日本,攞最低工資比人勞役一個鐘,可最起碼都以食到一餐頗豐盛的午餐
一間市區180呎木屋單位,日租大約800円,一間250呎電梯公寓,日租1000円
即是說,一日做4個鐘的M記已經可以在日本唔死

村屋,好像是這方向...

地球防衛隊出動!宇宙怪獸交比你地了!刀叉戰機

剛好在地盤前:
(那之川梅崎大廈工程
工期2013年11月6日-2014年6月30日)
原來一棟公寓半年多D就可以起好

哦!風景真好

不知不覺來到河邊,水質唔錯,好多水鴨,亦有釣魚佬
如不是自由行,就不同看到景點以外的好風景
可以比我成日釣魚,呢D先係味皇的理想生活

但是一蘭在那裡?

回到大馬路,去7仔旁邊痴WIFI
耶穌唔打鳩你,但GOOGLE可以打救你,原來行過龍

找到了,原來在臭蟹再行過D

整體照

買飛,不便宜呀

11點,未到食飯時間

味道:淡 中 濃
?
???肉: 冇 肉碎 1/4塊 半塊 1塊
蔥:冇 蔥頭 蔥身
叉燒:唔要 要
秘制辣蕉: 冇 半 中 倍
面質:鋼筋 筷子 普通 腸仔 老二

下面是追加:
一個面 半個面 加蔥 加叉燒 加糖心蛋?
白飯 啖飯 ??? ???肉 醋? 海苔 超油切 啤 燒酒?

黎到咁嘅造型

喵嗚,明明一半,都仲咁辣架,指天蕉磨出黎的嗎?
叫左清淡,都仲覺得鹹,似乎博多的豬骨系拉面不太啱味皇口味,看來關東的醬油系拉面和我相性好一點
面質似乎同超市賣一支支的素面差唔多,雖然幼同直,但依然幾入味
???肉確認唔到,唔多覺
反而叉燒好正,鹹香之餘,仲有陣甜味,比起之前果間好100萬倍

去放個水先
驚現一蘭廁紙陣--紙蓋三分閣,名乘八陣圖,沖完用一卷,忘記剛痾完

回程,經過美野島

美野島一帶為純住宅區,都幾多盤放

福岡,勝在有公民袋

市街好乾淨,福岡行人不多,但車多到冇朋友

這香味是!
第一次有野在視覺以外吸引到味皇,可能門窗封唔密,強烈的咖哩香味飄出黎,今晚就食呢度啦!

行左5個幾鐘,回酒店休息一下
經過住吉公園,買左燒墨魚丸,400円,這是之前在澳門用GOOGLE街景找到的
入面是一個好精神的阿婆,點燒墨魚丸不難,但之後佢問加乜醬,呢個難到我,唔好加沙律醬!已經加左


墨魚丸舖旁邊是一間50呎都冇仲有堂食的叫咖哩KEN的舖,有晚11點幾味皇見到入面有條友洗五六個大飯煲,這樣的舖位能養起人,在港澳實在難以想像

回到酒店,職員比錯鎖匙我,之後回來算帳,職員給了我一張非常紳士的,極具珍藏紀念價值的劵


係酒店,食左墨魚丸,痾一篤,玩弄下後出功能,之後再出發

收好張紳士劵之後,出發去運河城,北上尋歡

直去冇癮,走迂迴路線

渠蓋的花紋每個都是不同的

太近,即使迂迴都一陣就到
聯想到生蠔天地

水是出面的河水,有人影婚紗相

5層,主要都是商場
地下是食店,頂樓是拉面街,其他層數賣衫果D,頂樓有層疑似僭建,賣傢私床上用品同單車
上次食烏冬好多草果度係運河城2期,有九州最大的UNIQO同ZARA

賣傢私果度連木屋都有得賣,即係你有地皮,就可以同你咁起

過千呎,鋼骨木牆結構

中洲,北上尋歡

同大阪北新地齊名的青樓區

問君能有幾多愁,恰似味皇冇水踱青樓

一蘭的總部

過橋

要入場費的,唔?我是路人

一兩點,個影已經幾長下

順流而下

疑似電視台,味皇的物件係呢度

唔好走太遠,轉回博多方向

河上的防波堤,半天吊的設計是防大浪
向果塔度走

博多埠頭,可以坐船去韓國,坐船去北海道

回程


能見度高

小學生的勞作

福岡不止有公民袋,亦有黑澀會,不過呢,澳門也有金金

坐低休息下

吳服町

又回到祗園

背脊有個牌坊(鳥居),寫住櫛田神社,哈,完全忘記了

櫛田神社


三層樓高的公仔,節日會抬出黎

千幾年的白果樹

好全家度買左包鹽味炸雞塊,200円,味道比堂食的仲好,正
經紀同我講,日本的便利店,廁所可以自由使用,一定唔怕賴
經紀同我講,日本的垃圾桶唔係周圍有,得便利店門口先有

外表豪,不是真的豪

外表殘,就是真的殘

戶數會嚴重影響樓宇的保養質量,眾人夾錢層樓新

夕陽無限好,明日就走人

回到酒店休息,睇下書,等一陣簽約
今日行的路程愖比馬拉蟲,但味皇卻不算非常累,主要原因是福岡空氣的含氧量比港澳高得多

10年前在鴨寮街買的魚竿,原本打算今次開光的,去唔成海釣公園太遺憾了


7點去地產舖簽約:
社長:如此這般
味皇:OK,物件冇問題,簽在這裡可以嗎?另外稅理士收費幾多?
社長:等我確認下
經紀:電話中
經紀:8萬円
味皇:8萬円!?
經紀:8萬円
味皇:本地人才1萬円的說
社長:8萬円
味皇:....
味皇:我仲未在交件上蓋章,即是文件簽左名都未生效嗎?
社長:...
味皇:...
社長:未
味皇:...
經紀:花了那麼多功夫,你又特意坐飛機來,如果因為稅理事手續費而唔買就太可惜了
味皇:如果我不能由此賺到足夠的錢,就沒有買的意義嘛
社長:...也對
味皇:...
味皇:放棄算了
經紀:太可惜了
社長:太可惜了
味皇:那麼再見
社長:送你出門口

地產度研究左3個幾鍾,現在時間10點半,同圍都關門,食咖哩同士多啤梨的預定也泡湯,未食晚餐的味皇帶著失望的心情去博多地下街食飯

夜景好是好

不要在我面前咁開心呀混蛋(偽)

閂剩幾間,武大燒餅幾適合我

材料蛋,培根,炒面,椰菜,海苔
總體味道係幾好的,但一夾就散,佢比得個剷我,又好難界開,未到預期
可能味皇印堂發黑,背有陰影,從而影響左味覺

就打烊

回去洗洗睡...
味腥!!
?


味皇:還真奇遇,現在才收工?
經紀:最近都加班加到11點,想死
味皇:辛苦你了
經紀:味腥,如果稅理士的收費降到XX你還買唔買?
味皇:XX嗎?
經紀:我們公司在上年才轉用這稅理士的,佔這稅理事的收入的比例也不算太低,我們的社長要求他們減價,就減了
味皇:讓我考慮下...
(這回報率雖然還及不上富豪REIT,但味皇考慮到凡事總有第一次,想將來繼續買或當成事業的話打個底都無妨)
味皇:...我們回去吧
經紀:讓我通知社長回公司

結果搞到12點幾,終於做左包租公