2016年5月30日 星期一

不正當私有化

奧普私有化實在令人悲傷,味皇將不能持有它黎迎接第10個春天
但今天的主角唔係奧普,而係莆田系..咳.應該係福建的睇肉股
味皇一直懷疑其現金是否真正存在,但一旦私有化之後,一切疑團都會作古,成為永遠的不解之迷,最偉大的財技莫過於此,像洋腸一般中出,把帳單留比港女,隨清風而去,不留下一片雲彩
無論味皇的懷疑是否正當,但這都可以作為一個很好的教學案例,以下味皇將化身成老千,讓柯南同大家一齊解開呢個迷

好耐好耐以前,有一個味皇,開左一間賣魚腩的公司,公司雖然冇乜現金,但都去搞上市,仲同埋朋友的檔口一齊去市集上市添
上市後的生意有冇變好?這不重要,重要的是味皇佢地賣少量股權就攞到賣魚腩賣100年份量的現金
味皇覺得親生仔不如近身錢,原先承諾的收購,擴張等等,慢慢黎,留返個錢旁身好
上市一年後,味皇聲稱檔口賺多左3倍,於是派多3倍息出黎,這樣味皇自己就有左3年份的現金            上市後的生意有冇變好?這不重要
上市兩年後,味皇聲稱檔口賺多左3倍,於是派多3倍息出黎,這樣味皇自己就有左12年份的現金            上市後的生意有冇變好?這不重要
上市三年後,味皇聲稱檔口賺多左3倍,於是派多3倍息出黎,這樣味皇自己就有左37年份的現金            上市後的生意有冇變好?這不重要
另外呢年味皇聽朋友講,放貴利比柯南炒樓好賺,於是將公司50年份的現金借出去
第四年,本節目的攝影師無緣無故伏屍係味皇檔口甲萬度,完全係密室殺人事件,味皇聲稱檔口今年賺唔多,減些少派息,例如派13年份,這樣味皇自己就有左50年份的現金,股價大跌
第五年,樓市好似麻麻,柯南經常到檔口企跳,口中狂叫"真相只得一個,兇手就是你",味皇宣佈用50年份的現金私有化魚腩檔,理由係檔口太邪,成功私有化後,味皇燒掉數薄,辟邪
第六年,味皇去到第二個市場重新擺檔,改了名的公司雖然冇乜現金,由零開始,但味皇卻身穿金縷玉衣作檔口的生招牌
這個故事教訓我們,只要燒掉數薄,就能重新開始
一間公司,上市,到非上市,再上市,在中間非上市的果段空窗期,無論做乜都是合理的,無人可以說三道四,涉露大家機密

這只是冇根據的餘興之談,但好似超大袋呢D公司,只要在八卦記者來到之前安排好私有化,那麼現在佢地依然能風風光光的過日子,所以戰略撤退是一個很重要的技巧

有冇需要阻撓奧普私有化

今日用2.58買入8000股奧普,私有化價錢係2.71,仲有4仙未除淨,因此最終水位係2.75,有打算賣晨鳴同日本城換奧普的,但冇足夠的成交量所以放棄
另外比較早之前,3.38賣出11000股春泉,3.1換入10000股匯賢,冇乜特別內容所以留返一次過講返
講返奧普個出價,由於奧普從來未去過呢個價,所以在奧普上市後任何時間買入的小股東都唔會因此蝕錢,理論上出價唔可以話低
但味皇等老屎忽深知奧普的價值,就算佢出到3.2,吾輩都會認為唔夠,但係味皇呢類人,係市場上只係好少數,現在同之後持有奧普的小股東:
1.私有化宣佈左之後買的投機者,拉倒就即蝕,所以一定會支持通過
2.見奧普升跟風買入的大媽,佢地唔會去投票,而且接佢地火棒的一定係大媽同投機者是但一方,所以一定唔會妨礙通過
3.私有化前高位2.4買入的股東,現家解套,唔會反對通過,或者已經賣左,由於接佢地火棒的一定係大媽同投機者是但一方,所以一定唔會妨礙通過
4.私有化前一兩年低位個幾兩蚊買入的股東,2.71比當時價高幾多下,唔會反對通過,或者已經賣左,由於接佢地火棒的一定係大媽同投機者是但一方,所以一定唔會妨礙通過
5.多年前買入的股東,嘗盡高息的甜頭,反對私有化
由於香港地買股票的人,大多都唔會揸股票超過一個星期,何況揸幾年,所以反對私有化的成功率非常低
咁如果有辦法可以拉布,咁博唔博呢?
呢度用越秀作對比例子,越秀的主席,只是打工的,收購IFC成功與否,並不會影響上頭下達的派息政策,雖然影響到撈到的油水,但否決左對其仕途影響不大,另一方面,否決越秀收購IFC,好大幾會令股價上升(唔收購IFC現家值7蚊),所以小股東有反對的動機
而奧普唔同,奧普係老闆自己的公司,而奧普老闆在香港上市公司當中,算係比較高道德水平的,相信佢平時係用輕快的心情黎決定派息的,而今次私有化涉及佢切身的利益,假設你係小股東,你否決左私有化,否決左老闆的切身的利益,你就係阻人發達,佢會唔開心發脾4,一個發緊脾氣的人,會唔會對仇人大方呢?可唔可以對仇人保持高度的道德水平呢?由於方杰收取微薄的人工同派好多的股息,只是向來係咁,而唔係乜野文字規定,如果佢一個心情唔好走向腐化,對繼續持有的味皇唔係好事,對將來A股班人都唔係好事,對君子可以講道理,但唔能夠保證任何人一直都是君子,如果把無故減派息視為開始作不君子行為,咁同佢地抗爭的下場唔一定好,同老千股對抗就話自己冇乜野可以失去,但同收息股對抗,等於比人揸住春袋,而且否決私有化股價會打回原形,係上面的黑5類..黑4類最唔想見到的事
強扭的瓜唔甜,味皇自己就好來好去算了,如果佢自已肯放棄當然最好
在2.71這個價錢,味皇會視奧普為6厘股,派咁高息又省心的股票,唔係話搵就有,作為味皇收息主力之一,換成其他股必定做成股息收入下降,唔係話賺果幾萬就好著數,對味皇黎講係令收入下降,係私有化呢個時點味皇只有認裁,後奧普時代,味皇要速搵可靠的代替品,姑且搵到兩隻候選,可惜息都比奧普少

2016年5月28日 星期六

本地收租股比較

太古1972/希慎14/九倉4/會德豐20/九建34/嘉里683/海港51/小輪50
             太古    希慎   九倉   會德豐   九建   嘉里   海港   小輪
市值     1184     344   1256      684       81    276     93      32
淨值      2562    675    3168    2017    138    780    162     57
息率(%)   3.5     4.0       4.6       3.4      8.2     4.7     5.3    4.0
----------------------------------------------------------------------------
PB          0.46   0.51      0.4      0.34    0.58   0.35   0.57  0.56
淨值息率  1.6     2.0       1.8       1.1      4.8     1.7     3.0    2.2
債務比率   12     7.1        23        53       64      43      30       0
以下作非年報的推理
九建同海港高到似派特別息咁不能作準,會德豐似有其他問題,平均水平係1.7-2%之間,計埋1X%稅,稅前淨租用回報率2-2.3%左右,相當於收10000蚊租時層樓值520-600萬
用呢個水平推算,會德豐正常的息率為5.7%或其淨值比估值師虛標多7成,真正淨值1200億,PB為0.57,虛標淨值的極會較大,估高層樓似乎是為左借錢,現家債務/股東權益有53%,槓桿很高,順利時理應會賺得更多,現家賺咁少明顯係出左唔知乜事,因此會德豐作收息用途不安全,投機就要視乎佢能夠解決問題
九建槓桿64%,息率咁高,而PB又比較高,相信佢借錢買樓非常順利,九建作長期收息用途不算安全,逐期收息就OK,需每年都留意佢有冇搞出大頭佛,需作脫手對策
嘉里平均的息率看似正常,但PB太低,推斷佢有回報唔錯的資產同有回報奇低的資產混合,有可能有大量的在建工程,等起好先有租收,於是嘉利可以投機入伙,具體睇年報,如作收息用途睇落都可以
海港的回報出奇地高,記憶中佢得一棟商場物業為主而非寫字樓,有咁嘅結果並不出奇,當你唔知佢有乜物業,就齋睇數字黎講,有D可疑佢點解咁好賺,但又睇唔到太多破綻,所以值得睇年報確認佢係乜樓,個人認為海港城相當高汁
小輪有D類似海港城,不同在於冇借錢,回報低D好正常,小輪睇落應該唔比海港城差太多,性質都應該類似,但4厘息率價值偏低
太古同希慎債務比率都低,回報率都係咁上下,但太古貴D,借錢少代表專心收租,唔買新野,穩定性應該唔錯,作收息用途上佳,但得果4厘價值偏低
九倉的回報率正常,但PB好低,由於借錢唔多,冇動機去請估值師飲茶,相信只是股價低估
呢堆入面排最優先的味皇會選海港城,而九建有尖隊的可能
                 太古    希慎   九倉   會德豐   九建   嘉里   海港   小輪
上年派息   0.71    1.32  1.90    1.15      0.58    0.9     0.7    0.36
上上年息   0.66    1.23  1.81    1.07      0.57    0.9     0.6    0.36
上上上年   0.60    1.17   1.70    1.00     0.57    0.9     0.6    0.36
上上上上   0.60    0.95   1.65    0.85     0.57   0.95    0.6    0.36
就派息穩定性黎講,都算安全,息率再高D仲可以同REIT鬥添,九建睇落似係D人嫌棄佢冇增長,由於有8厘息,因此比九建尖隊

好了,齋睇數字睇得啱一般你唔會踩屎,例如某記的漢堡同另一間一樣價錢,但塊肉有3兩重而非2兩,咁味皇自然買3兩的黎食,那麼你地現家就恭喜下味皇,可能食左傳說中的蚯蚓漢堡,就營養來說,3兩的蚯蚓肉自然比2兩牛肉有料,但係呢...
呢D姑且叫數字盲好了,好似上面海港咁,原來味皇誤以為佢係海港城,其實佢全部樓都係大陸,根本唔關本地事,所以數字同本地貨差咁遠,咁九建會唔會又係大陸貨?可能性幾大下
上面的情況倒是冇乜害,誤食了營養豐富的蚯蚓漢堡啫,冇人提起就冇人知係7事,海港同呢堆相比依然高汁,不過這個故事教訓我們,凡事只睇數字並不是好習慣
不過味皇興作文速寫,一大堆年報好難比較,一堆數字就易啦,呢篇即興野分析連打字用先左40分鐘,幾個網頁同時多開,對比下就可以完成初選,証劵分析也是速度作業
回到正題,堅本地的話,九倉同希慎都好

2016年5月26日 星期四

雙租

雖然以前呢度講過,現家再講多次雙租,事關最近有人話乜乜5年買3間之類的話題
呢度假設,好似味皇咁上下的單身狗君月入有10000,貸款利率3厘借到30年,來路不明但姑且叫有85萬首期(首先要有...)(成功需...)
1.單身狗君分租狗竇5000,手上有85
2.單身狗君買屯門某狗竇170萬,借85-115萬,供樓3600-5000,手上錢30-0萬
一般都係上面的情況二選一,但利用特殊財技可以產生其他第3第45種隱藏關卡選擇,當然風險是存在的
3.身狗君買屯門某狗竇170萬,借85萬,供樓3600(1400幾係還本),再6000租出去,繼續租原來的狗竇5000,淨支出2600,居住條件不變,有層可買賣的物業,但85萬就冇左
4.單身狗君買屯門某狗竇170萬,借85萬,供樓3600,之後6000租出去,咁你的收入銀行睇起黎係10000+6000X70%=14200,增加4200,找另一個身狗君結為夫夫,兩狗收入共24200,供緊3600,然後270萬買入兆康同居,於是借185供樓7800,加埋供11400,收6000租,淨支出5400,香港婚姻冇3P以上,所以只能到此為止,原來單狗收入10000借到115萬,只能買170萬內的出租或200萬內的自住,孖收入共20000只能借230萬加手上170萬的現金,只能買340內的出租或400萬內的同居或揸兩間170-200萬內的,而現家叫控制住440萬的物業其中有間可買賣
5.曾姓身狗君買一個狗竇170萬,借85萬,供樓3600,以9998租比麥身狗君,同樣麥身狗君也買一個狗竇170萬,,然後9998租比,係呢度同情況1的收支是完全一樣的,但公墓猿仲可以申請租津,的收入銀行睇起黎係增加6999,可以問銀行借多82萬,原來未用盡一半限額果1400又可借32萬,加按慈母層樓(如有),60萬FP買個金C的車位收1800,銀行睇起黎收入再增加1200,又可以加按借多14萬,手上有66萬,再買車位再借唔係唔得,66萬買REIT年收40000息用於還款,黎度呢度非人工收入是9998+1800+40000/12=15100左右,支出是9998+3600+3500=17100左右,淨支出2000比情況1好左,而控制資產多左個車位同REIT,如果要應付47歲破產,提前賣左個車位同REIT筆錢帶埋移民去火星,任銀行收樓就得,還唔還慈母又一件事
好了,隱藏關卡要玩的話仲有好多,雙租的實用功效是細單位租金厘數比大單位高,收幾個細的租再租大的會有錢剩,但呢度調用雙租秘技真正目的在於令銀行以為你收入多左從而借多左唔應該的錢比你,然後你利用筆錢換取本來不存在的風險同損益,但係呢招係用於第2層樓或加按的,能一開始就去到呢步的基本都是現充,偽毒或父幹,以前或者得,放係現家的多數毒撚都模仿唔到,但呢D高端野係去到中產LV就用得著,所以毒撚首先要有...兒子生性病母倍感安慰?脫毒先啦,脫毒?有車有樓先啦,點有車有樓?有錢先啦,點有錢?so sad
(人工咁低時,仲理乜鬼到財,食飯緊要,基金佬保險佬地產佬都係敵人,所以全香港都係敵人)
(所以你一係加入敵人,一係向上爬到敵人巴結你,聽日仲要返工)

2016年5月25日 星期三

關於日本樓作捐款募集 續

已經出左第一批紀念品了,好似有172頁,現家香港地,正正常常自資寫書隨時仲要蝕錢,好似咁等人打救起碼實正數先,開始感受到咬老綜都唔想蝕車馬費的心情?
經過實踐之後,發覺支付寶最方便,咁味皇講解一比錢下流程:
方案1-有淘寶,有支付寶,直接入味皇個支付寶
方案2-有淘寶,冇支付寶,去呢類充值入味皇個支付寶,用八達通,信用卡比錢(但有被騙風險,50%比人騙,50%比政府騙)
https://item.taobao.com/item.htm?spm=a230r.1.14.35.86wh7c&id=530400185329&ns=1&abbucket=12#detail
https://item.taobao.com/item.htm?spm=a1z10.3-c.w4002-13402791752.10.LAf4NR&id=530523308217
方案3-有淘寶,冇支付寶,去上面充值自己個微信錢包,用八達通,信用卡比錢,再用微信比味皇,風險同上
方案4-冇淘寶,冇支付寶,求其去商場D淘寶代購度同味皇充值
方案5-冇淘寶,冇支付寶,求其去呢類D賣點卡的同味皇充值
http://www.hogame.hk/kfzx/
方案6-有微信,用大陸號碼註冊,發紅包或轉帳
方案7(偽)-有微信,用香港號碼註冊,原來係禁左呢個功能的,唔支持跨境跨幣種
方案7-留EMAIL,用PAYPAL信用卡找數,不過事先情講好
方案8-問味皇索取澳門戶口號碼,建行已確認係唔駛名,保安度極低
方案9-湯財話OK.咁香港可以比湯財greatsoup@gmail.com ,確認返就得
支付寶係呢個比之前吱返聲,唔好入齊頭數,味皇現家個用緊呢個 lgaim126@gmail.com ,可以問唔一定答
唔比都冇問題,D內容遲早都會另外寫下的
紀念品內容提要:
日本樓係點嘅
日本樓係點計值幾錢嘅
買左日本樓你會點死法
有輻同享
咪買
反蝗
揀樓方法
價值投資
踩左屎點掹返隻腳出黎(唔包得)
財技(唔包得)
AA果D
好似呀邊個邊個住公屋的果類方法
舖位
日文網站點用
BNB

個人現家唔係咁建議買日本樓,得個知字都冇壞,但掹返隻腳出黎的方法買左的人知道下會好D

5/18
文件已經改成WORD了,但發現有幾張圖丟失左,不過唔影響閱讀,張就下
平時用開上高的126郵箱,但退信的幾會幾大下,好似之前有買左日本樓求救的情況試過起碼五次覆左都寄唔出,於是今次試用Gmail,上篇有留EMAIL的人近期就會覆返
冇留EMAIL的可以系呢度留返,或許去呢度跟貼  http://realforum.zkiz.com/thread.php?tid=193030
味皇唔係乜野清高正義的物體,正確黎講應該算是邪惡再加些少變態性但尚未完全腐化的黑暗生物,唔好睇到我咁高,上面的題目係"捐款",D過期犒係紀念品,而紀念品呢,係唔一定有的,呢個世界好多人形物體收左錢唔做野的,佢地日日都有上電視表演,不明捐款是有損款風險的
微信比錢隱密性最高,味皇知有好多人唔肯用係因為有外國勢力監控,因此味皇建議採用切離的方法,用後備電話上微信,咁就唔怕手上部機的果照鮑照閃卡流出,如果冇大陸銀行卡,係呢幾日都仲可以叫有的朋友紅包比自己後先再寄比味皇,另外事先聲明,味皇加朋友只是暫時性的,收完錢就鬆人...微信比錢優先度最高
澳門銀行入錢可以比個號碼,但姓名唔係太想比,如果咁都入到就優先度第二,由於入數分唔到邊個打邊個,因此入果時就入59.1-59.9或60.1-69.9之類咁,總之唔好齊頭方便認頭,比多左唔會退返的,姑寒可以比少幾毫
Paypal申請左了,但Paypal唔支援澳門味皇只能扮大陸佬(唔想承認,本來就係大陸佬),不過味皇由於冇香港戶口所以提唔到錢出黎,等於有入冇出,姑且優先度第三
支付寶無論點處理,監控強力的關係,交易雙方都會有好大的現形風險,優先度最低
姑且郵寄一張八達通卡都算係洗白錢方法?
再唔得就求其邊度捐120蚊比D慈善機構,救唔到味皇救其他人都算,味皇見入數單低概率認頭
如果有RF網友肯代味皇收過海數就最好,但不強求

最後,睇完本紀念品唔好周圍Share,試下係度交篇讀後感

2016年5月22日 星期日

邪惡組織

中國有兩個巨大的邪惡組織,基地遍佈全國,無論摧毀佢幾多基地,總會有新的基地涌現,冇人知到佢地根據地係邊,首領係邊個,背後做緊乜,而呢兩個巨大的邪惡組織的基地可以光天化日之下開在任何人屋企旁邊招募陌生人,公安都奈佢地唔何,呢兩個邪惡組織叫乜野名?
蘭州拉面&沙縣小吃
世上最恐怖的是到你死左都未知乜事而且仲要自己出錢收屍,如果蘭州拉面同沙縣小吃背後係某D特務組織,咁以現在的規模想毒殺世界1/5人口實在易如反掌,比你食完元素表仲收你錢,話時話,味皇今日係前山食左個10蚊的蘭州拉面又好似幾好食咁
是咁的,老千股成日講,中文成日講,咁英文old thousand又點呢?係GOOGLE度搜"old thousand",原來係搜唔出任何結果的,所以西人中招實在是必然的事,如此說來呢度的老千們豈不是專門坑害西人乎?原來老千是由愛國人士集合的正義組織,老千都要姓黨,正2的老千們向蘭州拉面同沙縣小吃展開壯絕的死鬥,啊啊,味皇的眼淚停不下來
但為點解偏偏中招的都係中國人居多?簡直理解不能
唔,主要係今日味皇食完野返屋企,咁啱屋企人睇緊CCTVB套廉政劇比味皇見到,內容大致係話上市公司主席的孻姑分D認股權比人頭,發D消息令股價升,用人頭代賺認股權的差價咁上下,呢個案例並不是普遍情況,常見的情況是會涉及財仔同劵商的,而且冇人敢郁,孻姑呢種屬於無乜權勢水平又低的獨行俠情況,不過作戲劇案例都仲可以,太精緻C9會睇唔明,孻姑咁做的成因係關聯人士唔可以自身買賣本公司股票,發消息後再買賣算內幕交易,案例中,孻姑分D認股權比人頭是合法的,發消息是合法的,發不實消息先會犯法,但發未証實的消息就可以唔犯法,因此發意向書呢D野就非常安全了,人頭賺認股權差價是合法的,但代賺就不合法了,如果人頭賺的錢唔係比孻姑,而係用投資,賭輸,交易的方式比涼粉,咁又冇問題,孻姑到時賤價同涼粉買返D資產就得,劇中孻姑失誤在直接向人頭收錢而已
咁講返正規做法,拳王係點樣攻擊的,之前都講過,首先,拳王絕對唔會用員工的身份証,因為拳王根本沒有員工,拳王軍的龐克混混是因為利益或者恐懼而加入拳王軍的,名義上是同拳王無關係的獨立人士,最多只能算是小隊長招攬的外判人員,拳王旗下的一堆証劵行只是偶然的有曬佢地身份証同股票戶口啫,佢地點解咁巧合每人都有一堆拳王股票,點解咁鍾意同互相間買黎賣去,之後賣下賣下點解又比街外人買曬,拳王本人絕對說不知道,連本人都不知道,咁廉政果3條友仔查條毛,拳王只是見股價得返1仙覺得唔好睇合下股,覺得有D新業務想搞供下股咁解啫

2016年5月15日 星期日

GP電池40

現價0.87,PB只有一半,年年都派息,唔算太差
最近摺左蝕錢業務,轉虧為盈
現金比存貨多少少,營運資金只是剛剛夠用,欠債比較多,但財政有少量改善傾向
財務特質同葉氏化工非常相似
最大賣點係因為之前蝕大錢,所以有幾多免稅額,近期會用到
盈利難以準確判斷,好似現家話賺5000萬,但交1.1億稅,上年蝕錢,都要交7500萬稅,一睇都知佢吹水,因此今次用稅收黎估算
                 15             14             13            12           11
營業額      58             58             60            19           20
己繳稅項   1.2              1            0.7           0.3          0.3
新加坡公司利得稅率20%,因此推斷GP的純利率7-10%,每年有錢賺,最近的稅前盈利應在4-6億之間,由於佔子公司的股份少,母公司分得一半左右
先唔理計得準唔準,只要有隱藏盈利的存在,就可以解釋到佢點解蝕緊錢都仲可以派息,派完息仲有錢回購,回購完仲有錢改善債務
現時盈利數字話5000萬,或者有3倍的呃人空間,如果作為投機佢盈利反彈兼唔駛交稅的話,每股盈利寫大1倍其實唔難,例如0.13PE12的話都有1.56
如唔投機盈利,淨值已經1.8,PB1.1=1.98,派息0.5以4厘計,值1.25,PB計的價值遠高於PE同息率,說明其固定資產的盈利能力未顯現出黎,用返1.98計,理論上PE12為每股0.165,派4厘息有8仙,管理層唔係特登就係廢廢地
連呢度都同葉氏化工差唔多,水位亦類似,由於葉兄弟冇免稅額呢回事,因此兩兄弟之間選一個的話GP會值博D
作為大包圍的一環,GP同葉氏都有利用價值,但重鎚的話,呢類股由於欠債比較多,飼養起黎或者會令人不安

2016年5月11日 星期三

有道德搶劫

搶劫黎講,最重要係乜野?截住條友,將D衫褲剝一D唔剝一D,佢唔比錢,剩係同佢剃毛,佢嗌救命,就有理冇理摸佢屁股,你知啦,和平最緊要丫嘛
咁樣搶劫點得架,味皇深信,長遠黎講,大雄嘅利益,就係技安嘅利益,比人搶完,要講多謝,味皇BLOG價值投資
一間公司賺到例如100的盈利,咁佢嘅股票就會向市場流入100的價值,而股票變動卻經驗高於或低於100,例如150咁,100的部分是公司提供,差額的50部分是前股東同新股東之間的零和活動,價值投資的意義,在於以遠低於100的價錢向水魚購入資產,遠高於100的價錢向水魚出售資產,奪取其差額部分,同時接受水魚對你的火棒感謝,錢由A君白白流向B君,根本同搶劫一樣,難得就係係市場入面,所有人都歡樂地搶人同被搶,合法之餘人地又開心,道德上亦找不到問題
誒...條水魚個名好似叫市場先生
是咁的,味皇黎到今日終於退休了,公司方面D道具已經交還曬,以後都唔會名賭場有乜交集了,現家只係希望訓覺發夢時唔好再夢到派牌,如果話係公司度做左10年有乜著數,就係熟知公司的保安漏洞,隨時可以潛入公司度白食員工餐,掹佢三五七卷廁紙咁上下
咁的,味皇已經搶夠了,暫冇劫財的需要,劫其他或者比人劫其他第時先諗,由於已冇工資收入,股息又要同黎開飯,基本上唔會再係股票市場上活躍買入,以後呢度的恐怕寫唔到乜野實戰內容了,只能轉型吹水,乘呢次機會,用左成10年的BLOG名都改一改
非股票類型的吹水,味皇打算係GOOGLE果邊寫,如果有現銀廣告收入就最好,兼職甚麼的,味皇也會積極考慮,本體(眼鏡)可以出鏡,分身就唔好了
其他的就係,想提醒下大家,其他國家D網盤好多都要被取締,網盤行業即刻消失,如果有野BACK UP左就快DOWN返落黎
同樣地,其他國家話電子支付要加強實名制,20號之後就唔可以代人充值,代充值行業都要消失,早兩日味皇利用最後的員工船票去香港開銀行戶口,結果銀行話,外國人要用護照先開到戶口,原來澳門是外國,實在太可喜可賀了,可惜外國33年後就要滅亡了,雖然還有31年的排在前面,結論就是味皇仲未開到香港戶口,而果邊又有個20號的期限,因此救救小味皇的60蚊打算係提早係呢段時間搞,暫定用支付寶,微信錢包,澳門入數三個方式

2016年5月7日 星期六

關於日本樓作捐款募集

唔好誤會,唔係果個意思
是咁的,之前味皇咪話出日本樓的書嘅,比出版商拖下拖下已經兩年冇乜影(雖然味皇不否認本書入面有D猶如殺人父母的內容),而兩年前的內容擺到現家已經過時,而味皇為左保密內容呢兩年都都特別分享日本樓技法,相對的,人地會唔會橫流內容入面D金手指密碼呢?鬼知道
因此,味皇弱小的心靈受到傷害,HP扣了1大點,需要讀者的慰撫,味皇不需要十分先進的器材,只需幾十元,就可以買到基本的食物、檸檬茶。我地唔可以比味皇死,每月只需50蚊...咳
於是,味皇考慮接受...60蚊的捐款,鎖匙扣就冇了,兩年前的情報當作紀念品好了,數據雖過期咁話,但財技就幾時都用到
有興趣就跟貼留個言啦,連呢度冇人乜氣的網都有100個流言先
順便提下,最近好多問日本樓的人的E_MAIL都會莫名其妙的系統退信,唔通係因為味皇用緊的係陳年CHI NA郵箱?因此要問就係度問,一係RF度問,比條LINE我答

早兩日提過185買的日本樓,現正以320放售,咁上下(唔係呢間)
放售同時申購呢個,不過比人搶先左,現在搵緊其他代替
185入-->300出-->210入,成功的話好似賺好多,其實唔係185+15佣=200成本,300出賺115但要抽35萬增值稅,300-35-15=250只賺2成半,如再210買,250-210-15=25,都係套現1成半,層樓本身就唔講了,樓價升成倍亦唔見得暴利,除非你用槓桿,唔升或者租唔出就呵呵了,而且匯率亦有風險,另外壞冷氣要10萬整之類的話,大半年的租金就飛了
福岡呢D樓淨租由8厘變到得5厘,升水6成,係5厘呢種程度上再想提高並唔太明智,之前唔買現家先去買味皇不建議

2016年5月3日 星期二

續身

今日終於遞左辭職信
由上年中秋話辭職,辭下遲下咁拖到現家到未有決心,但契機一到,真係下決心時,一下就辭信,味皇都估唔到自己咁爽快
決心辭職信前,味皇居然喊出黎,入職前訂下的人生目標的達成感甚麼的,畫面多浪漫
咳..這其實係美化左的文章,實情是咁的,今日做做下又比人捉去吸煙區,服侍廿幾三十人的老兄(请用国语发音),一人一含,入到去已看不見煙霧,但滿室煙味,空氣成份同火星大氣差唔多,對住班人間渣滓,透唔到氣的味皇有感生命受到威脅,到底這種吸毒氣,滿手花柳梅毒,比鄙視的人型物體當下人呼喝的日子要持續到幾時呢?於是索性乘住毒氣,把心一橫,炒香老闆
味皇生平最憎黃賭毒,由於鄙視呢種人,所以時常都管束自己,絕不能做呢種人做的事,基本上味皇唔係咁雙重標準,對自已要求鬆亦會對人鬆,對自己嚴亦想對人地嚴,不過將自己的思想強加於別人身上是惡德,因此都係對人鬆,最多鄙視啫,黃賭毒屬鄙視行為,所以味皇唔食煙唔飲酒,勸酒死都唔飲,亦唔睇鹹片,原來味皇竟然唔打飛機的,咁如果生理黎果時會點?自我厭惡是也,如果想財務自由,拿起鉸剪,往肚兜下三吋好似剪牛什咁剪落去,你呢一生的開支就少起碼1/3,好多人都可以立即財務自由了,不過見血似終唔係咁好,有冇穩便而又文明的非物理剪牛什方法呢?剪牛什不過是強制手段,如果精神力強不用強制都能管好小弟,當理智是個按鈕,用力按下去精神斷佢電就得了,只是味皇的情況是按凹左個制太耐彈唔返上黎,自己都有精神病的自覺,對三次元冇乜感,不過鹹濕同打飛機係重要的話題梗,味皇以前定係以後都繼續會用
誒...達成目標而喊個畫面果回事,好似好浪漫,但如果拉長個鏡頭,就會發現味皇在狹小的廁格之中,前面是有鞋印的馬桶,男人老狗哩係廁格,對住個唔乾淨嘅馬桶流馬尿,個畫面幾咁柒,幾咁悲,至於流馬尿的真正原因是:"我居然忍左呢份工十年",無口屬性的味皇迫住低聲下條去服侍最鄙視的人就好似反戰的人捉去服兵役快快樂樂去射人,認賊作父同佢洗底褲之類咁,澳門典解冇服務業以外的工作架,好了,由於是中途小息的關係,再對住個唔乾淨嘅馬桶就冇時間辭信,眼水鼻水捽佢兩三分鐘總算忍落黎,完成辭信程序再飛返上去服侍班老兄
就咁,味皇下個星期就續身了