2230羚邦

味皇買時市值是2.2億,淨值4.8億,PB0.5以下,佢現金3億,係一條食剩好多的煙頭

業務性質係買片返黎轉售比其他人播,表面上係貿易股,說白了其實算賭股?賭石頭果種,好平咁買舊石頭返黎,界開佢,中間有料到就大賺,中間乜都冇就輸光這樣

業務自身,要說明的話,就是供應無線的mytvsuper同台灣的巴哈之類播的片,楓林網同伊莉比人抄家,羚邦9成9係始作俑者,羚邦對味皇來說簡直就是怨敵一樣

佢自己也有投資拍片,但拍出黎都是糞作,臭作,鬼作一樣的東西,好像混了奇怪的東西?求其啦,總之佢夾錢拍出黎的劇情好像都很糞,就像罪犯滔天索尼的頑皮苟一樣,導演不行編劇不行,強行餵各位公子食史
佢應該好想用自己的片整手機課金game,但都太糞,無一成功

例如一拳超人隻辣雞手游,係大陸野,一拳個大陸連周邊的版權假設係B站度,手游要比錢B站,如果手游引入港澳台,而港澳台版權萬一係羚邦度,就可能要比錢羚邦
如果羚邦能賭中一堆石,在有效期內可以吸相當多水

代理權是有有效期的,佢折舊率極高,唔知攤銷有冇計入去,味皇想如果代理權集中在某年大量到期,折舊或者攤銷就會奇高,影響盈利

佢手上400套片,如果幾年唔買片少買片,一直到期得返例如40套片,比如一個人每日睇兩個鐘甜片,比40套片你睇每日兩個鐘重播又重播,比400套片你並唔會令你每日變成睇20個鐘,由於TVB有長約,佢即使hea做供應有限的屎片,沒有選擇的觀眾也只能大口罵大口吃真香
極端情況下,佢唔駛錢,也能靠餵糞同耳塞撐幾年

回到股票上面,佢現金一直增加,資金需求可以不高,有派息能力,每年交千幾二千萬的稅,盈利可以少得去邊,不過佢的業務是賭石,可以用很少錢賭,也可能腦殼燒掉賭很多錢拍西片,一般正常情況下佢資金需求不高儲錢快派息比率應該不會低

以其中一套後來糞片,"輕羽飛揚1"為例,拍13集,也只不過夾左幾百萬黎拍,咁就塞到一個檔期了,要塞滿放學時段不需要太多錢
游戲王鋼鍊之類的ID如果出左名再買番黎就貴,但新番TV版一般都唔值錢,就算游戲王鋼鍊買返黎時都是新番後來先紅而已,除非係買名ID老番OVA版先用多D錢
真人so同電視劇應該唔值錢,因為要文化差異同要翻譯,貴的都是電影

佢同TVB同巴哈的供貨合約唔清楚,可能一套套片賣,可能簽長約幾年內供應幾多套咁,以財技上來說,佢搞上市,用一次收齊幾年錢的方案,可以大幅高估某年的盈利,取得更高的上市價,另外佢上市前派大息,如果刮定幾年的錢,派錢都派多D,味皇的話就會咁樣做啦
如果佢某一年D版權集中到期的話,係到期日之前上市也是有利
上市集資2.2億,但是,佣金4000萬,抽兩成抽超多水,大家都恰皮
嘛,現金流上下浮動大,至少看起來不像每年收錢的樣子

營業額對比盈利,上市前是1/3-1/4咁,上市後收水,得返1/10,味皇留意到(睇業績布告),"可用品牌數"由114降至87,即係有1/4集體到期啦,數字上佢比較大的一項甚麼授權減值是1700萬,上年400萬,還有那個恰皮的上市開支,佢純利是低估了的

不過佢的片播出後有乜反應,賣到幾多T裇飛機杯,整到幾多手機驚卡牌驚就是隨機的,業績極大的隨機性,不過收年費至少不像會蝕
手頭上仲有加菲之類的版權,雖然加菲同阿北人都已經唔嚮樹,但佢依然可以係夾公仔機同主題公園之類的收到定期費用
有乜版權自己去睇

但是現家佢係低過現金的煙頭,封了蝕本門

好似3年前供貨比mytvsuper的,2017年營業額2億幾,2018同今年3億,上年聲稱賭中一舊靚石有5億,咁當佢一般情況3億好了,楓林網今年都被抄了,競爭就算有都是有限公司啫,唔通叫鄉民翻進去睇B站咩?話得3500萬,但味皇覺得佢6000萬是賺得到的
今年疫情冇得搞同人會,周邊收入少左,能開得返就賺多D,女聲優扼手會呢D基本穩賺,另外佢有賣片比國泰播飛機電影仲買定了新片,但國泰今年點唔駛講
正常情況下賺5仙感覺應該不難,派2.5-3仙,市值不低過10億
如果電視開播壽司機械獸,寄居兄弟,薑之美少女之類,咁佢多數額外賺到玩具錢,該年的盈利就不會差

同日本人做生意,做開左基本都不會隨便轉公司,現在羚邦寡頭代理之一,日本的出版社也不過是角川集英講談小學館等有限幾間,兩邊都是寡頭,市場形勢不易變化


佢yt片庫,流量收入應該會比茶茶茶多
https://www.youtube.com/channel/UC0wNSTMWIL3qaorLx0jie6A

出清太古

太古城冇得救了,多得每日多百幾個
蝕錢唔可怕,最怕係負現金流,太古被多面夾擊,仲唔知要涯幾耐,唔死都半條命,味皇對香港未來不感樂觀
6.916再大蝕讓出清太古B,成個輸服曬,6.25換入新創建22000股,0.67-0.68換入40000股普星,0.57換入10萬股大悅城
新創建也是一片暗雲,不過姑且有公用同公路部分,現金流起碼未至於負數,疫埠股票好難買,也許工程類會相對好一點點
另外43.55再賣出5000股美蘭,估唔到之後仲繼續大升,換5.22入40000股首都機場,味皇組合打算保持返一定比例的機場股票
味皇也許需要再找多幾個目標,才能吸收掉美蘭的資金
同一個月交易次數咁密,對上一次係2015年


*第二日,50.6賣出5000股美蘭,之前40頭賣左咁多換蟹貨的味皇成個傻仔咁
味皇要多學習領導斑孑,二百斤蟹貨,十里鄉路不換肩
2.45換入40000股CTM,5.09換入20000股首機,現家持有首機的規模相當於美蘭未升前的規模,算買夠了,平均0.11148買入羚邦46萬股,羚邦2230係舊文市值3億以下的物體中唯一覺得掂的物體,全日得味皇一個的成交,現家味皇有萬分之2以上的股權了,另外2億以下的物體也掟了幾隻飛標,但全部反彈翻黎,差價大冇人放成交唔到
羚邦之後另外寫文

6117日照港monkey

隻野淨值1.4,股價0.66,PB0.46,PE暫時係6.1,市值11億

母公司日照港有很多前科,公司很賺錢,但日照市卻很窮,這邊也有山東布政司

6117用的會計師唔係big4,大6唔用外國勢力也不能講乜野,不過有兩點,佢上市前每年又派息又還債,這樣處理下詐欺很不方便,另外佢二股東來自monkey國,就算騙得過money國的眼也不一定騙到monkey國的眼,加上保薦人又唔係臭,因此味皇認為佢可信

這個日照港,處理的係,大豆,薯頭,木碎,黍米,麥粒之類的東西,大陸話反美,但豆一粒都不能少
查左一查,2019年入口8851萬噸,大國崛起,全面小康,今年頭半年4500萬噸,升18%,國內外形勢一片大好,全國人民一片歡騰

佢上市前固定資產16-17億(人仔),盈利1.5億之內,效率近1成,現金流也接近3億

交稅4-5千萬,以25%稅率計,盈利並無花假

上市前每年派4-5千萬息,味皇想,應該係monkey國要收,不得不派,派息比率也有3-4成

在派息的情況下,現金2016年-2.2億,2017年-0.9億,2018年+0.6億,每年多億幾

折舊同固定資產下降速度快,用的一係是加速折舊,一係固定資產真係損傷大,但結果上卻沒有影響到盈利能力,另外折舊率每年大不同,即是有部份固定資產是低折舊率,有部分折舊率超高

上市前大致係咁

上市後用6億收購1個泊位,固定資產增加6億,盈利同營業額尚未增加,只增加了折舊
如上,上市前固定資產淨回報率9%計,6億淨利係5400萬,現金流效率15%計,現金流9000萬
現時淨現金-1.2億,按以往的進度,下年就係正數,估計淨現金1億
同時派息7000萬,即接近6仙
而且還完債之後現金還有多餘了

以上只是斷估

排除這一點,也不講水災蝗災糧荒假消息,僅計佢維持上市前的部分,派4000萬人仔,也有3.7厘,如果不儲錢不上市,將每年加入現金的部分派返一半出來,提高派息比率,是會超過8厘的

日照市仲有一個新港口係度填緊海,如果建成日照港9成會將儲起的錢轟進去,所以提高派息比率現實上政治不正確

佢上市價係1.5,市值25億,如果按上市前的狀況計,味皇認為佢值18億,上市價算偏貴未算非常貴,但港口股炒到5個幾唔知炒乜7

現時日照港的合理值就上市價好了,水位倍幾

買呢隻股係踩著大量(蟹)屍體前進的

開始賣美蘭

41賣左8000股美蘭,還剩40000股,成本已收回有突,2.52換入65000股CTM,1.65換27000股齊魯,仲有某價錢買入某港口74000股,賣美蘭的錢仲未駛曬

基於避免行業重復,於是大蝕讓9.11出清手上4000股招商局,唉

味皇買的是0成交少成交的不知名股票,所以只能鬼鬼祟祟逐少逐咁吸,唔係就跳價好大,同樣因為冇成交量所以唔開名住,費事自殘

予料隻野應該可以發國難財,派息推測8-11厘左右,半新股,PB0.5以下



* 第二日,1.65再買一些齊魯,兩日加埋買左70000股,某港口再鬼祟買入,有條友同味皇爭貨,係冇拉高價的前提下味皇不算太順利地買到些貨,成日成交味皇包左大半,兩日以0.665買入共288000股某港口,最後44.5再賣出5000股美蘭,某港口的吸納到倉位已經算可以接受,所以現家開名,雖然之後仲會吸--唔加價的話

現家經濟唔好,如果是礦石碼頭液體碼頭貨櫃碼頭,味皇不會對它們抱有厚望,唯一例外的是糧食碼頭,現家大6水災又蝗災,人民爭先恐後地自願犧牲,為守護大城市而成為無名烈士,這個先不管,大6之後一定會鬧糧荒,需大量進口,外國未必有咁多糧食賣比你,但大量進口應該係鐵板活塞男上的事實,實際上這糧食碼頭的入口量已經創新高

尋日已經有人估到,日照港是也,專門處理大豆大番薯的碼頭


* 第三日,0.66-0.67增持日照到32萬股,味皇開左名之後開頭D成交係威係勢,結果午市個市大跌就收皮了,味皇於是能不加價再買到些,另外係0.8買左30000股華南城,下星期應該仲繼續有些交易

收市後的美蘭出公告,海航15億買美蘭2成股權,每股10個幾銀錢,攤薄有點嚴重,之後味皇要在愉悅的價錢出售增加了難度,海航賺到了,訂協議時稅率25%,現在只有15%,白嫖1成幾的盈利,美蘭未升時,味皇擔心佢私有化,佢升左時又擔心佢發新股,現家算兩方都應驗左,咁佢下一步係乜呢,估計係美蘭手上的1/4個三亞鳳凰機場股權,要麼美蘭發新股將剩下的鳳凰機場股權收購,要麼美蘭將手上的1/4個鳳凰機場拆返比母公司

另外唔好係味皇blog留言度賣廣告,我本人都冇商業化,其他人就唔好係度商業化

同前僱主分手了

這段時間32.3賣光了前僱主,0.64換入持股量很少的普星60000股,這樣總金額就像樣一點

今日,美蘭機場升到40蚊,總市值190億,同佢相比,首都機場245億,深圳機場200億,白雲機場340億
由於美蘭機場的稅率係15%而其他都25%,同水平的美蘭估值應該要係其他的1.13倍
用最大客量比較的話,北京1億,廣州8000萬,深圳6000萬,美蘭4000萬(美蘭機場+1/4個鳳凰機場)
未開始運作的美蘭,齋免稅店的關係令佢市值追上經營成熟的深圳機場同首都機場,見仁見志,味皇預計美蘭的盈利,在再下一次擴建前,頂天也就十幾廿億
美蘭雖然大升多日,但在市上場還是完全沒有名氣的,聽過美蘭個名的散戶有限,廣告也沒有一個,之前低市值時有掂過佢的基金鳳毛麟角,將來可以進行到多不理性誰也說不準,再升下去美蘭就合資格入指數了

味皇如果賣走美蘭機場,是一定會後悔的,要在同一回合把強烈的負面心理抵銷,覆蓋魔法卡必須足夠強力才可

有人問止賺味皇會點做,是咁的:
當我第一次想要賣那隻股票的時候，其實我是拒絕的！因為我覺得……呀……你不能叫我賣、馬上賣，第一，我要妹一下，我又不想說……你賣一隻股票以後加了很多特技，那回報幅度啊……很高！很亮！很硬！結果觀眾出來一定罵我，根本沒有這種回報！這證明上面那個是假的……我說先要給我比較一下。後來我經過也知道他們是高估的，而且沒有那種發達成分的。那……換了這隻股……這隻換下來之後呢……起碼我覺得很輸服。現在呢……每天還在換！每天還在換呢……我還換了一堆垃圾股！來！來！來！大家試試看！那我跟大家講︰換的時候就換！換完之後，這堆垃圾就是這堆垃圾，就不要加，再加特技上去，加到沒有就是這樣子！我要給觀眾看到，我換完之後是這樣子，你們換完之後，也是這樣子！

味皇是第一次手上有受人注目的股票,施了一堆特技吸引了大班財主進場,味皇想當食瓜群眾也難起來,賺了大錢,通常是止賺賣股,但味皇不能說賣就馬上賣,升左,賺左錢,對味皇來說不是賣出理由,味皇要比較一下,所謂止賺,一般義意就是換成現金,味皇需要先比較一下,揸股<揸現金的理據是否成立,而不是賣左先算,到你手上又有現金時,又要去再比較,現金<買股的目標,也不是不行,但能不能簡代一下流程,變成你揸A時,揸A<其他時才作轉換

美蘭係好優秀的股票,就是貴了點,也可能是不貴,味皇需要很大動機才能跳出這個坑,一係要外面的坑看起來更舒服,一係你令外面的坑看起來更舒,再唔係就搵個坑你不用猶豫就能跳過去的

用味皇果幾萬股美蘭做例就好了,味皇之前不靠佢開飯,現家賣唔賣其實對生活都冇影響,但是:
1.假設味皇將認為美蘭最多就升多幾多派幾多息,然後發現某收息股有能力升多幾多多派幾多多息,換馬全面有利,咪換囉
2.假設味皇將美蘭換成收息股,每月將會多1萬蚊息,味皇覺得美蘭前景美好,但每月收多1萬也不錯,確定性也高,每月多1萬味皇可以自力追回美蘭前景相當的回報
3.平時凍飲+3蚊都要諗的味皇,賣咁美蘭幾千股,就有筆現金,包曬同屋企人一齊去醫院做全身檢查,味皇正打算咁樣做

對味皇來說,美蘭現家賺的是意料之中,但計劃之外的,用返黎做保守的投資,還是繼續留,或者用係一D浪漫上味皇都OK的
如果味皇財政艱困,自然不可能咁樣,不自覺做傻事,同明知傻都主動做是不同的

經濟唔好,大家冇工開要跟緊每一蚊,由有變冇是最艱難的,味皇本身就冇工開所以心理先輕鬆點

如果下星期美蘭唔跌,味皇有可能開始賣

截圖紀念

機場擴建,海南減利得稅,免稅店提高免稅額,蠶食香港轉機線,加上平
現家就唔平了,不過之前味皇會擔心佢私有化,現家升左咁多就完全不用擔心私有化了,反而佢現家很可能會發新股集資
早兩日寫半年結時成個組合-20%,今日-1%
隻野儲左成10年,一日升50萬,截圖留念

投資半年結

半年恆指跌好似13-14%,味皇覺得仲未足以反映跌錢的嚴重性,雖然股市表現同經濟表現時常唔相干

跌錢模式其實由上年下半年已經開始了,現家加上疫病,幾倍的延續落去,味皇相對口袋深,唔係都幾難活下去

味皇的股票組合最慘情的時間大約係3月廿號附近,股票組合年初市值500萬左右,用股本計約300萬,呢段時間最高峰跌左150萬,如果用一句話黎形容味皇:"跌十百幾十萬面不改容,凍飲+3蚊左諗右諗"

面不改容還面不改容,心急還心急,當時之前味皇的股票組合,股息差一些就有30萬,當中大6收租股,大6公路股,大6港口股,大6食品股,太古,佔組合應該過半,反美定係應該叫美反?已經拮了一刀,疫病再捅一刀青龍刀,味皇之前已經提到,今年股息應該會大減,味皇亦積極進行"保派息"的一系列緊急行動

2月中至5月中呢段時間,味皇進行了大規模的換馬工作,另一方面,味皇上年年尾賣出其中一間收緊10厘租的日本樓,間野由於加管理費淨租金會由10厘跌到6-7厘所以放左1年終於放出,1月收到筆錢,有十幾萬,主要用於首創的供股,剩下的後來也買了股票,撞正呢個時候出現一筆現金,有如天降甘霖,時間肛肛好

最大單的交易係出清佳寧娜,佳寧娜的食店同舖位今次食到應,味皇斷然脫出,換成CTM,第一太平同漢國,交易的根據係,佳寧娜本來息也不是很多現家更加不可能派,只要換成比它高息的就做到"保派息"的目的,金額規模約30萬,以當時跌到無底深潭的股票組合來說佔左1成的大交易

之後沽出部分匯賢同越秀,佢地又係今次食到應,仲要免租,味皇換馬琥珀能源,大悅城同齊魯高速,交易的根據係,大家都係咁慘,匯賢同越秀下限派5厘,上限6厘,市道好也就7-9厘,此時換馬成下限派6厘,上限10厘,市道好十幾厘的股票的話,就可以達成"保派息"的目的,呢度十幾萬,佔大跌的組合半成,加上匯賢同越秀之類的派息再買入呢D,總共接近1成

也許各位大爺覺得2成的變化不多,金額也是小錢,但是,味皇的收息股用黎穩定打底的部分也許只佔4成到一半,這樣也可以說成是把收息股的一半全換新的,不過實際上佳寧娜不算用黎打底收息股,所以等於變成組合用黎食息的股票比例由半數以下提升到半數以上

3月的時候味皇對股票組合是存在不安的,但換好馬之後,股息收入提升返(預計),前景好的比例比換馬前高,現在味皇可以很安心,就算the last of hk2也有信心避得開哥爾夫球桿

話100%安心就假的,相對啦,比起可能失業的打工仔,味皇安心過佢地唔止100個%,至少現在同之後也一定不會做最橙的

5月尾之後,由於收到股息,政府的資助,租客的血水等等,味皇進行增持,而且,今年都冇系組合度提取過生活費,因為冇旅行之類的大支出,連出街食飯之類小支出都冇乜,就算之後都幾難有,咪話味皇,我睇你地都好耐冇聞過雞香

首創供股

佳寧娜出清-> CTM,一太,漢國

匯賢越秀減持-> 琥珀,大悅城,齊魯

股息增持-> 漢國,建業,惠記,晨鳴

太古因為折讓大,味皇也覺得不是很好處理,所以沒有動

今年的好處係,股價再跌一層樓,平時股息增持,味皇會買的股票例如平均PB0.67咁,一般派5厘的股票可能派到7厘半,1萬蚊的股息可以當1萬3咁駛,現家再跌,現家買到的股票例如平均PB0.4咁,一般派5厘的股票可能派到12厘半,1萬蚊當2萬5咁駛,味皇今年的股息收入就算得返上年7成,例如得20萬咁,當上年30萬買曬股票,得到的淨值係44萬8,新增派息2萬2,今年只投20萬,得到的淨值係50萬,新增派息2萬5,怪怪的味氏理論呢個時候先有效

味皇看看...現家為止,唔計在途股息,股票組合暫時跌20%,跑輸大市,現時收到的派息14萬,年結時多數唔會得20萬咁少

如果掟飛標買股票,味燎森現在可以掟到滿天星,讓惠理基金見鬼去,就是味皇手頭沒有錢

又老了一年,80後就要4張了,青春小鳥一去不回來,友誼小艇說翻就翻過來,味皇可否不要擼

至於時事同足球,味皇不想評論

對於一些不可描述的主題,味皇不希望討論,最恐懼的不應是味皇,還是留返比馬化痰同水瓜印呢D新香港仁恐懼

就可惜了高鐵砧完全成為亢餘工程了,現在不用洗頭不用打包不用拖入糕點站,現在行家直接出手,不再有沒有,產地直送

味皇認為做猴方式左1係最安全