2020年6月13日 星期六

所謂的退休生活

早排同舊同事行山,被休左幾個月之後今個月終於有工返,事實上澳門的工作職位消失左好多,但要返工的大多都已經復工,現家出街行會好多人,半夜三更出街都唔會話冇人影
就咁樣,佢停工的幾個月都有糧出的,7折左右啦,都比味皇辭職時的月入高,連味皇都同情起公司來,一點點啦,佢同我講,冇得旅行好悶,錢又賺少左幾時先有得退休咁
味皇問佢,你理想的退休生活係點?佢話可以得閒去旅行,得閒行下山咁樣
味皇答佢,你現家咪體驗緊理想的退休生活囉,雖然話唔可以一直維持
又好似係喎,佢咁答
疫情下,理想情況係我地個個都留係屋企冇工開,咁呢種情況,味皇嘗試同所謂的退休生活比較一下
疫情生活        退休生活
-------------------------------
食谷種             食谷種
得閒                 得閒
唔駛做             唔駛做 
去行山             去行山
不能旅行         能旅行(後生)  不能旅行(老左)
有飯開             有飯開
自然醒             自然醒
冇病痛             冇病痛
混食等死         混食等死
未來不安         明鏡止水

好了,可以發展,除了心理因素外,基本上疫情生活同退休生活係相同的,對於不能旅行呢一點,當你老左行動力低下後一樣周圍都去唔到,咁兩者接近完全相同,既然唯一的分別是心理因素,咁調整心態,自我催眠,加入邪教之類就可以解決,無南超,你感到不安只是殊樂畢比做得唔夠
如果可以保持樂觀心態,又或者我就爛,這樣就等於提前體驗左大家所追求的退休生活了,實際有冇想像中咁理想呢,你將來真係退左休,同疫情生活就有所算不同,也不會相差太遠,其實值唔值得追求?要在將來重現現時的生活,需要排除萬難嗎?還是其實唔難?
人們退休生活,其實好大的一部分係大家摸唔到,所以美化左退休生活,就好似隔離屋的人妻咁樣,到你真係摸完,可能就會覺得不外如是了

1 則留言: