2020年6月3日 星期三

好野唔係忽然爆出黎的

從前有個爛銅錢,銅錢人皆不可欠,於是,某地有班山賊流寇結黨聯群,販賣軍火,意圖謀反,推阿婆落海,強姦老母豬,官府都冇佢地辦法,檄文召集各路英雄好漢,殺入山寨,被打到落花流水,後來來了一人,彬彬有禮,眉尖眼突,官仔骨骨,瘦過排骨
曰:吾乃俠義之人,自當義不容辭. 此人遁入山林,往水源下奇淫怪毒,當晚山寨傳山眾男叫喘,遠亦聞之,令人側目,翌日寨中盡是全裸倒地大漢,腥臭不可聞,不可言狀,自此賊寇全滅
村民三緘其口,皆不稱俠之所自,一民曰:俠者,劍也,毒者,不俠也.民二附曰:俠者,英也,醜者,不俠也
俠曰:俠,毒者何而不俠?為吾自當不俠也,卻知有投石之俠,鋤頭之俠,皮鞭之俠,夜香之俠,吾日作牲畜配種之事,自藏藥而不怪也
民曰:俠者,無業也. 民二附曰:俠者,不務正業也
官府來者知之,訂,俠者需官府認証,貌當型英帥靚正,才當識丁,取一文,即場朗之曰:大俠要食漢堡包,生菜加芝麻
俠去,故事不外傳也

是咁的,我地成日都有刻板的印象,出名的就是好的,唔出名就係壞的,而唔出名的股票,壞股票,只要有人專人認証過,變成出名的股票,就忽然變好的,味皇覺得,果D壞股票唔一定係壞掉的股票,反而果D好股票成日好到變壞掉,或者本身就一早壞掉
例如,美蘭機場最近升左好多,味皇持有佢超過10年了,D人好像第一日先知佢擴建完咁,佢擴建由5年前開始一直起緊的,Google map進度都可以睇到,話6月1日海南變自貿區,但要知道,美蘭機場所在的海口,好多年前已經自貿緊,其實冇大分別,成交量同價格反應卻很大,唯一有分別的是,美蘭以後可以交少10%稅率
好多時一間公司好唔好,唔係一日突變的,2013年5月英冠連波都踢唔上接近被球會放棄的哈利卡尼,6月份就變成大英帝星大會正選世界級球員,佢隻腳趾一日內要發生怎麼的基因病變?寄生獸嗎?味皇反而覺得病變的是人們的腦袋,公司的情況,好多時可以提前判斷的,公司質量通常不會一日就逆轉,變化是有個程的,好似舊文有寫過電力公司,咁多間就淘汰剩90同816兩間係有利用價值的,816被私有化了,因為佢平而又有價值,又不見其他圾垃私有化?公司平好多時唔係平一日半日,剩女剩一段長時間,可能某一日化了妝,拍了短片,有金龜仙人公上跳,生米煮成熟飯,就闊了,是變闊太,
公司的市值是外人評價的,一日冇人睇,一日都係醜小鴨,當然有好多係醜燒鴨,但你識分,有心分,就知當中有鵝的,醜燒鵝點都比醜燒鴨多肉,第時隻鵝話生得靚就賣個好價,而生的醜都係鵝,醜鵝生蛋無分好醜,鵝蛋點都貴過鴨蛋
肉價蛋價可能每日都不同,只有蛋產量這一方面,是不需要外人指指點點的,你又不是領導人可以蒞臨親切指導下鵝屁股由一日一隻蛋變一小時下一次蛋,無論公司的市值點都好,好公司是可以不靠股票市場中就能收回成本,所以不要對現在進行式的事大驚小怪,價值投資者的生活是缺乏刺激的

4 則留言: