2020年2月21日 星期五

一次過回覆

是咁的,1黎blog已經比昤代淘汰,2黎味皇blog已經死左大半年,3黎達成人生目的後味皇的野心己經乾枯,所以再冇點理股票同blog
但大半年冇更新,又冇公開公布鬼祟咁開過後備blog(其實係舊blog突然死左回應唔到),係呢度hea發一篇居然仲有人回應,老夫甚感安慰,本來以為實冇人睇,既然仲有人睇就多更新少少

上年年尾賣出左兩間日本樓的其中1間,理由係佢加管理費,10厘變7厘冇肉食,放售左約1年接近平手走,只賺左租

買股票冇乜好標的,味皇只是賣左味皇換成澳門電訊同漢國,味皇咁市況將會蝕得幾甘所以味皇係公布蝕得幾甘前蝕得幾甘咁賣左味皇

我們當然可以找到同澳門電訊一樣性質穩定的股,例如新意網同日清咁,但性質穩定唔代表股價穩定,買股時公司的性質很重要,但安全邊際更重要,好股也要在合適的價錢買,今次情況好特殊,唔講消費,連公路,港口,供電,租金都影響,連外國的好投資途徑都沒了,買收息股都可以中伏,策略就咁,你買收息股是為將來,就買受影響又唔死的收息股,為現在的話,就乖乖的把澳門電訊買好買滿,由於市民自身的命運也充滿不確定性,顧好現在比較重要,有閒錢用於減債會其實比較有效

其他國家的股票價錢唔清楚,但現家呢個時勢係新加坡搵會比香港搵好

由發瘟開始,味皇已經接近1個月冇出街了,旅行都唔得,毒慣不成問題,但多少心態都有點崩,身體唔好崩就係,一日到黑打機,芒亨之類,連線遇到味皇也不出奇

味皇就快40歲了,白鼻毛也出了,智能好明顯減退,仲係青頭仔,味皇自己青得還算快樂,但家人年紀也大了,以前想過移民的但感覺不放心家人,實際上睇味皇blog的讀者起碼有10年8年,以前後生冇想過的事,現家會在想,例如家中的老人,自己獨身的錢留比邊個,賺夠錢將來要點,獨身的自己有冇青春想燃燒,沒有留比人的必要時有冇必要去燃燒,最近居然有讀者密我,基本上味皇多數係只讀不回,但還是回一下好,     好似味皇一樣享受獨身,但被逼考慮結婚的話,就咁,結婚一定會改變生活,向好同向壞的基率同是一半,如果不結婚,就會考慮將來自己的財產點處理,同埋家人的關係,好似味皇咁,好地地住緊,後來兄弟結婚搬左出去,朋友都結婚很難找到,得返自已同老人係屋企,我不知道兄弟的心情變化,但味皇自已覺得有點孤獨同開洞,如果自已都結婚的話,味皇可能填補到孤獨,但家人就變一個人了,就是這樣,隨年紀增長,你的心境會變化,被逼變化,年紀越大估計心情會越差,味皇的情況是,拔了白頭髮時,覺得自己己不再年輕,家人已經是老人,整個人心情都不好,味皇建議是咁,結不結婚是你的事,但不結婚你就會來現在進行式的體驗家人越來越少空洞越來越大,特別是像味皇已經財務自由又自覺老了的,可能連夢想都失去,結婚的話家人有增加的可能性,心態有一半變積極的可能性,獨身的話家人會一直減少心態會一直向下,要自己一直去調整心態,拒婚而影響家人關係是其中一種心態會向下的情況,但不影響家人關係時,年齡也會以另一種形式損害心情,你需要的是調整心態的能力,味皇自己係旅行時很輕鬆,環境改變時心態會改變,改變自身所處環境一般比較有效,這就是味皇的建議

23 則留言:

  1. 味皇加油! 單身/獨身一樣可以好精彩, 而且在城市中隱居的生活真係好正! 相較以下的隱士,條件好一百倍: http://m.us.sina.com/gb/usa/chinesedaily/2019-07-29/detail-ifzmnpqw8453221.shtml
    http://qnck.cyol.com/html/2014-12/24/nw.D110000qnck_20141224_2-27.htm
    https://zh.wikipedia.org/wiki/%E5%85%8B%E9%87%8C%E6%96%AF%E5%A4%9A%E5%A4%AB%C2%B7%E6%89%98%E9%A9%AC%E6%96%AF%C2%B7%E5%A5%88%E7%89%B9
    https://baike.baidu.com/item/%E5%9B%BD%E9%A3%8E%C2%B7%E5%8D%AB%E9%A3%8E%C2%B7%E8%80%83%E6%A7%83/5210760?fromtitle=%E8%80%83%E6%A7%83&fromid=10239571

    另一方面,我不認為40嵗的男人就叫老,男人40一枝花,而且你已財務自由,溝女話咁易! 不過現今的港澳甚至大陸女都好多公主病,娶到都係一身蟻,分分鐘派green hat!

    各有各好,自己enjoy就得!

    回覆刪除
  2. 支持~
    財自後少了公司財務分析
    多了心態分享
    進入另一境界

    有閒有興致請繼續發文
    好多人默默支持的

    回覆刪除
  3. 呢幾日澳門天氣不錯
    揸架車仔出去兜下風曬太陽
    補充一下大地能量

    回覆刪除
  4. 味皇,我睇咗你好多年啦。好欣賞你每樣嘢都可以咁理性分析,承認人性的弱點。
    希望你有一日自身或者環境有好積極既改變,你既然達到財自,就有餘裕追求其他缺乏既嘢!!支持你

    回覆刪除
    回覆
    1. 呢位師兄講得好.
      而家BLOGGER 界, 得味皇係咁直接得來而謙卑, 其他都係認屎認屁 收FANS多.

      味皇,
      睇左你十年都有, 既然得閒就上來吹下水, 呢度D 版友 感覺上都比其他BLOGS 的正常...

      刪除
  5. 間唔中都禁入黎睇下味皇有無UPDATE
    加油, 味皇!

    回覆刪除
  6. 味皇, 小弟係睇你BLOG 才開始搞投資, CTM 亦係抄你功課, 到而家仲係我最重倉 (澳門人知佢幾惡), 黎緊會聽你講將CTM 買好買滿, 射射大老

    回覆刪除
  7. 40歲點算老呀!好好keep好身體,重有好多好嘢等住你! 如果你有二三百歲命,你重會唔會話自己老?(以現今基因技術,好大機會已經製造了這些人種)。

    回覆刪除
  8. 回覆
    1. 我都係!我覺得,應該整個味皇tg group,集合一班忠實讀者同味皇大哥

      刪除
  9. 味皇, 現家應該手持幾多成現金好? 硬係覺得美股就快到頂有好高機會大跌, 但而家全球低息甚至負利率揸現金又好蝕底...

    回覆刪除
  10. 作者已經移除這則留言。

    回覆刪除
  11. 一路有跟開味皇個BLOG, 賺得最多既係浴霸(6位數字).
    唔知味皇仲有無唔覺意留意下佢既現況呢?

    回覆刪除
  12. 味皇大哥,第一代投資宗師,跟左你個blog好多年,睇住你一步一步財自。

    第一次留言。

    想講:財自已是優勢,溝下女啦,踏出第一步,又另一片天地。仲有,男人同女人,係好唔同,40歲對男人黎講絕對唔老。

    仲有,感情:唔好用投資的思維,諗太遠結婚和過份分析。因為感情很多時,更加係「邊行邊諗」。

    最後:希望味皇大哥,過住開開心心的日子,繼續更新近況。

    雖然素未謀面,但多年來追隨,已經當味皇是兄弟了,哈!

    回覆刪除
  13. 娶一個吧,好壞也活過一次!
    最後仲係睇自身功力,你應該唔差👍🏼

    回覆刪除
  14. 多年cdrom,由青頭一路走到現在

    朋友兄弟有了自己家庭和到中年很多野同青頭時不同。

    我個人感覺,不要為娶去娶,試試找個伴從哪裡開始其它就順其自然吧。

    回覆刪除
  15. 追左你十年以上, 鍾意你爆肚到骨既文筆同爛GAG, 同你年紀差不多, 所以對你寫的特別有共鳴! 希望你多D UPDATE!!

    回覆刪除
  16. 睇左味皇十幾年, 睇住你成功. 我都係80後, 睇味皇寫既野好有共鳴

    回覆刪除
  17. 偶然發現味兄在此出文, 喜出望外.非常懷念味兄舊文,獲益良多,感謝.望味兄繼續出文!

    回覆刪除
  18. 一年之後先發現新BLOG仲黎爬文,加油

    回覆刪除