2019年結

2018年股本320萬,總值516萬,到了2019年,提取了幾萬做活費,股本下降至316萬,而總值味皇看看...513萬,下降了生活費的部分,本年恆指升左9.1%,而味皇就冇郁過
本年股息29萬,再次達唔成目標,由於貿易戰同示威明確的損害了公司盈利,下年派息唔比現家低就謝天謝天華了
另外日本樓賣左一間,因為加左管理費,租金由10厘變到7厘,冇肉食,收左5年租都算係咁

本年比較主要的方向係將不願派息的SOHO換成大悅城,開元同世城系換成比較肯派的CTM同新創建,嘉士利同周黑鴨都換成更高息的股,漢國美蘭之類也增買些少,本年整體都係保衛派息金額,特別係2019年太古重創,國泰係香港做基地,太古城又冇生意做,短期都好唔返,可能永久都好唔返,進退兩難

2019年交易次數甚少,5,7,8和10月以後都冇交易,系業績期換馬同示威激化後換馬為主

舊BLOG執左,冇乜意願更新,味皇係唔係死左呢?係唔係比囧察捉左呢?味皇仲在生,BLOG已經係落後於時代的東西,現家D人都係睇youtuber
寫BLOG的目的係比自己睇,味皇現家已冇乜追求,也冇乜好寫,老老77,味皇已經好耐冇睇股票,連揸緊乜都唔記得左
首創供股還是記得的

味皇現在的情況係咁,以前打份討厭的工,所以有動力改進投資,現家味皇已經退休好幾年小確幸,如果現家想改進投資,要不是很巨大的進步的話,對味皇可有可無,味皇己經過了追求長生不老可以砍掉重練的年齡了,所以就好似現家咁,現家2020年了,在80年代的卡通片中,現家係周街飛碟周街改造人的時代,而實際呢?周街變種病毒就有,味皇時常會想,道德倫理宗教係科學進步的跘腳捕獸夾,如果是有一點趣味的投資可以改善一下精神狀態,味皇才可能有些動力

本年行曬廣東4大名山,就羅浮山登頂失敗,味皇發覺盲公竹的重要性,後來味皇係淘寶買登山杖,結果出珠海收貨時比公安拘留,問長問短,係唔係反革命,郭嘉為人很小心眼的云云,反正小生怕怕,所以類似的題材味皇也不好說了,這邊有23條

投資組合由21隻縮減為16隻,主要佔比係匯賢76萬,CTM71萬,惠記71萬,越秀55萬,太古44萬,其他35-5萬不等

成年都係聽到壞都冇人有的消息,作為投資者,環境環境變壞而且唔知點樣同幾時收科,買又唔係賣又唔係,味皇唯有暫時不留意了,作為球迷,愛隊換個教練好似韓國瑜當選總統充斥韓粉咁,贏輸都心情複雜,味皇唯有暫時不當球迷了,作為普通人,後來周圍出傳染病,唔帶口罩出街人地又見鬼咁,味皇唯有暫時留家打芒亨了