前文提要:
中國肥料公司橫向評測
[海油化學流動比率2.7,有41.1的毛利率並唔合理,唔通暗中過水比母公司?由於公司財政好似唔夠獨立,迷團頗多]
我將呢篇編入避稅系列好似唔係咁好咁,事關內容完全是毫無根據的憶測,咁我事先講句如有雷同實屬巧合好了
個人認為,毛利率1x%的公司流動比率2.x係可以接受,而毛利率40%的公司流動比率起碼3.5以上先算正常,流動比率大致可以認為係收入比支出多幾多的比例,如果產品好賺,收入必定比支出多得多
那海油化學的流動比率同毛利率邊樣係有問題呢?根據中化同玖源等同業的數字,肥料未至於會賺到40%的暴利,而它們的流動比率(調整後)都在2.x左右,所以海油化學的毛利率有問題的可能性較高
海油化學是點營運呢?海油化學係中海油度買原料,成品賣比人,好明顯外人唔會無端同你買貴,即係要提高毛利率,手段係中海油要提供優惠
那麼觀察兩者的動機了,中海油國內的利得稅率介乎10-20%之間,而海油化學因為免稅期,利得稅率介乎0-7.5%之間,暫時期限是2014年,因此對兩公司來說,比海油化學賺埋中海油d錢,總交稅會少得多,設海油化學的公眾持股量係25%,咁益海油化學的肥水會有25%益左外人,因此少交稅的利益要超過25%才值得做,即中海油的利得稅率10%時,海油化學的得稅率小於7.5%,咁兩公司就有利益輸送的動機...而且中海油唔見區區幾億根本唔會有人留意
因此中海油要提供優惠比海油化學就可能性好高,在流動比率來看,唔見佢流動負債特別少的現像,因此可能是通過免費提供設備,保養,水電,人手等等冇乜人留意的著數,同其他同業相比,海油化學的行政+分銷支出比例是最少的,而且可以看出,在化肥股當中只有海油化學是不依用賴銀行,因為有大水喉射住
無論海油化學的銷售渠道可能是用中海油現成的一點還是係中海油度買原料的一點,如果要提高毛利率,必定要中海油讓利,因此在流動比率上表現出來的必然是流動資產上升及流動負債下降,因此在免稅期內海油化學的盈利多數會超出正常能力水平,根據我並不太完善的流動比率理論,海油化學在免稅期內提早將流動資產入賬以增加自己盈利,令中海油交少d稅,令流動比率下降,因此只要海油化學冇代交稅的必要時,其毛利率就會下降,之後流動比率維持在2.x水平就叫合理,由於先前曾壓低過流動比率,因此在回復合理水平之前會有一兩年盈利大減兼流動比率升高(先前提早入賬的要復位)的情況
再重申一次內容完全是毫無根據的憶測,而且我的流動比率理論並不完善
沒有留言:
張貼留言