持續換馬

1.76人仔沽出20000股匯賢,除淨後0.465換入50000股大悅城同0.81換入30000股華南城,還有1.17入10000股國銀租賃,今年酒店業應該都冇機會恢復,感覺減少酒店成份會好D,大悅城今年大量商場開張,華南城就地鐵通車影響

另外5.36入左16000股首機,之後等佢升些少就沽返同數目另一個戶口的首機轉倉

新濠叫D員工直接休1年半,人工只出4成,可以秘撈,而銀河就出肥雞餐,比56萬叫你過主,至少新濠認為市道起碼1年半都唔駛諗,現家相對最好生意的係做工程同做裝修,酒店翻新填海起樓至少唔會停

講開工程,早幾個月放飛標時0.245試過排隊掛2663應力,冇成到後來爆升左也罷就,工程工司大波華老公同應力味皇選擇應力,結果兩間都超常發揮,而味皇兩隻都冇貨,應力居然派5.5仙超過20厘,這不可維持,如果只是派3仙倒沒有問題,追貨時要留意,但應該冇人會買咁細市值的公司

左一右一巴的還有首創賣資產,今日升左5成,而味皇早在1蚊以下斬左

收到普星7萬蚊息,買得多又14厘幾非常肥美,如果味皇閒錢足夠多的話就不會走甩應力神冠呢D,總括而言就是冇錢,但是,以生活所需黎計,味皇現有的已足夠開飯有餘,於是錢是有多的,一邊話唔夠一邊又話有突,這是味皇在玩一個模擬游戲,名叫投資的真實游戲,生活上是畢業了,但游戲幣還是多多益善,不過過著躺平生活的味皇還是飲不起那些幾十蚊杯的智商茶

down左個淘寶特價版APP,發覺阿里最近好似拼多多咁故意蝕錢做,味皇用1仙買左兩件貨,阿里係中間應該起碼蝕廿幾三十蚊,明嘅,蝕錢買吆喝點都好過罰錢,蝕多D就可以罰少D,又可以做死拼多多,只是阿里係指數股,盈利因此下降會影響一些恆指點數咁解,阿里如果有自營物流之類的話,可能會將淘寶的盈利蝕去比物流,再分割物流出黎上市咁樣,比阿爺割還不如自己先割細佢

味皇的租客近期搬出,變負現金流,而且學新濠話齋,睇死呢1年半市道會差,之後能叫的租金也會大減