2020年11月28日 星期六

瘋狂踩單車(多圖)

是咁的,味皇上大陸洗牙,用左150蚊人仔,既然出到大6又繼續踩單車,有人好似對踩單車有興趣所以今次稍為寫下

地點係珠海,以拱北海邊為起點

現家共享單車全部要實名,又要影証件相又要影大頭相又盛,味皇有理由相信佢地會將資料用於不正當的地方,味皇信唔過佢地,因此味皇一概都冇注冊

於是,打開支付寶,選哈佬單車,支付寶是共享單車出現之前很久就存在的東西,有很多人存在很久很久前就注冊了支付寶的既定事實,因此利用這既定事實,就可以不用交多次資料就能間接租車,暫時未仲發現還唔到車

買張月票12-14蚊,每日頭兩個鐘免費,可以無限換車,如果唔買月票每次比錢,每次換車都扣你錢仲蝕底

味皇呢度介紹兩條路線,甲線由拱北到唐家,乙線由拱北到普陀寺

第一段由拱北海邊到港珠澳大橋口,全程在鋪裝平坦的單車路上行,不用過馬路,也不用點閃避,有補給有廁所,100%安全的路線
第二段要踩上行人路,而鋪裝就是一般的行人路,會車震,這段最大的難點是要連續穿過位置很窄的三條燈柱,中間有時要避人同會車,不過如果不繞道,即上圖轉彎在中間直接北上就不會出現這問題,這段路線85%安全,替代路線90%安全
第三段,九州港短短700米,全行程最大的難關,你要踩在馬路上,中間有巴士切線埋站,有的士泊停逼你出路中心,車流量大,理論上你可以踩行人路,但人流量大要點滿閃避還不如走馬路,有點技術小心點忍耐一下700米就過去了,這段不安全
但是,你怕的話隨便找其他替代路線就可以,其他替代路線90%安全



第四段,回到普通的車震行人路,有點上坡,這段有補給有廁所,這段95%安全


第五段,你可以選擇在路緣的單車徑踩,也可以選擇在行人路上踩,但是在行人路踩會享受到非一般的震旦感覺,另外閃避要高,特別係珠海漁女一段行人路直頭無法閃避,因此通常選擇踩路緣,不過有時會有三寶貨車切單車徑超車,路緣安全性70%,行人路90%,這段最大看點是珠海漁女



第六段,你可以選左中右甚至對面馬路的路線,要飛機場有飛機場,要激突有激突,不過呢度應該冇人愛震旦,本段100%安全,中段有野狸島日月貝同無房產証廣場,可以作為短程路線的終點,到這裡13公里
第六段最尾會黎到一個叫海天驛站的地方,有補給有廁所,味皇早兩日去仲睇到疑似風帆比賽,由拱北到呢度約16公里,之後北上到唐家,西轉就到普陀寺路線

普陀寺路線
第七段由海天公園跟輕鐵路線行,全段都係單車路,除了過馬路外都非常安全,尾段叫香洲驛站的地方有廁所,點解要由海天驛站大迂迴的路線呢?主要是安全性高,而且又增加運動量
第八段轉入香山湖公園,有補給有廁所,這應該算是珠海第時最高質的公園(暫時一半係地盤),地圖APP冇得精細咁選路線所以只能發兩張圖,轉入內街只是因為風景較好,不過要上斜落斜,原路線直行也是可以的,安全性一樣,仲平地添
第九段,非常安全又闊又冇人,馬路都唔駛過,就是要上坡
最後一段,全程第二大的難關,無論你點選路線,都有部分要在馬路踩,穿過市街,仲要上斜
到普陀寺就攞佢D免費水做手信,本行程的最終目的是拿佢的免費水也不足為過
全程27公里多些
這大概是大阪城到奈良的距離


另外香山湖公園附近有個奧園廣場,踩番落黎食飯或者作為最後終點也是可以的,只是由拱北踩到這應該不需兩個鐘


唐家路線
第七段,向北走就是了,都是單車路非常安全,但是中途補給算比較難,途中會會經過叠石,相冇影到
銀坑村以前風景幾好的,現在都拆成廢墟
可以直行去舊中山大學,也可以在海邊迂迴新中山大學,直行會車震,行海邊就平坦兼風景更好
最後一段轉入就是了,唐家都幾多景點,相就冇影到,去唐家一般食海鮮,但味皇推薦食泥煨雞
但是唐家近期都在整路,暫時不是好路線
全程25公里左右,橫濱到東京塔咁上下
拱北踩到唐家通常超過2個鐘一些

延長路線
你也可以向東面金山軟件果邊走,但果邊全程冇人冇車冇廁所冇補給

唐家之後可以再踩的,向北過海是祺澳島,味皇以前踩過入去但還不了車
暫時向西可以安全地最遠踩到南方軟件園同魅族總部,中間會經過真珠樂園廢墟,但全程上斜
再遠就踩不了,都在整路,整好的話相信最遠可以踩到去金鼎

味皇極限大慨30公里左右,最近幾星期減左3磅

3 則留言:

  1. 踩共享30KM 已不錯, SZ 上沙有較好的車租, 踩轉上沙,蛇口,青青世界,上沙有60KM, 有D冒險feel, 上沙紅深大上梅林水庫亦有非一般震旦感覺, 一次體驗下就夠

    回覆刪除
  2. 可以寫多啲單車文,好詳細

    回覆刪除
  3. 用公共單車(有桩的)仲慳錢,一部單車一個鐘內不用錢,所以我每次只踩一個鐘內即換車, 從來未扣過錢,而且好多地方都有桩,好方便

    回覆刪除