2012年7月19日 星期四

澳門股東大會投票方法

首先銀行聲稱會寄一張投票授權書黎,內容同以股代息信及供股信類似,但投票授權書只會在關係小股東切身利益時先寄,至於今次越秀的特別股東會,澳門銀行冇寄信黎,事實上佢為節省成本向來都唔寄的,事關一般人是放棄投票權
於是味皇親自去到總行都講收唔到信同要求代為投票,銀行次日就打電黎話做個電話錄音同確認,咁先投到票,由於越秀23號就正式投票,澳門的股東行動要快D
味皇投了反對票,不過最後越秀收購成功同失敗,味皇都打算繼續持有,收購反敗的好處是股價立即會大升,而且升幅將不低於置富,即大約25%(到時隨得你點換馬都得),同時派息保持在7厘以上,而且每股資產淨值較高,有更多的借貸收購能力,壞處是今年405會撻1兩毫子佣金,損害現金水平,但不影響分派,相信收購一旦拉倒後,123會立即提高收購條件,至於收購成功的話,佢今年派息加至8厘,但明年開始永久性降至5厘幾6厘,情況有點像4叔隻野,同時每股淨值下降,管理層表示淨值是浮雲,小股東是便便,收購成功仲有助收窄折讓咁話,不過佢沒有同你說是股票不升淨值下降的收窄方式呢,淨值代表405的資產被搶走,可作抵押貸錢的東西少左(因為去左123度),可作收購的潛力下降,如果收購要達到對小股東有益,IFC的加租速度要遠遠大於白馬大廈先得,你地以為咪以為白馬大廈係龜速蒙面俠,佢一旦要加租,IFC拍馬屁都追佢唔上,情況就像沙格拿跑得慢仲讓巴里10碼追波咁,追條毛,基本上百害無一利,由於收購事在必得,我們投反對票是逼405縮小發新股的折讓,降低2013年後減派息的幅度

沒有留言:

張貼留言