收樓

已經收樓,找齊尾數,律帥費超貴,高過預期,雜費近10萬,2萬佣,2萬印花稅,3萬5律帥費,1萬罰息,總價近190

新樓A現租2.8厘4500,租客是公墓員(舊樓A如果加左租都只有2.8厘),借140,2.4厘月供6200,上樓睇過,裝修得幾豪幾靚,不過天花板發霉相當嚴重,幾大陣UP味,年尾打算加租到5500-6000,點解租到咁貴,原因是氹仔只要有地皮D發展商都一定會起超豪大宅賺錢,從而令一房單位絕種,好多孑然一身租樓的人主要目的是打工搵錢而不是生活,收工就上床訓,又唔掃地,冇必要住大屋,一房單位有需求但冇選擇,所以租得貴,全氹仔有電梯一房的大廈而有售的可能只有3棟,利民,威翠,樂駿,數量並不多(現家居然有人夠膽開220)

味皇現在有小半間自住樓,新樓A(以後叫樓A)同唐樓樓B收租,再同屋企人買左樓C,味皇算是四居郎了,ABCD唔夠豪,不如改名做地平線,新太陽,摘星者之類有名無實扮毫宅?

政府派果7000蚊已經收到,月尾又可以收中銀的紀念鈔,來來做緊特價20.8買到9盒250ML維他,買返D黎慶祝