3998波士登

等左佢好耐,今日終於捨得出盈警

佢上市之後我一直都有留意佢,但是我一直都冇出手,原因是等佢公布3.6億的捌賬虧損

這3.6億在財務附註有標明

(萬)                       2007年3月 2007年9月 2008年3月 2008年9月

30日內的賬款             72000        120000        83500         83300

31-90日內的賬款          7000          12000        36000           3000

91-180日內的賬款       12000           4200          1000         25000


181-365日內的賬款      12000          1600                 0        10000

最近超過3個月的應收賬款為3.6億,由08年9月開始回顧,08年3月時冇收到,07年9月冇收到,07年3月看似正常,於是這批特殊賬款是起始於07年8月的,時間剛好是上市冇耐

比較常識的思考,第一,賣件衫唔駛等咁耐先收;第二,超過半年收唔到應該要開始撥備,而波士登一個仙都冇撥備,而且冇叫股東留意

這可以推出兩個可能:

甲:對將來成功收賬很有信心

乙:這批賬款由一開始已經不存在

如果是甲,未免太自作多情,如果是乙的話,虛構一個如此數目的賬款,必須要有動機

說起動機,"新上市"可能是最大動機,如果虛增應收賬款會有什麼結果?如果該賬款事先入賬,就會令賬期內盈利上升,賬款到期後全額捌賬,最後盈利又下降返

說明白一點,舉個例子:

甲要溝女,於是甲向乙借錢,甲向女說他是大闊佬,要分手時甲向乙還錢,甲向女說他好窮;而實際甲乜都冇做過

如果波士登上年自稱賺12億的話,實際可能只賺8億,今年如果自稱只賺4億的話,實際可能係賺8億,由於賬款完全過期的日子是2009年3月,因此虧損會反映在今年,所以終於捨得出盈警

盈警先不去管它,波士登仲是有其價值,有人說暖化令波士登滯銷,這觀點其實是有問題的

舉個例子,如果全人類便秘,由每日去一次變成每星期去一次,亦不會改變對人類對馬桶的需要,如果天氣熱的日子變長,只會令人更怕凍,所以本來有人買的最後一樣有人買,除非完全冇冬天

波士登市值45億,淨值70億,營業額成50億,賣褸要賺一成有幾難?而且波士登係遠遠拋離雅鹿幾倍的龍頭,只要老闆係老實人(可惜可惜),咁就又平又靚啦