今日用0.27的價錢買入15000股世紀陽光,買入原因係上個月的分析講左,一早就決定買的,但由於公司的災難唔係一朝一夕可以解決的,因此我之前並不急於即刻買入,但現在唔係咁講,佢仲有幾日就要轉主板,到時佢未必可以一直保持係現家的低價,因為有個別基金有個規定--唔可以沾手創板的公司,雖說市況仲會一直低迷,但費事夜長夢多,橫掂遲早要買提早買左先,現家展鴻同匯豐嘅股息全部用曬,戶口剩20蚊....今個月係歷來比銀行手續費最多的一個月,先後買入了5,8201,1076,477,8276,連定期存款都動用左2萬,買入的次數好多,而且每月都有買,但賣出的行動最近期的已經是07年的9月21日以3.94賣出中國銀行,我幾乎可以肯定之後的半年我都只會淨買入而不賣出
手上持有了8隻股票,越發覺得投資組合像官僚機構一樣肥大化,因此以後盡量集中增持手上的持股,最多都係10隻就算
沒有留言:
張貼留言