1883業績

本來想等埋中期報告先寫,但似乎有人急問,咁提早少少寫

佢3月5日已經還左批35億債券了,但份業績係到12月31日,所以要到下一期先知還左幾多

參考半年前的舊文1883業績 :

如果佢發債35億,咁佢今次唔減派,再還銀行多一兩億,下期開始增加派息比率

如果佢借銀行35億,咁佢今次唔減派,每年還銀行4億,派息唔點升

如果佢佢發債20-25億,咁佢今次會減派,下期開始大幅增加派息比率

如果佢借銀行20-25億,咁佢今次會減派,下期開始增加派息比率兼每年還銀行4億

如果佢發債35億以上,咁就係係國家任務,佢今次唔減派,下期都唔增派

如果佢借銀行35億以上,可能性不高

而佢今次減左派息,同盈利減幅一樣,按半件前的預測係第4種

先唔計佢呢兩三個月儲的錢,佢今期報告現金有16億,黎緊準備派5億,即係有11億係手,因此佢借最少24億,最多借35億,因為佢今次有派息,所以不是全力還款,另外3月5日佢並沒有出發債的公告,所以可以得知佢係借銀行

佢債券利率係6.1厘,上年佢共有39億債利率6厘,35X0.061=2.135,39X0.06=2.34, 2.34-2.135=0.204, 0.205/4=5%,上年多出果4億利率5.1%?,12月31日佢,39億利率5.8厘,35X0.061=2.135,39X0.058=2.262, 2.262-2.135=0.127, 0.127/4=3.2%,即是今期CTM有本事少少地借到3.2厘的銀行貸款,多多咁借有冇咁平錢唔清楚,估計都會比6.1厘平,假設銀行貸款3.5厘,當佢借30億利益1.05億,比現家的2.3億少,佢現時純利9.1億,下年就會變10.3億,如按正比例會增派到21仙,中期5仙,末期16仙咁樣,每年再還4億的話因為得3.5厘只能慳千幾萬,增長唔算多

食左數碼通果7萬人,和記4G流失的可能有一兩萬人,同埋中國電信嫌貴的5G客,今年多左11萬人,但呢個是一次性的,短期冇第二間數碼通執粒,亦都冇咁多4G轉台時順便出5G機,佢賣電話同月費營業額只增7.8%或1.1億,半年前舊文就預測佢下半年每月多交1000萬月費,下期冇呢批新黎呢度的增長可能冇咁好睇

最近開始收緊D乜乜園區,以前崩牙同水房做的時候用CTM卡,後來福建佬都改曬用移動卡,因此現在已不會對CTM有很大影響,但也唔係冇影響,短訊少6成現家得返6億,對CTM黎講已經是細項,佢IDD增3成到16億變成大項,懷疑佢策略性調整,費事一眼睇得出有份參與

數據中心同光纖總共15億,當中味皇推測數據中心9.8億,光纖5.2億,下半年分別是5億同2.6億

企業服務半年前是增長的,但全年卻下降,佢話大陸同東南亞減少,如果下一期係下半年乘2就唔係咁好睇

佢上年有1400萬重估收益,今年就重估蝕700萬,來回2100萬

大致係咁,下年唔係特別樂觀,但純利會增加兼增派(同今年相比)

稅率14.2%低於法定的大概17%,咁多年應該得今年係咁

唔知未出業績的和記乜情況,但今年澳門和記一定更悽慘,佢還有冇續牌的動機都成疑問,如有興趣可以親自上和記股東大會問,例如今年6月5日3g牌過期剩返3年4g牌有冇打算投5g牌咁

佢借左相當於港幣3.4億的玻紙,應該係問新加玻銀行借(3.2厘),同時佢手上多左3億幾的存貨,唔知佢係新加玻有乜搞作

未有錢

2.45沽出3萬股CTM,2.42買返29000股齊魯,呢批係上年齊魯2.35而CTM2.25時換的,微賺一點點,另外2.19沽出10000股能投,1.19換入18000股國銀,今年頭3個月第一單交易,味皇仲未開始收到息,另外中山樓的出資跟住仲有數要找,上半年味皇基本冇額外資金

關於蜜雪冰城上市,味皇諗起2021年篇講另一隻當時正在招股的同業的舊文摸摸的茶,味皇對佢今日的業績同走勢完全不意外,當年最好賺的時候的成街皇茶貢茶晨早就消失曬,真係咁好賺就唔會開一間又執一間,不過味皇還是歡迎蜜雪冰城呢D冚家富貴的,可以順便掃除埋業主,其實果D加盟茶飲同加盟七仔咪一9樣,都係痛苦號,蜜雪冰城仲吸仇恨D添

味皇隻唐宮之前跌穿兩毫,走勢同摸摸的茶有點相似,其實摸摸的茶賣嗡咁很貴,就一般而言,正常又邊有人幫襯呢?味皇買廢水飲,例如早幾年台灣度,買一杯廢水同買一支茶里王差唔多價,咁買同係7仔買支裝,廢水並不是全無吸引力,而係呢度,買一支野的價錢係廢水的幾分之一,咁買廢水就智商稅了,係而大陸同支裝比,現家有普通版同智商稅版,普通版價錢同支裝一樣,可能都係科技與狠活,咁味皇就會肯比較去買邊樣例如選高級支裝,而普通版同智商稅版,可能都係科技與狠活,咁外智商稅隨了裝B就沒一點卵用

是咁的,裝B其實是很有用的,係騙心騙錢騙你個頭時,裝B好像可以提高一點點成功率,味皇用自己錢交智商稅當然唔捨得,但凡人用自己錢交智商稅基本都會唔捨得,但是世界上被認為昤主要的消費者都是用其他人的錢的,可以分兩種,公費同選舉經費,係食佛跳牆吹茅台索大煙送手袋包二奶之類的基本上都可以開公數,老闆賺血汗錢可佢姑寒但下面的人豪,老闆一齊豪咁即係又一個老千,而選舉經費就用稅金豪派比D指定類型人士養選票,全部人都豪,例如批預算資助比特殊外型小數群體,吸收更多人收錢變成追加大量特殊外型小數群體,佢地看起來不是正常人,因為都已經特登扮成不正常人,所以一眼就睇得出一票都唔會走鐵票,肥水一滴都冇外流,睇落越on9投票越堅定,批預算資助公司專門請殊外型小數群體,排除唔特殊,變成成間公司都特殊外型,咁就令鐵票有錢而反對派冇錢,而收了資助的人就可以早午晚係星巴克拿著茶杯成功需苦幹的樣子,之類

唐宮又好摸摸的茶又好,財務數字似乎暗示大陸現家似乎好難開公數,而且又冇批預算養一班成功需苦幹咁?基本上近年同高大上有點關係的基本都冇好結果

上個月話出新AI,現家又一堆新山寨,都係果句,夠用就得,AI甲同AI乙有乜分別有人吹甲好有人吹乙好有人吹威力加強PK版好,就好似話呢度有支蒸餾水,呢度有支神聖的恆河水,蒸餾水同恆河水的成份差在有冇大腸杆菌,於是話神性的有效成份是大腸杆菌,乾了呢碗加了神性的大腸杆菌蒸餾水你就會變神仙咁,AI甲同AI乙可能有大量的不同,拿單一項內容來說其實同盲眼摸象冇得比較,個人認為睇佢互相傷害就好,唔好痴埋去

好似早排味皇北上食左個"黑咖哩"飯,佢仲有賣其他紅橙黃綠之類的,一入口就知科技與狠活,你以為是魷魚墨汁?是碳粉~~噠!碳粉,沒有任何營養,連霉菌也不會生長,古代日本人都識燒炭板起屋濕水都唔怕發霉,話碳可以吸垃圾分子有益健康?噱頭而已,碳粉係放落湯汁果一刻就乜都吸滿曬,食落肚都唔會吸半條毛,即是既無營養,假扮健康,又樣衰,整色整水,就叫"黑咖哩",但是呢D叫高級,例如隨便個名加個竹炭就可以賣貴D咁,整個竹炭局長咁又可以出數,實際好唔好,並唔係靠齋吹,不過市場就可以靠齋吹

講開北上,味皇發覺好似食野平左,美團比優惠劵比多左,外賣仔車速快左,扣除優惠劵食店應該都冇錢賺,應該好多食店同人都在死線掙扎,另外趙一鳴之類的,只是在卷走大超市的營業額,味皇也不認為加盟果個老闆會有錢賺,只是大量制造枯骨,現金流都在供應商的"按金",結果大概同摸摸的茶差唔多,而且趙一鳴之類賣野飲還不是最卷的,現家最流行的商業模式可能是是騙按金

.com

好似新意網咁,呢幾日升左成倍,類似的東西只要同果隻平價AI稍為好似拉到點關係的豬都可以飛天,就好似當年的.com咁

如果新意網27億營業額的數據中心可以咁炒,點解CTM有10億營業額的數據中心又冇人咁樣炒呢?想像唔到直接關聯?

其實,"數據中心"係放一大堆HD硬盤的"數據保存中心/數據管理中心",放一大堆顯卡的叫"運算中心/礦場",新意網同果隻平價AI都算大纜都扯唔埋,實務上想像一下,礦場最重要的係平價電力,而香港有咩?第二重要的是有顯卡,香港有咩?第三重要的是有客,香港有咩?

相對而言,香港同周圍地區比例一下優勢:

             電價    電力穩定  顯卡   鬼佬   大陸佬

香港      差          優           差      制裁      優

大陸      優          優           差      制裁      優

台灣      優          差           優        優        差

新加坡   差         優           優        優        優

日本       差         差           優        優        差

韓國       差         差           優        優        差

泰國       優         差           優        優        優

相比香港得2分,新加坡同泰國有4分,泰國要自備發電機發貴電咪一9樣,大概就咁樣,鬼佬要操顯卡何必要係香港度捱貴電,北方佬要操舊顯卡留返係上面核電廠水電廠附近就得何必黎香港,香港要顯卡冇顯卡要平電冇平電,係香港搞還不如係澳門搞仲平幾毫子電費,唔係話撥冷水,阿里同QQ上面大把礦場,中國移動果D又可以自己搞,大粒公司冇必要幫襯包括香港的私人公司,人地搞親大型運算中心,唔係係沙漠就係水電站附近,如果話要炒香港的數據中心,理智上還不如直接買希捷西數

實際上今次升市係NV果度爆左D人轉題材過黎,唔係話有業績有錢賺之類的,只是熱錢移動,類似台幣呢排係咁跌,都係D錢轉左過黎炒,相對新加坡幣呢排就升啦,反正熱錢的屎忽辣的,坐唔到幾耐又會周圍郁,相對而言NV的專利壟斷性受到損傷加上今次平價AI,味皇推斷當中最受益的唔係大陸的科技公司,而係Intel,原因一,Intel業績已經差到冇得再差,就快收皮,原因二,Intel受美國政府或者侵扶植,制裁AMD制裁阿邊個都唔會制裁到佢,原因三,intel的顯卡可以CP值唔錯的行到平價AI而又唔受出口限制,原因四,美國的台積電政治上一定優先預留左產能比intel,即係一D小圈子國家如果唔考慮通用性冇打算運行需要NV的CUDA專利程序的話,可能會全組i卡的礦場,嘛,同intel相比AMD由於CPU業績好所以顯卡能拉升的比例就低而且本身又貴,而且冇政府救助的必要,所以有出口限制的可能

結果而言味皇所看見的世界同投資界的人看的是完全不同的景色

*再補充一下,地球上不同地方的電價相差頗大,相對而言顯卡的格差並沒有咁大,例如兩間唔同的公司同10蚊出售3Dmark能行500萬分的1個鐘的算力咁:

5090功耗係600W,性能聲稱是4090的2倍,但是4090的功耗是450W,而4090的性能是1080的2倍,而1080的功耗是280W,1080能效比當係100%咁,4090係125%,5090係190%,7年間用電效率改善左90%

即是說用1080的礦場,假設提供N的算力要燒100萬度電,用4090的礦場要燒80萬度電,用5090的礦場要燒53萬度電,而售價同樣係10蚊賣3Dmark500萬分1個鐘,咁唔考慮買顯卡的成本的話,5090的純利率高1倍更有競爭力,市場的毛利率要足夠高,1080礦場先生存到,若1080礦場生存到,5090礦場就是暴利

但是呢度有兩個問題,地球上不同地方的電價相差大,同7年顯卡間用電效率改善左90%相比,地球上有D地方1度電賣3蚊,有地方1度電賣2毫,即是說即使科技再先進,都扭轉唔到毛利率的差距,有D地方在成本上永遠毫無勝算,假如好幾十百間唔同的公司同樣係10蚊賣3Dmark500萬分1個鐘,咁就會有人開始卷,仲非常卷得起,開始減價,唔同國家的分批死,到最後齊齊死,幾毫子一度電的的地方用垃圾卡也能打贏燒化石燃料地方的新卡,類似有足夠高的地型優勢,係天台齋掟石都可以單方面掟死地面的機槍兵,不過無論是科技進步派贏還是反科技進步派贏,輸家都是地球君

第二個問題是顯卡更新換代,假設新卡用電效率提高20%,咁有冇需要把現有的卡廢掉換成新卡?如果舊卡還能賺錢,換新卡可能唔合乎成本,但是地球上同時也會有新成立的公司,佢地一成立就係新卡,營運成本更低,萬一有新人多手減價,舊公司就會冇錢賺,同時不足以毛利的舊顯卡也立即失去二手市場,應唔應戰好呢?廿幾年前486賣成萬一部,豬腸粉1蚊,現家可以幾千有一部,豬腸粉廿蚊,以前電腦公司百花齊放,現家死曬,軍備競賽的行業好睇唔好食,為左避免過度競爭大家最後都會變成牙膏廠,除非玩合謀定價,IT界的高毛利率向來只有剛起步的一段時間

味皇部電腦現家的功耗38.4W(運行帕魯會升到80.4W),已經是制程比較舊的電腦了,例如底板已經是2017年出的老東西,但最新的電腦甚至未來幾年的電腦也不見得能低功耗過佢,用電10倍於味皇的大有人在,但性能同時能味皇10倍的恐怕冇幾多個,電腦性能的絕對值上升速度係快,但用電效率進步冇辦法追得上,這主要出於溫度的限制之類的,無辦法成比例

deepseek

先夾帶講一下筆克業績,筆克業績向好同增派不出味皇所料,話曬叫味皇最有信心的一隻,但是呢種爆炸增長就到今期為止,下一期會否增長甚至會唔會下跌就講唔定了,今期增長來自計兩期業績,而且應該有來自政府的無謂掙扎,但今天的政府仲有冇錢黎掙扎呢?筆克的營業額按地區分類的部分

            24      23

大中華 255  254 

南洋    133   115

中東       63   62 

英美       93   81 

其他       88   21

佢來自"其他"的部分異常地高,如果平時有咁高,果個地區晨早就會作獨立分類,因此味皇認為來自"其他"地區的營業額不太可能重現,如果排除呢一點,筆克仲係相當優秀的,但升左之後不及早幾個星期優秀

味皇以為佢會爆升咁就可以換回能投,但佢算升得少,但上升的概率仲係大,因此先留到除淨時再決定

反而保濟丸爆升,可能如味皇之前所講1蚊以上乎合基金選股資格,1.3時有諗過賣唔賣好的,但味皇目標係1.47咁上下,反正佢就除淨先留住,結果又開始跌返落去

 回到本篇題目

2023年2月的舊文AI

2023年6月的舊文AI

冇留意原來發左兩篇一樣的題目,另外炒AI概念唔經唔覺原來已經炒左兩年以上

2月舊文內容總括而言就是,AI唔一定話越先進就越好,要糊弄愚蠢的人類隨便弄些東西就可以了,反正愚蠢的人類一般分辯唔出,何況係暫時唔多實用的NPC生成器,舉個例子,你用一個高性能AI生成一個高智能NPC扮演蠢人,另一個是低能AI直接生成一個低智能NPC,消耗的電力差距巨大,而兩個NPC講話一樣蠢,哪人類會分得出來嗎?反過來高性能AI生成一個高智能NPC,同一個低能AI生成一個低智能NPC扮高深,咪一9樣,再舉其他例子,高低性能AI的飛機都能安全升降,高性能AI能在飛行過程中非常平滑地飛行,低性能AI震下震下S型飛行慢10分鐘,一樣能到目的地,咁航空公司選用高能AI多定低能AI多呢?又例如高性能AI的robocoop能0.1秒開槍,超高性AI能終結者就0.01秒開槍,如果放在皇后廣場上射人,反應速度少過0.2秒就能對人無雙,robocoop同終結者根本冇分別,只有robocoop同阿諾豬華互片咁,先會顯得終結者的高成本有點意義,即是說劣幣夠用就係,人類世界並不缺少劣幣阻礙文明發展

6月舊文內容總括而言就是,訓練AI唔一定話硬件越先進就越好,2023年的5年前已經有很合用的訓練引擎,1970年代好多的機械人卡通已經都有自我學習型電子頭腦的概念,最近有人超頻5090性能破世界紀錄,整機功耗1760W,達到兩張4090或4張1080的性能...咁對其他國家來說直接用4張1080不就可以了嗎,反正某組織入股了之後電費就免錢了,出一隻英雄威力強大,但人地爆5000隻投石兵一樣可以暴力拆家,美國佬以為係用5萬張H100?其實隨時係大量租之前幾年荒廢的掘礦場

這兩篇大概就是講解呢幾日發生的事

其實AI無論算法同硬件並不是最重要,例如2023年的5年前的訓練引擎己能很好的訓練雙足步行,有時新的軟件不一定能淘汰舊軟件,大軟件不一定能淘汰細軟件,例如微軟強推WIN11之下依然有人仲用緊WIN7,至於硬件嘛,基本好快淘汰,INTEL都就快成間公司被淘汰,即是說算法同硬件的將來都不確定的,價值現家好高第日可以唔值錢,味皇認為係AI概念中有價值的,是電力同數據庫先係,有穩定的電力係根本,如果有比人平的電力仲可以暴力拆家順便拆埋地球,而數據庫呢點對洋人非常不利,不同公司之間商業上就不會分享數據庫了,不同國家之也不會分享數據庫了,荷蘭公司浪費大量電力訓練隻AI出黎,不及比利時公司訓練的AI優秀商業上唔成功,咁就會浪費了一份電力,而兩公司用的軟件不同數據庫又未必通用,咁又浪費了一份碟片,類似咁樣,互相收購不是吸收其數據庫,而且阻止人地阻佢發達,實際上就是互相傷害同順便傷害埋地球君,相反有D其他國家特色的其他國家,人口多樣本多,而且不用管樣本的感受,可以偷可以搶,不同公司之間只要有某組織介入就會共享數據庫,灑了金坷拉一樣,產量多,零浪費,咁樣即使運算力低,耗電多,但都比外面的互相傷害少浪費,例如你聽電話,用通訊軟件,回討論區,你不會為意你在不同的APP的交流對象全都是NPC扮,在外國不能想像,但其他國家可以咁玩

而味皇想像其他國家的終極玩法,可能是網速超進步後植入式偷用你的手機你的電腦的算力,CPU使用率長期100%數據流量每秒都幾百M咁,電費你埋單,連顯卡都唔駛自己買,外國人識閃電五連鞭都好,講武德最後一定唔夠打,年青人不講武德玩偷襲,外國人耗子尾汁

2020年新股剩蔗

差唔多時候睇返以前的新股現家點樣,過左5年呢批股味皇現家睇返,標準係冇發新股,財政好,咁會剩底下面幾隻

2107第一服務--冇發新股,現金回升,冇欠債,有派息

1455科利實業--冇發新股,現金回升,基本冇欠債,有派息

1502金融街--冇發新股,現金多,基本冇欠債,有派息

9997康基醫療--冇發新股,仲回購,現金多,基本冇欠債,有派息

9999網易--冇發新股,仲回購,現金一直增加,欠債少,有派息

2381蜆殼電器--冇發新股,現金多,基本冇欠債,有派息

1936利特米--冇發新股,仲回購,現金多,基本冇欠債,第一次派息

1953RIMBACO--冇發新股,現金多,基本冇欠債,有派息

6063智中國際--冇發新股,現金回升,仲還債,有派息

2263富石金融--冇發新股,現金增加,仲還債

9919艾德韋宣--冇發新股,仲回購,現金多,基本冇欠債,有派息

1416CTR--冇發新股,現金多,基本冇欠債

9998光榮建築--冇發新股,現金回升,欠債少

2107第一服務PB0.37,派十幾厘,因為是物管公司味皇有保留,但財政好派息高是不假,至少經得起疫情考驗,睇落OK

1455科利實業PB0.48,疫情停派息,見佢現金回升,因此有較高的重新派息可能,有機會是10厘股,但PB或者未太吸引

1502金融街,一直有派息,現金也基本一直持平,賺幾多派幾多,PB0.57,派約9厘,但睇落冇乜進步,吸引力一般,而且是物管公司

9997康基醫療,有回購有派息,PB1.87,以佢盈利水準派6厘左右,可能有成長,但現時算貴

9999網易財務報表表現好頂,但PB3.22,派息3厘,冇吸引力

2381蜆殼電器PB1.58,派緊10厘,佢現金多,但連續在下降,代表佢派息超越其盈利能力,公司本身唔覺有成長,因此太貴

1936利特米幾年前味皇舊文就預測話佢之後會破天荒派息,現在真是派息了,雖然是特別息,佢現金一直增加最終派息的概率會變高,但是,預測成功也不代表可以賺到錢,例如當時舊文寫完冇幾耐佢就盈警咁...現家佢PB1.28,就算佢真係常規派息也只是3厘,太貴

1953RIMBACO之前現金增加,但上年插水,派息也停左,PB0.63並不低,假如博佢能夠恢復派息也就5厘左右,似乎也不會爆升太多,不吸引

6063智中國際現金增加有還債,但是冇派息,佢曾經疫情前派過的,不排除現在重新派的可能,但PB3.45,唔覺得有任何投資價值

2263富石金融近年現金一直微量增加,但上年爆多,一向冇派息,佢也冇派息記錄,PB0.39,貴是不貴,有派特別息的可能,派息可能達0.12,同現在總市值相當,但咁買就有賭博成份

9919艾德韋宣財務上同行政表現完美,冇做奇奇怪怪的事,PB1.75,現在的特別息不是可以維持的水平,一般派息可能得8厘,成長性不明,算有點貴

1416CTR類似利特米,之前從未派過息,不過佢PB得0.22,而且業績似乎正在反轉,前途不可限量,至少現時評估唔到,問題係佢係新加坡股,唔知果邊D股的生活習性點,最後會唔會真係派出黎益你,味皇以往買的南洋股的成績暫時未見理想

9998光榮建築也是業績反轉,PB0.39,同上面比就有所不如了,1416係泥水,9998係起樓,似乎相當類似,不過地盤老闆平時刻薄開工人,估計也不會想到益股東,講唔埋,但可能性點都...呢兩隻真係派左出黎先算,最多咪飲唔到頭啖湯

2024新股

例恆的新股,趁雞立仲未執粒,繼續用佢的資料

味皇對保薦人的印象仲停留係2010年咁上下,現家行業已經相關大的變化,好左都執左或改名,味皇的評價唔一定合理,冇乜參考價值,現在只是基於中國人去到邊都係中國人的冇乜理據理論黎評估啫

2024年結

香港己不亂,股市非常好,香港金融業正處於風生水起的時代,由治及興,恆指全年升3012點到20059點,升17.7%,味皇組合由上年599萬升到646萬,加上提取了21萬,總數是667萬,回報11%跑輸恆指,全年派息45萬幾,又達唔到47萬派息的目標,下年CTM的派息唔明朗,想達到目標可能有點艱難,姑且設定下年目標48萬好了

味皇一生的工資總收入約200萬,扣除家用生活費買樓後投入股市的應該得一半,現家咁年年樣抽走十幾廿萬應該已經收回所有成本或所有青春,現家剩低的股票應該都係來自按揭借的本同埋盈利

又一年過去,味皇已經是40幾歲大魔導士,連登網上有港女話月入最少3萬先受溝,想一想味皇到最後人工最高也就24000,年青的味皇或其他一樣年輕的人唔會入法眼,說明社會好多人最終都係單身的,咁味皇如果仲繼續做落去人工應該有3萬嗎?應該沒有,可能只有27000,毒撚味皇睇得出有玻璃天花板,僧多粥少下唔會優先比味皇突破,到時味皇會比人話又老又窮

本金回報味皇應該算偏低,成日跑輸恆指講出黎比人笑,不過冇投入還要年件抽資下,派息上增長應該還算OK

24年45萬, 23年41萬, 22年40萬, 21年39萬, 20年

        24    23    22    21    20    19    18    17    16    15    14    13     12    11

收息 45    41    40    39    27    29    30    33    24    26    12     3      4      2

雖然現在組合的構成也不算非常好,但總算上了軌道,回想到疫情時的危機,一旦味皇當時操作失誤,現家就收皮了,立即噴汗噴汁,揸住兩三百萬股票就原地退休,味皇雖然成功左,但換做其他人似乎都係危危地,安全邊際唔多夠

599萬收45萬息係7厘半,如果按資產淨值黎計,上年味皇組合的資產淨值係1214萬(因為今今先開始統計,所以用左今日的資本淨值數字),PB0.49,而今年組合的資產淨值係1444萬,市值646萬PB0.44其實估值仲衰過上年,算係煙頭化power up,淨值1444萬派45萬計只係得3.1厘,實體做生意平均黎睇可能都係咁上下

味皇手上有些資產淨值特別高的,例如:

207大悅城,市值12萬,淨值139萬

242信德,市值7萬5,淨值118萬

160漢國,市值9萬,淨值123萬

黎到現家呢個情況,有幾多係實,幾多係虛呢,成個香港可能都係咁嘅衰樣,幾時可以返生呢?至少淨值睇黎唔會點減值,唔係第一戴維斯會比銀行斬死,實則虛也,虛則虛也

組合入面下年應該向好的有148,1713,752,2633,2348,1606,1576,460,829,1928,麻麻地的有1883,1045,而1181完全就是損失,解封後市道居然差成咁,不過組合足夠分散的話就一定有好有壞的

今年損失主要來自CTM,衛星呢D,而盈利主要來自年頭國銀炒私有化同埋早埋保濟丸業績後的爆升,今日國銀又炒收購概念是想不到的,由於佢爆升左2毫1.2變成1.4,所以味皇要收回尋日雞肋的評價,現價味皇是不打算增持的,因為今年1月時味皇就在1.4開始沽出國銀,雖然最後沽清時係1.94

今年比較成功的換馬主要係:

1月尾2月初,1.4-1.94沽出國銀,2沽出齊魯,0.6換保濟丸,1.1換東瑞,1.6換筆克,1.68換能投

而現在國銀1.4,齊魯2.3,保濟丸1.03,東瑞1.22,筆克1.84,能投2.12,且後來換的還派了高息

8月尾1賣出恩達,14換成舊僱主,而現在恩達1.02,舊僱主20.9,不過金額不大

10月後2.09-2.15賣出能投,1.21-1.24換成國銀,連同12月中2.3賣CTM,1.2換國銀

今年比較失敗的換馬主要係:

4月0.32賣出茂名港,0.3賣出遠航,2.55換入CTM,0.39換成唐宮,0.31換成京投同神冠

現在茂名港0.38,遠航0.285,CTM2.3,唐宮0.21,京投0.27,神冠0.285

5月開始5.09-5.44煉化>3.8中通,然後4.05中通>5.1煉化,5.28-5.39煉化>2.03能投+1.34國銀,1.37國銀>2.05CTM,2.09-2.14能投>1.21-1.24國銀,2.3CTM>1.18國銀,最終煉化年尾已全部變成國銀,每次都賺錢,加埋息總回報可能有40%,但是...煉化現在6.73,而且之前還可以6蚊換成青島港,換咁多次死腦細胞也不見得比跑贏市場幾多

下年組合比較有信心的係筆克,齊魯,筆克下年計足全年業績加埋派息,或有機會學保濟丸咁鳩爆一下,雖然味皇上年都一直講緊,而今年筆克計半年只小爆左一下,齊魯擴建己經完工,收入開始大升,不過佢被擴建留下一身債,派息比率未必高,不過總體都是入上升

能投係穩定向好,東瑞同建滔係大概率向好,四環同神冠係轉營後可能向好,保濟丸同國銀應該都係穩定向好但因為升左,仲有幾多水位就好難講,京投估計佢點好市場都唔會睇得見,CTM要睇佢3月點還債,1045希望新衛星帶來收入止跌啦,係呢兩隻唔多明朗,至於D地產股冇眼睇

社會事性,雖然想說,想想下還是收聲好了,只要把心關起來,外面再嘈都只是雜音,過好每一日先係實際

由於最近好多飛機跌落黎,一段時間內航空公司會蝕錢,飛機租賃也難做一些,例如國銀就有成80隻737比例都算幾高咁,因此下年如果能買郵輪股應該會比較好,鐵路股丫麻...冇乜人坐跨國鐵路,跨國鐵路也不普遍,至於不跨國的鐵路,票價一向都冇乜吸引力,如果有航空公司因此大跌,找一些島國的航空公司,因為不存在陸路,最後還是會升返上去

港幣同人民幣安不安全不太好說,投資上味皇會繼續嘗試把資產放在賺美金的國際公司上,次之就盡量搵賺港幣葡幣的公司,有好選擇的話,做美元定期也是可接受的選擇,但不要做明顯的走資,至少現在不適合,外幣的話坡紙比較好,但絕不能借坡紙,要不是股息稅低冇增值稅邊個買港股