壞消息x好消息x味丹

哎吔吔...嚇我我騰騰震....棟篤棟篤撐

一個壞消息,今日生果日報有篇報導話味丹唔乎合越南的環保標準,而這標準是採用歐盟的標準,正面臨封廠停工,行政總裁對此拒絕評論...云云

加上味丹停牌出公告,可能真係有d野

如果真係停工,咁就幾陰公下,不過背後還要認識到執法以外的事

話說宋朝,有個景陽縣,有個景陽岡,上面住左隻老虎,由於老虎為禍,過境的人必須在景陽縣停留整理裝備,縣人在路上開了酒居,"三碗不過岡"成為名物,加上老虎觀光團,成為景陽縣民的主要收入,縣太爺亦收稅忙得不亦樂乎....問題來了,到底景陽縣是否歡迎武松的到來?萬一傷了老虎,"打虎門"要如何處理?

現來回到越南,味丹是第一個投資越南的外商,極有標誌作用,在越南運作多年,關係住幾十萬農民的生活,而且為越南帶來不少外匯,亦係同奈省的主要稅收來源,加上味丹的電廠是越南為數不多的天然氣電廠,同時提供附近居民用電;但近一兩年,中國同韓國係越南狂掃木薯,用於生產酒精,於是農民對味丹的依賴減少,農民冇錢摭眼時,突然見到廢水橫流,如果因此而見利忘義,並不奇怪

但是縣太爺會點惗?如果出真係手打老虎,而味丹是大老虎的話,以下所有細老虎都要杜清光,等於要消滅越南的味精行業,雖然味精行業睇黎好似冇乜社會作用,但來自它們的稅收佔左總收入的很大部分,要點衡量呢?

先前越南經濟不穩,外資紛紛退出,台資只有台塑同味丹打算加注,如果此時打擊味丹,除左令外資打退堂鼓之外,仲會形成外交問題,越南打算親中就冇得講

如果越南官員學習到一些中國特色的話,有關的環保官員可能會被人請去檢討,況且政府的執法行動按行規是只打細老虎不打大老虎,只有民間團體先會針對大老虎不管細老虎,這樣會對團長的名譽有幫助

因此實情可能係民間團體針對味丹,然後政府被迫介入

以前x豐在上市前兩年,山東味精廠爆炸炸死兩人,無線電視都播過出黎,但係公司照樣可以上到市,主席照樣可以大魚大肉,雖然唔排除越南官員更有骨氣

補充一句,味丹在越南及大陸都有工廠,在大陸的工廠合格而越南的基地反而唔合格,果然係執法不同?

因此估計就算出事,最多都係罰款了事,如果味丹真係去改進環保而停左係度,我都會瞑目的

只要味精行業一日唔消失,味丹都會翻生,清走全部細公司反而對味丹長遠有利

一個好消息,我舊文由認股權去判斷主席為人提過:

"味丹的管理層有一批認股權於今年6月13日到期,行使價為0.8,如果要令認股權唔變成廢紙,味丹的股價要在6月13日前升到0.8或以上,由於除淨在5月30,因此要行使就要在5月28日前行使才有息收,即可以預言5月28日味丹的股價最起碼有0.8,而現價0.7左右,如果管理層對公司的前途充滿信心,則股價為0.8,如果管理層覺得公司前途多難,則股價會升至遠超0.8的水平

但是味丹的管理層是班正義的朋友,咁股價就不會升,該批認股權亦會變成廢紙"

期限已經過了,該批認股權已經全數成為廢紙,即味丹的管理層即使放棄自己的既得利益亦不去操縱股價,不管味丹的社會責任感如何,至少管理層對小股東有責任心,好感度up

我本人唔打算出售味丹的股票,而且我唔認為味丹真係會死係度,因為那些官員唔係單細胞,如果味丹因此跌到阿媽都唔認得,我應該會再增持