1211比亞迪

巴菲特懵左,居然買比亞迪

點解佢會睇中比亞迪?一係系創科d電鑽度睇到比亞迪的電池,一係子公司d老闆介紹,一係巴菲特參觀過佢工廠

巴菲特買比亞迪,個個都跌眼鏡,果然估佢唔到,佢成日自稱買股5分鐘內就可以決定,咁比亞迪一定有一d簡單易明的理由支持

依我看來,比亞迪同太平洋恩利一樣,係行業的巨人,財政的侏儒

套用巴菲特形容可樂的"護城河"的說話:如果競爭對手不計成本,全力進攻的話,能夠沏低佢嗎?

套在比亞迪身上,答案係"不可能"

比亞迪的充電池,成本是全世界最低,一旦市面有更平的產品,必然係山寨貨,充電池的使用唔係講玩,一爆炸會死人,比亞迪的充電池在中國當然不夠山寨貨競爭,但在中國以外的地方可以就係佢大曬,因為充電池一爆炸,大劑的唔係比亞迪,而係創科,偉易達呢d出售最終產品的公司,冇人會搵自己黎搞非

比亞迪的電池技術進步超越其他競爭對手,因為佢成本低,可以不斷推陳出新而又唔洗幾多錢(類似雜工人工低,無良老細乜都比曬佢做,雜工自然學到更多無謂野),而外國的競爭者即使有更強大的產品,但一旦量產化後,就會發現比亞迪又再出其他新品種,而自已卻難以改變生產線上的模板

於是市面上的非"比亞迪的電池",多數係最終產品廠商的原廠貨,即類似西門子手機+西門子電池咁,如此一來,整機的成本就會上升,會不及諾基亞等使用OEM電池的競爭

如果不用法律制裁比亞迪的話,其"護城河"會一直存在

汽車業務不太清楚,巴菲特大慨係睇好中國二世祖的增長速度

財務上,比亞迪的現金流約20億,最近投放在固定資產上的資源年年十幾億,07年達40億,似乎有大搞作,巴菲特參觀過佢工廠應該會知,加上營業額,固定資產,稅項都有唔錯的增長,而且分拆比亞迪電子gap水gap左成五六十億,現價可謂價格便宜量又足,問題係比亞迪欠人周身債,81億的債務唔係講笑,利息支出已經一年4億,以比亞迪的現時能力,每年都係還得7億本金,除非業績大增,唔係有排還

不過巴菲特有生金蛋的能力,暫稱為"會生金蛋的巴",任何公司只要"會生金蛋的巴"入股,其信貸評級就會上升,令利息支出大幅減少,亦因為"會生金蛋的巴"入股,公司的股票會升,發行新股會有更高的溢價,加上"會生金蛋的巴"的公司乜行業都有,間中搞下飯局,睇下有邊個同行可以一齊撈都未嘗不可

比亞迪的的債務看來有望數年內鬆綁,這樣一來,公司的盈利會多起碼4億,資產淨值多81億,名譽亦會提升,由於開支減少,更加打擊競爭對手的闘志