兩房債券

兩房有幸被國有化,股東即時位列仙班,搞來搞去,最終市場關心的都係擔保人的問題而不是債卷背後的借款人問題

假設,康有為簽了一張借據,擔保人係李連英,咁張借據就好有保障,因為李連英擔保即係等於老佛爺擔保,而不論康有為有冇錢;如果有人傳出康有為有乜東瓜豆腐,d人唔會去切康有為,而會走去切李連英,由於李連英切唔起,最終要由老佛爺打救

由於李連英名聲在外,人人都會首先搵佢追債,李連英想點閹康有為係佢嘅事;正常應該係搵康有為先岩,因為錢係佢借的,真正有冇得還係康有為的財政能力的問題,先找擔保人晦氣本身係本末倒置的

原因無非係搵李連英比搵康有為容易,而且肯定可以刨出油水,好快搞掂,李連英同康有為你死你嘅事;於是李連英比人括到沙都冇,康有為又未搵到,就咁燒焦

在這情況中,康有為可能是有錢還的,可能還遲d但仲比得起罰息,但凡有親乜野流言出現,擔保人都實會身痕,而康有為是分期還款的,而且佢的身份同財力係一個迷,因此有冇得還變成擔保人的財力問題

出面出現騷動,康有為正在做什麼?咪又係如常的還錢同唔還錢

借據本身的償付能力由發出至收回,一直都冇改變,改變的是估計有冇償付的慨率,即係aaa呀ccc呀...果d

如果借款人唔肯還就唔好借,肯還嘅就出面發生乜事都會想辦法還,無論外面打生打死,也不會改變借款人本身的償付能力

正是借款人的償付能力同貸款人的收款確率的關聯性被切斷,先會有咁多閒人借到錢,加上天下所有借據都由同一人擔保,才會上演咁嘅鬧劇