2022年結

第6次23.6沽出15000股美蘭,5.7換回60000萬股首機,差額不是太多,最後一日交易日諗住有乜要就順便整埋,差額0.16買入70000股地勤

3月時CTM比齊魯貴時換左些少去齊魯,最近齊魯變回比CTM貴,順便食埋糊,2.71沽出52000股齊魯,2.65換回50000股CTM,另外1.06買多10000股國銀

美蘭來回6次套到的金額已達本金的1/3,以前味皇設定的目標是60000股兌20000股1比3,後來記錯左1比4就出左手結果將錯就錯,實際上期間真係有一短非常短的時間達到1/3,20000股同15000股的相差也是1/3,結果換黎換去同原本的計劃並無相異,換了個寂寞,另外以前預計的國銀同四環互相爬上爬落也出現好幾次,但時間都短食唔到,齊魯兌成都會超過1.5倍今年達到過兩次,但沒有超過太多又縮回去,只有路勁兌惠記一直沒有超過味皇希望的2.3倍

回到味皇組合,年內賣左日本樓,但留左D做定期,加上抽取的生活費,股本增加5萬至312萬,恆指全年跌15%,味皇組合由673萬跌到613萬,唔計羚邦的在途股息,全年收息40萬,扣除增加的股本總數共648萬,蝕4%,連續3年都在救派息,而社會上3年都是相同的咁地底泥,優化左咁多次組合照計應該己相當穩定

• 2022半年結*

半年前,當時味皇恐怕要關7日,半年後的今日,味皇就係屋企關左7日,當時街外面未有確疹,政府要打碼,半年後街外面全部確疹,政府話開放,一如味皇所料,阿爺開始豹子頭行為,而xiang gang既不食夏威夷薄餅,又不食瑪格莉特薄餅,到現家比大人強餵公子食餅,成龍一直沒有令味皇失望,但味皇自覺走得太前,做人要更懵先得

組合回顧,上面美蘭果D好似換得好成功咁,但大型災難例子也不少

1.年中味皇中左拳王一記烈拳,佔組合大頭的普星一口氣唔見50萬血,息也少收5萬,逼住換馬其他,但由普星吐血換的果批四環是在1.57換的,現家得一半,直擊傷害外還食多招擊飛跌落傷害

2.秦港同大連港3月尾沽出時同現價差不多,但換入的國銀1.15,神冠0.47,唐宮0.65,都跌左

3.日照港7月0.48賣,現家升左不少,換入的茂名港0.38,亞實0.215,都跌左不少

組合個股評估:

CTM-佔22%,資產淨值139萬,穩定,似乎有D增長,幣值上也相對升值

齊魯-佔12%,資產淨值47萬,封上海照計唔見幾個月收入,但半年業績似乎還OK,可能仲有D希望,總體而言下年唔減派就唔錯

國銀-佔10%,資產淨值133萬,佢的大客戶包括豹子頭,味皇會怕豹子頭收左貨唔比錢,但國銀背後係畿中機關,豹子頭也有可能唔敢,總體而言有拖數風險,但未至於因噎廢食,本身還是向好的

四環-佔6%,資產淨值41萬,博兩種特別息,1是賣本體派6亳,2是蝕錢子公司A股溢價上市派一兩亳,即使本體賣唔成本身也派不少,博炒作,1是炒整容題材,2是炒蝕錢子公司超貴

美蘭/首機-佔6%,資產淨值14-26萬,欠債太多近期派不出息,但至少進入恢復過程

路勁/惠記-佔5%,資產淨值185萬,今年或者會派返息嘅,希望啦

中煉化-佔5%,資產淨值46萬,本身高息之外,還可以額外賺盧布

晨鳴-佔4%,資產淨值37萬,養住先,利好利空因素皆有,吉兇未可知,生死定為生,希望有派息

青島港-佔4%,資產淨值38萬,穩定,業績似乎上升

華南城&大悅城-資產淨值176&97萬,各3%,等運到,至少唔駛死,希望有派息

漢國-佔3%,資產淨值136萬,公司係向好的,但求唔姑寒

羚邦-佔3%,資產淨值27萬,公司係向好的,但求唔好拍真人電影,派息希望穩步向上

亞實-佔2%,資產淨值19萬,雖然盈警,但味皇認為一年後可望廿幾三十厘

其他主要-潤利11萬盈利同派息會爆燈,恩達16萬盈利爆好以外還有賣地皮殺訂優點,茂名11萬普通成長高息,唐宮6萬慘緊又恢復緊,神冠20萬反而有D不安,越秀11萬當ATM,還有11萬其也他加29萬現金

大致係咁啦,資產淨值1200幾萬,PB0.5,如果只計地產PB0.13,如果只計地產以外PB0.8,地產股的淨值水份真多,上年計淨值,味皇成年落黎感覺股數同淨值增加應該在成2成以上,股東權益回報起碼是正數,不過股價整體都下跌,,收息方面普星以外,地產股都捱拳派不出息,年中比較困難,味皇冇乜能夠做的,後來組合曾最低跌到得返400幾萬,但市場上反而跌出好多更不成比例的股,反而令味皇有各種換馬空間,現在組合的市值雖然比21年低,但股數卻大幅提高,由於現在經濟活動開始多返,之後的派息即使未能立即反映,但半年後的派息應該會大躍進,股價或者先於股息反映出黎,咁樣味皇一樣有換馬空間,總體而言股息上應該是樂觀的,上年收息目標44萬再次沒有達成(要不是鐵拳),下年股息設定高一點,目標47萬

時局年結另外寫

近況

如果按每日多1倍的比例黎計,前日澳門就已經100%感染,實際味皇識的人通通都是楊過,但偏偏味皇自己還未中,從來都是人越污糟,抵抗力就越強,同其他三年不接觸病菌的東亞病夫相比,到底味皇可以顯得有幾咁污穢不堪?說起來味皇3日沒有沖涼了,底褲也沒有換...一陣就去洗

其實主因可能只是味皇唔駛返工咁解,不但沒有返工,呢3日味皇都冇出門口,是咁的,無論如何感染是必要發生的,早晚而已,上星期初,味皇積極出街日日下午茶,希望來個初期感染,係醫療能量最多餘的時候中蕉的話,反而最安全,結果防禦力太高沒有如願,而現在澳門在最高峰期,醫療能量不足,味皇就諗住留在家中等過左風頭先出去中,由於澳門已經全感染,大概等多4日,疫情就會從此消失,至少在精神面上

聖上早幾日同契哥全裸無碼濃厚接觸,從各種幻覺上來看,聖上已經和看不見的敵人大戰三百萬回合,取得偉大勝利,而且沒有打針,現家的情況可以比照北泡,比如有人中了愛滋,如果呢個人有足夠高的人類習性,就會整愛滋針周圍拮,也是魚蛋論的一種,京城的風波,說不定源頭就是黃老鼠,如果源頭是黃老鼠,咁再溯源就回去到大粒癦果度,綠帽真可怕,而大粒癦現在全豪宅打PS5,比馬多夫比薯條哥爽不知幾多倍

人類會對未知的事物感到恐懼,在上星期,感冒是未知的,4日後,感冒就會變成已知的,楊過不會怕王重陽,真人就算對上陽頂天也不算甚麼,走上第一步,遲早會變成高手高手高高手,實際上今次請假去避開工啫,下次請就冇曬病假,中過招覺得冇甚麼的慣老闆也會話請乜野請

澳門現在,街冇人行,舖頭冇人開,半夜出去連M記PK都唔開半夜,幾耐未試過?其實也不算好耐,如上所講,人人請病假,但這是一次性的,下次就冇假而且唔比請假,況且人是會習慣的,正如女裝過一次,咁以女裝幾多次都唔會介意,有左抗體,人人都是達爾文戰士,現家的香港人好怕病毒咩?和幾個月前相比

大致係咁,4日後澳門就會回復正常,人人都是女裝變態,味皇之後唔死的話,也會開始女裝生活,如果澳門出現女裝恐懼的,一定是外地人

聖上不夠前瞻性,沒有緊急通過遺產稅

對於將來女裝的建議,味皇覺得戴最薄的口罩做下樣保護社會性就得,因為到時的功能已不能保護自己,人在屎氹中,何必穿小鞋,反而降低抵抗力,也不見得能保護別人,別人也在踩屎,這時最重要的是含氧量,肺有一定的損耗時,吸收率下降,咁提高吸收量才是復健之道,通風應該更皇要

另外上星期3左右,還是日日去下午茶的快樂日子,味皇還打算驗核酸出大陸,然後聽朋友說45蚊核酸是5合1,味皇驚覺咁樣無論點驗味皇都會是羊,於是冇驗,好的,4日後,還是44日後,味皇如果去驗無論如何也會是羊或者重羊,即是說在之後的一段長時間,5合1基本是100%羊,如果核酸政策不取消,就沒有人合資格出入境,實際上現在就冇人可以在澳門驗再出到境,只有外地人能用同一個核酸出入,代表:1.只有短期旅客,2.冇人走到水,3.核酸政策將會取消(有待上面察覺)

2017年新股睇返

舊文有類似的題材

• 2015年新股
• 2015年舊股剩飯

2015年的新股,係2020年睇返,結論而言

味皇認為合格的46隻新股,之後5年從不派息的概率是11%,派到兩年息的概率85%

味皇認為不合格的68隻新股,之後5年從不派息的概率是51%,派到兩年息的概率37%,

而味皇是在上市當下,甚至上市前,沒有往績,沒有睇招股書內容,沒有聽保薦人同財演吹噓,單靠招股書第二頁的內容就對新股的下場進行予測,還真是有一丁點的命中率

現在2022年,本來應該拿2016年的黎寫,不過6年前,上商度會拿不到一年的資料,因此今次寫2017年...

結果2017年舊文死圖

於是用返2016年同2018年,都是只有4年資料

• 2016新股-30%

• 2016新股-70%

• 2016新股

2016年加埋2015年未寫的共117隻,未能即時剔除去到第3篇文的悻存者25隻

味皇認為合格的25隻新股,最近4年從不派息的概率是16%,派到兩年息的概率84%

味皇認為不合格的92隻新股,最近4年從不派息的概率是50%,派到兩年息的概率43%

• 2018新股

2018年共209隻,悻存者75隻,數量太多,如果冇計錯的話

味皇認為合格的75隻新股,最近4年從不派息的概率是36%,派到兩年息的概率52%

味皇認為不合格的134隻新股,最近4年從不派息的概率是62%,派到兩年息的概率33%

命中率完全是睇概率,但在統計學上來看多少有億點點意義

大致上味皇同某D風水佬差唔多,不投資新股的理由,一是新股佔大半睇落都唔掂,二是明知唔掂大可以在事前回避,味皇早了5年就進行回避動作,預判了佢的預判,進入怪奇思考領域

新股上市幾年之後先撿,類似3年後仲係圈中先好講.jpg咁上下

味皇想講的是,其實股票冇想像仲咁難,有心,有儲經驗值,有升級,有檢討,打小怪,不要打魔王,嚴防盜賊,就有金

2022新股

又是每年恆例的雞立

上市未上市共77隻包括埋綠債,23隻剔除,合格率70%

剔除的標準基於武斷的憶測,多餘的統計,無謂的聯想,不合理的偏見,失敗的經驗

傳

可以接到上一篇的劇情,法國廁紙報傳聖上可能在上次的濃厚接觸中接戰左,而現在並沒有傳出聖上的死訊,死的只是先王,講開先王死的頭幾日,人們要經七苦八難才能獻上菊花,一般來說成功的領導人生前會安排一班做媒的在佢死後獻花,如果沒有人獻花,咁呢個領導人似乎相當唔成功,幸好當今聖上後來為先王張羅了不小的法事,先王顏面算是得以保存

如果聖上已經接戰左,咁王城自可以中門大開,呢度可以模擬一下,聖上是個小心眼者,周圍的太監要閹得非常乾淨黎保護聖上,但如果聖上得了花柳,不用閹太監黎保護或許說閹黎已經冇意義咁,聖上可能大解放黎傳比所有人,令自己心理更平衡健康,如果出現這種情況的話,下面可能由其放任自流,要驗證呢點的話只需觀察聖上同周圍的太監以後會否頻繁脫心口罩同其他人接觸就得

味皇為左應付不知何月何年完結的聖旨,準備了起碼3年份量生活費的存款,而成命收回的話,未來來自股票的派息多少會開始恢復,咁存款水平可以開始減少

平時做開夜鬼,前日又訓到收市,前日的股價情況對味皇不錯,之前3月CTM>齊魯及10月國銀>四環時換落的,前日都反過來後者更貴可以換回,結果尋日通宵到開市諗住換時,股價又跌返返去,成日都不如意,唯有繼續隨緣

開放返的話,好多股都會反轉,味皇的看法同年頭冇分別,同上年冇分別,同前年冇分別,該受益的行業自然會受益,該行業生存性最好的一隻會最安全,最安全不代表升最多,只是安全,例如說餐廳最安全的本地是太興,上面是唐宮,恢復的時候派返高息的概率較大,其他較慘情的股由於盈利基數低免稅額大,不安全的先反而升得多,垃圾債券咁,面值100跌到10蚊同50蚊,同樣回升10蚊一個是升100%一個是20%,酒店類別都受益但味皇不認為佢地短期內會派到似樣的息,因為呢幾年欠債增加太多,機場也是一樣,不過機場的收入比酒店確定性高D,地產類別味皇有D保留,因為多數的地產增加不少債務,另外收入同資產都係人民幣,而持有或增加債務不少是美金,入不敷支可能維持一排,另外仲有D賣資產同私有化的公司會受益,銀行被下令放款的話,資本家借到錢的概率會比之前高,交易成功的概率也會增加,當中賣地賣廠呢類資產型的成功率增加比較少,賣盈利子公司賣証劵賣技術賣生產設備呢類生財工具類資產的成功率增加會比較多

*ps:廢事再開一篇,於是係呢度加,16號第五次換馬,5.98沽出60000股首機,22.5換回15000股美蘭,差額0.16買入13萬股地勤

胡亂期待是不好的

係度嗌不要核酸同我愛核酸,嗌後者比較高級,舉例來說,如果蘋果日報頭條話邊個邊個否認強姦,或者承認強姦,內容完全相反,但感覺都會去到類似的結論,環形一樣,係高登無論向左走向右走,都是粗口,關鍵不是內容,而是蘋果會講的基本都不是好野,要令世界變得更美好,不是改毒果的標題,而是令毒果消失,同樣道理如果不想有人提核酸,不是禁核酸,而是抽走空氣,利用聲音不能在真空中傳播呢類物理手段,會更有效,超睿智的人實會咁諗

京中有善口技者,舌巧如簧,舌燦椰花,舌戰群儒,好故事由衪們的口中傳播,福音一定無遠弗屆,極樂淨土之乎者也,但是福音是由最上面傳下來還是由最下面傳上去呢?假如極樂淨土是既定事實,天帝是全知全能的話,天帝就是全知再向世人傳播福音,如果天帝是無知無能的話,就是由世人傳達福音給天帝,世界一角有個胖子,一個毛子,都是由精選的世人上報情報,根據上報情報的時間性同正確性,胖子毛子對下界的認識可能不同,胖子也許認為外面仲用緊win3.1,毛子可能認為外面都是魚肉,似是真心膠,天帝全知全能是既定事實,那麼傳福音的一定是由上至下,上面出的是至福之音,傳到下界變成萎糜之音一定是下面的錯,不是天帝的錯

講開小胖,厲害了,佢的胖,對付病毒這種塵埃不如的敵人,居然用子彈,還開一槍一個準,真神人也,根據官方說法5月10號偉大的胖將軍發燒厲害,也無時無刻記掛著照顧人民,沒有臥床休息,一直堅持到戰勝疫情,11日偉大的胖將軍就宣布國家已經戰勝病毒,一切戰時封鎖皆解除,簡單地講,戰爭是偉大的胖將軍一個人的戰爭,無論多少士兵折損或多少士兵勝利,也只是戰術層面,有戰略級別才幹的偉大的胖將軍一日未開始作戰,就一日未算的勝利,而偉大的胖將軍個人的勝利,就是全國的勝利,類似的事估計不會是孤例,傳說中李老鼠已經進入作戰狀態,咁股市應該趺返一千幾百點?咁最近同李老鼠進行人與人的連結的聖上,也有機會拉入戰圈,大膽!護駕!護駕!如果聖上拔劍的話,見血應該是基本,咁股市應該趺返一千幾萬點?也許大部分人咁諗,市場是反映大部分人的行為的話,也應該會咁樣,但味皇認為,聖上和帶菌鼠濃厚接觸,至少有開戰的概率,由開戰到脫戰,期限也就一兩星期,聖上戰勝的話,聖上就是天神下凡,國家有天神之力保護病毒這種塵埃不如的敵人不足為懼,戰時狀態就會解除,萬一聖上駕崩,國家就沒有作戰的理由,向病毒這種塵埃不如的敵人投降,戰時狀態也會解除,反而是聖上沒有立儲君而駕崩這點會變成亂源,無論如何,聖上只要一旦開戰,過兩星期就會簽終戰條款,無限期作戰國家100%變壞,聖上立於前線50%變好,25%變亂變好,25%變亂變壞,概率上推聖上出去X似乎是OOXX,股市如果因此跌一千幾萬點,其實可以視作升一千幾萬點,最衰都是毒果

聖上天生神力,謙虛200斤十里山路不換肩,想必200噸也不在話下,用名為疫苗的護衛護駕實屬有損聖威,而且護衛還不確定會不會背刺,所以排除聖上附近的人才是最安全之道,但最近保安策略已經有變,最近聖上不再一年730日都龜在宮中,多了點外出的概率,概率已經不是0了,事實上令次已經濃厚接觸左,這不是好事,君主不立危牆之下,於是祝刺客好運

回到比較貼近本blog的題材,2230的業績算不錯,達到味皇評估的6000萬預期,版權的儲備比較充足近期到期的不多,派息比率有機會上升,不過對佢的投資項目有保留,例如近期出資拍甄子丹套電影,票房基本0,雖然廢料唔知B站用幾錢回收,感覺應該蝕到媽媽聲,近期係大6重本拍戲賠率感覺同買曼聯都不如,但2230似乎樂此不疲,另外2230業績好,估計是日元貶值比日本的定額版權費相對變少,如果日元升同要續版權買新版權佔的比例上升,毛利率就會下降,而1737雖然盈警,但味皇覺得佢是把簽租約的支出算即期損失,而之後的合約期唔提計,佢簽完租約比左上期,現金冇下降,派息應該依然豐厚,2682聽日出業績,應該唔差希望唔差,現家咁概經濟情況,死馬中找到活馬就要珍惜

另外尋日成日食花生睇民國投票,正常來說是食鹽酥雞,不知不覺加到25,一年不見如隔3蚊

定期

第4次換股大包Z,今日19.2沽出美蘭,4.55換回首機,差價0.157多買90000股剛出盈警的亞實

另外早兩星期係永亨做左10000鎂定期半年4.5厘,定期的條件有D煩復,佢話要新資金,要B銀行先提錢出黎,再存入A銀行先可以係A銀行做,做完之後先可以再由A銀行提返出去存返入B,如果直接用A的存款做定期,利息只有一半不到,最低10000鎂起存,永亨的分別是3個月1.8/4,半年2.1/4.5,如果存一年最多是4.6厘,港幣兌美元史上最低,一來一回最大可以蝕1厘差價,現在按揭利息2.5厘,疫情間可以申請還息唔還本,假設一年少還79000蚊,套息一年,2.1息差最多1660蚊,一來一回最大蝕800差價,因此進行套息的話一年頂多也就是賺1日日薪

不過現在的美元存款可以視為一種人生的保險,正如N年前味皇對日本樓的評價一樣,要說賺錢未至,至少有人因為有日本樓之類外地資產而能夠五體齊全成功逃出,蜥蝪人斷尾需要營養,營養夠斷尾後能生存,斷尾後體重下降消耗的營養也會減少,蜥蝪人的生存之道是斷尾前的

營養儲備同斷尾後的低消耗生活,之前味皇不想所有財產放在永亨呢種濕9本地小銀行於是分散了部分去建行,現在永亨變成星資銀行後建行反而變成濕9銀行,如果求保險的話係永亨星展渣打做存款會較好

早前寵寵寵思密達發生的事,教訓人類不要痴埋人堆度,但是人類是不會受教訓的,要能夠管控自己的生物性,首先要令自己變成不是人類,味皇投資道路上至少冇人同,人地買企鵝而味皇的股票組合冷門過南極企鵝,人地買仙毫老千股味皇買0成交的仙毫股,先不管投資習性,至少味皇在管理性欲上已超脫人類,但是這樣飄飄欲仙的味皇,身家也不過是大C這種的水平

FTX自稱電腦問題破產,叭一聲冇曬,都是自稱,類似上面,類似民進黨咁,一般來說廣告越多的東西越物非所值,証劵係咁,惡黨係咁,球玉也係咁,揸住狗幣不會令人變有錢,狗幣同高登膠幣冇分別,常道恢弘,小丑神永遠,主要是狗不去工作,隻隻狗都不去工作誰造狗糧?不過隻狗被隔離不能工作就非狗之罪

另外google map唔知乜問題,澳門街景倒退回2008年,充滿懷舊氣氛,味皇返返打工年代咁,是咁的,傳說中的PS5是2020年出的,現家已經就快2023年,按3年換PRO的標準的話,傳說已經完成佢的生命周期,可謂影之傳說,影之一生,以前特車二課的屯註地是台場的填海地,同圍乜都冇上海亭叫個炒飯都要過海,現在台場已經都是高樓大廈,以前墨東署係錦糸町的警署,已經清拆重建多年,味皇以前寫日本樓的時候好多都仲係原貌的,現家好多都已經不像記憶之中,類似特車二課呢D有些少歷史的,仲可以有個記錄,好似PS5呢D呢段時間出生的,太陽都未見過就完了一生,人生有幾多個10年?有些人可能連3年都冇,嗚呼哀哉

大炮巨艦主義

期待的事沒有發生,股市氹聲跌落地心,味皇覺得粗糙言論duck不必

一號同二號的學歷感覺都不高,根據二號之前係魔都的作為,大概是魔鬼執行者呢類次世代機械人,根據歐貝斯坦的二號無用論,完全體是不需要老二的

是咁的,味皇推斷,未來的風氣應該是大炮巨艦主義復辟,雖然嘴炮的口徑很可能擴大,但味皇不是指軍武的巨大化,味皇認為以後的指導思想會更直線式,更核心式,舉例來說,有一森林的木頭要運,以往是大量的卡車在運,運得出去就是好車,無節操無規章鬥快運,司機互相撕殺,板凳士巴拿地釘都出齊,車係咁壊但實有另一部會頂上,木頭全部能運出去,現在則會製造一頭巨大無比的火車頭黎拉,所有人去維修同扮維修個火車頭,貼滿安全標語但一日到黑壊,好似掘路工程咁,養的維修人員比想像多,森林運剩的木碎搵人用手拉車拉走,火車運好多木頭,但不能達到宣稱運能,會改稱每年運能都能增長,森林有木頭剩,但新車扶不敢加入同埋舊車伕不能同不敢全部運走

簡易言之,未來會強化巨型國企的市場地位同官員數量,不再讓利於民,爭利的直接打死,巨型國企交稅比例增加,個人同民企交稅減少,稅金先集中,再用派飯派糧的形式派出黎,如果某行業有足夠大的上鏡率就會被火車,股票作為資本主義的遺毒,某行業要足夠小足夠低調足夠被佢地忽略,先可以以私營的形式享有自由度,大炮巨艦主義放係軍械以外就是大軍團同游擊隊的分別,將帥無能大軍團可以由1小時22分變成大半年,游擊隊小隊長廢,也就是團滅一個小隊而已

一般來說除左是第幾級子公司之外,市值是比較通用又可視的觀測基準,公司市值巨大的話可能要被承擔做善事的工作,如果老千公司冇實業冇盈利借錢刷市值充大頭佛,被盯上的話就會變成銀行被善事

類似以前3桶油的暴利稅咁,將來應該會用捐款,罰款,建設基金,官方債券之類形式向巨企回收資金黎補充社保基金

聲明一下,呢度唔係暗損其他國家,係指俄羅斯都未定呢

最後味皇0.915賣出30000股國銀,0.67換入40000股四環,另外用日本樓的錢2.98再買左12000股中石煉化,1.87買左30000股亞太衛星,近期應該再冇乜錢再買了,亞太衛星味皇原先時諗住等佢下年衛星發射失敗封被鎖消息或長城火箭發射成功厲害了佢的國時先再決定買,但現在跌左咁多就算發射失敗都唔見得會蝕,而且佢賺美金又唔駛收股息稅,呢個時候可以接受

又換馬

上次4.5換入的首機現在已跌至4.0幾了,18.92換出的美蘭現在也跌到14.7幾,跌勢似乎點都無法阻止,不過尋日味皇在4.21沽出60000股首機,15.2換入15000股美蘭,再次回到原點,由於地勤唔見人放,套出的錢0.3買入30000股茂名港,另外再加一D錢2.42買多10000股CTM

如果以市值來看,8月時味皇的15000股美蘭19蚊市值28萬5,來回換左兩次又變返15000股美蘭,中間換多左70000股地勤30000股茂名港同近6000股CTM,加埋市值都係25萬6,掙扎完依然是跌,但是以股數的方向黎睇現在是比8月多左的,8月時的15000股美蘭資產淨值是14萬4,現家加埋是19萬1,同埋無論美蘭定首機都唔會派息,而現在卻有少少息

之前有篇舊文40蚊匯豐VS40蚊渣打,內容是匯豐40渣打又40,兩隻都係辣雞,但由匯豐換成渣打可以多賺兩成,當時香港未不亂,股市應難好,恆指是23000點,而現在香港己不亂,股市非常好,匯豐40.55,渣打48.6,恆指負升市到只冇17000點,味皇想說的是,市場情勢唔到你管,但把股票放上天平只係你做唔做的的問題

剛剛收到地勤同四環的息,之後到年尾應該都唔會再有息收,本年收到的股息總額是38萬5,比上年仲少左,44萬股息目標未能達成

現在雖然有一點點現金,股市又大跌,但味皇加注比較謹慎,因為味皇冇勞動收入,而且等緊下星期的結果

四環業績(偽)

講返以前味皇買四環時是20年8月,當時股價0.82市值約76億,每股淨值1.02,佢業務只有現在似乎唔想的仿製藥,並沒有其他,所以味皇單純買佢唔想要的業務就出左0.82黎買

十幾年前味皇寫過的舊文有類似的題材,現家大概重覆一下,假設味吉陽一經營緊食堂,每日賣300份炸豬扒飯,每份賣800円的話營業額是24萬,賺1成的話每日賺24000,當佢每年只賺800萬好了,假設食堂的資產是2000萬円,回報率是40%,股市會對股東權益回報率40%的公司比幾高的估值呢?也許不會比奈雪的茶低,而現在假設味皇慶祝食堂生意好呀,送左個1公斤純金飯碗比陽一放食堂做裝飾,這樣食堂的資產就變成是2800萬,回報率大幅下降為22%,而股市卻會對這樣的公司比低得多估值,有可能少一半以上添,如果PE40倍變PE22倍,咁市值分別是3.2億同1.8億,收左送禮味送的800萬純金飯碗,陽一反而會因此唔見1.4億以上

以常識黎來看2000萬+800萬>2000萬,但市場先生來看2000萬>2000萬+800萬+1.4億,以曼聯來看麥龜>達高斯基,而常識黎來看2800萬>2000萬

現在的四環就類似咁,呢兩年新生的業務似乎成長好,至少能在發夢時成長好,相反原來賺錢的舊業務冇夢可發,舊業務每年賺幾億,資產幾十億,而新業務微微能賺一千幾百萬甚至蝕緊錢,資產幾億,但是可以發夢每年成長幾倍,假設95%盈利同70%資產是舊業務,5%盈利同30%資產是新業務,加埋PE同PB分別是10同1的話各100%,如果把5%盈利同30%資產是新業務單獨分出黎,PE同PB分別是100同10的話就是500%+95%同300%+70%,即是說四環派完每股6毫的特別息後,每股資產只剩2毫幾,盈利只剩原來的5%,但股價仲會剩1-0.6,看起來完全是垃圾,味皇呢度模擬一下財演的口吻:呢隻四環,係中國的美容龍頭,中國14億人口,美容產業現在先起步,每年起碼增長3倍,100倍PE上市不貴,當炒暗盤實升,乜乜乜基金係戰略投資者,超額認購,有機會入恆指,云云

中國公司四環的年報封面已經改成西人同化妝品了,舊業務本業務已不知何去,甚至覺得本業務是累贅,乞衣趕廟祝

本文講業績倒不如說是睇吹波,四環原來賺幾多已不需注意,四環管理層已無心係公司,個心都係資本市場了,四環舊業務應該會出售成功並派特別息,可能賣比外人,但也有可能是管理層用子公司係大陸上市集到的錢用另一個名義同四環買,左手賣比右手,特別息的金額味皇估計6-8毫之間,此時四環可能向股東放陷阱,比子公司的認購權你買或供,如無論你有冇認購認供,你供就特別息就會比佢用100倍PE吸返,你賣認購權供股權出去,就會有別人代替你用100倍PB送錢比四環班人,佢地大概率能吸回大半派出去的特別息,因此如果有特別息時務必收左就袋好佢,堅定決心,唔好入佢的抽新股遊戲,如果想100倍PE抽新股然後搵下個水魚接,一般都會悲劇收場

味皇覺得佢會派特別息,時間未知,現在四環淨現金幾十億固定資產幾十億,接近一半一半,四環派特別息時可能派賣出金同埋現金的部分,可能派賣出金同埋現金的全部,可能派超過賣出金同埋現金的全部再借錢,三種都有可能,第三種減少資產之上仲借錢,回到食堂的假設,陽一如果上市前把200萬的碗碟送比人,資產跌到1800萬円,回報率會升到44%,如果借貴利800萬送比人利息100萬,資產跌到1000萬賺700萬,回報率會升到70%,做實業的最好唔好有呢D財技腦啦,但是有財技腦的傢伙通常會周圍搵做實業的去做精神污染

0+0

早幾日18.92沽出15000股美蘭,4.5換回60000股首機,首機同美蘭現家兩舊屎邊隻好D比較可疑,但套到現金的話再買回同類別的話至少會顯得大篤D,夜鬼味皇呢個月基本都訓到收市,如果早起身首機可以4.3左右就換到的,套到少少現金以0.172左右加左70000股地勤,星期五可以用4.6幾同18.0幾又換回來的,想了想還是先不要,另外1.24沽清揸左8年的52000股建業,1.12換入60000股恩達,揸8年都要蝕,恩達除左0成交的缺點外,應該算是建滔的上位

0同3之間就好似小太監拿住聖旨咁,係咁手震一直未敢攤開,難道就找不到一個大太監企出黎嗎?之前係咁發言忠誠的廢物按現家講的內容都變反革命的廢物了

0+0應該不敢的,不過0+3時已經好多人訂左機票,即使不是進來,出去也叫成交,就算之後唔+0甚至反而+7,訂左票的應該都唔會全部退訂,結論而言,航班至少會多一丁點,雖然同大陸機場無關,但香港機場會好返些少,比起太古國泰,港機工程會好好多,未私有化的話,而現在香港航空有關的股票得返地勤了,雖然不至於井噴,但多少會噴下水

盈利大增先不要想,佢要盈利爆升增先要租下屯門的倉庫,單靠現有的容量能增長的頂多是叫增長的水平,不過派息破20%可能不難,比起航空公司,薄酬請人非常難,因為航空公司的定義大部份靈長目都唔算人,但地勤公司可以薄酬請到各式張超雄的遺產

大航海時代由於大明鎖國,而有國際航班的馬交就承受全世界的運量,日本的白銀,大明的磁器茶葉,非洲的犀角象牙,西洋的火繩槍玻璃都會經馬交上落,同樣理由,上面冇國際航班而香港有的話,香港就要承擔埋上面的需求,甚至承擔埋俄羅斯的需求,如果有私人公司買入晶片,然後運去高鐵站,然後失竊,都是不可抗力,保險公司應該會賠,香港可能會開通去海參威去阿拉木圖之類的航線,做帶貨可能是香港現在還能走的有限路線,與其三跑養蚊,還不如改成碼頭,海空合一,想一想,在整個世界范圍,大機場同大碼頭直線距離最近的可能是深圳寶安機場同蛇口港,要不是不可描述原因臣妾做不到,深圳貨運早就吊打香港,要不是青馬大橋停收過路費,新加坡早就吊打香港,不過現家都開始吊起黎打了,還不是香港成本有加冇減,俄羅斯同歐洲交惡,香港應該會食埋遠東的貨運轉口,唔一定直航,運上廣州都是一選,但一定會由香港落貨,東歐同西北亞香港就食唔到,因為果邊手套會由土耳其做,如果香港唔先做好準備繼續敗家,人地就唔會直接落香港轉口,而會運去新加坡,再由新加坡運香港,咁個餅就會比新加坡分薄,走大量的話總不能全靠車手走私

總之香港的轉口貨運應該是近期相對有前景的,在各種敗家子的行為當中

最近情況

香港己不亂,股市非常好,隻手離夏威夷薄餅似乎越來越近,實際上只要唔固執於瑪格麗特正宗之類,2月就可以伸手拿黎食,不必餓到骨包皮仲要夏威夷薄餅比人食曬

味皇半年結時組合是661萬,現在只剩520萬咁,今次就跑輸恆指,樓同租都下跌,就快見負資產咁,味皇收入咁低都要面對中產的問題

這時候要回憶一下當初投資的目的,無非就是改善生活,然後你就要想下:

你願意犧牲現在的生活品質嗎?

    不願意>咁你你投資時起碼要保證現在的生活品質不受影響

    願意>你願意犧牲多大的生活品質?

        有限度犧牲>咁你你投資時起碼要保證現在唔會餓死 

        不惜代價>吔屎啦你,唔係真係吔,至少要做好隨時吔屎的心理準備,先做好心理建設

如果因為投資而造成生活品質下降,就是本末倒置,分別在於生活品質下降的時間同程度每個人自己設定都不同,現在周圍都係平貨,但是你要自覺自己現在是需要生活還是準備好吔屎也能活下去,IFC排隊的人就是冇做好心理準備然後被喂屎受不了的,自己的選擇自己承受結果

味皇自己如果有閒錢的話會繼續買,但味皇在買之前是先確保有閒錢,而不是把錢擠出來,因為味皇知道自己冇勞動收入,而且仲要養屋企人,任何時間賭錢的人都多,好似今期威尼斯又爆滿咁,但是賭錢前先想一想,你的籌碼是錢,還是命?

講起賭錢定賭命,界限可能好難界定,不過世間有乜可以將所有錢公正地標準化,唯一的標準是時間,小學雞一日24小時,聖帝一日也是24小時,大粒癦一日也是24小時,耕田兄弟一日也是24小時,所有人都一樣,如果人人都耕田人人都有米,前面都唔耕田,兄弟就要養曬前面3個口,有錢人本質只係食左耕田兄弟的時間

現在世界的經濟現狀,同之前相比,差別在於有更多人口不務正業,只食不種,人類即使不做野,食量也不見得會減少,減少的只是產量,想想也知道,世界70億人,同之前相比,現家多左十幾廿億人在例如鎖在家中不準出門,例如拿住飛行道具互射,例如在廣場聚眾不回家,例如成班人泡在水中或在水邊扎營,例如宅在家寄求職信,例如老而不死,例如勞動人口異世界轉生之類的,呢個世界有兩種人,一種把時間用在種菜,另一種把時間用在重覆挖洞和填洞,即是生產同浪費兩種,種菜例如種椰菜咁,種好大棵外面D葉唔食然後搣剩個芯黎食,都可以養埋那些挖洞的人,如果種菜的人減少,挖洞的人就要食外面深綠有渣的菜葉,種菜的人減少到一定程度,就有人冇菜食了,而現在的通漲的本質在於浪費的人多,生產的人少,菜唔夠食,最終要生產的人回到原位,或者浪費的人下流為生產者,要不就叫生產者減少睡眠時間,無論如何,產量短期是不及之前的,即使浪費的人下流去種菜,靠浪費而產生的GDP也會下降,另外叫生產者減少睡眠時間相信是一定會實行的,因為浪費者會用飛行道具指住佢地

當然,不事生產的味皇也屬於浪費者

講返組合,如果是靠"賣出"來回收資金的人,在這種資產下跌的情況下,要維持同樣的生活水平,會覺得蠟燭兩頭燒,無論組合有幾多錢,而靠"收入"來回收資金的人,要維持同樣的生活水平,收入減少可能維持唔到同樣生活水平,要加上"賣出"先得,就同上面一樣,但如果收入夠多,即使減少左也能維持同樣的生活水平的話,心理還是可以保持健康的,相比之下靠收入的會比靠套現的有多1/2的心理健康優勢,另一方面,靠"收入"的人如果收入減少可能比較願意減少同比例的生活品質量入為出,但靠"賣出"來的人要不是不肯降低生活品質,就是不成比例的降低生活品質,精神上的落差應該較大,加息周期收息比人話不智,但在外在不變只將自己的認知調成收息狀態,心也會好受一點,伙食顧唔掂至少精神狀態顧好佢

當然,不是要揸住老千股跌左就話收息

清理匯賢

早兩日0.86沽清71000股匯賢,2.03換入25000股越秀同0.82換入20000股四環,而再早一個星期用日本樓的錢2.67買左40000股CTM

兩三蚊成本的匯賢,3月時1.39賣出似乎是個錯誤,但是用0.132同0.144換成潤利羚邦的話,現在看起黎唔似錯誤,1.39唔賣拖到現家0.86先賣似乎是個錯誤,那麼犯錯時有乜方法處理呢?1.認錯,把佢沽出,2.唔認錯,把佢沽出換成比佢跌得更慘的,強行扮正確

匯賢跌4成,相對四環同越秀突然都不惶多樣,品質可能好些少,也是扮正確的例子

逃避問題也是一種方法,例如之前的太古,現在的路勁,味皇不想或想不出點處理,只能先擰歪面

美國加息,呢邊的銀行結餘又要變少了,假設Z子公司有30000億儲備,7成美金3成其他金,Z子要用錢時,1.拿美金黎用,2.拿其他金黎用,假設Z子上面還有Z母也要錢,A.借美金比母用,B.借其他金比母用,如果當美金不變而其他金下跌1成時,30000億儲備會貶值成29700億,此時母子都想要2000億現金,之後其他金再跌1成,咁呢度有4種組合

1A--23000億美金+2700億他幣+2000億Z幣>27700億>27230億(貶)

1B--25000億美金+700億他幣+2000億Z幣>27700億>27430億(貶)

2A--25000億美金+700億他幣+2000億Z幣>27700億>27430億(貶)

2B--25700億美金+0億他幣+2000億Z幣>27700億>27600億(貶)

然後到第二回合,母子都想再要2000億現金,但是Z幣被母下了命令不準賣

1A--19000億美金+2430億他幣+3800億Z幣>25230億>24607億(貶)

1B--21630億美金+0億他幣+3800億Z幣>25430億>25050億(貶)

2A--21630億美金+0億他幣+3800億Z幣>25430億>25050億(貶)

2B--21700億美金+0億他幣+3800億Z幣>25500億>25120億(貶)

如果一直下去,Z幣佔的比例會越來越重,另外Z幣可能是一種死資產,易入難出甚至不準出的類似日本樓的資產,這樣Z子的能用的自由資金會越來越少,當Z子開始用Z幣做扺押貸款時(因為不準賣),就大概可以推測佢血條見紅,有好多低權限玩家時在外打野怪時,但血瓶都鎖在公會倉庫中,就好易比小怪打死,Z市面臨的怪圈是美金升時儲備會貶值,美金跌時儲備也會貶值,而且自由資金會隨時間變少,雖然Z幣也會發利息,但萬一用Z幣做扺押貸款比的息可能會比收到的多

年初,味皇玩原神時,冇錯,味皇玩原神,當時聯機經常組到俄文名的玩家,每一場組3個人,大概2場就會組到俄文名,而最近幾個月都冇再見到俄文名了,傳說中的米將軍同master,在直播時味皇聽到米將軍課左400萬円,master課左米將軍的1/10,而相對的是味皇到現家1分錢都冇課過,打機應該不是理性智慧型的表現,但打機自制課金卻是理性智慧型的表現,當中的智慧可能同如何把屎煮成咖哩味差不多,但是如果連這些無謂的智慧都冇的人,好難會管得好錢

不過世間也不是只有錢,雖然錢很重要,上次東莞的人類大遷徙再一次在莫斯科上映,之前同味皇一齊打本的俄文玩家現家要去rush b或者去rush a,總之就是rush,gogogo,fire in the hole,俄文玩家後面是車臣的督戰隊,車臣的督戰隊後面是正規軍的督督戰隊,正規軍後面是憲兵的督督督戰隊,你督我督,而兵不加增,無窮匱也

兵力少左戰力少一件事,事頭婆一死就作反,開口核戰平,人類才剛經歷史上最大的戰力減損,是咁的,只要想一想就知道,如果外星人或者地底人侵略地球,係呢個地球上,除左事頭婆,人類史上就冇任何一個人類可以向全人類叫得動例如"停一停,聽我講"呢類議題,換轉係史上邊個總統邊個主席邊個教宗邊個有錢佬都冇效,事頭婆不是最有權,不是最有力,不是最有錢,但是最有面,好多野要多年累積的,面人地比假自己丟,面子果實能力者就只有事頭婆,現在的地球人,就只會內亂自己人搞死自己人,在這種亂世信人不如信自己

順帶一提,味皇部名牌爵士人生華為1100賣走左,部雜牌唔入流LG先700買返黎,賺左幾百

國銀業績

                            2588中銀      1848中租     1606國銀

固定資產之類          229鎂          316港            296人

營業額                  12鎂+8%       19港+19%    116人+19%

現金流                    7鎂+29%      14港-2%        ?(30人)

利息支出                 2.3鎂           7.6港              40人

減值                         8.5鎂             5港               23人

盈利                      -3.1鎂            3.1港             19.5人

2588中銀租賃用報告數字係美金,1848中國租賃係港幣,1606國銀租賃係人仔,匯率姑且用7.8:1:1.12計,變成咁

                            2588中銀  1848光大  1606國開

固定資產之類        1786          316           332

營業額                  94+8%       19+19%    130+19%

EBITDA               55+29%      14-2%        ?(34)

利息支出                 18             7.6             45

減值                         66              5              26

盈利                        -24              3             22

-----------------------------------------------------------------

每股淨值               55              8.1             2.9

股價                      60                5               1

債券評級                A-              BB-            A

一級資本率             ?                ?             9.6%

撥備率                    ?                ?             523%

三份報告之中得1606有資本率有撥備率冇EBITDA ,按固定資產同營業額的比例黎睇,1606也相當異質,相比而言營業額極高,即營業額大半是毛利率極低的非出租類型

2588同1848,營業額分別佔固定資產之類的5.3%同6%相差不算大,利息支出佔營業額分別19%同40%,相對而言光大銀行似乎比中銀危險得多?債券評級姑且斬咁認為,光大營業額增速比中銀快,賭命好唔好見仁見智,中銀呢半年減值66億,其中62億係比蘇聯共產,光大5億中4.5億比蘇共共產

回到本文1606的正題,相對而言國家開發銀行正文中一句都冇提過蘇聯,輕輕帶過,只係會計師備註到提到17.5億飛機被共左,中銀的減值9成以上係咁,光大9成,國開不足7成,但如果按人地9成計算,國開的17.5億對應的是19.5億,咁23億減值當中就有3.5億是其他類型的常規減值,上年同期減值11億,上年下半年減值24億,因此比起上年任何時間,今年的減值都較少

撥備率523%,而上年年尾847%,同期不良資產分別是50億同33億,不良率分別是0.91%同0.78%,撥備率523%如果對應50億是262億撥備,847%對應33億是280億撥備,消耗左18億撥備,因此佢雖然表面上只作出3.5億的常規減值,比上年少美化左盈利數字,但同時也燒左18億撥備資產,上年中撥備率710%不良34億,前年尾626%也是34億,咁上年中撥備是241億,前年尾是213億

               22中       21尾        21中       20尾

撥備        262        280         241         213

減值         23          25           11           20     

------------------------------------------------------

差距         -5          64          39                     (假設減值會扣減當期撥備)

差距         -7          50          48                     (假設減值會扣減下期撥備)

即是說只講盈利數字的話,今期高估左5-7億,可能撥飾不足粉飾太平,而前三期都低估幾十億超額撥備扮低調

2588的營業額是94億,分類上自稱是經營租賃,1848就自稱是經營租賃同融資租賃都有,但冇分開的數字,2588的EBITDA超過營業額的一半,1606齋經營租賃都72億,看似同2588差距未算大,照道理應該也有幾十億的租金,1848經營租賃同融資租賃都有EBITDA超過營業額的7成,咁1606的融資租賃的58億是否更賺?也許只是光大的EBITDA不實

相對而言1606利息支出極高,固定資產之類異常低,但營業額異常高,可以推斷佢真正的固定資產大多以貸款的形式入數,撥備變化咁大,但如果是由龐大的貸款當中扣減的話,就好難發現,另外1606的債券評級是A,反而比別人更高,因此真正的貸款可能較少,更多似乎的是難估值的"借"固定資產資產

2588經營租賃營業額佔固定資產之類的5.3%,咁同樣1606經營租賃的72億營業額對應的是1358億之類的固定資產,當然,飛機出租呢行的回報率好多年之前味皇就推算為9%,但是如果是水庫出租路面出租的回本期可能就不及飛機

再次回到國銀本身,味皇留意的是佢營業額上升較多,現金流應該上升不少,好多錢收唔到雖然唔講,但上年前年都扮收唔到其實冇差別,假設下半年冇再共產多次,營業額上升至少業績不太會差過上年,派息應該不用擔心,撥備率523%足夠中和不良資產,不過如果下半年也營業額是增長2成的話,佢撥備要去到近30億先可維持撥備率平穩,資產增加而撥備不變的話%數會下跌到470%左右,雖然味皇不否定即使是470%也是偏高,但這就是中國

最近4年1606的毛利率都是25%左右比人地低好多,當佢維持到,今年可能有70億人仔毛利,稅後49億,派11-12仙,不過折返港幣己貶值不少

不過留意,美國加息同人仔貶值,飛機之類是固定定額收入,加息的話佢同新美債相比,相對價值會變低,理論上會貶值,同時因為通漲令建造成本同劏機價值上升,理論上會升值,因此把飛機之類包裝成基金的話會貶值,將基金拆返實物出黎會升值,估值師可以為所欲為,但不變的是會變成高成本低回報,只是接新單先可以接新租約,而加價困難同建造成本增加的話可能難以接新單,航空公司會比較觀望,只買或租二手飛機,呢類公司增長未必維持到,另外1606借美債不算多算偷笑

之後可能會出現個代理行業,專門去貨幣貶值國家拆飛機收廢鐵,再將零件賣比美國,波音的原廠零件變貴而空巴的零件變平,二手波音737會賣返去美國,換空巴320,GE的引擎退返比美國,換勞斯萊斯的引擎,慳維修費,以後世界飛機的版圖對320NEO同E2非常有利,737同919同MC21應該冇運行

信息量巨大

今年勁爆新聞有點多,由1小時22分,暗殺首相,死事頭婆,到一戰封神之類的,信息量有點多,味皇本來想說些什麼的,想想下還是不要說好了,雖然味皇最近係淘寶買左部LGg8代替現在的華為P30,稍為擺脫了明張膽的截圖偷窺,但不代表味皇有本錢變勇敢,至於P30正在二手放售

收到日本樓的尾款了,結果比買樓時更少,是咁的,味皇又被抽多左稅了,本來可以請稅理事申請退稅,但拖幾個月日圓貶值可能更得不償失直接收尾算了,味皇買時日圓105,現在收錢時貶到145,實際上味皇賣樓成交時是132,之後的過程中時間都是味皇的敵人,至於回收的錢大半買CTM算了

全世界差唔多乜幣都跌,基本得美元升,連人民幣呢個月都跌左1成,咁呢段時間有乜幣比美元強呢,居然是古巴幣同盧布,契弟爭氣點好冇?回到重點,味皇又開始危言聳聽覺得聯匯遲早有問題了,香港有幾千億外匯儲備,照計應該冇問題,但是出面D幣個個跌幾成,你要補倉就要一直補,銀行結餘少時,外匯儲備度賣D美債補倉就係,沒有一點問題,然後不是問題的問號就發生了,如果上面有人有補倉的需要,要政府買佢發行的債券比佢補倉,咁政府就要一邊賣美債,一邊買佢債,再一邊賣美債先,可以補到自己個倉,同時外匯儲備唔係只得美債,仲有其他貶值中的其他幣債,唔賣到期理論上可收足,出出入入會即蝕,當外匯儲備不但數額減少,成份大半都變成不是美債時,說港幣同美元掛鉤還不如說是同一男子貨幣掛鉤,當然,如果沒有命令要買外債的話,就冇問題,想買時就買,想賣時就賣,出面跳樓的多是正需要儲錢的時候比人逼還錢咁啫

味皇自己已留好左3年份的現金準備,未來應該會有部分改成美元定期,手上的股票大6股部的份,因貶值關係價值也相應下降,結論而言味皇上年起一直增加本地公司比例的策略還算正確,如果佢地都派息的話,至於大陸股當中能夠係貶值中例外的股,是國際港口,因為能夠收美元,打擊最大的是借美元債賺人民幣的公司,如果有錢贖回因加息而貶值的舊債就可以賺錢,否則就要蝕錢,不過銀行冇錢冇得借冇錢贖,除非命令境外政府買債啦,咁銀行先有錢借,味皇每年的10000蚊長期睇危危地

改朝換代,加拿大澳洲呢D可能會退出帝制,帝制不是潮流,係女皇本人就是德高望重這個詞的體現,人地比面女皇先稱呼帝君,換個人隨時就把宣誓條文改了

雖然乜幣都貶值,但人民幣還是比較有優勢的,因為外國人基本都入口能源,用貶值的貨幣買升值的能源,但是在呢堆人當中,大陸缺電的情況是相對比較少的,因為有水電有核電,一個唔該可以係西藏四川起多一百幾十萬個水電站,一滴水都唔留比泰國印度,一個唔該核電站可以學核酸點咁遍地開花,紫色的水也可以同你海水化淡,一皮天下無難事,只要不講武德就冇人夠佢打,其他外國人都冇呢個優勢,基本上能自給自足的人形蜈蚣都能夠保持穩定的,雖然現在不能自已

雜談

上一篇提到36隻股,盈利上升的20隻,下降的16隻,表面向好的佔56%,可能加派或己加派的22隻,己減派10隻,冇派的3隻,似乎加派的佔61%,雖然味皇不知道港股同A股整體業績變化比率係點,不過齋恆指都已經一堆變面垃圾,結論而言,有人做不到,但也會有人做到

講返味皇自己,早幾年味皇預計今日組合應該已經有60萬息,寫左第一個一千萬文,結果呢幾年侵侵之後就大感冒再加速師跟住仲打埋仗,情報量太多,今年到今日為止味皇只收到約31萬息,月薪26000咁上下,同30萬人工的中產薯片還差得遠

不過比上不足比下有餘啦,精工印書局賠人工即走的重要核心員工還不是18000都冇,現在相比幾年前,收入平均線是下降左的(雖然物價還是上升),在餓死的道路上,味皇還是可以50步笑百步

回想06年入職時,人工13000,戶口幾萬都冇,到16年辭職時人工25000,但股票三幾百萬,味皇整個職業生涯的勞動總收入頂多200萬,比家用應該比左有80萬,剩低的老本應該不足100萬,種瓜種到今日都叫小有收成

相對於2016年,今日社會的生活水平應該更低,收入更低,物價更高,生活品質平均線下降,咁味皇個人的生活水準應該相對浮上左,味皇在家耍廢,人地就做3人份的工作量也尤有不及,同樣在家耍廢的其人在餓死的道路上離味皇越來越遠,現在味皇得到還算可以收入,而且還有私人時間

應該有人羡慕嫉妒恨,但味皇也是10年青頭奴動的歲月慢慢積落黎的,至少味皇可以肯定自己到16年的工作量時是至少是06年的三人份量,正是佛都有火,同現家的好多人一樣,但沈默中爆發還是在沉默中滅亡,還是得考慮考慮

10年儲不足100萬的老本,好多人做到,但同時估股票的業績而成功率長期有51%的卻不多,老本可能變多變少賺到的帶唔到去聽日,但至少經驗值可以,現在味皇的等級會比16年高,即使世界周圍都是秘境迷宮周圍高級怪中boss,至少能還應付

不過要知道外面的世界是秘境迷宮周圍高級怪中boss,不是幾年前森林隨便打史萊姆打野怪就有掉落出寶箱,隨便出去死還是留在村入面採石種菜,現在的情況就好似韓國的情況傳染都呢度咁,但賭命不是很好的選擇,要有心理準備要龜好幾年,好一段青春同夢想已經唔再現實,人生的上限可能要下降咁樣,目標由發達改為唔駛捱餓已經能提高存活率,只要站在這土地上,野心可能危害生存

大意就是有幾龜得幾龜,想辨法增加經驗值,同埋降低期望

稍為派一下冒險家的經驗,味皇生涯一次過增加經驗值最的多幾個特異點,其中一個係大學人地宿舍度睇左本窮爸爸富爸爸,另一個是睇左祖師爺的證券分析同智慧型投資人兩本書,另一個是比火燎森啟發寫呢個blog,另一個係比福建股福清青幫水左一半身家之後進行復仇調查,結果四次有一半都同傳銷黨有關

對傳銷黨要聽其言觀其行,覺得有用的聽下,覺得唔啱就跳過,心靈雞湯唔好飲咁多,先思考再入腦

證券分析同智慧型投資人味皇認為值得睇,味皇睇的是70蚊的大陸版證券分析同170蚊台版的智慧型投資人,巴曰,有人睇5分鐘就會明白當中的道理,有人睇極都冇用,是咁的,味皇是屬於5分鐘派的,實際冇5分鐘就認同同知道大概的道理,這是人格同認同形而成的,有相同電波的人先可以感受到,味皇估計,如果不同電波的人,會立即排斥祖師爺的系統,相反對圖表系統的就可以5分鐘認同之類的,即是說,入乜門派是睇人的,唔適合就適合,如果啱自己的,就一路走落去,唔啱的就唔好掂,味皇覺得按一條路走到極致比所謂好聽叫吸收百家所長難聽叫博而不專好,個人認為價值派同圖表派是南轅北轍,互不認同,相斥的,都學只會互相干擾,還不如專精其中一方

報仇果度,味皇採用的是很基本的小學定初中的技巧,名為"統計",舉例說,港股隻1000,你唔知邊D好定壞,邊D係老千

於是被仇恨蒙蔽的味皇把當時所有股都番過一次,係"所有",之後把股的成份分門別類進行統計(當時是南洋商業銀行的資料進行30秒大法,相當於現在的上商),例如--1000隻股入面有邊批用某會計師,1000隻股入面有邊批用某律師,1000隻股入面有邊批用某保薦人

然後得以例如1000隻股入面有邊批都用某會計師咁,列表之後,偶然發現用某會計師的股出現例如--剛好地址都是福建,剛好都是多現金但同時借大借錢,下一個接手的會計師剛好一定都是誰,剛好都是用某律師,剛好都是用某保薦人,剛好都是某黑社會,剛好都是馬主,剛好都很快配股,剛好都很快停牌咁,好似有D會計師極冷門,剛好都用佢的股都搞怪的話就好容易睇得出

於是味皇可以在以後的人生中使用類似的逆推論,例如某公上未上市,味皇可以通過佢其中一個奇異點,例如一見律師是誰,即場就推斷佢是否老千,是甚麼類型的老千,上市後準備幾時停牌,要換邊個核數,係邊個賭廳咁

統計>列表>對比>聯想,只是煩,不是難,係個人都能做到,就算老千也是在太陽底下

同理,只要做統計多左,大概率加派息的股有乜共同點之類也不是很難睇得到,冇工開可以做統計加下經驗值,例如存貨多的股的共同點,存貨變少的股的共同點諸如此類,不過冇必要學味皇復仇咁針對人黎睇

增持

收到派息之後,今個星期主要係咁,0.215買入90000股地勤,2.78買入10000股CTM,3.64買入5000股青島港,1.01買入30000股四環,另外4.75賣出60000股首機,19換入15000股美蘭,換入美蘭發生失誤,之前話1兌4時換,現家1兌3就換左,成日記得齊頭就換但卻記錯匯率,明明之前試過17000幾股時都未換,少左25%水位算有著數定算蝕底變得非常微妙

味皇日本層樓500萬円賣出比另一個中國人,近期就會收回返420萬円,如果按500萬円計算,回報率先6%,味皇大可以加幾十萬円立即換成兩間200或200同280各一,然後回報率增加1.7倍咁,不過現在中國人唔受歡迎,還者是外國人唔受中國歡迎,定係地球唔受中國歡迎,係地球賺錢如果管理唔到好多時會產生損失,味皇賣兩層樓都因不可描述理由冇辦法親自去拿回多交的稅咁,唔見幾十萬円

暫時味皇的日本樓就告一段落了,310萬買的果層近10厘租,賺80%租賺60%差價蝕10%手續費蝕20%稅蝕20%匯率,180萬買的就11厘,賺80%租蝕20%稅蝕15%手續費蝕10%匯率,總結就是收租很好,轉售很痛

美國加息日元的匯率又跌,美國壓通漲壓倒一切,但港澳的樓未必大跌,今次銀行收左樓唔會傻到去拍賣,而是好似房利美咁將樓包裝成基金,咁即使價值跌到負數都好,估值也唔會跌,只要將所有人拉為共犯就唔會有人唔識做,問題只是恆常收入要點保持,匯率要點保持,估值唔跌但價值唔駛跌到負數,間接稅都係冇得收,如果一個地方只有公務員開工,咁同請人挖洞再請人填返咪一9樣

美國加息對北韓影響不大,如果類北韓要解救經濟危機,只要可以毫不介意咁燒煤燒木炭燒垃圾就可以,反正係泳池痾尿可以自己一個爽,但受就可以比所有人一齊受,類北韓的優勢同阿富汗的分別是,類北韓的發電量同成本比阿富汗們都有優勢,即使兩方的人民都一樣偷著樂,只要拋棄安全同環保觀念,前者的公司會後者更樂,類北韓甚至可以斷阿富汗水源比自己發電,長遠地理優勢不太會動搖,類北韓自己向後扭一個圈變人形蜈蚣基本上可以自體循環,只是不知入面的將來會消化成甚麼樣子

剛需行業問題不大,冇錢時第一時間削的都是娛樂同精神上的東西,貴夾唔飽的可以迴避一下

大陸的行業總會有些比上帝更長命,中國人在耶穌出世之前就已經在叫雞了,簡單講就是盡量找一些長命變化少的行業,比自己長命就可以

*30號附加

早排話過觀察名單新多左一堆,今日30號中午,D公司現在進行式咁出緊業績,廢事話事後諸葛,先開名再驗收,咁樣先驗證到味皇的命中率是51%還是49%,雖然今時今日都冇乜必要驗證

6663國際永勝 2180萬寶盛華 1955莊臣 1483網譽 6616環球新材 2116江蘇創新 1480恩達  1289盛達  6119天源  2386中石煉化 934冠德 

剩底仲有上年剩落的

2663應力  2230羚邦  1837五谷 1737亞實 528肛蛋  6083環宇 1446鴻福堂  1045亞太  1785成都  737合和  1181唐宮  1843雞扒  6811太興  829神冠  3799達利  752筆克  2682潤利  2258華滋  954常茂  1977安樂  1057世寶  1936利特米  2119捷榮  3969通號  1786鐵裝

有印象的大致係咁

1883業績

味皇預期CTM的業績是下降的,並且派息唔加唔減,結果又燈,味皇心裏竊喜

大致係咁的,澳門人口大量流失,按項目黎睇,電話費微減,VPN同雲微減,賣電話下降,網線上升,短訊同漫遊大幅上升

CTM營業額50億,電話費佔8%,商用服務佔30%,賣電話佔12%,網線同數據中心佔13%,短訊同漫遊佔34%,唔賺錢的賣電話忽略,非常穩定的電話費同網線佔21%,正常會非常穩定但現在有疑慮的佔30%,不穩定的短訊佔1/3

澳門已經差到好難再差了,VPN同雲應該唔會再比現在差,短訊同漫遊居然大幅上升,這段時間澳門發生乜野事呢?味皇在這段時間三五七時就會收到騷擾短訊叫你驗核酸叫你交快測唔交就黃碼明天變紅碼預編號乜乜物物嗚呼哀哉阿彌陀佛國士無雙日行一善之乎者也,如果冇折的話每條短訊收費1毫

如果樂觀點,動態稱零,其他收入開始回升,但短訊收費消失,總體未必會差,再樂觀D,動態清零,其他收入繼續跌,但短訊收費突破天際,如果清多幾個月的話總體可能仲好,but悲觀點,又唔死人,又唔開放,好似澳門隔離咁,就兩樣都冇

.....

然後上面說的都不是對的,因為業績期是到6月30日,而疫情是在6月中開始,所以上面的說明皆不成立...但不排除在下半年成立

咁重新進行解釋,上半年澳門還算有點開放,味皇也可以買月票係大6踩單車,但CTM好多業務都好一般,至於D人唔換電話應該似火龍888的鑊多D(下半年鑊就係第二樣),咁短訊大幅上升又典解呢,是咁的,大衛廳已執,班人應該好多都去柬埔寨的基地發展,短訊也許來自呢度,當然,呢半年有好多人每日每星期都逼住要驗核酸,每次最少都會收一條短訊,大致係咁

6月尾澳門大難當頭(疑似),CTM收政府的短訊費也許打折,也許不會,不過上半年似乎都冇打折,但是呢段時間開始,去邊都要掃碼,好多低科技老人都逼住要脫智障型電話,對電話費可能有少少利,另外下半年好多人要習慣長期分隔兩地,CTM的無限plan對爬牆派應該比任何時間都更受歡迎

係公告文本上有一小段文字值得留意,"京滬粤等地數據中心業務發展良好",在今期以前,CTM從來都冇講過在港澳以外有數據中心,即是有新項目,或者是由VPN升級做埋數據中心

另外味皇係TVB度見到CTM賣電視廣告,人年紀大左開始出幻覺

前景大致係咁

回到實質點的東西,CTM市場已飽和,發射塔是耐用品,5G也不用再投資,一味折舊就是了,但CTM的物業廠房及設備,使用權資產,無形資產,商譽都正常攤銷,但投資物業一項卻反而增加了,代表佢收購左D野包含樓,可能就是指佢忽然出現大陸的機房,金額推測5000萬左右

按營業額睇,大6營業額5.3億->5.7億,佢其他地方都持平或下降,新增的來自大陸數據中心可能性似乎不低

另外呢半年還左3億債,只慳左300萬利息,還錢成本似乎稍高,姑且好過冇,全年可以派多0.2仙

純利增加1成,但成本增加遠少於1成,即是佢賺的來自"額外"的成份較高

結論而言,味皇予測唔到好壞,不確定成份太多了,但是財政依然向好,風險不高,上半年業績不錯,即使下半年真係走樣,最終平均下來應該也不會減派息,味皇可能增持

一時射一時爽一直射一直爽

澳門終於解封,味皇竄訪珠海,其實只是排隊出去買菜

是咁的,有人過夜叫竄訪,有人即日來回卻不叫竄訪,咁以味皇介乎兩者之間的停留間應該叫類竄訪

竄唔竄同停留時間應該關係唔大,關鍵在於文字的定義權在誰手上

有D股正經做生意,股價位列仙班,有D股正經做蝕本生意,市盈率萬13000幾倍,正是股票的定價權不在散戶手上,同公司質量無關,明明是上面的老千股,一樣可以嗌可惡的老美昆人錢,只要佢是美股

買大陸股等跳樓,香港股票呃鳩人,買美股美國基金最後還是自動買返呢D,古乳有暈聽其言觀其行,比少少時間觀察返幾年,幾年後仲係度先好講

話說又有人射錢出海,每粒都是錢,射到烏克蘭好似成地錢咁,實際上那些錢一落地就變垃圾,之後繼續射的錢要一直印先得

有錢就自然有金流,如果用元素視角就可以睇到,邊有咁方便,最後還是得自己推測

最近味皇來想買的股,主要是呢個題材,燈神上次水浸缺糧買日照港失敗告終,今次也不排除梅開二度,姑且說一說燈神的理據

味皇考慮的主要是石化衍生股同埋PCB股,理據有幾樣,但最主要是軍用擠壓民用,軍用品大量消耗的話,補充時就會佔用民用產能,即使A公司不生產軍用品,但B公司由民用品改為生產軍用品,咁A公司就要接埋B公司的民用訂單,而且產能不足單價還會變貴同缺貨,例如有人係咁射肥料上天,你也不可能食到平價菜,第時肥料射到冇改射石油氣罐,你連柴都冇得燒,肥料之類浮動性大,關鍵時候可能補唔到貨甚至直接被征收,相對肥料,PCB比較好,整一粒蛋,整一個移動鐵桶,隨時用到幾平方米的PCB板,科技大國的手刻晶片體積更大更豪華,PCB的面積也自然比人高,所以就算只是整洗衣機用的PCB,也會面臨缺貨,而且東家唔打可以打西家,同理車胎是一樣,車胎同時仲係石油衍生添,只是上市的車胎股本身都不咋的,至於石化衍生股的理由是,有禁油令,但可以洗產地,例如49%的禁油溝51%的外地油,就變外地油,溝的比例並不嚴格,正如市面上大量成份50%以上是面粉的筒裝餅乾一樣叫薯片,買家默認就可以,但洗產地始終唔係高明手法,最好還是洗埋產品類型,將麥變成粉變成包就不留原形,將石油變成車胎,變成瀝青,表面上就無法考究了,這就能重回到自由市場,因此不是直接買油公司,而是油公司下一層任何類型都可以,呢類公司有幾隻往績比較好所以可以稍稍期其待一下,燈左損失也不大

建滔同恩達係PCB,冠德同煉化係儲存

總之就是市場有硬性需求的基本野比較易因此得益,無謂的手續增加的金錢成本會比佢地賺左,相反非必要的消費類會被擠壓,吸收所增加的成本,例如多左兩餸飯,澳牛服務好,少左人買勞,勞價跌就租唔起廣東道咁

1737亞洲實業

如無意外佢應該係唯一有上市的機場地勤,呢行競爭唔細,但一般唔會內卷,好似油公司咁聯合壟斷圍標按比例分餅,行規深嚴不思進取同埋共同排除新加入者

盈利直接關乎有幾咁剝削南亞人,難民之父都潤埋長遠成本一定增加,但近期還未至於影響,最終機場應該會大量引進東南亞人補人力缺口

香港機場最慘的時期係上年下半年,西人終於決定放棄香港,加上主子放棄香港在先,香港就咁燒焦,香港機場要鬥橙的話應該冇任何時段再橙,如果叫曼聯7弟好失禮,咁現家比人叫碧綠都已經是進步,因此現家香港機場會比上年肝腦塗地好一點,五體投地起碼能見全屍

                22       21      20     19      18      17(上市前)

現金      131     105       93     93    145

債           37       54        97     11      46 

----------------------------------------------------

              94       51         -4     82     99

固定資產31       62        92     12     13

--------------------------------------------------

             125     113        88     94    112

現金流    74       36       -10     12      48  (平均32)

折舊        46       45       39       3        2

------------------------------------------------------

盈利        33       41        -9       0       12     34 

營業額   520     408     418    447    475   430

1.淨現金9400萬,市值2.15億

2.固定資產變化好大,折舊極高

3.2020年用盡現金買入固定資產,產生高額折舊,佢的固定資產似乎係租約(倉庫),按呢個比例似3年折到0,即3年租約,佢的租約每年減少1年同時賺返1年份現金,似乎固定資產2023年前就折到冇,到時佢需要重新租個倉庫先可繼續營運,會再次使大量現金,按2020年的水平佢起碼要簽返8000萬以上的租約

4.佢2018年上市,上市後收水,高估的盈利縮返去,之後疫情,於是連續低盈利,19年前包括上市前佢折舊低固定資產低營業額差唔多,代表佢上市前的會計處理同2020年以後的完全唔同

5.上年口裡說不身體最誠實,話禁話禁,澳洲龍蝦不斷過海,大飛遇神殺神遇水警殺水警,空運金額似乎創新高,今年同上年相比,抗疫捉疫埠偷渡客海邊百步一哨站,連帶凍肉都捉緊左,佳佳又死埋再唔駛四川空運竹桿,另一方面西人唔怕病毒女皇咁老都毒唔死,唔似病夫咁怕死,開放多左航班比上年增加,777臨走前放飛自我,一退一進,營業額應該唔會同上年相差非常多

6.假設現金流3200萬,營業額4.5億,回報率7.1%,盈利1900萬,營業額4.5億,回報率4.2%,老實講麻麻地

                22       21      20     19      18 

流動資產285   246       218   217   253

流動負債 89      77        83      40    75

現金+固125     113        88     94    112

營業額   520     408     418    447    475 

7.係2019年開始經營規模縮水(上市後),2021年資產規模同2018年相當接近,回到全盛規模,營業額卻大不同,假設營業額是資產規模延後一年的數字就比較解釋到,2022年比2021年更高,似乎2023年的營業額會比今年高,上述假設不成立的話就預測唔到,可能加也可能減

股價0.215,市值2.15億,淨值0.22,PB1,上年派11.6厘,派2500萬派息比率76%,冇經營資金需要,但是佢今年內要買8000萬以上的租約,現金將剩下約4000萬,有儲錢動機,只有賺得很多先會加派,否則就維持或稍減

以上來自上商數字

之後去確認通告文件,2022年4月續租,金額7700萬,認證了30秒大法的結論,續租後剩下5000萬也不算低,因此推測維持派息>減派息

但是佢單純是續租,不是新增,公司的生意多左唔代表公司規模變大,始終有個上限

佢年報話機場>屯門,上市目的係集資係屯門租新倉庫,疫情冇需求所以冇去租,味皇唔知香港行情,但估計租金比疫情前平,疫情持續下佢唔會使錢租新倉庫會派高息,疫情完左佢會比疫情前平的租金租到,但使錢後可能減派一年,之後再倍增,但是始終都要睇佢能否請到咁多奴工

佢應該在谷底,已經派緊11.6厘,有坐住等的價值,順利的話可以去到三四十厘股

順便講開病夫,我地正式變成東亞病夫了,特別係3歲以下兒童,出世咁耐未中過似樣的病菌,一點防禦力都冇,除時少少風寒都變大病,正如日本人去泰國食野一定肚痾,相返本地人落地三十秒一樣食唔死,我們的防禦力正在下降,已經不再是食勻完素周期表的戰力了

*用錯左固定資產+淨現金的總數黎計,應該齋淨現金計,交左7700萬租佢只剩2200萬淨現金,因此有減派息儲錢的概率,一半一半咁

另外睇返佢招股書,佢原本預計租左屯門倉庫之後可以增加7500萬-1.8億營業額,咁盈利應該會增加幾百至一千萬,上限就咁,三四十厘誇張左,二十厘啦

沽清普星

澳門係咁倚又要再拿多1/10的積蓄黎抗疫,仲加得幾多次?筆錢基本有去冇回的,另一方面味皇不認為杭州地方政府會比澳門鬆動

就是日前講的內容,怕比鐵拳打返打去,因此用左兩星期在0.56-0.6之間陰D陰D沽清剩下的470000股普星,平均0.58左右,最近都買開超細價股忘了5毫以上的是一仙一跳而唔係半仙一跳,唔小心係0.57以下沽多左

套現的換入的除之前講左的潤利外,0.198再額外入多108000股潤利同0.215入50000股地勤達到雙齊頭

而主要目標是佢,2386中石煉化工程,燈神味皇認為,長期確定性未必很高,但只講近幾年的話應該會比中石化冠德好一些,3.41-3.64之間換入68000股,平均3.53,年報寫佢10大個人股東第10位居然只有87000股,味皇只要再加一把就擠進10大了,這可不行

換馬就暫告一段落,建業換成PCB股不是太順利一直未見有成交,即沉板插得很是看好,但是味皇錢少想買還未輪到佢,手上的地產股也不知道點換更好就以靜制動算了

934中石化冠德

澳門繼續永續,上次上海爆炸居然炸唔落去,我要看到血流成河...咁樣,人世間冇咁多好事,如果一男子一直不跪的話,的確好難處理,不過精神面的問題要解決其實不需要太多成本,好似傳說中的35人一樣,下面上交的文件都寫+0,打一個眼色,上面收了文件,回返一個媚眼,事情就完滿解決,win win

人世間冇咁多好事,好事?不過日子一樣都要過,係咁被打拳打到人到懵,如果有邊隻股閃避率高,中石化冠德算一隻,不過味皇沒有買,次選

中石化冠德唔怕被打拳的主要原因:

1.收款人三桶石油都係直轄央企,財力上冇問題

2.冠德係二級公司,係產業鏈中間,加速師打源頭唔會打到佢,加速師打端末也唔會打到佢,打源頭可能提高民心,打端末也可能提高民心,但打中間冇呢個效果,打源頭效用大,打端末吸眼球,打中間效果雞肋民眾亦不會注意,等於逼電公司逼煤礦減價,逼用戶節電,卻不會叫起電塔同運煤的減價

3.由於不可描述的原因,大陸需要更多唔係自己用的油料儲存同提煉設施黎同石油衍生產品刷產地

中石化冠德經營的係碼頭同油罐,雖然加息周期吸引力下降,但將來就算唔爆發性增長至少都叫穩步增長,入口油品比錢的係三桶油,盧布升貶對冠德應該唔會有影響,擔心人民幣好過

淨現金40億,交稅約1.8億,現金流起碼有7億,冇乜花假,派4億,依然可以連續5年現金增加,大致係咁,有派特別息的可能,市值62億,未至於私有化但唔包將來再跌先黎

                       19年              20年

固定資產         65                 22  

投資                78                 86

流動資產         14                 52

--------------------------------------------------

                    157                160  

現金                  2                 37

債                   25                   0

佢2020年起,似乎改左會計處理方式,那個流動資產可能都係生財工具

固定資產同投資再加流動資產約160億,7億現金流外仲有好幾億股息收,回報率未到10%都差唔得幾多,而佢生財工具呢幾年都咁上下水平,代表市場飽和,因此冇要因佢去增加投資,只會傾向存錢收息同派息,有增長誘因的話佢先會積極投資,今次的不可描述可以算是一個誘因,即使佢最後都冇投資,但儲埋儲埋最後會作為額外的派息比率派出來

淨值6.1股價2.54,PB0.4,派緊8厘,最近應該唔會加派過10厘,但2年後就難講,現在開始不可描述左先未夠半年,而佢要建成後才增加,而有些公司在建設中就增加,因此味皇認為冠德算次選

當然味皇燈開都已經唔係一時半刻,兜把打臉也是稀鬆平常

連續隱居

味皇認為遲早被禁閉7日的可能性較高,最怕是現家咁集體禁閉之後再個人禁閉,放出黎又再集體禁閉咁,一直被閉關,第時放返出黎時,已經係浦島太郎,世界變

浦島太郎的故事係,做左好事受人感謝,得到的謝禮,實際那個謝禮卻是糖衣毒藥,反被陷害的農夫與蛇的故事,出面的人好努力的做好事,也許算好事,但做得越多反而會被打得越腫

味皇不贊同A,也不贊同B,也許想到有C案,但要味皇提意見duck不必,意見不會聽,聽了不會動,說到底向機械人說話不如留返啖氣暖肚,改變環境遠不如適應環境容易

偽科學的買股,我們賣出一隻股換成另一隻股,A股有風險B股也有風險,於是要評估A同B邊個風險大,A股有水位B股也有水位,於是要評估A同B邊個水位高,A股風險比B大,可能就此打住,但同時比較埋水位如果A股水位比B高,交易就可能有意義,但是如果一開始就認為B有風險,可能一開始就就此打住,而實際上維持A股在手,風險也不是0,豆豆眼可能只看見左腳前面有一沱狗屎,而沒有看到右腳前面是一沱人屎,更加看唔見前面的路,能到目的地的人一定要踩屎

有人係堆屎度原地係咁跳,睇的人只會更激氣,但是太陽第日照樣升起,回到換馬上,味皇被連續打拳前沽出被打的股,換成另一隻冇咁易被打的股,重貨成交少暫時進行到一半,先唔開名,姑且兩隻股姑且叫沙包同供應商先,沙包被連續技尚未發生,只是唯物不存在,只在唯心存在的風險,而供應商唔怕被打,只是唯心存在的水位,由於實際上尚未被打,現時點唯物上也存在,味皇將沙包同供應商進行唯心比較,是偽科學,但味皇做的是前行而不是原地踏步

講得咁復雜,到底只係唔爽有人因噎廢食啫

沙包市值不足3億,而供應商市值150億,味皇也有意把資金轉向大少少的公司,唔好大比例都咁細

另外0.196再買入48000股潤利,連同之前買的地勤,羚邦,都是香港本地公司,沽出大6公司,換成本地公司,味皇認為同是向地方政府同銀行收款,向香港政府同銀行收款比較唔會拖欠

也許覆巢之下味皇的換馬都是無用功,但覺得有用就值得做落去,呢3年好似一直都在救場,實非吾輩所願

澳門禁閉中,日本樓的文件也停在郵局的門鎖前面,期間日圓一直在插水ing,這個故事教訓我們,時間唔一定是朋友,速戰速決更好,就何必一直在拖呢

如果禁閉有好處的話,估計是有多些人戒煙

沽出日照

這星期大約在0.48左加沽清了日照港,0.38左右換成茂名舊港,各種程度上算是downgrade左,但味皇認為茂名港認該比日照港廉潔些少,不過由此交易量奇少,最後只買到198000股,剩下的改為0.156買左130000股羚邦湊足100萬股齊頭,另外0.215再買了120000股地勤

另外打算把216換成1480的,建業要賣唔難,但恩達呢幾日都完全唔見人放,就好似五橋一隧咁,直接懷疑街貨是0,只能放棄,可惜了隻炸裂物

還有隻重磅股打算賣了換成像鎮海煉化果類股,但同上面相反,太難賣了,暫時一股都賣唔出

換下換下,細股的比例越來越大,有點走火入魔,但問題是現時看起來能夠順利過渡都是某些細股居多

澳門封鎖左成個月,通街都叔叔不行了

2180萬寶盛華

呢隻唔平,同上一篇算類似,都係販賣人口,但係唔平,雖然販賣人口係無本生利,但係唔平,貴唔算非常貴嘅,只係唔平

淨值6,股價9.7,市值20億,派息3.8%,相對而言味皇對前一隻有興趣D,但也有人對成交量同市值更有要求

上市也是3年,現金每年多約1億,保就業果年多D,現金流每年1億多D,係保就業果年異常多3倍

盈利數字也是1億多D,偏異不算多,派息5000幾萬,派息比率算高,交稅幾千萬盈利冇花假,財務報表可信

流動資產呢幾年14.7億,15.8億,17.3億,考慮到佢現金每年多1億,即是佢的合約規模基本沒有擴大,餅一直係咁多

折舊率極高,派完息仲可以現金+1億,代表佢的折舊無效,冇固定支出

其也冇乜特別,總體而言,冇乜成長,算高的派息比率,而且錢多到可能派特別息,唔算平,就咁多

人口大量流出的話外派賓妹應該都會減少,如果佢大跌先有價值,郭安發同房亦岸今年應該已打鳩佢,但之後多少都會恢復,始終香港有賓妹剛需,現金雖多但由於市值較大,私有化機會低

6663的PB2.5,PE10.4,而2180的PB1.6,PE11.8,行業也比較類似,一般書教財演講的PEPB指標數字上未必睇得出,但實際上2118比6663貴頗多

6663國際永勝

之前寫的五谷磨房噴左上去,味皇明知而冇買比較揼心,不過如果味皇真係非常想買的話,通常就買左先再出文,就咁寫出黎的頂多就是比較有興趣的水平

現家成日擔心被打拳,反而味皇睇昇的飛標群的業績普遍都不錯,相對於同上面公家打交道的股,某些小型公司反而可以逃過法眼,尋晚8號風球通宵時順便搵下有冇其他煙頭,觀察名單多左十幾隻,當然,味皇沒有錢買,不過有換馬打算

6663似乎係出租食蕉的公司,淨值0.29,股價0.74,市值5.9億,派7.4%,派息比率76%,而佢現金派完下降,因此7.4%的息率未必可以維持,總體而言有點小貴

佢創仔轉主板3年,轉板前借大錢約6000萬,同時流動資產比上年大幅增加,之後流動資產穩步增加,代表佢是在轉板前一年變質

扣除轉板集資的3800萬,上市後果年現金增加6000萬,再下年5500萬,今年少1000萬,總體而言現金流幾好

同期現金流表-3600萬,+5200萬,+10000萬,現金流並非很穩定,可能係簽約型的公司,收款期不一

同期盈利4700萬,6600萬,5700萬,數額對唔上,代表:

1.可能佢盈利高估較多

2.有一年個客冇找數

穩陣起見當佢的盈利係3年現金流的平均值3900萬好了,這樣佢的每股盈利係0.48,派7成係0.34,所以佢現家派0.54唔可以話實維持到(暫定)

但是,佢流動資產,即係合約的體量,最近幾年分別係1.5億,2億,2.4億,2.8億,量越來越大,因此佢係向好的,只要毛利率不下降應該可以高盈利,咁佢的盈利同派息大概率向上偏離平均值

不過佢上年的現金是下降的,要不是派息太多就是比人拖數,或兩者皆是

看起來盈利佔營業額的1成左右,前年3.6億營業額賺6600萬是異常的,結合時事就是保就業筆錢,因此當時應該是最高估的,高估3000萬,於是3年現金流的平均值是2900萬

上年營業額5.4億,下年維持到就算唔成長都能賺5000幾萬

結合起黎,99%佢上年的客未找數,假設佢入數同收錢有1年時間差,咁佢最近的財政係咁,當年4700盈利/下年5200現金流,6600/7000(10000-3000),5700/未找數

總括而言佢做成一單生意會立即計入盈利,錢下年先收,有1年時間差,咁順利的話佢今年照計會收到6000幾萬的現金,但是還未找數

大致係咁啦,能賺到5000幾萬佢都算有利用價值,通常佢係無負債生產淨輸出的公司,資金需求少派息比率高,不用投入自己會成長,天花板比較高,缺點是帳期比較長,面對本地比面對神州較少走數同往死裡打

估值的不確定性較高,派息5-8.5厘都有機會,現價不算貴,但也未到煙頭水平

保薦人非常濕9,德勤也非常濕9,不過上市時也不過2.8億市億,應該冇錢請大公司,考慮到佢的財政同派息比率,應該可信

2022半年結*

由於可能要關7日,所以索性提早少少寫半年結,具體數字後補,總體而言,組合暫時比恆指跌少5%

今年主要錯失左3個機會:

1.齊魯換成都,兌換比率2:3,最終離設定目標差左2%,之後機會一去不返

2.首機換美蘭,兌換比率3:1,最終離設定目標差左3%,之後機會一去不返

3.四環除淨前有短暫時間比國銀低,考慮左一陣想換馬,而這短暫時間比這一陣短

如果味皇能夠觸發呢三樣,今年就可以正數

回到組合,原先用ticker統計的,但現家ticker廢左,既不能查詢又不能修改,管理麻煩左,現家姑且改用連登仔IT狗寫的stocker代替,味皇自己也是讀呢科的IT狗寫卻完全寫不出來

按市值排,現在持有:

1883 1576 1606 1098 460 90 1812 694 6198 1668 160 207 2230 6117 829 87001 1181 216 2682 602

CTM本來可以認為係有無敵星的,但今年開始會出問題,因為澳門的人口同法人數量大幅減少,成個餅細左,就算食曬都比之前份量少

高速公路因為大6周圍封,流量一定下降,機場又未解封,商場都唔掂,例如美蘭機場外面的商場直頭執埋

國銀出租的項目,例如地鐵,路橋之類,好多目標係地方政府,地方政府驗核酸驗到冇錢,其他命令外的支付優先度會變低

同理,地方政府冇錢發窮惡,可以單方面把所有商業合約變成歷史文件,普星呢D電廠共同富裕完一次隨時也可以共同多幾次

四環本來應該賺幾多的,事實也幾多,但人人變窮又唔出街的話,易容術也變得無用,賺得冇佢吹咁多,另外佢子公司上市也唔知吸到幾多水,例如新完冇幾耐的北交所已一潭死水

漢國今年因為數據中心入數有能力加派息,但現在的市況唔一定加

港口算較穩定

羚邦唔清楚會唔會同B站一齊被打拳,但羚邦本身基數低公司又係幕後,應該問題不大

神冠的化妝品,3月同6月相比,淘寶唔見有多賣,似乎不太成功

珍寶沉大海,拖佢出去的就係潤利,想不到味皇咁都可以食到人血饅頭,珍寶的最後一滴血,不過潤利的拖船應該都係近岸船出唔到遠洋,如果出到遠洋就不會是只做香港的本地小公司,大陸架水深200米,點樣把珍寶拖出大陸架再係遠洋將珍寶丟去1000米深?既然都冇記錄,咁一係拖出公海係大陸架隨意丟在200米深再自稱1000米,一係出到咁上下換其他不明公司的拖船

一般情況下,一隻股唔掂可以換另一隻掂的,隻股經營的行業唔掂,就換另一個行業,隻股經營的國家唔掂,就換另一個國家,隻股的財政唔掂,就換另一個財政好的,但是現家隻股經營的行業唔掂,其他行業一樣唔掂,隻股經營的國家唔掂,其他國家一樣唔掂,隻股的財政唔掂,其他財政一樣唔掂,唔止咁,俗語說狡兔三窟,現家的大環境不準你掘其他窟,狡兔變押上砧板成肉兔,而且兔死後走狗也要變肉狗,味皇股齡咁多年,未曾試過咁悲觀咁挷手挷腳,甚至味皇的收租樓都有租霸危機

疫病唔可怕,可怕的是成龍這樣的大學博士知識分子係上面指指點點

暫時收左12萬息,但係味皇對將來收息的數量也是比較悲觀,2020年大面積減派停派時,30萬息跌到19萬,味皇當時全力換馬救派息最終保住27萬,下年還創新高,但今次味皇覺得神仙都難救,無論點換都不見得成功有多高的概率

味皇今次難得會想留多少少現金而不是多買,但如果再買今次會比較想買地勤,澳門市面可以執的大多都執曬,本來澳門的貨車公司都想買,現家就不了

生意淡薄不如賭博,邊度賭博最盛就代表邊度最多逃避現實的人,如果周圍都賭博,咁正行一定有問題,如果全世界都熱衷賭博,咁即係全世界的正行都撈唔掂...賭博雖然好似爆左,但賭博本質係零和,不增不減只有流動,但如果一堆人跳一堆人躺屍而減少人口,咁長遠也是問題

外面打仗也是預想外的事,估計對當時人來說100日而不是100小時也是預想外,香港澳門物價比其他國家高比較有賺頭,因此人地冇飯食都會優先把東西賣黎港澳,例如和坤同紀曉嵐講,扣起振災糧高賣,用錢買三倍的谷殼派比災民咁,港澳至少不會缺物資

問題係政府赤字太高了,將來一定變問題,到時同埋養老金一齊爆,政府可以指任一境外政府

如果地方政府冇錢,主要係冇錢比核酸,咁學豹子頭咁,做完唔比錢就可以了,打完齋把和尚煮成齋就可以唔駛比了,但是紅眼起也可以黎煮埋其他人,法人如果是公私合資的,如果公方是地方政府,可能照會煮,如果公方是上級政府就可以免於食慾的眼光

* 30號以0.219加價買入23萬股地勤1737,之前看中時只有0.2以下,市值2億的小公司難得見有些貨放出來就全要了,香港機場已經死無可死了,機場地勤應該唔會比現在再差得幾多,將來要屯門租貨倉的潛在租金應該也比疫情前平

如果學味皇2月時就講,直接放棄正統皇道意大利薄餅,改為食邪道夏威夷薄餅,咁至少唔會冇飯氣落肚,白粉報現家先黎講不如改食夏威夷薄餅,之前捱餓的人面子放邊度

最終組合市值661萬,加埋提走的5萬生活費,比之前685萬跌3%左右,只比恆指跌少4%

日本樓係點跌法

咁講清楚少少,日本樓有幾個前提:

1.市價估值方式同債券一樣,用孳息率計算,市場評級高D溢價高D

2.同一份租約,租不能加,期限無限,租客不能趕,味皇兩個租客都5年以上仲未走

3.一定夾錢要維修,每10年修一次

4.折舊年限47年,每年銀行同稅局估值下降

5.日本基本冇通漲

假設一間新大廈,租金4萬,管理費5000,維修基金0,淨租35000,可能賣700萬,點解維修基金0,是因為頭10年是發展商包保養,即是樓齡0-10年時樓價700萬

第11年,發展商過左保養期,維修基金加到5000,電梯仲算新唔駛點保養管理費仲係5000,淨租30000,可能賣600萬,即是樓齡11-20年時樓價600萬

第21年,電梯要經常檢查,維修項目比上次多,管理費加到7500-10000,維修基金可能維持或加7500,淨租25000,可能賣500萬,即是樓齡21-30年時樓價500萬

第31年,大廈維修外牆,維修榨到盡,將來就算再舊維修項目都算到頂,管理費同維修基金可能加可能唔加,一般都唔加,如果戶數少要另外夾錢,戶數多則有盈餘,好似單棟同美孚的分別,淨租不變樓價維持500萬

因此31年以上的樓中伏可能性就低好多,能否賺錢睇你:1.可否低過500萬好多拿下,前業主樓價跌足30年洗禮下心灰蝕讓的其實不少,2.維修完外牆後剛好換租客可以租貴D,如果20-30年中間殘殘地時換過租客,租金會比市價低,樓價也低,維修完丟空的可以放貴租

大廈新樓-20年樓伏必大,21-30年也可能伏,舊樓可見性最高

如果係新木屋,租6萬,淨租60000,可能賣900萬,如果當中地皮200萬,另一間20年舊木屋淨租60000,但是如果地皮200萬,新木屋係樓700萬+200萬=900萬,舊木屋銀行估係700X27/47+200萬=602萬,如果是一間50年舊木屋同一150年舊木屋,兩間固定資產都折到0,估值就是200萬,塊地要點值200萬呢,空地租出去做車位可以收到1萬咪200萬囉,好多山卡啦租唔到個價就有水份

20年舊木屋可能賣返900萬,也可能賣得600萬甚至更低,但新樓一定是900買返黎,結果木屋也是新樓必伏,起碼銀行估值上係,木屋要搵就搵蓉蓉爛爛幾十百年的同地價差唔多甚至更低的,唔一定十分安全,但安全邊際更高

日本樓唔係炒作同市場會升,而係尋找錯價,搵市場先生笨

之後講下大城市同山卡啦的分別,同樣實用300呎,大城市同山卡啦的裝修成本基本一樣,磚同木頭同最低工資唔會差太遠,大城市租4萬,山卡啦租3萬,管理費同維修基金都是1萬,大家都加5000時,淨租(即係樓價)跌的差別是17%同25%,因此大城市的溢價高少少,應該說是基本租金較高單價較高的比較抗跌(都係跌)

賣日本樓

最近日本經紀打長途黎話有人想買味皇層日本樓,姑且叫樓A先,之前2020年時也有人想買A,但買家要味皇登場,當時既無飛機,亦不能出入境所以最後冇賣成,上次賣樓B時是全遠程的,似乎是買家的個人要求,而今次就冇咁要求

樓B係185買的,淨收11厘,200萬賣,當時福岡還算無法可依,外國人賣樓是非常珍奇的,研究左一輪味皇被抽左10%稅,200萬的10%,結果即是蝕賣,不過如果味皇可以過去報稅的話,是可以退回的,不過去唔到咁就過左幾年了,樓B總計就只賺左5年11厘租(未計手續費),算是個經驗啦,咁蝕水都賣的結果是,這筆錢拿回來後買左股票,係疫情期間依然賺到超過1倍,除笨有精

雖然日圓極低,但股票更低,所以今次都會買,而且樓A是81年的樓,比味皇更老

樓A係310萬買的,淨收8厘半,現家賣500萬,20年時的出價也是500萬,事實上唔係樓價升,而係買後一年換租客加左租,當時估值就由310萬變500萬了,類似買股不買市,股升市不升,之後咁多年租金不變於是到現家依然是500萬,今次一樣要抽10%稅,姑且還叫賺,同樣未必能去到日本退稅回水,病情不知還要持續幾耐,應該是話心病不知還要持續幾耐,A.T.field防禦力極高,不過一捅穿就冇乜野

實際上在福岡市中心的中心的樓當中,味皇的樓A已是相當不錯的了,就是舊點,價錢也是較合理--平市價,上網比較一下500萬低的伏都幾多下,即使如此,樓A放售多年,平市價的出價只有兩次,日本樓的成交就是這麼隨緣

下一步味皇會買返股,福岡能滿足味皇要求的荀盤不多,如果找鄰近城市的盤,味皇可以不貼錢把租金增長1倍,同時將賣樓的價錢增加50%,規模細時要做到不難,問題是買返黎容易,地產無辦法去管理其他城市,即是說有200萬港紙收8厘即係16萬租而味皇住係日本的話,當6年一輪,換3輪低市價盤而唔中伏的話,基本邊個都可以18年財務自由,但是現在恐怕不是好時候,不是日本樓問題,而是政治問題,邪惡的中國人去到外邊唔受歡迎,嘛,就算係自己地方都唔受歡迎,你出位少少外國吏部會牛咁眼𥄫實你,本國吏部會舉著拳頭3倍牛咁眼𥄫實你,少做少錯方為生存之道,即是前朝推行的韜光養晦悶聲發大財,不過前朝歸前朝當朝歸當朝,前朝韜光養晦你去發大財,當朝發大財時你應韜光養晦

外國資產可以作為人生的保險,少的話作用不太,但也方便切割,半桶水留著還不如掃乾淨,如果真係要進行就要本格的大手去做走得郁先有意義,外國證券也不是萬無一失,就算人地尊重私產,但不代表私產能順利送到你手中,送過來可能被山賊搶,怕益山賊索性唔送過黎之類的,這樣人生的保險只能靠金了,說起來可用品種還真的夠少

五谷磨房1837

現家+錢凍飲越來越貴,茶餐廳搶錢咁,如此一來+錢買的檸茶同樽裝的CP值就越拉越大了,寧願飲鴻福堂,相對來說鴻福堂好似會比餐廳過得滋潤少少

大陸的話乾糧似乎會進入大屯貨時代,嘉士利之類本來好好的,亂借錢玩爛左,未來麵粉大漲,零食只要加價到一定程度就不會有人買,應該幾多食品公司會內卷到死,特別係最近擴大生產的

不過乾糧的毛利率有返咁上下,賣得出好少會蝕,只是賺的有時未必夠交利息,味皇所見,食品類股票財政壓力最低的係五谷磨房,早排發現時先4毫現家升左上去了,未有錢買

五谷磨房上左市近4年,上市前大幅寫高盈利數字,一上市1.62淨值0.38,上市後收水,現家已冇水分,股價0.46淨值0.51

上商只有5年資料就用5年看,16年佢盈利自稱賺1.8億卻只交1000萬稅,按25%稅率只賺4000萬,17年交2000萬按比例賺8000萬佢自稱賺1億算接近左,上市年18年交2400萬稅話賺1.26億,三年高估1.9億,19年交1100萬稅話蝕1400萬,還左約6000萬數,20年交900萬稅話賺8600萬又繼續高估返

之前有兩年唔派息,最近一年派息8000幾萬,現金冇點減少,發現佢存貨連續減少,即係佢唔交稅賺的錢推斷是賣出多年前的存貨所得,入貨成本計在N年前,固定資產冇增減,即係每年的維修=買新設備丟掉舊設備,折舊是實際支出(如果是耐用設備,固定資產會一直下降而不用換),綜合黎講,佢的經營現金流9000萬-1.8億,但自由現金流冇咁多必須減去每年換新的設備錢3-4000萬,再減唔入貨賣存貨的錢,假設毛利率50%,每年清1-2000萬存貨會換到2-4000萬現金,平均3000萬好了,咁佢的實際現金流係2000-1.1億之間,平均6500萬好了,賺6500萬的公司市值10億,算不滿意可接受的範圍,不過佢有6億淨現金,如果是真的話就比較OK了,因為市面同類股基本都負價嚴重,作為消費類股又破淨,吸引力還是不錯的

不過如果只賺6500萬的話,按100%派會派37仙,50%派是18.5仙,而現家派緊20仙,加派減派都有可能,再者佢往年高估左咁多盈利,今年都可能明明賺錢交稅卻自稱蝕錢黎攞平衡,呢樣將來可能從佢重新入貨呢度推測

只賺6500萬的話佢營業額16億,只賺4%,好似有D合理但旺旺純利率都十幾%,而且只賺4%的公司好難冇欠債,味皇相信佢的賺錢能力是在2000-1.1億之間的中上位置

按佢交稅的情況,呢兩年確實是比較艱難的,估計今年也不見得很好,因為市面同類股基本都負價嚴重,作為消費類股又破淨,吸引力還是不錯的,冇咁快退環境,算是矮子中的將軍,抬頭不見低頭見真君

不輪了

早排將手頭的中移輪0.64全清了,原先諗住試下延期的,點知落單落幾次,銀行都寫"指示不獲接納",最後想了想輪咁麻煩就不問價清了算

手上的首機如果能換到20000股美蘭就打算轉換的,但好幾次兌換率19500左加就掉頭,硬係差一D,以前齊魯換成都都是咁樣一直差少少最後到冇機會,希望唔會又咁啦

天子遠離禁軍,梗會有D事發生,總不可能帶著幾萬禁軍一齊避疫的,但上頭的事不好說

回到現實,大陸搞成咁,未來非常極大十足可能機會打養老金軍公教主意,如果只是退休年齡延後已經算事少了,傳說今年抗疫維穩的經費是17000億,而軍費才14000億,煲蓋移黎移去,地方政府要cut其他經費黎出糧比大白同居委,要不就大白同居委自已想辦法籌錢,須知道,呢D專業工作知識,過幾年就唔用得也帶不到其他工種度用,最後還不是靈活就業,估計將來不但就業人口減少,連技能水平也會下降

咁有乜可以搞的呢,應該會搞轉口,例如大量入口俄羅斯油,然後全部變成膠粒,咁就可以正常賣到全世界,大陸如果能獨立於地球之外,就不會再將地球當成是問題,環保可以不理全力發展高污染工業,各類油產品之中車軚應該係最有可能大量刷出黎的

另外中芯入左恆指,又一硬膠膠之選,不過中芯唔一定得到俄羅斯的單,因為直接給新品是很高風險的,低風險的做法是把新品賣比殼公司,變成二手貨,再當洋垃圾出口上去,但是對人地黎講,如果要入口新的28納米二手洋垃圾,還不如買5年前14納米的二手洋垃圾,因此未來咸魚賣的二手CPU同手機會通通轉賣出國,我們在淘寶買時只能用炒價買,簡單講電子垃圾的二手價會變得堅挺,唔代表中芯生意會變多

東方海外都變藍籌,噢賣桔,高運費是一時的,現家好市全球新船不斷落水,總有日收皮,盈富係收成期用溢價1蚊買4毫有形資產,收皮期破淨用4毫換返2毫現金,再用2毫現金去換8仙有形資產,假如收成期比夠佢有3年,4毫有形資產變8毫三年規模大倍咁勁揪,收皮期還是只能變4毫現金,再去換來1毫6有形資產的,不把頭上的屁股換一換,恆指永無出頭天

結論是係香港炒股不炒市

*ps:0.064先啱

換出首機

尋日4.33沽出36000股首機,2.87換入54000股晨鳴,首機仲剩60000股

兩年前首機5.2買入,現家4.3賣仲要冇息派相當不理想,不過當時晨鳴3.5,如果咁諗心情會up,另外買首機的錢是44蚊賣美蘭得黎的,而現家美蘭不知不覺跌到15蚊都冇,心情再up+

4.3的首機同15蚊的美蘭互相比較的話,味皇也開始產生魷魚了,走勢繼續的話味皇不排除重回美蘭的懷抱

一直燒的話應該會軟化,味皇這樣想似乎還是有點天真,天子一直躲在避暑山莊,真係要燒到入去也不容易,以後還可以躲去吐番,千里傳話就好似玩緊超級無敵估歌仔咁,賣炭翁乏薪燒炭南山終也會當成好詩大概,現在天子還是一點打針的意圖也看不到,終點還不見影

咁天子又冇錯嘅,冇立皇儲,萬一之時恐怕天下大亂軍閥切割據五代十國,和屁民吸同樣的空氣有3%風險的話,將來有3%天下大亂,如果打針的風險是0.3%,之後中招後的概率是0.3%的話,就0.3%立即天下大亂,總風險0.3+0.3%,第2針風險0.2%的話,風險就是0.3+0.3+0.2%,第3針是0.15%的話0.3+0.3+0.2+0.15%咁,天子怕死拖得就拖,也是為天下蒼生,善哉善哉

以數學觀點,打10針8針唔代表更安全

這樣來看,不知期限的首機同有限時的晨鳴,晨鳴好似較好,晨鳴今期唔派息跌得更多,首機之後一段時間應該都唔派,而首機同美蘭就是箭頭方向相反

講一下澳博,傳說澳博冇錢,準備搵澳娛撲水,澳門人味皇可以講,澳娛是有錢的,澳娛的股東也是有錢的,但是沒有很多現金,多數是固定資產,而固定資產多少都有貶值,另一方面澳娛的股東分散唔團結明爭暗斗,如果澳博要供股,唔會個個肯供而且必然有人反攤薄,配股同換股債也是同樣,唯一方法剩澳娛做擔保借錢,而且仲要係明爭暗斗到違約死線前,由某太主導注資入去,同時將其他房人同埋老屎忽踢出去,除左賣緊的湖畔外,黎緊一段時間果D怡乜閤果類澳娛人揸的住宅應該會有好多放盤

另外信德的船公司應該會執粒或賣盤,因為向來船票好多都係賭廳包底的,而現在賭廳已不存復在,將來不可能賺到錢,酒店同理,不過酒店更難處分,折舊都食窮佢,個別或者要改裝做數據中心之類先可以解套

就算美資都唔方好,拉斯維加斯也好似澳門咁從此消失,而佢地亦冇乜野可以賣,萬一契弟步契大佬後塵比人制裁的就話更加,MGM母公司相對好少少,賭城以外比例較高

1883業績

漫游同一上年一樣係冇咁滯,已經連續兩年封關,第時有機會開返關會好D嘅,但唔知幾時,而且回不到全盛期,得返驗證碼短訊賺錢

固網電話比例雖然可以忽略不計,但今年開始會有好多老公司執粒,會再摺一埋電話號碼,而老公司執左,第時有新公司開返,新公司也未必會申請固網電話

電話月費少1成,呢段時間澳門人口流失起碼10幾廿萬,之後繼續會再流失,買樓的都唔少負資產了,CUT電話返鄉下的人會變多,由於CTM的電話卡係大陸可以上google,所以大陸外勞會傾向保留,但西人台灣人就會直接CUT,另外現有的也會轉比較平的plan,下年會再減少,應該再減1成倒,賣手機賣再多都賺唔到1個仙的可以忽略,姑且政府會派18000-28000,但下年唔會有人換機,小米6再戰3年

光纖上網同數據中心增加1成至12.4億,人口減少光纖上網一定減少的,即係全靠數據中心頂的,上年11.2億味皇推測上網5.2億數據中心6億,假設光纖上網同上面電話月費一樣少1成,咁可以推算數據中心的營業額是7.7億,今年4月CTM減價,因此今年光纖會再降,數據中心冇新建只能自然增長,因此總合起來最多比持平多D

VPN同雲比上年略降,鐵拳降臨下,上面的需求應該會減少,例如某網game的ping值最近突破天際

炒左7個人,肥雞餐居然駛成億

由頭到尾冇幾多樣前景好的,實際上現金流也少左,連味皇自己也看不到澳門的未來

CTM還好的一點頂多就是漫游係度壓彈弓

資產負債表度,還左3幾億,現金多2億,利息支出比上年少約3000萬,即是單靠還債,可以提高3%純利,因此總計CTM下年盈利跌幅估計7-10%

現在派息比率77%,下年應該唔會增派,也不會減,今年現金流23億還3億儲2億派8億,下年如果現金流21億最多唔儲錢

橫琴的發展基乎停頓,CTM暫時未駛出錢去吞

好似亞太衛星呢類時間停止的公司居然係現時市場相對價值較高的品種,發時發夢都唔會估都腦再快都唔夠加速師拳頭快,咁好似中移中電信係唔係好的避難品項呢?味皇個人覺得,鐵拳好快就會流星雨般降下,搵佢地黎補血,上面呢,P民將來一段時間要食草,電信聯通欠債,頂多要佢地減價,中移果幾千億,減完價仲唔斬返幾劍吸血就唔叫大大

幾隻公路股業績

全國形勢一片大好,只要出現第一個動態稱零的先例後,咁其他地方先可以追隨,除左崖州同吐番之外

覆巢之下無完卵,就算CTM今年都應該會盈利下降,所以公路股一定要用生命值硬接的,保守估計少2成起碼,組合無論你點救,都要有承受損失的心理準備

似乎冇人手更新,上商的資料好多都一直未見更新,因此只講今年業績報告

1576齊魯

盈利增加4成,但派息冇增加,壞的方向想係姑寒,搞到股票損手,好的方面想係今年盈利就算跌兩成,派息都有可能維持

增加的盈利只係之前收購的部分全年入賬,唔係佢有乜好事發圍,冇特別

賺8億5,同上年相比,似乎還左6億債,存多左1億錢,保留多派得奀,利息支出1.3億,餘力足

無形資產同固定資產折左大慨5%,公路有效期平均20年咁,個別黎睇亦無在最近到期的公路

總體穩定,自然成長近期應該唔會有了,外資工廠都大逃殺

母公司起新公路未必搞得成,主要係銀行現家未必肯借錢,地方政府冇錢,應該會引入鄉紳夾錢,而且現家唔會有人開到工,工程材料都冇之前咁易入手

1785成都

盈利增加8成,主要係新公路開通,由於是2月通的,因此下年可以再多2個月入賬而有些成長

但大環境下佢一樣要少起碼兩成,成都內需多損失會比外貿型城市好D,些少成長對沖下,應該可以收在2成之內

賺6億8,同上年相比,還左2億債,存多1億錢,保留少派得多,利息支出1億,餘力少

無形資產同固定資產折左大慨3%,有效期更長,但佢個別睇,有兩條路2024年到期,代表:

1.好日子到2024年為止,估計2025起收入應該少5-10%

2.佢未有存定錢到時買代替品,而是係借錢同集資係早幾年買代替品,即係上年的新公路

3.2025年佢更加無餘力,要隱忍一兩年存錢,或者A股上市集資

佢原本可能打算你2022-2024年A股上市集資的,現在仲未稱零,上市計劃可能落空,至少唔可以得到完美的上市價格

總體穩定,情況類似18年尾大老山隧道到期前的港通

737合和

盈利由於有特殊項目唔係咁好比,只能說營業額增加2成,派息比上年增加些少,派息比率聲稱100%

還8億,現金少3億,利息支出低到可以忽略不計,所以派咁高息,盈利聲稱是6億,以唔減少現金唔減少派息的標準,債2年內可還清

暫時冇新項目,只有潛在項目,現在是食老本,合和的最短的有效期到2027,暫時不成問題

如果要有新項目,佢借錢就得,規模細不影響,規模大派息比率會大跌,可以等佢第時發公告買/擴建時借幾多錢再決定去留

總體穩定,暫時廣東比上面好,暫時為止,但是合和本身已派100%,因此盈利下降時冇緩衝的餘地,一定照跟

大慨係咁,呢3隻應該算最好的幾隻,有D公路股現家好平,但新買的話最好的切入時點唔係現家,一切要睇大大做人

全國形勢一片大好,舉國上下一片歡騰,一切病毒都是紙老虎

換入四環

早幾日0.68-0.7沽出23萬股普星,1.15換入20000股國銀,1.56-1.58換入70000股四環,唔咁快講係因為成交量有限,無謂出文自作自受,現家成交量更加有限,再講都應該冇影響,普星唔可以話貴,但味皇己當佢係ATM了,問題不在公司自身,而在於地方政府

尋日味皇一個已經十幾年的猜想爆破了,福建股中怡精細出公告話16億現金忽然變成16萬,味皇不感特別意外,個人估計同澳門的賭廳存款清零不無關係,金金今次有機會從此係地球上消失,同樣被味皇思疑十幾年的還有些現役藍籌添,點解現金一直都係個果數?明明大把現金點解仲借大錢?不過氣球一日唔噴火,你都唔會知佢係氫氣定氦氣,有D野只能藏在心,事後先可以講,一直唔發生帶埋落棺材

想當年味皇把福建股之類全部都掀過一次,當是被仇恨蒙蔽好了,現在才沒有這種勇氣,現在學會與老千共存,起碼在明面上

上海單野越來越大了,仲未肯轉向,天子仲未肯打針,但呢度姑且打個預防針,魔都同周圍平時的消耗是很大的,如果停左雖然未至於今地球停轉,但公路網應該會流量大減,例如一個人冇手冇腳冇頭髮,咁佢的食量就會比正常體重的人少好多,公路的車流會變少,倉庫會爆,菜會發霉,人會飛流直下,記憶中魔都周邊好多化工廠電子廠,味皇估晶片荒過左之後會輪到出現底板荒,建滔應該奇貨可居

可以有幾燈2

早前舊文可以有幾燈

當時的列表係呢堆:

大半高速公路股

大連港/秦港/青島港/招商局

電信/聯通/中移/中信泰富/達利

通號/中通/科聯/四環/國銀/文軒/日本城/建滔/東瑞/柏青哥/哥爾夫/黑鴨

羚邦/潤利/華滋/亞太衛星/遠航/快餐/環宇/神冠/金邦達/春城/唐宮/筆克/利基/金寶通/利特米

當中有一D原來唔係今個月出業績,例如柏青哥6889同哥爾夫6858咁,唔計未出業績果堆,由出文的日期9號至31號出左業績的黎開始睇

所謂大半公路股呢度選齊魯,成都,合和,深高同埋越秀交通5隻,於是出左業績的總數是34隻,標準係咁盈利數字明顯上升算多,少升少跌算中,大跌算少,派息大加算同賺少左卻大比例派算多,少加少減算中,大減同唔派算少,向來唔派繼續唔派都算入少

放返個狗公格出黎

賺多派多    賺多派中    賺多派少

賺中派多    賺中派中    賺中派少

賺少派多    賺少派中    賺少派少

將出左業績的股放係狗公格度,分布係咁:

15     5      4

4       2      0

1       2      1

如假話甚麼大半公路股咁唔明確專挑悻存者咁,剔除全部公路股去迎合D扛精,分布係咁:

11     5      3

4       2      0

1       2      1

分布都是偏左上的,上方是增長能力,左方是財政實力,點睇好的都多過50%,因此味皇認為證券分析即使是100年前的書,還是非常有價值的,即使面對史上最慘的經濟狀況同面對強國5000年的老千

因此老千堆入面找5%正常人入面的20%非辣雞是可行的

相對來說,如果一個散戶可能有20隻股,佢的分布可能係咁:

3     1      2

1     3      4

0     2      4     

又或者咁

6     1      0

1     2      2

0     2      6

按分布大致可以睇到氣友係乜風格,例如追求增長,追求增長不成,追求極端,追求財政實力,追求口術之類的

順帶一提,這種分布最常見:

16   9      4

1   12      5

0     5      9

這個散戶名字叫恆指公司

不過,即使味皇扮到好似懶有眼光咁,但唔代表一定能賺到錢,因為自己錢的有限性,不可能平均分布係所有股上,咁就會產生概率爆炸,例如味皇尋日就發左爆炸文,假設20%概率不好的地方,你剛好重注就原地升天了,或者有5個味皇,4個賺左唔開聲,1個死左就出黎喊苦喊忽比人鞭咁樣

實力係重要條件,但運氣是必要條件,就算你係仙人入場都是有風險的,除非你無限金錢,只有人地錢就無限

照遠不照近

今個業績期唔係咁順利,好多股都不如味皇預期,呢度順時間說明味皇的心理變化

29日秦港同大連港出的業績都比味皇預期差,股息不加反減,開始對第二日準備出的青島港同日照港業績不安

第二日1.18-1.19出清秦港,0.47換成250000股神冠,0.71出清買左冇幾日的大連港,1.15換入100000股國銀,0.65換入150000股唐宮,救返些少派息

國銀的業績也不如味皇預期,感覺計得太保守,但姑且叫加左派息,佢業績今期主要分布係租船度,但數字高得好奇怪,相反飛機度低得奇怪,相信是收數的難度影響撥備,船公司有錢即磅0撥備,航空公司冇錢可能賒數有撥備,并唔代表現金流真實數字

神冠有現金但借錢派息非常可疑,但是佢派息總額已遠超集資金額,要昆人唔會咁昆法,味皇估佢有子公司同外人合資,合資公司獨立運作獨立借錢之後并表,合資公司應該係化妝品之類的公司,腸衣唔係用羊腸而係用牛皮,後來牛皮順便變埋面膜,面膜係淘寶有賣暫時賣左5000+,截左圖過段時間再統計,牌子叫露仙娜

唐宮比較一般,但應該係現有的飲食股之中綜合較好的

港口股基本冇跌所以精神上換到馬,如果大跌就不行了

30日青島港的業績也算非常好,聽日日照港打定輸數好了,不過青島港味皇會長期保留

晨鳴同大悅城的業績不算差,但停左派息,現在只能龜息

齊魯的業主如味皇預期,唯有派息不一樣,佢冇增派仲係18仙而味皇原先預佢加到23仙的,對味皇不好,在街外人看可能算好業績,暫時先保留,如果股價變化有機會換馬

普星派息減半,佢上年冇事今年被打拳,但至少今個業績唔會有影響,味皇原來打算爽埋佢最後一次好業績後丟火棒比人的,點知佢提前1年就養定傷

由於味皇組合呢幾隻佔比不低,起碼唔見7萬息,還有之前出業績的路勁,因此今年44萬派息目標相當困難,但味皇會努力

31日的業績還未出,普星應該冇特別好的賣價,估計當日味皇應該冇交易,可能4月1先會再有換馬

味皇看好的股不少,冇買的業績大都好,買左的較多不好,係咁燈自己

港交所令公司都堆埋呢幾日出業績,基金佬呢,腦係單線程的,300隻股出業績當日可能只睇到30隻咁,短時間內一D股業績變化唔會人人都反應得到,好業績的股係其他大量股的掩護下會唔多郁一陣,比一段時間基金佬計算完先會反映出黎

另外味皇4號剝智慧齒,剝完就冇智慧食粥水了,大魚大肉的日子所剩不多

沽清遠航

遠航出左業績,相當向好,債也可以就是還清,但卻沒有派息,味皇予計佢今次業績會破天荒派息,一開口就派15厘咁上下,結果唔中,今次業績是最好的派息開始時機,但佢冇派,肯派的話賺4,5倍不在話下,味皇買過好幾間姑寒財主,明明有錢都唔分比街外人,例如世城,建業,佳寧娜,受了教訓無謂強求,佢有私有化的可能性,如果味皇是基金的話可以低成本入相當的股權向管理層施壓或者推其他公司傳收購咁,但散戶對姑寒財主冇乜符,希望之後出業績的日照港唔好姑寒財主梅開二度

0.25出清手上的遠航,0.73換成70000股大連港,持貨1年只有微賺,但上年28000點跌到現家22000點微賺算是不滿意可接受,相對大連港1年由0.85跌到0.73,還可以呃下自己買平左

中移派息比想像多股價有升,但之前買的撚仲未回鄉,再次加強認識買撚搵老襯

中移應該會升到同聯通電信咁上下孽息率,到時如果3隻息率相同時,感覺選電信>聯通>中移

路勁業績也不算太差甚至叫還好,但派息減半還是相當受傷的,咁需唔需要換馬呢?如果認為其他行業上升佢下降,咁可以考慮換去其他行業度賺返,錢少的話無謂陪佢坐幾年,如果認為同一個行業其他未必比佢好而又唔想全清這類型股,咁可以留返,味皇自己傾向留返,因為賣出一隻路勁換成兩隻公路同地產股,未必能買到相近的淨值,如果換成其他行業倒不用考慮咁多

換入齊魯

如之前計劃所述,2.91沽出50000股CTM,2.79換入52000股齊魯,一黎齊魯息會更高,二黎跟住佢會業績,現家齊魯變成組合第二大持股,佔14%,而CTM降到18%

疫情到現在,工具人都開始540度轉彎,終於放棄冇得食的意大利薄餅,改為全面拥抱有供貨的夏威夷薄餅,起碼是過好現象,一個月前唔憂冇飯食的味皇就已經明白飽肚比較重要,有D人偏偏要餓返成個月先明

但是食左夏威夷薄餅,之後要點樣食返意大利薄餅呢?首先唔可以同時兩樣都食,意大利人好小器,想食返意大利薄餅就要吐左食緊的夏威夷薄餅,但要把真香的吐出黎身體又很誠實,而且食過夏威夷,陰D陰D隨時會比意大利人打,嘛,不過也是將來的課題了

彩票新聞

不少人夢想一夕致富，就會去買彩券試試手氣。越南就有一名男子，因太窮而被老婆拋棄，沒想到他參加婚禮時，買的5張彩券都中獎，贏得75億越南盾（約新台幣926萬），直接翻轉人生。

根據外媒《TribunStyle》報導，越南一名53歲的男子胡梅（Huu Muoi），過去和老婆過著貧窮的生活，每天都要擔心是否有東西吃，甚至還住在一間常淹水的小屋內，雖然家中只有幾畝小農田，但仍希望能有好收成，以免挨餓。

胡梅到了晚上，還會去河邊抓魚、螃蟹，除了可以加菜，也能拿去販賣，換取金錢或醬油。而他的兒子為了分擔家裡的經濟壓力，國三時就到胡志明市打工。然而，老婆卻無法接受這種生活，最後決定離開。

離婚後的胡梅依舊很窮，直到2013年9月，他去參加朋友小孩的婚禮，當時有個小販求大家買彩券，所有人都搖頭拒絕，只有他不忍心，再加上平時就有買彩券的習慣，就一口氣買了5張。

胡梅回到家後，把彩券拿出來兌獎，起初還以為自己喝醉，經過反覆確認後，才確定5張彩券都中獎了，且每張獎金15億越南盾（約新台幣185萬），5張共是75億越南盾（約新台幣926萬），一瞬間從貧民變成富翁。

不過，變成富翁的胡梅沒有亂花錢，反而開始做慈善，先送了鄰居幾十箱啤酒和許多肉，還買米分給學生和窮困的工人，甚至捐錢幫忙修復當地3座橋，最後也幫自己蓋了一棟大房子。他透露，「我沒錢的時候，受到很多人的幫助，所以現在也必須做點事情來幫助他人，多虧中獎，我擁有以前不敢想像的生活」。

https://tw.news.yahoo.com/%E8%80%81%E5%A9%86%E5%AB%8C%E7%AA%AE%E6%8F%90%E9%9B%A2%E5%A9%9A-%E4%BB%96%E4%B8%AD9%E7%99%BE%E8%90%AC%E7%BF%BB%E8%BD%89%E4%BA%BA%E7%94%9F-121527800.html

是咁的,好多人一夜返貧,也有人一夕暴富,味皇以呢個新聞為例稍為講一下

D人可能幻想左變有錢幾年幾十年,但大錢真係黎到時,往往沒有詳細計劃點用,模擬一下自己係暴發戶,我要朋友,請了客,我要買車,買了車,我要買樓,買了樓,我要買男人,買了男人,咁剩低D要典算?...做生意,做乜生意?...窩不知道

暴發戶,第一時間皆會買消費品,以上面新聞為例,捐錢的先不計,起碼共通性咁買左大屋,咁代表乜野呢?大屋比狗竇,通常有維護費用高,閒置嚴重的情況,對沒有收入的暴發戶來說,是增加一筆固定支出,即係變相負債,一般性的暴發戶第一時間都會消費同增加負債而全無自覺,第二時間第三時間才會想錢生錢,睇佢地越想越不對勁要想幾耐啦,而,對於有錢急於想錢生錢的人,一般會比金融才俊水一鑊

相反冇錢的人也會比金融才俊水一鑊,但呢度不討論

回到條新聞上,果個越南佬頭幾日好明確咁就買左一堆野駛左一筆錢,現在好開心,但佢唔係得幾日命,如果個越南佬聰明的話就應該買塊田,請人耕,順利的話有收入,不順利的話也可以自己耕唔駛餓死,進可攻退可守,暴發戶開始想錢時,要更多錢全攻型,入不敷支全守型,全攻型一係比人水,一係凍過水,全守型係咁縮,最後神經衰弱,要點做到可攻可守,需要知識同經驗,而這是沒有準備的暴發戶所不具備的

係味皇呢度,味皇慣常手法都是推買收息股,但是你買到的是收息☆股定係收☆息股呢,還是關人銀事,到最後還是要求自己要有一定的知識同經驗水平

咪書,研究,腦補,實戰,還是有用的

好似上年GME之類美股產生了一堆豬頭,之後一年間伐木伐伐木伐伐伐木咁打回原型甚至落地成渣,你可以合理說是世界的錯,但味皇只會覺得是你冇點防御力

最近應該點都會有人買巨型老千股,超大型巨型老千股賺了大錢,但是,有了錢下一步要點做?冇錯,暴發戶正是你

換入大連港

開市0.85沽清雅士利並250000股,0.72換入250000股大連港,同埋0.146換入200000股羚邦

雅士利私有化開價是1.2,味皇開左交易界面對住0.85個價,唔唔唔咁,最後咁說服自己,0.85到1.2也不過4成水位,如果係其他股度可能得到更多就不必介意

話說當時5毫幾買,有耐就升到0.82,現家過左兩年先多少少好似冇乜著數,但現在的1蚊比當時的1蚊可能更具重要性,價值投資最重要的是能夠自己呃自己

0.85始於比較低,私有化開價也不高,不過正常也不可能高,如果賣價1.2以上,味皇應該能額外換多幾萬股四環

恆指連續大奇蹟日,組合還未回到起點

關於換入的大連港,現家叫遼港,早前用換股交易私有化左A股的營口港,作價大概是用PB1的大連港換PB1.2的營口港咁因此,對淨值同盈利都有攤薄,但是,味皇特登研究下營口港的財務數字,發現佢同池州港的情況一樣,是0負債,只有資產沒有負債的淨輸出的公司,因此咁樣換股合併,大連港的負債比率會下降,現金提高,派息比率提高,綜合而言大連港的每股盈利同現金流會下降,但每股派息會升,每股盈利下降對PE不利,但現家咁仲可以跌乜7

味皇揸左好多港口,大航海時代,咁會唔會覺得重覆呢?咁事實上係重覆,但估值變化不是恆定的,有快有慢,只是現在比較混沌,將來不同港口的估值差異明顯變大,味皇會搵機會優化同合併

如只計海港,味皇現在持有大連港,青島港,秦皇島港,日照港,池州港,按市值佔組合12%

無底洞

大陸封城當日,隻匯賢1日跌幾成,連ATM都比佢爆埋,唔知應該慶幸早兩日賣左2萬股定愁雲剩底果7萬股...

嘅然打爆左ATM,咁味皇可以提取的目標就不多了,於是2.67賣出25000股CTM,3.77-3.79換入15000股青島港,青島港稅後的派息會唔會比CTM多味皇覺得有D疑問,但價值黎講青島港應該比CTM好一點點

賣匯賢果日,CTM開市升到2.74而齊魯跌到2.6,味皇開左交易畫面諗點樣換,結果齊魯2.6買盤幾萬股而放盤要跳4個價位而且只得5000股,再高再低都冇人放,結果味皇放棄左,當日收市CTM2.66而齊魯2.92,味皇似乎在齊魯上成日都有一線之差,雖然今日又打回原形

如果CTM比齊魯高較多,味皇會想換一些,不過要視乎有冇人放

說到底現在看來能夠動手的似乎只有CTM同雅士利了,雅士利的公告屁都冇放一個未知乜事,但私有化的可能性也不排除,假如私有化要乜價賣好呢?現在的時勢不求絕對價值,而是求相對價值,即使雅士利開價不厚道,只要比其他大跌的相對高,也是好丟

上年味皇訂的股息目標是44萬,現在的氣氛D公司可能傾向留錢,收租股同公路股有機會又敕令免租,實現上多少有些困難,唯有在換馬上爭取換得更大的資產淨值,以量取勝

不過今次也可以當成是機會的,例如股價變動大增加換馬機會,又例如反攻返幾個月黎顯示封建主義制度轉彎能力的優越性,反正現在沒有變化將來就不會改變

只是主上的防護罩可能越來越厚,天子不打針,卻要所有太監打針黎保護自己,咁太監要裡外三層先可能有足夠距離,不過也可以理解,龍體命貴不能受一丁點風險

味皇上星期仲叫正數,現家-10%,因為怕痛,所以已經點左好多防御力,即使咁樣跑贏恆指一點也不高興起來,正如官宣打仗日日贏,最後贏到自己冇人口,又不是銀河惑星同盟

基本上味皇睇人仆街最開心,但只限自作自受的情況,這些災難性的,還是想快點好起來

可以有幾燈

成日D人口講價值股價值投資,比佢地睇股,如果用二分法看世界,是4宮格,會係咁:

賺多派多    賺多派少

賺少派多    賺少派少

方向左上比右下好冇乜爭議,對於有D派系的人,會比較認同左邊,另一派的人會較認同上面,咁代表雖然講的係類似的題材,但只有50%是重疊的,但同時也有50%的見解是相斥的,造成邊過邊過可以隨意否定兵個兵個的論點,同時邊過邊過的論點又隨時同兵個兵個的論點混為一談

咁如果細分少少,加多一份變狗宮格,會係咁:

賺多派多    賺多派中    賺多派少

賺中派多    賺中派中    賺中派少

賺少派多    賺少派中    賺少派少

如果咁樣分,兩派人的觀點重覆度就會提高到4/5,而相斥的部分剩1/4,目標廣泛的人肯接受靠中間的分類,可是世上急功近利的人太多,想追求左上最尖尖果度,在9格中可能同6/9甚至8/9的人相斥,所以論點偏激,同以外的不具交流價值,不講人換成股票,當買左落黎好同壞的概率相等,咁起碼6/9甚至8/9的概率的股票會最終會失敗,這就是好左少年股神好似流星一樣的原因

回到正題,港股充斥垃圾股老千股也不是今時今日的問題,香港由垃圾同老千主導也是公認的事實,在概率上要放飛標打中一隻正常的股票想不槓龜還真不易,最後20%有冇?是咁的,近年市道正艱,正正常常的公司想找間冇賺少的已經艱難,更遑論要立於千萬老千之上,最後5%有冇?但是味皇認為古代流傳下來的知識是可以救人一命的,如果選股命中率能超過5成,就能立於不敗之地

最近股票好多都會出業績,出左之後馬後炮就冇意思,因此燈神打算在5%的股中,係業績前予測一些中間線以上的公司,最後概率可否超過50%來反証明燈的知識有冇用,呢度味皇希望找的是呢排業績影響較少的未出業績冷門公司,股價同成交不作考慮

大半高速公路股

大連港/秦港/青島港/招商局

電信/聯通/中移/中信泰富/達利

通號/中通/科聯/四環/國銀/文軒/日本城/建滔/東瑞/柏青哥/哥爾夫/黑鴨

羚邦/潤利/華滋/亞太衛星/遠航/快餐/環宇/神冠/金邦達/春城/唐宮/筆克/利基/金寶通/利特米

當高速公路5隻咁總數41隻,咁20隻以上就叫5%中的50%鳥

只係記憶未出業績,唔肯定呢批有冇出左盈喜,30秒大法睇的先按大法的標準,有一定樣本數量咁三幾隻應該可以當成誤差,月尾應該可以得出結果

全身破爛

上星期仲叫正數,今日終於負數了,手上有限的破爛想想要怎樣換成更不濟的破爛,於是沽出20000股匯賢1.39,再0.144換成17萬股羚邦同0.132換成36000股潤利,現在剩70000股左右的匯賢,ATM也快提清光了,另外也想換入一些大連港,但暫時未想好用乜黎換

味皇由上年5月空置到現家的唐樓終於租出,減租25%左右,現金流由2000+變幾百+,不過都好過淨流出,終於可以唔駛供樓

英女皇仲未死,壓力也順利回到呢邊,其他不好說,契大佬食鱉,契細佬未來應該多少也會變謙虛少少,雖然可能有排也不會贏回外人的信任

年老真可怕,幾精明的人老左也會開始痴呆,味皇對住巢皮感慨

最近股價大跌的股很多,觀察名單也增加了不少,但冇銀也沒有怒羅江悶,只能齋睇,但是全世界有不少人直線減肥,你脂肪減得比人少已經算羸家,雜草只要不被連根拔,總會生返出黎

即使係咁樣的世情,冷門股也不少加派息,相反熱門股無論自己收皮還是大市收皮,佢都會收皮,疑似雙倍風險

中移的回購好似85000咁,味皇原本予測上個月中就到價,似乎又發揮了燈神本色

重覆換馬

上星期5.545又賣左60000股首機,54.9換返做6000股中移

今日55.5又賣出中移,再5.2買返首機,多出的錢買左20000股國銀1.14

第一次首機換中移1:1.02,第二次換0.95:1,第三次換1:1.01,今次換0.94:1,每次都龜到少少錢

不過買左撚之後,終於見識到食價的威力,買撚果到賺唔到

總計而言,今年到現在為止組合仲係正數

組合以外的地方,沉默是金,乜都唔好講,講防疫味皇只服柯文哲

聽講英女皇中左招,如果事頭婆就咁香左,清零政策會顯得高貴少少,如果成百歲最後都只係小感冒,咁壓力又會落返黎呢邊

上面搞大節慶,同一時間香港就原地爆炸,澳門就歷史性落冰雹,咁離地一定是港澳的問題,口口口

有個唔知邊度市長講,防疫還防疫,唔好搞到餓死多過病死

有時達唔到原來目標,可以反過來完全相反方向的目標,舉個栗子,如果要去買意大利薄餅,原本一心打算西行去意大利買卻封關,那麼可以即席放棄西行,改為東行去夏威夷買菠蘿薄餅,一樣有得食,向上通唔到索性向外通...水渠

將來某一個時點可能群體免疫,可能半年後,冇病也唔會病,但有殘留,間中復陽,好似頭皮癬咁痴住唔甩得曬,或者病例好少冇威脅性,但對於政策不同的地方,放唔放行呢?選住一邊先好過兩頭唔到岸

外國打唔打仗味皇預測唔到,不過就算打仗,對港口股之類冇影響,但原材料會加價,特別係肥料,硝石同氨都會缺貨,谷物影響最大,可能得返薯仔食

比起打仗,左膠危害更大,降低已經唔夠的生產力

換入中移窩撚

舊文提要,40歲前2.67沽出90000CTM同5.02沽出60000股首機,49.3換入11000股中移動套戥

現家40歲後,味皇以55.35沽清中移,以2.8同5.25換回原來賣出的股票,賺左未夠4萬,封左蝕本門先,如果按味皇原先計劃,到65先沽仲有11萬水位

現在味皇破天荒嘗試買撚,0.37買入10萬單位的中移撚,12822瑞信行使價54.05,期限6月23日,如果到中移65先沽,佢會升1蚊,水位差唔多

咁樣操作的理由是,味皇已經封左蝕本門,水位又差唔多,仲有就是如果某日中移跌,唔升或升,而CTM同首機唔跌,升或升更多,咁味皇的正股就有再執多劑的機會,否的話撚就坐住賺,當味皇只有中移的話只能睇升再換馬,兩樣都有的話無論升跌都有操作空間

中移49蚊時已經留意撚的套戥機會,當時1毫左右,不過如果直接比錢買,其實等於賭錢,即使概率高,有股在手先可以稱為對沖

重申味皇唔推薦買撚

40歲

嗚呼,這一日終於要來了,味皇近期就會轉職成魔導士

也許地球另一些地方有不少同味皇年齡相近或更年輕的人老是想著異世界轉生之類的,一般來說現實生活過得不好才會令這類題材咁受歡迎,如果都是現充邊有人睇呢類漫畫,而且比起二次元,現充在會三次元放更多時間,快點原地爆炸

味皇都快要轉職成魔導士了,和現充的標準似乎相去甚遠,但味皇起碼叫衣食無憂(其實是一件衫著好多年餐餐食埋D下價野),冇病冇痛(其實是少出街少朋友冇點接觸病菌),性福美滿(其實是左手交右手本來無一物),自然,變老是不樂意的,皮巢了,連毛也白了,指的是鼻毛,實際上味皇已成廢老,同現在的年青人應該開始有明顯的代溝,味皇老梗冇人識,薑濤係乜我唔識,睇開味皇的讀者睇怕都是同溫層,同味皇一齊人生進入倒數

話雖如此,味皇之後應該還可以過十幾年好日子,才十幾年...如果可能讓味皇異世界美少女轉生自然是很樂意,可是轉生成老少女可能佔3/4概率可不樂意了,也可能轉生成男的這豈不是只有3/8概率?說到底異世界轉生的概率本來就不是零嗎?結論是,我們坐在這裡,只能活在這裡

4張的味皇,經濟價值應該好似美債咁慢慢貶值,起碼勞動價值會係咁先,換轉係泱泱30歲,經濟價值應該跌得會比味皇快,靈長類經濟動物如果不是用作實驗用途,似乎公的經濟價值會有效期較長,看來是經濟本質有問題,如果好似今日華寶一日跌7成咁,就只能當是命運的問題

如果有人較高質量生活期限是30年,有人超高質量生活期限是20年,而呢3年疫情的白過生活讓所有人-3年有效期,自然是對一些人的人生是更不公平的

雖然靈長類經濟動物係咁,好似味皇的勞動價值會一直下降,但味皇資產的價值並不會隨時間下降,資產又冇分公乸,至少呢點上對所有參與者都是公平的,回到最上面,現實生活過得不好才會追求有的沒有的,現充食老豆食老闆眼前乜都有齊何必追求眼前以外的東西?想當年味皇要不是非常憎份工才不會去想買股票黎續身

只是呢3年我們人人都不是現充,有人一直不好,有人忽然變不好,於是追求有的沒有的,例如股票同其他之類的,但是,股票同其他之類的不等於是資產,也有可能是負債,想大於一半概率辨別出黎還需要一些經驗,生活忽然變不好的人也許會急於求成,經驗缺乏的情況之下自行變韭菜

我們不應期待在那位大人之下會忽然變返好,需要知道,就算你係宇宙大王超級那美星人3級撒亞人甚至更勁,反正就是不可能打贏搞笑角色,搞笑角色才不會同你講道理講平衡,一句你好嗎可以勁過拳頭,嗌一句可以勁過食一拳,搞笑的時候,我們笑就好,平常心

味皇覺得,當下活動做韭菜的概率很大,唔夠經驗時請審慎而行,老屎忽之所以能夠老是因為冇需要去轉生,老屎忽曰,不追求就不會受傷害,躺平就不易做韭菜,生活環境急變的時候,好似烏龜一樣冬眠不一定係最優解,但應該係最高概率能捱過的,調整生活水平精神狀態比病急亂求醫好,味皇雖然未算韭菜,但也過著烏龜一樣的低碳生活,習慣成自然

味皇知道,有限的30年期限-3會心急,20年-3的會更心急,但是資產冇期限冇必要係呢度急,要急就急係份糧度

嗚呼,味皇不是自願成為40歲的,以前才不會想像40歲的自己,呢3年好似白過的感覺非常強烈,好多理想中的計劃延後甚至到取消,可能劇情的密度太低了,誰都想過波瀾壯闊劇情密度高的生活,理想同現實永遠是不同的,變40歲絕不理想,不過到味皇60歲時,應該也會想變返40歲...

吸塵機

最近冇乜特別好寫,所以隨便講一下味皇的發明,已經用左一年有多

主要是用完的口罩想再榨多少少剩餘價值,功效嘛,同千幾蚊的應該差不多

成品

成品

分解圖

吸左兩星期的同剛除出黎的比較,吸左兩星期的中間層全黑,反而表層冇痴到一舊舊塵

另一面表層分別不大,說明灰塵全部是口罩中間層隔走的,即是說口罩的性能是灰塵大細的微粒可以通過兩面,但過唔到中間層

安裝方法,之後插電抽氣就得,留意唔好用疑似有病毒的舊口罩就係

買入中移動兼說明

5.02沽出60000股首機,49.2換入6000股中國蠕動套戥

中移發A股,發行價57.6蚊人民幣,發8.46億股,集資約600億港幣(下同),發新股也要成本的,假設中移比人抽1成佣,最終集資550億,圍起黎每股的發行價就是65蚊

翌日披露報表 

之後中移發出通告話會回購H股,現在味皇推測中移動的回購規模

在香港聯交所購回香港股份之計劃 

今日中移股價49.2,同65比有折讓,1股A股買到1.3股H,因此股價唔升的話最多可以回購11.2億股,但是股價升的話,例如中移回購左10股股價就已經炒到65,咁佢就只回購10股就算,之後唔會再回購,即是以味皇之心度中移之腹,冇錢賺就何必比佣

聽說2月7日中移就可以開始回購,咁味皇認為中移的埋單價是65,個幾月有3成水位睇落唔錯

回購左佢會出翌日披露表,註銷的金額在550億內,套戥就可以持續,如果股價在65位置大上大落,相信可以重覆套N次

就算套戥不成,49蚊中移也不算很差

*之後2.67沽出9萬股CTM,49.3換多5000股中移

華南城的新聞

特区建发集团认购华南城33.5亿股股份，成为后者最大股东

https://www.sohu.com/a/513487009_114988

最近華南城由5毫升到7毫幾,原來出左新聞話華南城發新股,19億賣3成股權比深圳政府

本來味皇就覺得佢想要錢發展地皮早幾個月就要跪招商局,現家跪左深圳政府也算實際

19億賣3成股權,即係市值得46億,每股5毫7,順帶一提味皇的平均買入價是1.06

唔知佢個配售係賣舊股比政府定發新股比政府,當發新股好了,華南城的每股淨值5.1,發行價得PB0.15,跪就是這樣一回事,雖然今年華南城的存貨一定大貶值,但每股淨值剩一半都有2.5,PB依然得0.3?

非也,佢存貨400幾億,投資500幾億,欠債就400億,如果存貨貶一半剩200幾億,投資貶2成剩400幾億,總共少左300幾億,但負債並不會因此減少,佢未打拳時總資產淨值410億,打完拳就剩唔夠100億了,高槓桿就是如此

只能講跪的時機不好,臨斬頭先比利是自然C子開大口

向好的方面諗,變左政府機構佢的利率就會大跌,例如跌到5厘以下,而且可以永遠唔還,如果慳息2厘半計,可慳9億息,按擴大左的股本計,每股可慳近9仙,假設華南城的可持續收入是18億,按擴大左的股本計每股18仙,加埋就27仙,而利息支出20仙,咁自由現金流得7仙

華南城要面對的課題是:

1.如何在不違約的情況下停曬D工程佢

2.盡快還返D地比政府當冇事發生

1的情況是佢只要賣唔出住宅就唔會有錢繼續起舖位,冇錢回收又冇得呃管理費,地皮丟空難睇,政府會逼佢開工而佢限時內又發展唔到,就變成違約

2的情況是佢只要及早退返D地比政府,咁就唔駛比錢再起,政府又可以再賣多次地黎出糧,咁政府就會放過佢

華南城跪左的好處主要是慳息同埋土地可以轉用途,華南城的工業用地如果係私人公司,咁永遠都係工業用地,如果政府主導,大老爺開一句聲就可以轉用途,轉地積比,小產權變冇產權,冇產權變有產權,地皮用黎起公屋起其他之類的,強拆也不用同P民客氣,甚至起完中轉屋後,當晚就順便推平埋華南城附近的村仔

但是華南城跪的是深圳的地方政府,在深圳華南城的都更自然大有方便,但在深圳以外的華南城就不具有官府優勢了,例如西安政府要充公深圳政府係當地的資產完全沒有客氣的必要,如果華南城跪的是再上一級的中信同華潤又唔同講法

好在深圳政府也同時管埋蛇口同鹽田港,還有寶安機場,既然係同一集團,最終華南城會變成深圳的大倉庫,因為多左一個機場,比跪招商局更好一些

雖然打了個折,深圳華南城都更話值千億都係值D錢的,之前佢冇能力單拖,但現家就可以實行

整體而言,華南城發新股大攤薄,但換取了自由度,比混食等死好