睇返業績期

味皇比鐵拳打完之後搵左大堆新後補名單,預測大概派幾多,特別仲多搵左堆市值只有三兩億的煙頭,唔計6月出業績的,平時有比較留意的稍為總結一下:

有D預左今年會減的,冇人會期望MGM同餐廳同惠理會派,但唔理,數量夠大讓單手單腳都應該睇到方向

1883,加

1606,減

762,稍加

552,加

3328,稍加

2356,加

440,加

2888,大加

144,減

6198,稍加

934,維持

2386,稍減

267,稍減

460,減

133,減

806,大減

1888,大減

771,維持

46,加

3969,維持

3315,加

752,加

6811,減

1181,減

1045,稍減

1785,加

1576,維持

737,大減

811,稍加

829,維持

2119,大減

6858,維持

2258,大減

954,大加

543,維持

2282,冇

6083,大加

1853,稍減

1936,冇

528,大加

6119,加

1837,冇

8502,首派

1480,大加

1289,加

1713,維持

2180,大減

6616,冇

2116,維持

狂加6

加10

平14

減6

大減6

冇4

35%加比較多,30%差唔多,35%吐血,即使係史上最慘的經濟情況,能有技術地收息,65%餓你唔死

考慮到預測會減的,實際大半都預測到正確方向,派息還是有一定的預見性的,至少有人做到,平均看像穩贏,不過35%不是低,但概率壓在個人身上就是要你命,你要麼分散,要麼提高眼光,要死時還是會死

蚊滋咁大的股,可以派息的還是會派息,牛龜咁大的股,唔派的一樣會唔派,收息唔好歧視細股,大細影響的是套現難度

上面有幾隻味皇非常驚愕,即沉板以為今年軍用單多賺錢點知唔掂,肛蛋是向好的但埃塞俄比亞內戰以為會拖累點知井噴,合和以為算好地地點知死直,池州港以為姑9寒點知利是遲一年先派,燈力尚在

今年經濟似乎會比上年好,咁65%餓你唔死今年就更加餓你唔死,上年能夠有果子食的今年大概率更香

題外,舊文提過味皇認為941,762,728當中762最好要買就寧願佢,941太有錢會怕被打拳,728最窮難發圍,762中間位唔上唔落唔怕拳唔怕窮最好,結果得762加派,941真係接任務上徼450億,其實香港自己都接唔少任務,以後陸續有黎

痛苦面具

今日4.1沽出業績不錯的青島港20000股,換成舊目標池州港,味皇現金買20萬股,賣左青島港再買左20萬股,點知味皇大手指症發作,買入20萬變左賣出20萬,結果發現後之後又要改返買40萬,本來就係冇成交差價大的股,白蝕左4000極度痛苦,賺夠啦比淫賺吓咁,結果變成相當於成本0.345買入40萬股池州港,味皇的眼還是有點眼光的,估創業版的8502會破天荒首次派高息,現家終於派,但味皇的眼還是樹洞,味皇估8502是在2021年的業績最大機會派,但2021年冇派,味皇懷疑佢是姑寒財主0.25賣左,結果現家2022年先黎派,佢今次派3仙正常息+3仙特別息,其實上年派3仙今年派3仙就差唔多,青島換池州係升值度未必有咁快,貪息更高同可以避稅,另外茂名港業績唔錯派十幾厘,前年的日照大連秦皇島極燈,上年的青島茂名就冇燈,燈極而熄時來運轉?結果大手指在後

派4仙人仔,睇下之後茂名會唔大升,升左味皇會傾向換池州港

業績分析另外寫

另外補返月頭業務視察除左1480同1668以外的其他:

405白馬大廈成棟唔同左,還以為去錯地方

供股錢成棟裝修,2022

405上年派超奀,主因應該同白馬大修有關,現家重開重招租,多數今年大反彈

成棟行完,出租率應該有90%以上,但唔知現家的收入剩計收租定有營業額分成,營業額分成肯定不及以前

以前白馬好多黑人,現家一個都見唔到

1樓

1樓

2樓

3樓

7樓

7樓

6樓

5樓

4樓

旁邊棟天馬擺爛,應該唔同業主

新馬路國際酒店咁

後巷

對面壹馬

IFC...

...旁聽的商場國企友誼商店

商場只有職員,IFC寫字樓入唔到去

維多利亞廣場

利用率唔高,局然擺咁多櫈

大概8成半

旁邊書城

一面窄語錄

602幫人睇,坪山同平湖似乎一樣,成個鎮通拆,,每年看都不同樣,現在凡是摩天樓旁邊都有空村屋,雖然新高大豪,但相信會產生好多爛尾,空地隨機配置,會唔會升講唔定,但以平湖坪山光明個三區相比,感覺將來性黎講似乎坪山>光明>平湖,坪山外圍有個高新工業區,係1480再外面些少,有例如國藥總部之類的,人口唔算多人均計坪山地方政府可能係深圳稅收最豐厚的地方之一,睇鋪路同綠化睇得出過份豪華

坪山的佳華領悅

應該今年交到樓,但商場收租仲要慢慢等

樓唔關602事,係母公司的,只有商場關事

商場不算大

旁邊的商業水準鬚花鬚谷咁

坪山的佳華沙湖

規模比較大,但3年內應該唔到樓

新市鎮,周圍都係地盤

堅豪宅

白雲機場冇去,去左寶安機場

應該算租滿

去海南的排隊

其實幾多人

深中通道現家進度咁

1606業績

業績下降,派息也下降,出乎味皇的意料,也不全出意料

1606比俄羅斯共產左一批飛機同船,減值25億,姑且嘗試佢去clam保險,但估計曠日持久,而且9成9唔會有得賠,如果只有10間航空公司同時問保險賠可能有得賠,但1000間航空公司同時問保險賠的話間保險公司會改名破產比母公司切割,姑且打仗對一般人來說是意外事件,但事件對那類人來說不意外

1848營業額上升現金流上升盈利下降,比俄羅斯共產左4億幾

2588營業額上升現金流持平盈利下降,比俄羅斯共產左5億鎂

盈利下降減派息其實仲叫合理,味皇本認為佢有點機會不用減的結果還是減,不過飛機減值是意料中事,反而佢比地方政府拖數並未顯示出黎

今年減共減值45億,減值準備85億,上年冇乜特別事發生減值35億,減值準備76億,再之前每年減值20億左右,減值準備58億,如果下年冇事發生,咁佢減值應該在35至20億之間,如果下年地方政府唔找數,佢有一半機會進行減值,有一半機會用果85億黎吸收,85-58=27億,地方政府的爛賬能在27億以下,佢多數會秘而不宣,公開話鐵路局水利局縣政府唔找數的話政治不正確,剔除俄羅斯果25億,佢扣左9億減值準備同其他減值20億共29億,再上年扣左18億減值準備同其他減值35億共53億,能準備的都提早做左了,反正味皇最擔心的豹子頭行為已經講左超過一年,現在佢盈利33.5億每股27仙派8仙派息比率30%,如果情況不惡化而政策不變的話下年盈利52億每股42仙派息比率30%派12.6仙,如果減值準備更加保守可能降到40幾億派10仙,如果減值準備鬆返可能升到70億50幾仙派17仙,一下跳升太高時間上唔好維持,前兩者的機會大d

營業額增加6%,資產增加3%,負債增加3%,股東權益增加13%,本來盈利是按比例增加的,強行被減值壓下去

飛機資產增長1成至930幾億,營業額只增2%,之後應該會繼續增長

橋隧路塔水庫電廠燈柱之類的資產減少5%至1540億,營業額不變,味皇認為呢度豹子頭唔比錢的概率極大,理論上今年冇上年咁艱難,一切預算由以核酸費同維穩費優先變只需維穩費優先,可是雖然地方政府支出少左,但窮左係唔會立即有錢返,起碼要窮一段日子,因此今年市道好轉也唔代表比得起錢,也要睇概率

租船資產增加4%至500億,營業額增20%,好似好好咁,但船運炒到最高回落,上升期人人造新船,但船廠交船要3年後,因此滯後,現在下降期冇人造新船,但船廠繼續交船,即是說過左呢幾年呢批訂單船租就會下降,當然,之前天價簽的約仲有效,除非船公司違約棄船,租船上年好賺,今年可能都好賺,但下年就未必,即是會在不定的時候斷纜

地鐵巴士之類資產增加4%至350億,營業額增8%,相對而言能起地鐵的地方稅收來源比較多,而地鐵是國家任務,一般唔會走數,但起好地鐵的地方會cut巴士,因此有增長點也有收縮點,走數風險有但不太高

佢本來有一批C919的訂單的,後來C919爛尾,之後就冇訂單了,理論上可以買737或320或E2代替,但航空公司好似開咁大個頭,但換成外國飛機的話就冇咁急需,因為不是任務,而且外國生產商也交唔到咁多貨唔方便交貨,1606算見財化水,航空公司也不能貴賣二手飛機換平飛機,C919睇怕冇返357年都飛唔返,因為缺乏備用或難取得維修零件的話,就冇人會養呢種機,不可能下下都用走私零件,維修貴的話仲用就本末倒置,味皇推測上面的航空公司可能會多買來自東南亞的二手飛機,而東南亞就買新機,上面的航空公司再賣二手機返東南亞,再係東南亞買返二手機

總體而言,飛機向好,地鐵向好,船向好...一年咁多多啦,基建比較難講,54%資產向好46%未明咁樣

1848周2588共產到冇盈利咁滯,但派息不是減很多,如剔除共產減值部分,派息比率都40幾%,好似類似打仗呢D意外事件咁大陣仗就豪比佢,不想豪也得豪,如果冇特發情況,例如種香菇咁,1606還是揸得過的

附近的共享單車

是咁的,味皇月頭係大陸業務視察的同時,順便調查一下共享單車可以踩幾遠,但是所有共享單車都故意不顯示所在城市以外的經營範圍,因此只能每個地方都踩點,於是開始ローカル路線バス乗り継ぎの旅(Local Bus Connection Trip),即係巴士游車河,過程就咁,坐巴士珠海到三鄉,取得中山數據,三鄉坐巴士到石歧,石歧到小欖,小欖到大良,取得順德數據,大良地鐵去佛山再回來,取得佛山數據,大良兩程到番禺,取得廣州數據,番禺到南沙,南沙到虎門,取得東莞數據,虎門到深圳,取得深圳數據,深圳踩單車到惠陽,取得惠州數據,大灣區除左江門肇興之外都踩了點

但珠海因為味皇經常去,反而唔記得記錄,另外發現惠州沒有任何一種共享單位營運

勞動結果如下:

支付寶的哈囉單車,其本沒有東莞,除了廣州外基本大面積斷開
深圳踩上廣州是不可能的,但順德至廣州仲算可以
另外珠海也有哈囉單車,出了珠海最近要在南朗才能還,石歧要到小欖,大良要到南海同番禺市橋
味皇好憎實名認證又影相又盛,但當年味皇年輕懵懂而聖上又未登基仲係影帝的時代就註冊左支付寶,所以不去認證註冊,有用過大陸支付寶的老人直接能用支付寶租

美團單車東岸連通性比較高,由深圳至東莞是可能的,路線要經長安虎門方向北上,不能由布吉松山湖常平方案,由羅湖到東莞市中心有100KM,橫貫深圳的話最多在大亞灣的邊界還
西岸就相當斷裂,中山除左小欖外都沒有,出了珠海就還不了車,出了順德要在南海番禺同小欖才還到

微信的青桔單車,只能在市內踩,最遠一係縱貫廣州,一係橫貫深圳
另外珠海也有
味皇冇去實名

三張圖合成,由深圳到廣州依然不現實,最多到東莞,而廣州可以去到中山

總體而言,廣州到順德或者深圳到東莞是有實現性的,至少比你還到車,不過有個重大問題,普遍過河的橋基本都是只有行車路,多數冇行人路,有D冇單車路冇路緣,在危險難踩之前是搵入口都難,不過深圳到虎門味皇所見冇呢個困難,近珠江口先麻煩

各城市當中,最好踩的是珠海/順德>深圳>佛山>東莞>中山>廣州,珠海順德簡直是浪費稅金路面同綠化過度整備,深圳有錢過頭路面好綠化好但周圍掘路>佛山路面都好但多人>東莞冇錢路爛>中山更冇錢路勁爛>廣州路窄人多寸步難行,如果是單車一兩日游味皇推薦順德

珠海同深圳沒有,但其他地方仲有物理鎖的舊款單車,因此上面間中會撿到有人故意唔鎖的舊車

共享單車1個鐘會屎忽痛,一般間中有踩的話30KM會在2.5-3個鐘之間,一次過30KM第二日會肌肉痛,分段15KM兩次中間隔餐飯就問題不大,踩15KM落地一輪再15KM只會疲勞但不會肌肉痛,行分段的話一日最多50KM,大概係咁

*早兩日去左潮州,於是更新下,潮州大概係東莞同中山之間啦,無論路況同市面睇得出佢窮,汕頭就介於佛山同東莞之間,路面規劃良好大城市設計,但污損,明顯是以前有錢浪費整到路面好靚,但最近幾年冇錢維修,用殘就用殘,估計係因為香港的巨大老韭菜們近年都冇捐錢,另外共享單車都是電動車

汕頭有兩種按接近一樣樣的黃色車,有美團標誌的先用得

汕頭支付寶

汕頭青桔

潮州美團

潮州青桔,冇支付寶

另外味皇係潮州綠橙班馬線上比車撞,考慮到係地獄鬼國也不是甚麼出奇事,只是弄了兩處破皮,也不知算好彩還是不好彩了

總之大家出行時多加留意就係,但人生還是要有面對各種概率的心理準備