青島港打算換馬

上年尾味皇係1.21出清天津港,3.84-3.85換入青島港,今日天津港升左一成到1.34,而青島港升左2成半到4.75,結果而言換馬達到預期的效果,但青島港最近升得快並不算價值回歸,而係有水魚溢價增資,原先每股淨值3.11,發行價6.46,差價3.35,發行兩成股票,3.11X100+3.35X20=3.78,有可能計錯求其就算,淨值上升PB變成1.25左右,因為盈利不會無端增加,攤薄盈利一成幾兩成

增加的0.67的淨值係現金,以定期3厘息計算,每股盈利增加0.02,青島港每股盈利0.476咁話,自然增長5-15%計,增長0.024-0.071之間,攤薄後盈利大概會下降,但派息率應該會提高

潛力上限方面,佢淨現金人民幣70億,加埋今次水魚送的0.67,以8%回報率計算,將錢全部燒曬係起碼頭同收購上,唔考慮幾時燒完,當即刻燒曬,可以增加分別5.6億同0.054的盈利,對比現定青島港人民幣19億盈利,分別增加29%同11%,合共增長40%至每股盈利0.668

於是現價青島港上限係0.668的PE7.1,而PB1.25,有D類似當年9亳成身現金未駛的廈門港,但係

青島港固定資產+投資125億,冇乜利息支出,盈利19億,但青島港成身現金,剔除利息收入2億,回報率14%

相比之下,天津港固定資產+投資320億,盈利19億,但天津港有欠債,用相同標準需剔除利息支出5億,回報率7%

其他招商局固定資產+投資900億,盈利55億,剔除利息支出6億,回報率7%

廈門港固定資產+投資100億,盈利6億,剔除利息支出1億,回報率5%

大連港*固定資產+投資220億,盈利6億,剔除利息支出8億?回報率6%

秦港*固定資產+投資230億,盈利13億,剔除利息支出7-11億?回報率9-10%

係呢度可以睇到青島港的高回報要不是特別原因就是不可持續的,至少不能復製,如果腰斬青島港舊有的盈利,青島港上限係0.43的PE11,不過也不算貴,派一半最多4厘半

相對於天津港,現價青島港還是佔優,味皇不打算換回天津港扮止賺,但青島港相對其他某隻港口股,可能算是互有攻守,味皇還要研究需唔需要換馬

*條數可能有?

幾隻紙業股

上年冬天開始,紙皮好似貴左3倍,唔止紙皮,DRAM都貴左N多,年頭180買到三叔128G的手指,現家要300幾,DDR同SSD都差唔多情況,今年爛鐵,水泥都收貴唔少,好多基本野都加價兼產能變少,現家裝修除時買唔到材料

紙皮貴左造紙股會賺多好多,因為佢地欠債多所以顯得賺多好多.今次主要講玖龍,理文同晨鳴

              玖龍    理文    晨鳴

PB         1.4       1.9      1.1

息率       1.7       2.5      3.8

派息比率 54       36       57

折舊率     4.1     3.7      4.6

以折舊率睇,理文的裝備聲稱可用27年,玖紙24年,晨鳴22年,如設備一樣,用同一標準黎睇,相較之下玖龍低估12%,理文成本低估24%,因此顯得比較派唔出黎,而PB也體現左折舊率的不同,而晨鳴係最平最抵

                玖龍    理文    晨鳴

固定資產   464     234     300

存貨            36       31       52

由於今次係加價賺錢,因此存貨屯積最多的的會最著數,玖龍存貨佔8%,理文13%,晨鳴17%,晨鳴食到最多著數,因此呢點投機上晨鳴會比較著數

玖龍營業額為存貨的9倍,即40日清一次貨,理文6倍,即60日,假設12月紙價比11月高2成,11月比10月高1成的話,我用單利計好了,復利好煩,大致會係咁,玖龍40日存貨36億,白賺36X3/4X30%+36X1/4X20%=9.9億,理文60日存貨31億,白賺31X1/2X30%+31X1/2X20%=7.8億,當存貨升緊值而又唔憂賣的時候,是非常暴利的,主要是由於入貨同出貨之間存在時間差,如果價格唔波動,紙價再高都冇呢個效果,晨鳴由於有副業就唔計了

玖龍利息支出13億,而理文先3億,負債比率分別是126%同83%,理文9成9借美金,由於玖龍開支大,顯得今次會賺多好多,因此呢點投機上玖龍會比較著數,同時玖龍的利率有機會下降,而借美元的理文利率有機會增加,同時人民幣貶值佢借美元相當唔著數,因此2016年的話理文會麻麻地,晨鳴因為搞副業,金融業,由於冇方法將本業同副業的資產負債表切割,因此佢的資產負債表同現金流表失去大半的參考價值

由於業績報告是滯後半年的,如果物料一直加價,咁至少可以預期下一個半年的業績養眼,而散戶對業績報告的數字一般是即時見效,對呢D周期性股票,即使你之前未能發現其投資價值,也許仲可以留意到其投機價值,但是呢類方式只能在業績連續幾次超出普遍人預期時先有用,當普遍人的預期超過業績的可實現性時,業績王再好都會蝕死你,物價浮動下預計佢地下一個時間段的估值似乎不太現實,預計佢地業績的拐點出現的時間比較可行

現時情況係上年佢地的盈利係十億廿億,而今次加價潮可以確保佢地每個月都多賺幾億,只要估值唔太過,派息應該都不差

紙業股有幾個成本是相對固定的:折舊率,利息,自己種的樹成本

估值方面難以評定,但只是說高定低還是可以分到的,不過撿煙頭同食特殊事件唔同,撿煙頭以低估值黎入場,高估值脫手,而食特殊事件以事件開始前後入埸,臨終局左右脫出,睇數字比較直觀容易,而睇時間就會有比股票玩的感覺

例如連續好左幾年的創科現在的股票係PB3的超現實估值,你在此之前任何時候帶有悔恨地脫出,踩進去不難,難在你能不能按自己的自由意志抽身而去,撿煙頭利益一般在預期之內,唔會影響精神,但食時間值的股票利益上限不明,賺幾多都可能終身抱憾,所以說,閒錢賺到,知足就算

另外盈利由1變3是3倍,3變6只是2倍,明明3變6數量增加更多,但人地估值按比例居多,PE30變20隨時會死唔少人,因缺貨加價而增加盈利,時間段拉長少少就會出現基數問題,要留意

我要真外國

最近"阿邊個邊個"被洗頭艇夾去洗頭了

上面個阿邊個邊個當係填充題就好了,大把野可以填,香港係特別財政區,財產至少在2047前沒有充公之虞,正常做新香港人可以又漢奸又愛國,馬化痰果D都係貪呢樣,但係香港如果連居住都係唔多安全的情況下吸引新香港人的能力恐怕大打折扣

侵侵上台之後,連美國綠卡都唔多穩陣,以上兩樣有加乘效果

做新香港人同買香港資產有乜好處呢?對呢班友仔黎講?

是咁的,係大陸,要繼承財產其中一個必要的條件係有中國籍,同時大陸唔承認2重國籍,因此有子女外國籍就唔可以繼承財產,重男輕女下老婆同個女攞外籍冇乜所謂,有仔或是但留一個家人攞綠卡就得,咁如果冚家外國人又點辦?可以比其中一個做香港人或開香港公司就得,香港暫時未禁到外國人唔比繼承,因此大陸人買香港樓,買香港保險,寫第二個人名寫公司名就可以完成走脂走油水,不合法的可能會用地下錢莊,合法的只要香港問熱心人例如寶寶借大筆錢買,再每日匯過去還都得

又舉例說,華男城公司本身唔可以比外國人繼承,但華男城股票賣出的錢在香港,因此可以隨意打包帶走,比外國人又得,比外星人又得,走資不一定要將錢由A地帶到B地,賣A地資產B地磅水亦可,當大陸老闆來說,有一間香港上市公司可能係人生最大的幸福了

2047年前香港特別財政區錢應該是安全的,但錢到人不到也太冇意思了,侵侵逼人一定要入籍做愛國僑民,人生交叉點的話,近期一定會有更多的脂本流走的,熱錢爆買香港的資產,短期是會的,可能仲幾快添,但同時也代表2047前呢筆熱錢一定會從香港消失,上面有本事禁得到就另一件事,實際上如果一方面明目張膽的比大錢開公數買外國樓,買外國球員,另一方面係外國開公司收回佣入自己袋,好快就會被緊迫釘人了

以上都是假設而已,假設

買美國資產,在現時政治唔明朗之下新美國人的不動產未必得到保障,只能買美股之類的金融資產,但以中國人熱愛糟蹋土地資源的尿性,估計又係會炒加拿大澳洲的樓,不過現時英國最大可能接脂,以劍橋留學子女團聚的名目,日本樓就不用多想了,遺產稅奇高,分散財產可以,但大筆投下去恐怕不太可能,買東南亞的話,聖旨一到可能被當成人質獻上了

甘比老公2047仲未死的話下一站應該會係台灣,要趁特區護照的特別性仲係度的時候出發先得,馬化痰之類的亦可能會想去體驗一下歐美生活,到時香港就剩低前郊野公園的空置豪宅區同冇人幫襯的福臨門了