收爐

3.63全日高位買入3000股電腦網，今年就係咁大了
廈門港最近跌得多，就吹吹佢，話說廈門港因為政府收左佢幾個泊位改建郵輪碼頭，補返幾億補水，d人以為廈門港
做唔到生意所以大跌？實際上廈門港今年先新開左幾個泊位，等於買新樓搬屋，舊屋出售，反正新開泊位唔代表有船泊，將舊客平移過去而已，如果會搞到碼頭開唔到工政府咪等於搵自已老襯，庸官都未有咁傻的嗎，實際上今次係益左廈門港
，1－起好郵輪碼頭後，官員的物業會升值，連帶倉庫租金上升，而且郵輪入港補給要用到廈門港d剷車同倉庫之類，多一個客，2－廈門港的補水名義是“地皮，搬遷同停工補水”，但廈門港並唔係真係會停工，而補水卻是假設停工的損失計算，舉例說警察徵用鳳樓埋伏時阻到人接客，於是比足錢鳳姐叫佢過主，但唔代表鳳姐收左錢就要休業而唔可以係後樓梯接客，同時賺兩份錢，如果廈門港唔用筆錢黎還債而是派特別息的話，可派5仙以內
天寒地凍想到奧普，好耐冇上佢官網，發現多左幾多新產品，廚房子公司估計下年就乎合創業版上市資格，主版的話過多3年應該可以

2014回顧

如何不失霸氣又chok地食二手飯呢？是咁的，你可以搵件藍紫色的老西同一頂漁夫帽，戴個黑超笠個假髮，入去老麥，見到有人食麥樂雞就走去光明正大咁每張檯偷佢一舊...光明正大應該叫搶？人地唔反抗應該叫老笠？老笠佢一舊麥樂雞，如果係港女仲可以調戲下佢，博命點佢d醬，人地仲好hi添，因為你已化身成最mk的二手飯達人點jack，老麥d員工會一時反應唔到你係混吉，於是你就可以係老麥度如入無人之境地食二手飯，就得食完鬆前仲要同人揮手合照，來去如風，這適合今年hihi了的貧友，話說今年個市頗為奶醬的

今年做左52次買入，當中8次是套息，19次賣出，同樣當中8次是套息，為套現賣出的只有2次，分別是裝修同買日本樓b時
全年回報率是53％，今年最高時去到差唔多70％的，可惜最尾1個月太水了，不是說組合全年升了一半，有就發死了，是半年升了1/4，因為味皇賣出樓a後的錢都在年中投入的
今年失誤的持股有：
京信炒業績失敗2.32入，1.98出，炒業績的題材延後左半年黎先發作
克絲上年用集優0.86，用1.23買，之後0.6，0.48同0.445增持，打曬兩邊面
中海化3.94入，現家冇左1/3，因為中海化比人騙財，尿素價又低，主要係我用淨值黎買工業股唔夠平先係問題
愛達利遲放左，少賺左50％，關鍵是我一放就實會換廈門港，當時先得個一左加
鷹美炒業績1.18入，翌日原價賣走，雖然現在是1.38，但當初買鷹美其實並不適合我
主要係蝕呢d，其他股票就算跌左都仲未認為是人為失誤，好在除克絲當時比較重磅外，其他的佔組合的比例都不算高，拖低幅度有限
今年比較成功的交易有：
3.04-3.31增持晨鳴，仲收左10厘息
6.28賣出部分電腦網，7.15換成美蘭，而現在電腦網跌近一半而美蘭只跌近一成
1.03增持廈門港，加上同中遠的一系列套戥，暫時賺到160％
3.66入朗廷3.78出，2.08換富豪2.11出，2.995換春泉，現在朗廷只有3.37，春泉則3.62，仲收左5厘息，多賺4成
賣樓後大手買入煙頭同收息股包括0.32川河，2.1惠記，1.27唐宮，1.91貿易通，0.93龍翔，2.41泓富，3.7越秀，3.13春泉，6.81置富，半年10萬息，已經可以唔撈，同期樓都係升幅咁上下，但現時氣紛會賣唔出
現時春泉佔組合比例最大22％，老二是14％的越秀，第三是12％的置富，阿仙奴是9％的惠記，第五是持有6年幾的奧普6％，預期持股有4隻業績會差，6隻良好，9隻一流
2013年全年收左息45000，今年已增至12萬，下年估計有24萬以上，夠頂一個芝心牛荷，鑑於現在股市低迷，太早就炒荷似乎性價比不高，應該會逗埋年中果份糧先走，到時冇咁多閒錢應該開始買賣兩閒了，最近用試算表整理歷來的交易記錄，0607年果陣仲係幾千蚊幾千蚊咁賣，油水都冇滴，現家淨收息都多過果時兩年本，香蕉本非池中物，一遇風雲便化痰，嘛，邊個都有青蕉的時候，唔好睇少種落的第一梳蕉，種耐左就會爆開好多架啦，落手種蕉，豐衣足食
下年又會去日本旅行，日本樓c或舖a應該不會買住了，因為港股更吸引，本書下年第二季前大慨就出版到，內容會比攻略系列充實得多，特別會講多d衰野，但為左遷就大陸同台灣讀者，文風唯有變返報紙體
2015年持股公司的業績應該會非常亮麗，不過咁嘅市況，就算見到都會當見唔到，兩方面成功率都高的似乎得返reit，下年主題係reit（!@^，&&*，*&))!，!**!，!@&)）同飲食（!!*!，%#*），同隱性的地產股（^!)，!)(*，!$\text{@^，\&\&*，*\&))!，!**!，!@\&)）同飲食（!!*!，\%\#*），同隱性的地產股（^!)，!)(*，!}$*，!***，@*!，!@^），a股方面估計會瘋狂撿錢，我是指公司發新股圈錢，一些同發a股佔上邊的h股，負債隨時叭一聲全清都唔出奇

聖誕快樂

味：把勁當歌，人生幾何，味皇祝大家聖誕快落
味：今次請來兩位嘉賓，同你論盡天下形勢，呢度歡迎羊委員同承紳士，啪啪啪
承：大家好，祝大家聖誕快樂，仲有我想講，福你個佳，亞視黎嘅！
味：將就下啦，免費係咁上下架啦
羊：大家好，祝大家聖誕快樂，仲有我想講，福你個佳，利賓納黎嘅！
味：將就下啦，免費係咁上下架啦
承：你唔係話把妹當歌咩，做乜變左把勁當歌架，我的妹呢？
味：冇銀用啦，冇糧出係咁上下架啦，你咪當我妹咁傾下心事囉
羊：你唔係話把酒當歌咩，做乜變左把勁當歌架，我的酒呢？
味：冇銀用啦，冇糧出係咁上下架啦，你咪當我酒咁發下酒癲囉
承：車      羊：挑
味：收嗲之後介紹你去青樓又點話，不過事先聲明,AA制
羊：這可不行，一會我約了容嬤嬤去食春卷鮮竹卷蛋卷
承：聽講有間青茶樓仲有灌腸，我說腸粉灌腸仔同腸粉灌香蕉，一定啱襟兄口味
羊：如此甚好，契細佬果真蛔蟲也
味：兩位似乎感情甚好？
羊：四海之內襟兄弟也    成：打死不離襟兄弟
承：小味可想加入一同交流交流？
味：實在汗顏，小弟實為魔法師，正準備升級為大法師，現在實在不適宜
承：哦，還是魔法師嗎？我可是劍士．．．
羊：不不不，我才是劍士，看你運氣E，頂多是槍兵
承：對對對，細佬是槍兵
味：這樣Saber，Lancer，Caster都齊了
承：你確定你不是打手槍的Archer？
味：也沒有人說你是Berserker，這些問題就不要深究了，不如說說大家都關心的問題？例如佔中甚麼的
承：這個我可以說唱出黎，講起黎我由唱冏迅開始就立志做歌星了，不過最後還是動作片適合我
味：加了愛情成分的動作片吧（笑）
承：咳，聽好了
霧月夜老笠學童，冇銀莫說那上樓夢，喚魂稅，頻頻喚句寧願訓街也扮窮，嗌勿去返工不去勞動，搞到689無面現面容，好心無謂論佔中，三餐吃好應放鬆
味：不是rap咩，做乜係紫釵記？
承：俺是中國人
羊：佢主要收入係代言費丫，洗頭水，防毒軟件，禁毒大使之類的，都是收人仔
味：以毒攻毒的意思？
承：你這樣說就不對了，想哥我浩然正氣，風流倜儻，人稱情場龍傲天，怎會是毒呢？你才是毒撚，你全家是毒撚
味：係係，龍傲嬌哥，我是毒撚
承：我可不止賺人仔的，好似我咁博愛，點會揀飲擇食，韓國人日本人美國人我都啱
味：具體？
承：玻璃面具睇過未？要肥肥咁生存落去要適應好多個角色，用藝名為例，去到日本我就是一尾活龍，去到韓國我就是金忠就，去到泰國我就是釋仕龍，英文叫sex long，好似我的痕跡遍布5大洲超過52個國家126個地區，腰骨硬冇用架，好似棒一樣，硬的棒你會經常不自覺地在不適合的時候使用，好易整斷，想用得長久就要能屈能伸，時而像柳枝，時而像牙簽，時而像鐵柱
承：現在的年青人真不像話，想當年我在荷里活大酒店，有三個肥婆學踢波，踢呀踢，踢呀踢，卒之就踢左我落河
承：比肥婆撞左我落水，之後一大班人居然係度圍觀，冇人落水救我，個肥仲話我非禮佢
味：咁都係以前d人啫
承：早半年我又去到荷里活大酒店，有三個球王在踢波，踢呀踢，踢呀踢，卒之又踢左我落河
承：比個高球王省人牆咁省我落水，唔射龍門射龜呀？一個人咁遠都省中，仲要扮無辜坐係地下ya下ya下，之後一大班人居然係度圍觀，冇人落水救我（羊掩嘴笑）
味：有分別咩？
承：梗有分別！以前d人，有d會一邊尖叫一邊報警，有d人會互相推旁邊d人叫落水救人，世界變了！現家d人，見我跌落水，剩係會拍片放上網，香港冇得救了
羊：我很同意呢個說法，上網是很不好的，比起留意別人食乜卷還不如行動去搵真銀
味：可是人們都說搵食艱難，老實商人們都非常刻薄
羊：胡說，你有看過那一個搞老實股的會刻薄員工？佢地不用點做人工反而是最高的，你說是不是
味：好像也對，反正是街外錢．．．不對，聽說偽人的賣身契年期長但人工很低的（承點頭）
羊：這就不對了，我們給的人工是很有競爭力的，就算有問題也就是經紀人的問題
味：羊委生意這麼大，有沒有甚麼心得的？
羊：一個字，人
味：人？
羊：多點和大人物交流交流，有人脈就好辨事
味：具體是怎樣做的？
承：（銀子，妹子，場子）
羊：多點讓錢幣流通流通，多點讓偽人見識見識，增加多些兄弟罷了，沒甚麼大不了的
承：（契兄弟，襟兄弟，二爺）
羊：我說契細佬呀，你好像念甚麼的
承：冇冇咁嘅樹，幻覺黎啫（大驚）
味：見羊委說得輕描淡寫的，本當大丈夫？
羊：大丈夫，萌大奶，分別可以用財技，可以關小黑屋讓容嬤嬤調教一下，同埋叫上門打啤就係，有令咒係手唔怕佢地反抗，全部唔駛經自己手的，我咁多產業冇一樣是多餘的
承：襟兄深思熟慮，小弟欽敬之情有如滔滔江水．．．（下del百字）
味：請不要搶白好麼？聽說羊委的淡角的店舖就快被示威人士佔領了，委有何感想？
羊：此話當真？
味：聽說而已，不過示威的確佔領了淡角
羊：呢班屁．．．我借一步講個電話先
味：請自便
（叫組識派人進去，一於就派NO.5玉樹林風成魁安同NO.47識時務者矮俊杰去，帶班mk仔混入去去做豬隊友，就這樣，嘟）
羊：剛才說到那裡了？
味：剛才說到委的淡角的店舖己經被示威人士佔領了，委有何感想？
羊：蘭尼！？
（嘟嘟嘟）
羊：我接一接個電話先
味：請自便便
（識時務者矮俊杰甩底？話怕高登仔起底？冇用的廢物！叫NO.22此地無銀六兩金代替佢去啦！嘟）
味：看來會不攻自破了
承：反動派都是紙老虎（笑）
味：笑甚麼，你也是反革命（笑）
羊：咳咳！你們甚麼都聽不到，是不是
味：哎呀，我耳塞，好大粒耳屎    承：哎呀，我鼻塞，好大粒鼻屎
羊：阻人發達，好易殺人父母，你們靠那邊站
承：我的東西是襟兄的東西，襟兄的東西是襟兄的東西      味：我只是和理非非
羊：這樣最好，都係你個寶貝仔醒目，識背靠祖國，搵真銀
承：最近佢好似說群埋一班道友研究茅山術，繼估唔會去捉疆屍掛，哈
（嘟嘟嘟）
承：襟兄電話
羊：是你的電話
承：噢，真的是我電話，喂
（爸爸救我，我食面粉比公安捉了．．．你聽到了，想保釋你個仔就立即把50萬存入指定戶口，如此如此，不準張揚，嘟）
承：哇，襟兄借我50萬！
（存了50萬）
承：（我存了50萬了）
（嘟．．．嘟．．．嘟．．．你所撥打的電話號碼已停止服務）
味：是不是．．．騙子？
羊：你想要面子還是要條子？
承：．．．
（嘟嘟嘟）
（爸爸救我，我食面粉比公安捉了，立即要50萬保釋．．．嘟）
（嘟嘟嘟）
（嘟）
（嘟嘟嘟）
（嘟）
承：哼，對聖斗士用同一招是無效的
（嘟嘟嘟）
承：哦，老婆電話
（喂．．．吓！）
承：借我一件道具聖誕老人衫，我要去一敞帝都
味：不是不能借，不過公司資金問題，一套收你998好了，只需998，你就可以把聖誕老人帶回家了，噢，做乜打我
承：想哥我浩然正氣，風流倜儻，人稱情場龍傲天，怎會是毒．．．
羊：我不適合出面，既然係潛入任務我可以借兩個Assassin同你去，求情信我會命令手下寫的
味：無論如何獨家採訪權請比我地“聽日睇真d”，何b仔同你直擊報導
承：我說你是不是想開年？新年快樂快樂？

澳門2號

今日打算將1199換返3378，不過起身都已經收左市，聽日先換，由於自貿區批左出黎，因此3378的評價多少也會提高一些
不過自貿區並不會明顯提高廈門港的盈利，掛個招牌出黎不代表會平白增加貨運量，最多只是炒高當地的地價，倉庫的收費會因此提高而己，而且自貿區亦未必是以廈門為主體，也可能是泉州，不過多一個附帶慨念總比沒有好
日本安倍的任期如佢策劃一樣延長了，這樣佢任期就可以比工期長，因些很快就會上馬大阪的賭場，由於油價大跌，進口的油品支出少左，赤字減少，佢死好命又可以乘機攞彩，說安倍經濟學成功爭取油價下跌咁上下...搞到好似民建聯咁，經濟較好時傳媒不會挖醜聞，安倍不用宣揚外敵黎分散屁民注意力，呢一兩年應該唔會聽到有人釣魚
由於油價下跌，俄羅斯損失大量稅收，油公司的資產（油儲量）價值下調，降低其抵押價值，有可能形成違約，特別是油公司如果借了美元美鎊之類的，可能會負資產，普京可能會施壓阻止銀行向油公司追債，油公司老闆可能會在公司國有化之前捲款出逃外國，礦公司沒有資產價格下跌的問題，壓力比油公司少，但一樣有借外幣的問題，可能會賣盤，經濟唔好需要利用外敵，又唔想再刺激西人，於是改為刺激東方人，中國人是礦公司的潛在買家，因此可能不搞烏克蘭而搞去庫頁島
中央說搞澳門2號，於是開始猜測邊度會開賭，大陸要開賭無非是兩個目的，不是發展經濟就是外匯管制，發展經濟隨便找個有交通的地方就可以，但賭客同犯罪者的流窜必需在國安局的掌控之中，因此在武力壓制的考慮下，四面環海就最易封鎖了，味皇想到三處合適的地點，海南島，西沙群島，祟明島
不過搞澳門2號是不是大家會錯意呢，也許大家少留意，澳門已經租了翠亨村，中央的意思可能是叫澳門發展殖民地而已

ps：翌日10.7和2.15轉換了，賺少了5000

回馬槍

反正我沒有新錢買，又沒有打算賣，本來升跌都唔關我事，不過市場可以利用的還是利用好了
於是以2.25沽清廈門港，10.45買回之前的中遠洋，又套左14％返黎，白送的錢2.55買了4000股新百貨
a股大升一排，轉頭又要斬倉，今次應該無雙萬人斬了，如果a股一直維持高位，美蘭9成9會申請a股ipo，中材中鋁果d壽屍都會乘機吸水還陽，跌返就冇得玩鳥
我們其實可以多留意回歸a股概念的大陸股，成功以水魚價吸水的話，每股淨值就會大升，如果阿爺想收水，就可能放行ipo，當然這不包括一吸水就吸過龍的巨無霸，機會較大的都是粵海越秀美蘭這類幾十億至一兩百億的部分
航運股由於油價跌，掉期合約過期後盈利就會上升，股價一升就會抽水，抽完水利息支出少左，船公司就可以返生，如果未來可以同時達成低油價同高抽水價，商品流動就會變快，經濟應該可以恢復

返叮廈門港

安答傳出ceo走佬的新聞，買了的人可以一命鳩嗚了，果然福字行頭慘過敗家，想必又是因為有親朋愛去申city賭錢的原因居多，反正我上次寫業績分析時就懷疑全部果幾隻手上的現金都是假的，包括現時味皇持有的乜克，也許去丁家祠堂掘地三尺就能發掘出丁村家康的埋藏金，味皇之前肯買乜克主要是看其盈利能力，年年有錢贊助老美，起碼假唔曬先，如果贊助的是中超我就唔敢買了
連日港股大成交，a股升h股跌，權重指數股很多都收窄曬差價，而大部分交易都是用跨過滬港通的程序進行的，其實不難，舉例說身痕萬國大陸同香港都有分公司，身痕不用以香港公司名義買a股的，叫大陸公司買就可以了，香港公司只沽h股仲沽埋期貨，大陸公司入a股兼買埋期貨，香港公司以各種名義把錢運上大陸，大陸公司開張借據比返香港，現在取消左人民幣兌換限制，一切都變得可能，滬港通是比散戶用的，公司可不需要經這些手續
國民黨失勢，兩岸政治關係可能惡化，於是廈門港大跌，和1199的兌換比率變為94％，因此把12000股中遠洋以10.7沽清，2.01換回60000股廈門港，而之前是2.37和10.56時兌換比率112％時轉換的，一來一回賺了18％，實際上現來還是將來，三通對廈門港來說只是用來憧憬的，佔比很低，真係通左比人睇清光反而不好味，剩下錢的1.08增持10000股佳寧娜，過期月餅最適合用來發霉的