2024年結

香港己不亂,股市非常好,香港金融業正處於風生水起的時代,由治及興,恆指全年升3012點到20059點,升17.7%,味皇組合由上年599萬升到646萬,加上提取了21萬,總數是667萬,回報11%跑輸恆指,全年派息45萬幾,又達唔到47萬派息的目標,下年CTM的派息唔明朗,想達到目標可能有點艱難,姑且設定下年目標48萬好了

味皇一生的工資總收入約200萬,扣除家用生活費買樓後投入股市的應該得一半,現家咁年年樣抽走十幾廿萬應該已經收回所有成本或所有青春,現家剩低的股票應該都係來自按揭借的本同埋盈利

又一年過去,味皇已經是40幾歲大魔導士,連登網上有港女話月入最少3萬先受溝,想一想味皇到最後人工最高也就24000,年青的味皇或其他一樣年輕的人唔會入法眼,說明社會好多人最終都係單身的,咁味皇如果仲繼續做落去人工應該有3萬嗎?應該沒有,可能只有27000,毒撚味皇睇得出有玻璃天花板,僧多粥少下唔會優先比味皇突破,到時味皇會比人話又老又窮

本金回報味皇應該算偏低,成日跑輸恆指講出黎比人笑,不過冇投入還要年件抽資下,派息上增長應該還算OK

24年45萬, 23年41萬, 22年40萬, 21年39萬, 20年

        24    23    22    21    20    19    18    17    16    15    14    13     12    11

收息 45    41    40    39    27    29    30    33    24    26    12     3      4      2

雖然現在組合的構成也不算非常好,但總算上了軌道,回想到疫情時的危機,一旦味皇當時操作失誤,現家就收皮了,立即噴汗噴汁,揸住兩三百萬股票就原地退休,味皇雖然成功左,但換做其他人似乎都係危危地,安全邊際唔多夠

599萬收45萬息係7厘半,如果按資產淨值黎計,上年味皇組合的資產淨值係1214萬(因為今今先開始統計,所以用左今日的資本淨值數字),PB0.49,而今年組合的資產淨值係1444萬,市值646萬PB0.44其實估值仲衰過上年,算係煙頭化power up,淨值1444萬派45萬計只係得3.1厘,實體做生意平均黎睇可能都係咁上下

味皇手上有些資產淨值特別高的,例如:

207大悅城,市值12萬,淨值139萬

242信德,市值7萬5,淨值118萬

160漢國,市值9萬,淨值123萬

黎到現家呢個情況,有幾多係實,幾多係虛呢,成個香港可能都係咁嘅衰樣,幾時可以返生呢?至少淨值睇黎唔會點減值,唔係第一戴維斯會比銀行斬死,實則虛也,虛則虛也

組合入面下年應該向好的有148,1713,752,2633,2348,1606,1576,460,829,1928,麻麻地的有1883,1045,而1181完全就是損失,解封後市道居然差成咁,不過組合足夠分散的話就一定有好有壞的

今年損失主要來自CTM,衛星呢D,而盈利主要來自年頭國銀炒私有化同埋早埋保濟丸業績後的爆升,今日國銀又炒收購概念是想不到的,由於佢爆升左2毫1.2變成1.4,所以味皇要收回尋日雞肋的評價,現價味皇是不打算增持的,因為今年1月時味皇就在1.4開始沽出國銀,雖然最後沽清時係1.94

今年比較成功的換馬主要係:

1月尾2月初,1.4-1.94沽出國銀,2沽出齊魯,0.6換保濟丸,1.1換東瑞,1.6換筆克,1.68換能投

而現在國銀1.4,齊魯2.3,保濟丸1.03,東瑞1.22,筆克1.84,能投2.12,且後來換的還派了高息

8月尾1賣出恩達,14換成舊僱主,而現在恩達1.02,舊僱主20.9,不過金額不大

10月後2.09-2.15賣出能投,1.21-1.24換成國銀,連同12月中2.3賣CTM,1.2換國銀

今年比較失敗的換馬主要係:

4月0.32賣出茂名港,0.3賣出遠航,2.55換入CTM,0.39換成唐宮,0.31換成京投同神冠

現在茂名港0.38,遠航0.285,CTM2.3,唐宮0.21,京投0.27,神冠0.285

5月開始5.09-5.44煉化>3.8中通,然後4.05中通>5.1煉化,5.28-5.39煉化>2.03能投+1.34國銀,1.37國銀>2.05CTM,2.09-2.14能投>1.21-1.24國銀,2.3CTM>1.18國銀,最終煉化年尾已全部變成國銀,每次都賺錢,加埋息總回報可能有40%,但是...煉化現在6.73,而且之前還可以6蚊換成青島港,換咁多次死腦細胞也不見得比跑贏市場幾多

下年組合比較有信心的係筆克,齊魯,筆克下年計足全年業績加埋派息,或有機會學保濟丸咁鳩爆一下,雖然味皇上年都一直講緊,而今年筆克計半年只小爆左一下,齊魯擴建己經完工,收入開始大升,不過佢被擴建留下一身債,派息比率未必高,不過總體都是入上升

能投係穩定向好,東瑞同建滔係大概率向好,四環同神冠係轉營後可能向好,保濟丸同國銀應該都係穩定向好但因為升左,仲有幾多水位就好難講,京投估計佢點好市場都唔會睇得見,CTM要睇佢3月點還債,1045希望新衛星帶來收入止跌啦,係呢兩隻唔多明朗,至於D地產股冇眼睇

社會事性,雖然想說,想想下還是收聲好了,只要把心關起來,外面再嘈都只是雜音,過好每一日先係實際

由於最近好多飛機跌落黎,一段時間內航空公司會蝕錢,飛機租賃也難做一些,例如國銀就有成80隻737比例都算幾高咁,因此下年如果能買郵輪股應該會比較好,鐵路股丫麻...冇乜人坐跨國鐵路,跨國鐵路也不普遍,至於不跨國的鐵路,票價一向都冇乜吸引力,如果有航空公司因此大跌,找一些島國的航空公司,因為不存在陸路,最後還是會升返上去

港幣同人民幣安不安全不太好說,投資上味皇會繼續嘗試把資產放在賺美金的國際公司上,次之就盡量搵賺港幣葡幣的公司,有好選擇的話,做美元定期也是可接受的選擇,但不要做明顯的走資,至少現在不適合,外幣的話坡紙比較好,但絕不能借坡紙,要不是股息稅低冇增值稅邊個買港股

今月的交易

大陸度搞緊裝修味皇好唔得閒,聽日訓醒又要上去,而且老人可能人生最後的裝修之類的好多一意孤行違反味皇意願曼聯式的無謂出費,暴發戶上身咁(最後咪又係味皇埋單),講得幾次唔聽都冇咁好氣了,以為今年賺錢好輕易咁,雖然非常不爽,但金錢數字對味皇來說只是game幣,玩緊現實的模擬遊戲咁,只是味皇窮撚心態窮撚生活習性並冇因此改變,現在總之今年味皇今年的開支很大,連同下年的開支也大,收到的派息也不知道還有幾多錢可以投入組合了

今個月中2.3-2.31賣出40000股盈警後的CTM,1.18-1.19換成76000股國銀,另外2.24買左1000股齊魯,因為齊魯一向冇成交所以諗住先買後賣,結果之後咁多日排隊只買到1000股

今個月尾2.15賣左20000股能投,1.8再入多24000股筆克,明天好似得半日市?味皇應該訓醒都收左市,因此呢單後結束今年呢個回合,今年的成績等聽日年結左先寫

今年唔駛蝕

CTM盈警,本來冇乜出奇,但用佢報個數計算之下,上半年賺4.55億,而下半年得4.45億,味皇認為佢下半年應該有些少好轉的,結果沒有,佢減派息的概率又提高些,今日澳門台新聞,mtel向政府申請,光纖上網主動減價,唔知會唔會又逼害到CTM,"人地減價,你點解減唔到,想唔想續牌架"之類

因應呢類野,味皇減持緊CTM,現時算雞肋啦,棄之非常可惜,因為就算減派息佢現價都很口高息,而下年3月係佢最危難的時點,應該趁低買入至啱,可是以前買落的雞肋暫時就食唔到肉,既然是雞肋味皇也只能找些一樣咁雞肋的代替,咁至少冇損失,暫定換做國銀租賃,下年應該會繼續增持1606

雞肋換雞肋,九大鬼換返九大鬼,好價的話能投換筆克應該仲會繼續,最近保濟丸升得多,味皇有考慮有冇其他代替品,前日搵左下,冇乜特別好的同業好換,佢下年應該派到7仙,姑且留住先,有D基金好似有規定唔可以買入1蚊以下的股票,而佢升穿左1蚊的現家,變成可能氹到人入黎炒,以佢咁高的質量或者能炒到較接近其他垃圾的水平,所以雙重意義上味皇現家未會賣住

格力明珠廣場

記唔記得早幾年格力董明珠話起樓送比員工既,個樓盤叫格力明珠廣場,當時信誓蛋蛋,現家已經不存在了,成個樓盤已經賣左比央企

事緣味皇算係買左中山樓,而買的樓正是格力明珠廣場噠! ~的附近,而味皇之前提過的3.5個屋苑,格力明珠廣場正是其中一個,所以最近調查下附近的情報,先發現左一些PY交易

先看看地圖:

中間是藍色的線是河道,中山同珠海的界河,但偏偏格力個樓盤塊地皮不理會界河,行政區上分左在珠海,形狀上非常異常,有一條路過左界河仲可以叫同一個名,變成珠海的街道門牌,味皇不禁想像到有淫塞左唔少的金戈戈比兩個口,當中想必有不可告人的PY交易

呢度未發展之前本只就是河面或者西洋菜田,判定去邊邊都有得商量,所以突出一塊比珠海的說法是合理的,而加上金戈戈更可以再增加說法的合理性

結果珠海原來有塊咁既"飛地"味皇都唔知,既然係"真"飛地,咁就唔合用之前味皇的飛地概念了,自以為的3.5個屋苑實際上變成3個屋苑,那個0.5屋苑變成1因為直接同"珠海"相鄰

珠海市區同中山相連的部分在這,邊界只有4個點相連,近邊界的樓有很多,但電梯樓只有非常有限的幾楝,即使比更多的金戈戈,提供更緊的PY,也不易增加,而離珠海幹道近的更加少,所以邊界X可以渡河就更有希少價值,例如關口起再多的樓,但水貨點永遠也不會分散去遠一條街的地方一樣,物理距離很重要,同樣係關口上水有好多樓有好多選擇將來還更多,但講希少價值就永遠比不上沙頭角咁,簡直就是女星中的飛機場,可能冇咁值錢,但想搵代替品是搵唔到

呢度的希少價值是指近珠海的多巴士站主幹道,能利用腳或珠海巴士,這是用澳門人同家或珠海本地人視點睇的,如果用其他視點例如近中山市區的話就無價值,疫情前拱北有珠海巴士直入坦洲中心,現家已經CUT左,坦洲入面巴士本身少人又多,中山政府可能冇錢CUT線實際CUT左,行政好多是不確定的,但地理基本不會變

味皇不認為中山樓有任何吸引投資價值,味皇可以直接給出負分的評價,但在負數的起點加上各種賣點以達到正數甚至高分數,咁先有投資價值,失禮講句,包括味皇在內,中國人出到外國比陌生人的第一印象是負數,即使是中國人面對中國人第一印象基本上也是負數,只有通過交流之後通過自身行動黎扭轉印象,正面分數要自己爭取,光頭之中能發光的先能夠証明光得零舍不同,相反日本人的第一印象基本上都是正數起點,但一樣唔少垃圾人一樣,最終要有內涵先得

格力明珠廣場同邊界中山樓地址完全一樣,而掛名珠海就可以賣貴1萬蚊一平方,味皇買的邊界樓11000左右,佢如果賣可能要21000,而地址同味皇的完全一樣,例如格力明珠廣場現家..應該說是今年5月賣左比華發,佢相鄰的兩個屋苑,一間的管理公司叫珠海華發,一間叫管理公司中山華發,咁同一個地址但窮D的管理公司值唔值得40%差價呢?咁同一個地址同一個管理公司又值唔值得50%差價呢?順便一提,中山華發管理果棟位置較差但比較貴因為樓齡新3年

中山的樓幾咁牙敗,呢度就隨意睇下第一頁坦洲頭6個評分最高的盤

5000個,4500個,15000個!?700個,8000個,2000個,咁要用幾多人先住得滿呢?唔計果700個,其他D離遠睇非常有氣勢,一棟大屏風樓同樣的排5棟好似冇乜野,同樣的連續排50棟就非常有氣勢了,好似玩模擬城市一樣,姆斯卡:"看吧!人類就好像垃圾般噠",佢單個單位入面點賣廣告都好,係條街離遠望只會想像到蜂巢,不過呢,呢類樓主要問題是,佢多數住唔滿,鄂爾多斯咁,假設入住率得5成,咁佢收管理費能否收到7成呢,好似味皇屋企果度住滿人,但管理處也收不到8成管理費,想像一下收唔足管理費屋苑會點呢?泳池冇水>成日扮整電梯>唔掃樓梯>CUT接駁巴士>壞燈唔換>甩皮冇人整>管理員外出散步>除停車場門口都冇人,咁如果冇出現呢D情況的屋苑有乜特點呢?基本上都是在售屋苑,把管理成本當成廣告經費,賣新樓把售樓金挪到管理公司用,把新資金用黎貼舊支出,好似PON氏一樣,結局是當賣出最後一層樓後,管理就市場化,或者中途賣樓不成,有管理就變成冇管理,味皇未聽過發展商仲賣緊的樓管理差,但賣完的樓同爛尾的樓管理差就實際體驗過

另外在售参樓評分都很高粒5星,相反味皇選的邊境二手樓只有3粒星,原因不用說

坦洲人口40萬,1.有幾多人冇屋住,2.有幾多人冇回遷房,3.有幾多人有錢,4.除了外來人邊個會住,5.坦洲能吸引幾多外來人,6.外來人有幾多人有錢

香港人又唔係住幹嗎山長水遠買坦州屏風樓

回到主題格力明珠廣場,個屋苑賣左比珠海做廉租屋,話係社會保障項目,現家叫華發宜安花園,收購左之後會學美孚咁再加起牙籤樓用盡地積比或潛在增加的地積比

雜談

月初再2.14賣多18000股能投,1.81換入20000股筆克,本來諗住繼續再買多D的,不過之後都未見機會,繼續等運到

收埋中信泰富的息,今年收的息總數已確定,45萬多D,離上年定的47萬目標還差一點

最近華農兄弟出竹鼠片,美國總統係當奴侵,感覺好似回到2017年,雖然恆指差左10000點

疫情之前味皇同朋友去肇興,係去高鐵站的巴士上見到有檔口可以食竹鼠138蚊隻,當時冇食之後也冇機會試可能永遠也冇得試,結果現家又放寬返,大概上面又開始想恢復返個體戶經濟,企業不行了,放返D自由度比人自己搞,華農有本事捱過左死唔去,當時幾多脫貧項目重點扶持特種養殖,尋日仲政府支援貸款,聽日就變直接打死收數,養竹鼠養蛇養乜養物一哭二吊三刪片,袁國勇不是說倉鼠有病毒的嗎?現在又冇毒了,動物邊毒得過食齊元素表的中國人

過得污糟邋遢唔係日日沖涼防禦力高的味皇,好似到現家都冇中過招的症狀,而屋企堆積如山的快測都過曬期,連快測果間公司也不復存在,當時話搞的核酸產業園現家都唔知點樣了

ps5出左pro,係呢一刻,基本上可以講家機行業已完,呢度味皇引用一下某芒亨Vtuber的原話:"12萬円哦,的確同高階電腦比相當著數,電腦的話要40萬...但12萬円哦,連埋PSN要13萬哦,唔係講玩的價錢哦,比房租還貴哦,game業界收皮都似,已經唔係細路可以入手的商品了,你試下同聖誕老人講"我考試全部100分了,我每日幫手做家務,做乖孩子,聖誕老人我想要PS5pro",聖誕老人大概會開始表演顏藝,唔解決呢個問題以後都唔駛出game了(  不過呢度應該冇人聽得明,姑且貼埋link,34分到37分果段,https://www.youtube.com/watch?v=0doZID39fto   )

係華強北現家可以見到之前禁運的4090,係唔係走私就唔清楚,淘寶度4090要賣13000,幾年前的2060二手都要900幾,1060呢D古代野都要成600,的確成個行業對打機非常之唔友好,而game廠基於政治壓力又要養政治廢人拉高成本,侵上台後,特別係伊隆火星克上台後,game廠的風氣應該會有所改善,但硬體依然係貴

係呢度順便講下味皇用緊的設備,味皇部電腦係自己砌的HTPC,全部淘寶貨

18年買的機箱,個箱係幾好,但電源唔係通用型有問題時配唔返,

https://www.taobao.com/list/item/588975344351.htm

底板係映泰b350GTN,18年的貨,原先用R3 2200G的,前年換左R7 4700GE ES版,更新左bios先支持到ddr3200同新U,魯大師分數CPU分數16萬7,顯卡分數58000,CPU的性能仲非常現役,3D性能只能說比intel好,打機帕魯要順只能開1600X1024以下,整機功耗2200G年代時係90W,換左4700GE後降到60W以下,而且味皇是降壓超頻,一般用唔駛40W,顯卡性能同2013年的GTX660比較接近,但齋一張GTX660的耗電係150W,GTX660工藝係28納米,而4700GE係7納米,所以話用舊顯卡挖礦非常不化算,工藝改進1納米,耗電上就能把舊晶片的全淘汰了(商業上),由於比特幣高企,比特幣=歷年電費,新顯卡能慳幾多電費同產量多幾多,就會係比特幣的價錢上間接反映在顯卡售價上,3080淘寶售價2800蚊功耗350W,4090賣13000蚊功耗450W,即是說3080超頻到450W賣3600蚊時,4090相比可能挖多9400蚊的礦的意思,硬件本身用黎打機時係唔值錢,因為有人用黎挖礦的關係,4090產生左9400蚊以上的溢價

(CPU的ES版,即係代表係送去太平洋送去中關村做評測的樣品,測試版,比商品版平兩三成,有賭人品的成份,但味皇買過兩粒都冇問題)

味皇部機現家買要1700蚊人仔左右啦,700蚊4750GE,400蚊B450ITX,200蚊兩條8G,150蚊SSD,200蚊細機箱電源

個MON係philips230S,基本絕種的16:10的MON當時搵花了不少功夫,現家淘寶賣650蚊,日本居然賣緊24000円,飛利普只要係IT老屎忽一般都知道就是福建AOC,而AOC比飛利普再平少少,有果個版本的話,例如賣特別貴的碧泉檸檬茶,你只要拿上手仔細睇,就會發現代工生產商係深暉,1蚊1盒菊花茶的深暉,所以貴價野同平價野好多時係冇分別,就好似股票咁

淘寶:  "philips230S"

味皇用左好多年都覺得OK,不過16:10同埋唔係4K2K的MON應該已經係非主流,味皇覺得作業用的MON,大概離50厘米睇咁樣,超過24吋的反而唔方便一眼睇曬,除非擺遠佢,味皇實際試過24吋時要轉動條頸,22.5吋就轉眼核就得,所以作業用的反而不要買太大

上星期雙11,味皇為左改善生活品質同就返部PS5,於是買左部28吋4K MON黎代替部1080P舊電視,牌子係叫genlove的濕鳩不知名牌子,雙11時賣814現家889,味皇大概離開2米遠黎睇,32吋會太大而24吋又有D嫌細,27吋到30吋較好,現家28吋應該是4K能買到的最大尺寸所以買佢,實際用起黎都幾好,起碼真係做到4K唔係吹水,係條HDMI線要求高D,意外效果比1080P好,好的程度超出味皇想像,有點低估了4K同1080P係28吋上的差異,缺點的話暫時冇發現乜明顯缺點,功耗的話100%亮度係40W,味皇現家用緊35%亮度27W

淘寶:  "genlove28英寸4K"

用左之後先發現缺點,佢冇喇叭,實際上MON冇喇叭先係正常,但味皇要用黎代替電視機用左發現冇聲先知失策,唯有用10蚊買多個筆記本內置改裝喇叭,另外味皇變成要另外用機頂盒,機頂盒係DWX860,淘寶賣90蚊

被淘汰的文物係philips24pff,用左超過10年的老傢伙,耗電才16W,味皇的評價不可能再高了,特別係易用性上之後都未曾遇過比佢好的,因此味皇對philips或者是AOC的評價很高

用老頭環黎講,1080基本睇唔清每條流蘇的分隔(當然24吋同28吋都有影響),腿甲的鏡面質感4K明顯比1080高級D,全黑時4角漏光有D嚴重但實際用起黎唔多覺,亦唔見有殘影,主要係咁,800幾蚊,另外sharp手機的鏡頭的確不錯

本篇姑且不是推銷

買大6樓

呢幾日2.32-2.35沽左24000股齊魯,2.24-2.25換成24000股CTM,另外2.14沽出10000股能投,1.21換成18000股國銀,見筆克開始跌返,之後再沽的能投可能會改買筆克

是咁的,味皇呢陣係大陸連續經歷了賣樓同買樓,主要係處理祖屋的問題,上個月頭大陸股市發瘟左一陣,帶動已死的樓市有一D忽然成交,於是味皇提案處理掉祖屋換成更好的樓,大概掛左10日左右,低於市價1成左右處理掉,之後睇樓睇左2日,低於市價5%左右換成另一間,果然果段時間賣就賣得出,邊間味皇不好說,廢事特定味皇身份

祖屋是咁的,係珠海都算市中心,的回遷樓,發展商起的個程中,去左味皇的舊僱主度開展銷會(叫豪宅),順便係味皇的舊僱主度賭錢,賭錢時距離味皇可能200米左右啦,唔係同一個場到,唔係味皇親自手刃佢,之後就聽說發展商賭輸左1億,之後味皇的祖屋爛尾,姑且對政府官員來說,處理回遷樓優先於商品樓,於是味皇的祖屋勉強入伙,商品樓/寫字樓同鋪位完全爛尾,後來商品樓劏細之後一邊賣一邊起,又勉強交左樓(不過好多屋契有問題,因為劏過,入則同成品間隔不乎),寫字樓同鋪位現家仲係爛尾,味皇已經退休10年,時間可想而之,祖屋同豪宅都是發展商破產的情況下勉強交樓的,質量可想而知

祖屋位置現時的市價是18000每平方左右,離珠海巴士通行的主幹道700米,味皇換的樓離珠海巴士通行的主幹道1400米,兩間屋之間的距離2100米

新屋現時的市價是12000每平方左右,位於中山,如上所述,實際上坐珠海巴士,屋苑三面向中山,一面向珠海,位置要形容的話相當於澳門關閘彩虹苑位置,香港沙頭角福德學社小學的位置咁樣,姑且味皇叫佢飛地概念好了,去本市中心反而唔方便,但過界一步就係,中山所以屋苑之中,味皇認為有飛地概念的屋苑得3.5個,味皇選了其中一個買,新居係二手樓,起的當時是豪宅定位,係中山第一批有D示範性質的高級樓,仲有泳池添,最初最完祖的樓用料通常比新樓好D,就好似愉景灣會比康城用料好,新屋其實比爛尾祖屋仲舊好幾年,但除左樓外面塵多之外冇穿冇爛,而爛尾祖屋的走廊甩皮甩骨爆石屎

味皇咁判斷,珠海爛尾祖屋換中山舊豪宅,同樣面積中間套返50%錢,個市繼續差就好似現家咁,個市有少少好轉,爛尾祖屋升3000到21000,新屋同樣也會升3000變15000,比例上新屋也更佳,反正冇學區同戶口的問題,居住環境升級,層樓質量升級,物價下降,行去同一個巴士站只係多700米,可以接受

搵樓最初是在高德地圖上睇珠海邊界的二手電梯樓,紙上談樓

典解要2手樓呢?因為新樓將來可能會爆出各種質量問題,而2手樓經過多年如沒有顯現出問題咁將來出問題的可能性就低,如已有問題則可以考慮可接受範圍同相應的講價,反正原來的爛尾祖屋得個殼靚,冇乜極品質量能比佢差,雖然珠海也相當不缺極品

而且二手樓又平D呢

今次換樓係紅色招牌果間連鎖地產度搞,背後原來係貝殼網,整理一下貝殼網的買賣流程:

賣樓:

珠海買賣,買家比1%佣,賣家比2%佣,佣可以講價,賣家比樓價1%的稅,要去貝殼指定的辦公室比訂,味皇個買家要借錢,比訂到交樓半個月,銀行批按揭只係幾日,地產曰異次完地快未曾試過,聽講好似3厘幾息,印象中早幾年借錢要7厘已經是印象中,以前地產商的貴利債券擺到現家應該升值好幾倍,如果有得還的話

細訂買家直接轉比味皇呢邊,大訂買家過幾日轉比貝殼網,再貝殼網經手轉比味皇呢邊,之後去香州交稅轉名,按揭尾數銀行批比貝殼網再貝殼網經手轉比味皇呢邊,錢到手中間過程非常不安

買樓:

中山買賣,買家比2%佣,賣家比2%佣,地產曰珠海樓價單價貴中山好多,所以中山要收貴D圍皮,買家唔駛比稅但要800蚊手續費,味皇一筆過比,過程會再快D,冇借錢所以是一手交錢一手交貨,同樣尾數是味皇呢邊比貝殼網再貝殼網經手轉比賣家,今次是輪到賣家不安

貝殼網睇樓有360度全景圖,味皇睇完顯得似大鄉里

同樣價錢,珠海邊度買一房都租1500左右,無論面積33-48都係1500上下,同樣價錢,買中山呢個面積70幾80租2000以上,地產曰味皇指定的屋苑出租難度極低,比珠海市中心仲易租

味皇睇樓睇左那3.5個屋苑中的其中兩個,叫ABCD好了,C是全新樓還沒有公開發售,現在部分未入伙部分是格力的員工宿舍,D離邊境遠200米所以未能完全飛地概念只能當半個,而且樓齡較新面積大單價高相對CP值低,B睇完發現質量不是非常好,有D爆石屎電梯也殘,但單價低,各種大中細極大量,其實可以接受,屋苑定位想像是日出康城,地產曰出租難度極低,47萬的租1200左右,市價1平方10000,A定位想像是愉景灣,數量不多,市價正常比B貴少少,講完價同B基本一樣的話打死都買A,當然管理費也比較貴,地產曰出租難度極低,80萬租2000左右

中山不好的地方是,中山經濟非常極之差,冇稅收支持,垃圾的公眾建設,比珠海易停電水浸,地上更多垃圾,人類也更像垃圾,不過味皇指定有飛地概念的屋苑由於至少有一邊是接珠海,至少享受到1/4的珠海稅金同珠海公眾建設,巴士也是珠海補貼的1蚊

呢度稱為味皇呢邊,因為買樓的不是味皇,只是味皇主導處理歷史問題同味皇相關,以及味皇要夾錢,味皇個人能投資的資金又要減少,結果今年意外支出太多

1606國銀租賃

味皇已經有一排冇寫分析文,由於最近又買返1606,所以又搵佢寫下,對上一篇大陸飛機膠股
係2020年寫的,當時20年8月味皇1.13開始買入,24年2月放曬,現家又買返

咁用2019同2023比較一下

                    2019             2023

固定資產        737             1203

投資               117               368

-------------------------------------------

                       854            1571

流動資產      1818             2787

其他資產          45                 70

----------------------------------------------

                    1863             2857

總數             2717             4428

總債項          2186            3433

利息支出          16                12

現金流          1090              691

派息             0.104           0.098

淨值               2.03             2.95

股東權益         257             373

2019年同2023年比,資產同負債都增加左,固定資產+投資佔總債項的39%同45%,流動資產+其他資產佔總債項的85%同83%變化不是太大,國銀有分借物同借錢,所以佢的"資產"分成實物同數字兩項

"資產"佔總債項的124%同129%,也沒有特大的變動,成份接近

利息支出少,因為佢係就係國開行,如果年頭佢賣盤成功,就有機會冇左呢個優點,年頭佢雖然狂升1倍,但賣盤對國銀本身是大打折扣的超巨大壊事,賣盤失敗雖然跌返一半,但對佢反而是好事,當然市場反應另計

                       19         20       21       22      23   

現金流         1090       293    247    189     691    (平均502)

交稅                10        15        9       18       23     (平均15)

總派息             11        12        9       13        9      (平均10)

利息可以比得超低,咁佢的利潤率亦必須很低,巨大的資產卻交不了多少稅,代表盈利數字比例相應地低

但是2023年交的稅已經比2019年多,代表23年稅基比19年多

而佢減派息係因為3年前某1小時22分的影響,再加某態清零,財產被充公加D人冇錢找數,又或者找數的人已經唔存在,所以冇錢周轉兼減派息

而2023年被充公的財產有保險賠了,有返錢周轉,加派息的可能性高

以佢交稅的情況睇,佢派2019年雙倍水平也有可能,但姑且打折考慮

稅率25%,交10億稅稅基40億,23億稅稅基92億,現金流502億時稅基60億,前期2019-2021年大致交幾多稅派幾多息,假設下年不用23用平均值15,咁佢派15的機會較大,相當於派每股0.147

每股淨值2.03時能派0.104為5.1厘,淨值2.95時派0.147是5厘,可能存在過度樂觀,但並不是沒有可能

問題是佢雖然好轉,但不代表佢的客戶也好轉到有錢找數,要作打折考慮

國銀的業務包括租飛機,租船,租地鐵,租巴士,租工程車,租水塘,租坑渠,租公路,租燈柱之類的,一般來說都好來好去穩定能賺點小錢,就是後者地方政府佔比相當高

社會風氣對佢影響大,如果風氣好轉客戶都肯找數就是巨大利好,但反映在業績上會相當延後,因為佢的盈利是多年拉長攤分的,收唔收到錢都易照計攤分的盈利數字,可能賺到錢收到錢係真賺錢,也可能賺到錢收唔到錢係扮賺錢,扮得幾年收唔到錢先作一個虧損數字抵銷之前幾年扮賺的數目,即是說佢盈利數字冇特殊項目一般不會大變,一般不會大變的情況下派息卻可以大變這樣,當然早幾年的情況並不常見,是百年大業的累積所然,通常不會一直咁出,而我們只是希望將來可以過得正常一點點

舂坎角

先補返上一篇寫完之後的交易:

22日2.1沽出16000股能投,1.24換回28000股國銀

24日2.09沽出50000股能投,1.22換回86000股國銀

之後個價如果能再拉開少少就再換D

另外可能冇人發現,但今日有段新聞係關於1045的:

通訊事務管理局辦公室（通訊辦）今日（十月二十八日）宣布，由十月三十日起解除於大埔使用3.5吉赫頻帶操作第五代流動通訊（5G）無線電基站（基站）的限制，屆時流動網絡營辦商（流動網絡商）可按既定程序向通訊事務管理局申請使用3.5吉赫頻帶於大埔設置及操作5G基站，進一步提升區內5G服務的容量及速度。

通訊辦發言人表示：「3.5吉赫頻帶是用於提供5G服務的主要頻譜之一，具備良好的無線電傳播特性，能支援高速、穩定和大範圍的流動數據傳送。隨着相關限制解除，流動網絡商可更充分及有效地使用該頻帶的無線電頻譜提供流動網絡服務，以更好地滿足市民對高速可靠流動服務的需求。」

過往由於大埔區內設有在3.5吉赫頻帶內操作遙測、追蹤及控制衞星的地球站（遙測、追蹤及控制站），為避免造成干擾，流動網絡商不可於限制區內使用以3.5吉赫頻帶操作的5G基站。為提升大埔區內5G服務的質素，經通訊辦積極協調後，部分遙測、追蹤及控制站已從大埔重置至舂坎角電訊港；而其他仍於大埔操作的遙測、追蹤及控制站亦已加裝帶通濾波器，以防止無線電干擾。

2024年10月28日（星期一）
香港時間10時30分

source: https://www.info.gov.hk/gia/general/202410/28/P2024102800190.htm

下面係1045的舊年報內容:

本集團已於香港舂坎角開展衛星地面站建設。舂坎角衛星地面設施將進一步提升. 本集團的地面設施服務能力，同時作為本集團在大埔測控站的備份設施，亦可消除未來大埔測控站受5G信號干擾的風險。

手機不能用大陸wifi

最近味皇入手左一部sharp現家用緊,發現佢係大陸用唔到wifi,呢個問題似乎普遍出現係各種牌子的手機上,味皇覺得唔少人對解決方法有需求,所以順便整理一篇出黎

近幾年的新手機有D一出大陸就連唔到wifi,有D就連到,整理一下網上見到的例子,大慨係咁:

連到大陸的:

華為,三星,中興,小米,步步高,聯想...

連唔到大陸的:

google,諾基亞,sony,sharp,華碩,HTC...

是咁的,現家android係連wifi果陣,會先偷連上google的網站黎確定個wifi係連得上定連唔上,有毒冇毒之類,而後再確定連接,基於不可描述因素,其他國家由於連唔到google的網站所以一概會報錯,而接近黨的牌子就冇呢個問題

大概就咁,你叫雞之前有人同你講隻雞可能有毒,出於好心或其他原因都好,阻止你叫雞,咁應對方法你一係休返好條褲,一係唔理警告接硬上,說可能有暗病但並冇話用萬能膠封死,實際還是門戶大開,當然,後果自負

而係大陸wifi上面,原來佢只是報錯自動唔同你連,但你依然可以無視警告繼續硬上強行連接,結果而言佢雖然一直報錯,但照樣可以連到B站連到睇波,正如最後有冇中到成身毒都好,硬上至少都能達成叫雞的最基本目的...唔怕的照連就係

-------------------------------------------------------------------------------

回到平時的題材,味皇係2.27-2.3沽出35000股齊魯,2.28換入35000股CTM,主要是見齊魯貴過CTM,下次有機會再換返過去,早個星期衛星也有貴過CTM,味皇第日仲特登早起身想換,結果也是那些只得一日的行情換不成功

另外2.09沽出26000股能投,1.24換回44000股國銀,這些能投主要是2月時味皇把國銀1.8X賣左再1.6X換入的能投,現家見價錢可接受就打算換返過去,一來一回+80%,算今年少有的大成功例子,另外當時1.8X賣再換入1.1的東瑞算小成功

之前23000跌到17000點時,能投逆市升,17000點升到23000點時,佢龜速升,最近23000跌返落20000點時佢冇郁點過,無論係個市定係組合入面都算特異點,而其他股呢排波動極大,之後如無意外味皇會持續將能投換出,由於能投係味皇第二大持股,可能會密密賣,但這不代表現價的能投貴或差,反而應該說相當高質

講起黎之前咪話銀行網頁一入去就要認證碼極度擾民嘅,現家建行又變返唔駛(永亨仲要),CTM的短訊又少返D

關於最近的市況

10/2

是咁的,味皇日日都訓到收市,唔係講笑,好多時冇睇市,個市點樣同味皇關係不大,係

實情係冇錢,味皇的股息要10月過幾日先到,現家買條毛

冇錢的情況下能做的最多就是換馬,成個月以來,有一日東瑞收市價比國銀高,味皇諗住第二日起身換入國銀的,結果就只得果一日合價換唔成功,之前路勁/惠記,齊魯/成都,都試過第日訓醒就冇左的唯一一日餐士,也不是第一次的經驗,過左就算,係467億成交到4000幾億成交之間,味皇的股要剛好動L,同其他目標有相對大的價差才能活動,冇錢就只能咁,而個市動L,但偏偏輪唔到我

熱錢不是憑空產生的,轉過黎港股,就代表係第二度流出,即是之前炒作的日股台股美股AI股,隨港股炒熱,另一邊就會失去熱度,一個記者每日能出10篇鱔稿,如果佢寫一篇港股題材,咁AI股果類就會寫少一篇,一個大戶比錢記者寫10篇鱔稿,佢唔會寫10篇不同的題材,而是同一題材寫10篇不同文稿,這樣大戶就可以集中資源更合乎成本效益地洗腦

即是說現家果4000幾億是恐慌性買,買左先算,題材同鱔稿之後再安排,同一般老千股一樣,之後會一邊唱好一邊上升,非常唱好一邊出貨,終極唱好終極甩貨(比指數基金)

通常D人會先買指數股,再買可以有題材寫的股,個市升,之後個市唔升成交唔跌,變成慢慢賣指數股題材股換業績股,再之後就(甩大股,買大包圍,市跌成交大,有人開始接細股,就比佢地接,自己再換返大股)...味皇對港股能否進入到第三個階段持懷疑的態度

熱錢流入指數股,也不是一定100%利好,例如2萬點跌落萬7點,青島港反而由3點幾升到近6蚊,而今次由萬7點升到2萬點,青島港反而由近6蚊跌過到5點幾,佢有中間有變化嗎?並沒有,股市不講武德的,跌市中表現非常好的煉化也一9樣,即是輪到你就是你的,輪不到也就這樣,熱錢由避險股流出,但要記得,避險股能迴避風險,持有它一般沒有損失(能把有風險的機會"成本?"當佢不存在的話),唔值得急

現狀是指數股同題材股為第一波的概率最高,人地文章創作也要時間,發窩輪也要先手頭有貨,隨豬起舞也許成功率不低,但不合味皇個性,味皇的話就會買業績股,迎接第二波,或者第二波從來也沒有黎過至少也叫買了隻好股,呢度所謂業績股,不是下年業績好,下下年業績更好的股,好似東瑞咁未確定的未必有效,最好是己知的,已確定的,就是之前幾年業績都好,但卻跟個市一齊跌到冇影,到現家都未升的股,可以的話有點點名氣的中型股比較好,就是說你啦,筆克

過幾日股息到齊前希望筆克繼續紋風不動就最好,好似亞實呢D蚊型股,離熱錢似乎有D遙遠

由於港幣兌美元7.75,換美金也不失為一個放閒錢方法

但港股升也不代表XG會重新過上好日子,正如西人呢幾年一樣

10/4

如之前宣言咁,1.85買左30000股筆克,0.61買左50000股雅各臣,另外9.7沽清30000股中信泰富,1.42-1.43換成20萬股國銀

數碼通澳門

由於和記唔公布澳門數字(唔敢公布),而數碼通有,現家數碼通執粒,這是寫佢的最後機會,而本文的目的係偷渡CTM

數碼通澳門 

                 21下       22上        22下       23上       23下      24上 

營業額      263         247          167         92           34       沒有公布

現金流         7           -2           -10          -6             -8       沒有公布

 CTM        21下        22上        22下       23上       23下      24上 

營業額     1957        1685       1804       1765       1996      1912

------------------------------------------------------------------------------------------

時系列   (封關)>>>>>>>>>>>>(出5G)(停健康碼)>>>(緬甸)>>>

所以味皇可以斷定和記唔公布澳門數字是唔敢講,相信係股東大會問也會顧左右而言他,(不過如果能用合適的質問方法,相信也可以從和記管理層口中間接探聽到CTM的業績,和記股東會比CTM早,而且管理層講自己有限制講競爭對手冇限制)

按數碼通黎睇,營業額至少要5億先可以收支平衡,養得起幾個鋪位同一百幾十人,想有錢投牌營業額可能要再雙倍先得

當月費150蚊,以前比現家貴,一年5億係30幾萬個客,可以係上台可以係儲值卡,味皇唔覺得佢會有30幾萬客,就當有好了,到最近23年就走剩8萬個,冇5G就冇新客上台,澳門外勞增加也不是23年的事

係封關冇漫游時,數碼通營業額下降6%再32%,CTM就14%再回升7%,冇左防疫短信後數碼通跌仲多,冇5%牌跌更多,由於和記澳門同數碼通澳門性質完全一樣,相信和記也會出現類似的情況,只是和記用戶數多D營業額在5億以上的日子比數碼通長,而今時今日的和記恐怕在收支平均線以下,至少澳門子公司未必有投牌的資金

假設和記是數碼通的2.5倍好了,中國電信再大和記少少,廿萬外勞時代,澳門人口100萬時全盛市場容量大概推測是半年40億營業額,和記同數碼通退出而政府又冇打算引入聯通的話,比例上CTM會分30億,中國電信分10億,CTM用緊好多中國移動的資產,因此能引入的非鬼佬只布聯通,方法是聯通收購或入股和記,主要睇政府有冇心,對聯通來說和記是還不足以盈利的負資產,如非收到命令,未必有動機進入澳門市場

換入舊僱主

見業績唔好,於是0.99出清恩達,再14.2換入4000股舊僱主,成個8月象徵式買賣一下

同味皇預測相反,電動車同打仗都拉高唔到PCB的業績,恩達塊地皮又唔知幾時先有錢,見唔到明顯的前途,於是蝕少少放曬,不過買返黎中間跌左10000點,反而味皇係恩達身上微賺,話曬收左兩次近10厘息,佢又冇點跌,相對舊僱主期間跌到得返1/3

舊僱主係呢半年股東權益由負變正,有返派息的可能性,但派都係計由正數開始的下半年部分,即使仍佢現家跌到得14蚊,但今年就算派頂多都係3厘,而且只是解除派息限制,有可能派但不是必派

舊僱主用半年前比股東權益多左5億鎂,利息支出少左6700萬至2.2億鎂,第一,下半年利息支出會再減少,第二,下半年美國可能減息,於是流動資金會多左,佢肯派的話下年派息可能去返7厘,但都係要睇佢會唔會一口氣續回債券,佢之後4年的增長主要會來自還債減少的利息

味皇下個月電話合約到期,早兩日問中國電信,佢D plan仲未updata,仲係2年前的plan,現家CTM最平的plan係98蚊的5G,而現家的中國電信最平的plan係2年前98蚊的4G,中國電信最平的5G plan係198,已經貴CTM一倍,毫無競爭力,政府果然唔敢郁央企,但澳門不用競爭,因為一卡兩號鎖死大陸號碼字頭唔存在轉台的可能,因此味皇不情不願的睇黎都係要續4G plan,部2019年的S10e睇黎可以再戰兩年,不過電池已經虧虧地,可能上閒魚幾百蚊買部sharp代替

數碼通話唔做喎

早兩日新聞話數碼通話唔續牌,將D客甩比CTM咁話

咁就當係上一篇的補充

通信局的資料,22年推出5G時,澳門和記同澳門數碼通沒有浪費錢申請5G牌照,所以至今亦沒有5G頻段

冇申請5G,好處係慳好多錢,毛利率更高,主要係初期得益,壞處是5G機開始普及,用4G的人換機時有機會走,冇新人用新機入坑,至今仲接受4G的人唔會係水魚客,主要係後期出現

CTM同中國電信的電話牌入面,3G係下年6月4日到期,4G係2028年到期,5G牌照到2030年,相信和記同數碼通都係3G下年到期,到時唔知澳門會唔會開始淘汰3G

當時5G係世界上仲未普及,雖然高通865係2020年的產品,但當時是有5G機但冇5G服務,大陸算推出得早,去外國漫遊仲落後

和記同數碼通,係2023年沒有大影響,因為當時5G貴又唔普及又浪費電,但2024年CTM已經進化到冇4G新plan,2022-2024年間,和記同數碼通的客量減少,甚少換機冇必要換機4G機已足夠,完約可能轉台,味皇記憶中數碼通的市佔率不足兩位數,客量減少養唔起鋪位,上年先執左運順間鋪,假設數碼通有7萬個客好了,為左7萬個客值唔值得投一個3G牌同一個5G牌呢?回唔回到本呢?只投一個3G牌當然可以繼續延命到2028,但客每依然會年減少,唔投5G牌就冇新客,但7萬人未必養得起個牌,所以數碼通計個條數先唔做

同樣問題也會出現在和記身上,假設和記有20萬客,佢也要考慮養唔養得起個牌,投個3G牌冇乜野,但CTM同中國電信未到期時,政府會唔會開放投標呢?和記會唔會中途投個短期5G牌呢?定係租人地個頻譜?冇5G會流失舊客,佢4G plan平又唔係平過人地5G,買個iphone16用4G?當然和記的財力遠比數碼通好,但最近一兩年唔覺和記會有5G牌,因此客會流失去CTM同中國電信,最後搞到好似數碼通咁自己退出市場,總之和記係下年6月之前會出相關通告

數碼通現家的客好大可能仲係用緊2018-2020年的4G機種,即係小米9,三叔S10之類的,今次轉去CTM換5G plan可能會換順便三叔S24呢D機

假設7萬個客,平均120蚊月費,每個月840萬

但是如果市場上得返CTM同中國電信,新特首可能就會引入新公司或者叫和記改名當做政績

1883業績

2020年上半年疫情的時候,短訊爆升3.2億,漫游少1.2億,盈利冇點變,全年短訊爆升5.8億,漫游少2.8億,盈利冇點變,即是說漫游的毛利率比短訊高,又或者防疫短訊收費可能較低,漫游如果能夠上升的話應該有唔錯的抵銷能力

2020年短訊爆升5.8億,每條垃圾短訊收費1毫,是58億條,半年當佢29億條好了,今年果分類半年少左7.1億,當中聲稱已抵銷3.8億的語音話增長,咁即係齋短訊少左10.9億?半年109億條詐騙短信?假設園區有6萬人,每人發18萬條詐騙短信,感覺點都對唔到條數

味皇認為,CTM之前一眼就可以睇得出同詐騙有直接關係,唔好睇,於是佢會不會將同呢D園區相關的收入拆開,再打包入其他分類度,咁下次就顯得冇咁核突呢,咁樣,變成國際電信業務歸類多左D不是園區的收入,或者其他企業業務或者移動業務歸類多左D是園區的收入咁

比起半年少左109億條詐騙短信,味皇覺得入面唔一定真係全部真係短訊,可能有D子公司要切割或人物要切割,於是都順便歸納入去為一次性損失

園區上年10月就冇比錢的,但欠費一個月唔會當爛帳,欠費兩個月唔會當爛帳CUT號,上年業績報告時CTM只係收唔到錢冇營業額冇盈利,但現家欠費超過半年,需要CUT號,於是可能總會有一D要野攤銷變一次性損失,例如電話卡,例如分期付款的電話之類的,反正在園區活動的少不了澳門社團

下半年短訊應該會因為銀行6月開始的煩膠認證短訊恢復一D,但肯定唔會半年109億條

佢上年短訊少左9.7億,97億條短訊?而盈利12.3億卻基本冇減少,上年固定資產折舊左3億幾,而今年上半年只折舊左1億,而盈利反而唔見兩億幾,會唔會上年提多左或今年提少左折舊呢,佢上年全年現金流26億,上半年14億幾下半年11億幾,今期上半年10億幾,現金流方面比盈利所示更差

移動業務部分,好似味皇同同事疫後第一次出國外游,飛機也冇咁擠拥,機師也熟手返,我同事今次就用左CTM的68蚊漫游,至於味皇的中國電信冇出國漫遊服務,所以淘寶49蚊人仔買電話卡,總之結果就是漫游上半年增加4000幾萬咁樣,下半年應該會更好一些

電話用戶多左一成左右,增加好多,似乎係新外勞,新增的人下半年會交足6個月,舊人都有電話,新登記唔多會係老人plan,假設平均月費120蚊9萬人,每月約1000萬

4G變5G轉plan的人多左30萬,味皇頭先特登去門市問價差,發現CTM已CUT曬4G,新續的都5G起,至於月費,感覺比4G時還平左...,實際收費仲低過中國電信,由於中國電信冇漫遊CTM有漫游,所以新增的一成人大概大半係由中國電信度搶過黎,即係咁,政府用續約逼CTM減價,而政府己經成功左

數據中心同光纖加埋總共7.4億,當中數據中味皇推測是4.8億,光纖2.6億,成長率很低

企業服務左多少少,主要都係東南亞地區,假設如果出一D包埋短訊的收費plan比東南亞做慈善的有限公司,咁109億條短訊的收入自然會下跌,咁影響數字會變細,切割也快D,假設,另外澳門08年後就冇街景,睇youtube冇廣告,但最近連香港都唔比走顯卡,咁香港相對於澳門的優勢就拉近,甚至澳門人脈對北泡契哥同包頭佬更有優勢,CTM係東南亞投資就自然會有公司用,無論D人搞幣定搞AI

總而言之,短訊唔會全部恢復,亦無意全部恢復,本來就係石頭爆出黎的,但相對漫游會再恢復些,剛好同2020年相反,電話月費會少量上升,另外其他某些業務會上升,當中有些是變相的短訊,下半年會比上半年好,但好幾多就難講,唔計短訊,其他業務下半年應該會增加1億以內的盈利

但是派息部份大偏治,雖然中期冇減派,但是留意到佢有35億的債會係3月到期,而最近十年?CTM好似每期業績都有大量還債,但今期冇同上年尾一樣,現金還少左,半年後CTM要面臨決擇,到底是借返35億然後以前的派息,還是借少1/3的債然後減少派息?結論而言下期派息叫做借錢派息,如果CTM的債唔係最近到期,咁佢大機會唔減,冇選項就唔會去選擇,但還債的選項如果擺在面前,佢就有機會選擇,如果味皇有去股東會就可以直接問佢傾向還債定派息

另外佢果35億係債券,其他的債差唔多已經全部還曬,即是佢還埋就走向淨身,佢今次續借到底是發債劵定借銀行都有可能,發唔發債就要睇母公司有冇需要賺發債錢

如果佢發債35億,咁佢今次唔減派,再還銀行多一兩億,下期開始增加派息比率

如果佢借銀行35億,咁佢今次唔減派,每年還銀行4億,派息唔點升

如果佢佢發債20-25億,咁佢今次會減派,下期開始大幅增加派息比率

如果佢借銀行20-25億,咁佢今次會減派,下期開始增加派息比率兼每年還銀行4億

如果佢發債35億以上,咁就係係國家任務,佢今次唔減派,下期都唔增派

如果佢借銀行35億以上,可能性不高

佢平時25億現金流時會派10億息再外加每年還幾億債,現家佢現金流可能得23億,派10億本身係冇問題的,睇佢想優先係邊度

而且CTM還有幾十億國家的債要還,政府唔會係佢未還清之前特登搞死佢,上次CTM無牌經營純粹係澳門公務猿工作效率高

呢篇同投資無關

呢篇同投資無關,但相信味皇的資訊可以造福廣大特定群眾,特此

是咁的,味皇有部PS5,但係個手制1年保養期佈已經整左兩次漂移,相對地ps4高強度玩芒亨4年都仲未壞,只係中間噴過一次WD40,其實這都是硬件問題,天生的不良品,即使最新的PS5手制也沒有真正解決問題,亦無心根本問題,其實SONY係呢方面記錄非常不好,好似xperia5祖傳的綠線芒咁,咁多年也不去解決(如果比味皇坐果個位係可以解決)

其實不良品好常見,遠少少的有碌7手榴彈,LG底板,高通810,win8,早少少的三星綠線芒(S20-S22,xperia5ii-V,iphoneXR,1+8-9,oppo reno5-6,vivo X50-70),高通888(zenfone8),switch同ps5漂移,近期的intel13,14代,好似sony咁堅持用完D存貨的真係比較少有

索尼罪大滔天,搞到百姓怨聲載道.jpg

早排去日本兩星期,趁此味皇將ps4同5的手制送去淘寶改裝,你係淘寶度打"ps5手柄維修"就見到,送去的係叫章魚哥的傢伙,人工應該係咁多間維修之中算平的,地點係順德運送距離也較近,味皇整的係一個兩邊改裝霍爾,另一個就普通換新,收費係90同60,淘寶睇兩粒普通冬菇14蚊,兩粒霍爾25蚊,因此手工費算好低,味皇之前試過拆PS3手制想自己先DIY實驗下,冇吸錫器下失敗左,做手工始終有D麻煩,日本掛過"職人"名號就可以收很高手工費,呢度同樣做手工一技之長只能做三和大神,真可嘆也,不過味皇作為消費者還是先考慮價錢,另外味皇係廣州動漫星城的舖頭問過價,普通換單邊都90,淘寶係平好多

整出黎的結果就咁,換普通冬菇手感同之前一樣(廢話),可以再戰幾年先再漂,而改裝左霍爾的就可以根治漂移,但可能唔抗跌唔抗磁石,至於手感,大致係咁:

1.點都比之前漂移好100萬倍,為可以用的水平

2.速度偏慢,以原神安柏弓箭描準為例,原先普通冬菇垂直用3的速度,霍爾要設4先可以做到之前類似效果,以滑鼠為例,類似普通冬菇dpi1000,霍爾dpi600,同樣的施力霍爾行程較短

3.感度3000倍,輕輕摸一下冬菇頭以經有反應,急轉彎之類很快方向很準,至少方向很準

4.ps4的冬菇沒有而ps5獨有的問題除左壽命之外,仲有憤性殘留問題,以原神為例,每日撿狗糧有時停在箱子旁邊,甚至停一段時間都好,你有時轉頭行的時候佢會奇怪的向前爬上箱子,即是你向後行佢也會先向前行一步先再向後行,以口臭為例,你想吸氣,但你吸之前會先噴一口先再吸的樣子,ps4原裝冇呢個問題,ps5換成霍爾也解決左呢個問題,夜蘭撿狗糧發發聲

5.慣性大,以原神為例,你很難係地圖準確的點到傳送點,會拉過龍,以CS為例,你開6.0反應用46甩槍,點都打唔準,原因出自施力,舊冬菇傾角45度反應最大,細力D傾角30度反應中等,霍爾30度就達到最大反應,傾角45同30度冇分別,但鬆手由45度變30度變0度時,45-30度回收之間的部分沒有施力但佢依然有指令而形成慣性拉過龍,要習慣細力是不實際的,解決方法味皇想到有兩種,一種是縮細冬菇的洞限制傾角,另一種是加粗冬菇的柄限制傾角,第二種理論較上易實行,卷一些膠帶又好鞋帶又好,應該會有些效

6.基於上面特性,霍爾係解決傾角問題之前,是不適合用於FPS或即時戰略呢類的,劇情驚或者動作驚就冇問題,那些本身就設計用霍爾的貴價手制,想必設定過參數,要不就物理的粗大洞小,而PS5手制的殼設計唔係咁,幼細洞大唔係準備比高級冬菇用

總體而言90蚊是抵換的,至少根治左漂移唔駛子龍任務,但是如果有兩個PS5手制的話,一個換霍爾,另一個換普通好了,為FPS之類留後路

PS5的壽命比PS4短咁多,可能係設計miss,因為ps5手制為左加一些無謂的功能而變重了4成,玩家可能在唔自覺下用左陰力,令損耗變大,另外switch同ps5手制幾乎一樣重,可能也是因此而漂移,最新的PS5手制加強版,由於更重,合理推測壽命更短

另一件事是味皇8100円買左日版老頭環連DLC,實際秋葉原可以退稅6900買到,唔係間間有退稅

於是味皇手上有中文版同日版老頭環+日版DLC,測試結果係咁

1.中文版同日版老頭環的save是共用的,中文版save可以係日版度用

2.PS5口裏不說,原來是有鎖區的,港澳賬號即使有下載碼也不能下載日版DLC,不過唔係硬件層面鎖機,而係ps賬號鎖區

3.因此需要另外註冊一個日版專用賬號,註冊用黎區別地區的關鍵係,日本的郵政號碼,味皇呢度填左今次行程印象很好的溫泉酒店郵政號碼,佢會自動識別自動填上例如河口湖乜野村咁樣

4.用日賬下載日版DLC,之後切回原本賬號,成功安裝能用,但味皇未打到DLC劇情未知DLC能不能真的用到

5.日版安裝左DLC之後,原有的中文SAVE依然能用

6.以中文版基底用日賬裝DLC,會彈出錯誤,中文版唔可以裝日版DLC,日版先可以裝日版DLC,原來有分DLC各種文版

7.日版+DLC玩過之後,個save再不能係冇DLC的中文版度使用,但味皇估計中文版+DLC應該可以同日版+DLC共用

8.日版的特典道具碼也要由日賬輸入,但中文版也能用

9.不能安裝中文版,但用日版黎碟啟動

以上情況有可能也適用於其他語言版本的其他驚

第時去日本買二手驚時要注意一下,碟都能用,但要下載的可能不能用,至少不能直接用

靜岡的駿河屋總部非常值得一去,但即使日元平,很多東西的價錢也不及大淘寶

另外星期六山梨的豪華露天溫泉酒店湖景大和室10800,也比東京邊皮的煙味單人房12000平

再有一件事是係申請google play日本版賬號,味皇去到日本,拿出舊手機,用溫泉酒店的郵政號碼,按毛彪01台灣網友的方法填成功左,似乎返到澳門都仲用到

https://www.mobile01.com/topicdetail.php?f=423&t=6442597

增持CTM

味皇係7月去左日本兩星期,去之前0.107增持左75000股拖頭,旅行返黎果日撞啱微軟死機時件,係機場拖左半日,返黎之後又撞到CTM出盈警插水,於是2.12增持30000股,次日1.37沽出之前買返的國銀,再用2.05再入多40000股CTM,現家個市一潭死水又穿萬7

CTM可以講的3月份已經講曬暫時冇乜補充,不過最近Mtel的網費推出半價優惠,追上香港的收費水平,另外亞太6E已經係16號投服務

逼續約時減價出現過係中電同港燈,假設真係存在逼減價,由於電信公司舊客戶合約一簽就兩年死約,因此現家簽約的要2年後先受惠,咁收入下降都係線性而唔係跳水,另外也可以升plan變相唔減價,例如25年6月想逼中國電信續約減價的話,中國電信可以4G免費升4.5G但收原本月費,而5G就加流量加分鐘但收一樣價錢咁,唔提供平plan但表面上有減價,變相逃課

日本旅行部分有幾樣可是講:

現家係日本好多地方可以用銀聯㩒錢出黎,但無論你㩒多㩒少都收52蚊手續費,唔知的情況下㩒得少㩒次數多會蝕水,好似味皇咁,結果直接用信用卡找數仲好D

東京1600円果張包地鐵的一日劵非常不可靠,好易搭錯公司另外收錢,所以只買760円果限齋JR的日劵最安全

龜有站外面的伊藤洋家有100円儲物櫃,車站遠少少神社間阿利奧有免費儲物櫃,可以放到9點左右,但龜有站唔係咁易去到,另一個係大井町站外面的伊藤洋家也有100円儲物櫃,呢個容易去,上野站天橋底有200円儲物櫃

東京一日劵最方便的邊境站係蒲田站,酒店平近羽田有機場巴士近大井町100円儲物櫃,另外仲有3間快活club網吧,當年味皇用堺住左一日的3500円酒店地址註冊左會員,當年註冊只需準備地址同填個名的日文發音,留9個半鐘收費5100円,似乎可以免費沖涼但毛巾要自備

六日市區酒店貴到唔正常,但網吧唔會加價,山卡啦酒店有部分都唔會加價,例如以蒲田站為例,味皇用日文版樂天睇,平日6700円,六日12000円,係東京都範圍,唔存在10000以下的酒店,東京23區範圍,得八王子有10000以下,東京外圍,川崎船橋千葉松戶唔存在10000以下的酒店,但橫濱有,再外圍藤澤到小田原都冇,偏偏橫濱有,所以橫濱樓唔適合投資,供過於求

最低價睇,蒲田6700円,品川8000円,川崎7000円,小田原6800円,但是橫濱中華街4760円,橫濱關內站5600円,而橫濱去蒲田是410円,去到先轉一日劵CP值最高,目標是東京的話

同時,蒲田6700円,沼津的溫泉酒店5700円,河口湖5500円,濱松4500円,清水4500円,但是靜岡3800円,富士山3日pass係6500円,與其留係東京行地鐵站樓梯,還不如以靜岡為據點用張pass每日慳34千以上,靜岡酒店仲平過網吧,網吧毫無性價比,靜岡樓不能買

味皇係靜岡買左老頭環日版連DLC要8100円冇退稅,而秋葉原見有兩間,一間也是買8100冇退稅,另一間有退稅6900,所以買GAME最好留返係秋葉原買

係秋葉原睇到sharp sense8大慨2500蚊上下,有D興趣買黎代替用緊的s10e,但諗諗下台灣版應該會好過日版

意外見到傳說中之人郡道,已經絕版就"投資"一下,220円買黎立即換成220人仔放閒魚應該會有人買,雖然三幻神係B站仲有相當知名度,但皮套人始終都係有時限性,就好似master咁,好似佢本人咁,所以要賣就快...但味皇唔賣,根據郡道本人話,皮套人之所以都能極速轉生,是因為全套作案工具都擺係屋企,不用白不用,另外現家發展緊AI皮套人,莉澤呢種可愛型或者鷹宮呢種智將型的將來容易比AI取代,但郡道呢種純度AI是不可能取代的,因為AI的樣本存在審查制度

2024半年結

恆指半年升4%,而組合由年初599萬變成現家633萬,當中已收16萬幾息,另外仲有95000的在途股息,扣除生活費抽走約4萬,總數約係646萬,增長8%,頭3個月市升最多有雙位數,但3月業績味皇好多股出完業績見光死,即使業績好,之後就跌落負數,係最近四天王為首拉升先開始慢慢爬返上黎,好多都要靠主動交易先得賺到,港股想舒服坐定結果都非常艱辛

最近幾日做左D交易,大約5.38出清50000股煉化,0.127增持40萬股地勤,2.02-2.04換入10萬股能投,另外今日國銀插水3成,於是1.34入返60000股國銀

國銀租賃由2個幾一口氣插到個三,應該都算市場大事,值得寫大堆字講,而插水的原因,似乎係用5.8億接左一汽擺係鋪位賣唔出的存貨車,圍起黎每部15萬,味皇個人認為,當然不是好事,國家任務,鐵拳呢D野唔到你迴避,但是,換成其他公司也是要食拳的,不過,點解要賴上國銀呢?味皇個人認為,強國有好多公司,就算係腳企,都唔一定容易借錢,即使是續之前的循環貸款,有時由正常途徑係冇銀行肯借的,咁就需求由不正常途徑借啦,最好是不是銀行,但又像是銀行,腳企唔借得私貸,去借公款就冇問題,銀行怕上身,就讓佢不上身,腳企借唔到錢但政府非要借錢比佢,就需要灰色路徑,於是最好的目標就是銀行旗下的基金公司投資公司,類似的情況看起來是壹氣財政過唔到審查借唔到錢,於是把銀行旗下的基金當成當鋪,把一埋存貨典當比基金代替正常借銀行,留意返當票的日期係6月27,因此相信佢是為左6月30日半年結做數而借的,有機會7月2日就續返,隨時12月28又黎借過,佢當左D存貨多左筆錢會點入數呢?可能借錢當盈利,好似XX政府咁,做過好D的業績數字(順便加埋人工),然後用呢張好睇的半年報告,由唔合資格變勉強過審查合而從正常途徑借到銀行(順便配股),然後用銀行錢續回銀行旗下的當票,簡單而言就是搭棚,財技,同XX王子一樣,對三方而言都有好處,借款人可以用利息數字增加的代價延長左貸款期限順便加埋人工,貸款方可以唔駛計不良貸款賺些利息又可以應付上頭的壓力順便加人工,政府方可以唔駛計不良貸款增加GDP今年任期內唔駛爆,實際上國銀何必用15萬的高價買一埋擺係鋪位的車?把散落在全國各地的車搬到指定倉庫拍賣成本高做起黎又麻煩仲大機會蝕錢,只有有人會黎續返張當票的前提下先叫好生意,續當票的人不一定是本人,可以是獨立親戚朋友第三方,也可以是絲襪套頭的本人,當然,也不排除公財到光棍手,腳企坑害腳企的情況,到時就有人頭物理落地

回到味皇組合,四川能投己進佔第二大持股,第一依然是CTM,第三亞太衛星,之後是筆克遠東

筆克業績幾好,代表某政府全力掙扎,上期派7仙今期再派5.5仙,在味皇預料之中,但是某政府全力掙扎到發現一直無效只是燒錢,財政又有壓力時,掙扎力度就恐怕減少,今期筆克業績好,唔代表越來越好,政府掙扎只是提早把筆克的產能用到上限,唔代表需求有到上限,未來筆克自然成長加上政府的補貼減少,筆克應該會在一個平均水平,予計下期派息9仙,之後筆克就會進入相對停滯期,味皇由羚邦換成筆克應該算近年難得比較成功的操作,當時100萬股羚邦現家能收12000,而換成14.4萬股筆克能收18000,而且能換回160萬股羚邦,但換回羚邦時機大概不在今年

地勤停左一年終止派返息,派2仙一般般,關鍵是睇到佢有派息的心,3年前味皇最高是0.22買的,佢中間停左一年先有一毫的價錢,雖然入到平貨,但中途停派結終對心理不好,3年前味皇覺得佢頂天派4仙於是兩亳買可接受,當然佢疫情後到現家都未實現到,即使佢係香港機場獨市咁滯,但現在味皇認為佢已經冇得點進化了,不是佢的問題,而是香港機場的問題,香港機場在恢復,但總體衰落時佢市佔率點提高點加價最後數字上也是原地踏步,香港機場點恢復也是叫恢復,但看不出佢會恢復得比以前肥大的將來,當然地勤肯派息的話依然是營養豐富,美金相對升值招外勞也容易D,希望佢下年開始能連續派3仙左右就滿足了

保濟丸業績還算不錯,未夠10厘都差唔多了,比較肥美,增長看起來還可以持續,主要是產能增加左

幫味皇賺美金的主要持股業績比較不錯,去中腳化的策略還算成功,但其他留係上面的股就有D不明朗,今次味皇除左見好價沽出煉化之外,其實考慮過要不要賣埋恩達的,唔係恩達有乜問題,而係最近傳聞有D倒查30年的鐵拳,上面的人治不了洋大人,還治不了你?這樣,對於一些人來就,最易打,打了不敢嗌痛,痛打完一輪下次還企定定可以再打的,無非就是港商台商,對於冇乜後台又冇咁出名的,會唔會又捱打的,例如恩達呀,力勁呀之類,會唔會倒查30年,又或者地皮升值?賣左地(即使未收到錢)?都先上徼左先咁樣,德昌呢D賺出名唔敢打啫,但小型港商可能頭頭有個紅色危字,另外好似神冠呢D地方政府窮的也是高危,但神冠係支柱企業應該唔方便直接打,最多叫佢捐款

最近買的京投由於係國企,所以絕對唔會有倒查30年的問題,派息好似越來越奀,但味皇覺得佢足夠平,而且下年會開始加

CTM由於澳門政府冇planB,唔會有乜問題的,之前無牌時,佢咪一樣要光纖客簽兩年死約,問題係詐騙短訊,但詐騙短訊都恢復左唔少,另外一提,永亨的痴銀線IT係6月23號改系統,每次登入都出一條短訊要你入認證碼,係每一次,應該唔會減派息嘅

衛星今年有新衛星的收入,足唔足夠拉平衰退的部分就唔知,但至少唔會再有支出,6D同新的6E同以前的唔同,係通訊衛星,亞太衛星的母公司係中國衛通,中國衛通的母公司係中國電信

雖然大陸加電費,但四川能投有冇得跟住加是未知的,但電費加咁電網一定也會申請加價,咁能投多少能增收,而且挖礦班廢人仲未倒,最近香港受制裁入唔到顯卡用唔到openAI,咁只能去越南同蒙古邊境挖地道越境搞,蒙古網速慢,越南會近D,雲南果邊如果用電大,咁四川的電力就會流出支援,間接增加些少用電,今年只派0.13人仔,味皇比較希望佢近期能派0.17

齊魯上半年仲未好,但下半年會好轉,東瑞上年業績麻麻,今年有好轉的希望,四環是明顯的好轉,但能好轉到乜程度就唔知,其他但凡同地產有關的唔死都半條命唯有繼續捱,大致係咁

味皇下半年可能會收集CTM,周黑鴨也有興趣但冇足夠的資金,同樣因為資金問題冇買的還有舊僱主,今期能夠有較大換馬都係煉化之類的四天王呢半年無端端係咁升,其實呢半年升得最多的其實是青島港,可以睇得出基金呢半年的喜好係派息多比較出名的收息型國有實業,大家都不敢犯錯,現家上落市也不期望有邊隻爆升黎換馬,繼續隨機應變,現在組合的成份味皇是比較滿意的

舊僱主插得比較甘,主要係佢停派息,而味皇覺得佢會在1年內重新派息,理據是,舊僱主的股東權益是負數,係東權益負數的情況下派息是不正常的,至少銀行不會同意派,而今年佢的股東權益會重新變回正數,咁佢派息就唔需要比債主限制,至於周黑鴨則是呢半年回購的規模甚大,而且財務改善左好多

上半年收廿幾萬息,但全年收四十幾萬感覺還是不易達成,另外味皇開始解禁外遊,下個月會去富士山果邊兩星期,為左今次旅行,呢排味皇特登玩人中7,咁去橫濱玩時先有題材,都係永亨的痴銀線IT狗的問題,收唔到短訊就登入唔到,到時味皇就不能買賣

老頭環出DLC,味皇搵勻澳門都冇老頭環ps4版,ps4可是好東東,在ps5能選用ps4手制,能夠用返原版OX,而且傳說比ps4版更順,痴銀線IT狗有事做埋D有的冇的限制,完全唔考慮用家,新不如舊經常在IT界發生,於是這個ps4版逸品老頭環味皇只能在淘寶發注

PB折讓理論化計算

是咁的,連登偶然有人提念慈菴枇杷膏英國爆紅而母公司係1110,咁令味皇要不要睇下佢有冇比手上的2348同2633更好呢?於是用呢個題材臨時寫一篇文

味皇自己偏好現金多冇效率到貪還債的少少利息的折讓公司股票,安全性應該是較高的,但係唔係最易賺就係另一件事,市場入面的是人類,比例上人類當中起碼80%係唔理性的水魚,比起分公司的盈利遠不如聚集水魚同騙水魚來得快賺得大,不能強求市場理性,比例上市場理性的時間也許只佔20%說不定

先唔理呢點,今次試下純理性純理論純數學計算

以下假設PB0.5,經營純利率10%,利率3%,借錢利息雙倍,有4間公司基本淨值100

A--100+100   (額外閒置100)

B--100+0    (冇欠債)

C--200-100  (借100經營)

D--300-200  (借200經營)

-------------------------------------

基本盈利

A--10+3=13

B--10=10

C--20-6=14

D--30-12=18

以下是經營效率改善至11%

A--11+3=14   1/14=+7.1%

B--11=11   1/11=+9.1%

C--22-6=16  2/16=+12.5%

D--33-12=21   3/21=+14.3%

係經營改善的情況,例如大環境景氣改善,例如3年零8個月過後,例如駕崩之類,借錢的公司增長率較高,估價較高,有錢的公司反而唔值錢

反過來經營效率變差至9%

A--9+3=12   1/12=-8.3%%

B--9=9   1/9=-11.1%

C--18-6=12  2/12=-16.7%

D--27-12=15   3/15=-20%

係經營變差的情況,例如大環境景氣不好,例如開始動態3年零8個月,例如太監上位之類,咁樣就越借錢的公司賺越少,PB越低

好的時候有錢同太頭鬼的差距7.1%同14.3%之間約1倍,差的時候有錢同太頭鬼的差距8.3%同20%之間超過1倍,即係有錢的公司好的時間只算賺少一些,但差的時候大頭鬼見鬼更快,長期揸同一隻股的話有錢的公司安全一點,如果反覆橫跳的話差的時候有本事就跳走,有本事的話

基本盈利

A--10+3=13

B--10=10

C--20-6=14

D--30-12=18

以下是加息1厘到4厘,借貸加1倍加2厘由6厘變8厘

A--10+4=14  1/14=+7.1%

B--10=10       0

C--20-8=12    2/12=-16.7%

D--30-16=14   4/14=-28.6%

加息的情況下,算兩頭尖,借得多死得快,通常加息減息會持續好幾年,借錢多的公司醫治無效估值會越來越低

以下是加息1厘到4厘,借貸只加1厘由6厘變7厘

冇營運資金的B100%同借營運資金的D71.4%的差距是28.6/71.4=40%,D比B可能折讓40%

A--10+4=14  1/14=+7.1%

B--10=10       0

C--20-7=13    1/13=-7.7%

D--30-14=16   2/16=-12.5%

銀行大發慈悲的話影響會細D

以下是減息1厘到2厘,借貸加1倍減2厘由6厘變4厘

A--10+2=12    1/12=-8.3%

B--10=10        0

C--20-4=16    2/16=+12.5%

D--30-8=22    4/22=+18.2%

同加息時類似,大頭鬼的變化較大,最有錢的由加息~減息時+7.1~-8.3%,上落15.4%,最窮的由-28.6~18.2%,上落46.8%

加息周期大頭鬼雖然最平,但因為周期持續,有閹死的可能,點都唔適合買,減息周期有錢的公司唔駛死,但4間公司得佢賺少左放係街市度對比就顯得好樣衰

基本盈利

A--10+3=13

B--10=10

C--20-6=14

D--30-12=18 

以下是再投資多100增產,回報率10%借貸利率6厘

A--20=20    10/20=+50%

B--20-6=14  4/14=+28.6%

C--30-12=18  4/18=+22.2%

D--40-18=22  4/22=+18.2%

越有錢的公司投資效果越好,但公司幾時想投資係隨機的,要不你就趁佢邊年投左錢入去而業績報告仲未出先買,前題係佢係投資而唔係食回佣

如果佢開始投資的時點是在市場景氣時,即是A估值最低而D估計最高時,咁A是最低買最高賣,D是最高買稍高賣

如果佢開始投資的時點是在市場不好時,即是A估值最高而D估計最低時,咁A是最高買最高賣,D是最低買稍高賣

如果佢開始投資的時點是減息周期,即是A估值最低而D估計最高時,同上上

如果佢開始投資的時點是加息周期,即是A估值最高而D估計最低時,A可以賺,但D係自殺

景氣改善同加息的效果相反,咁同時景氣改善兼加息會典呢?

經營效率提高10%,D+14.3%,而加1厘D-28.6%,對於非常大個頭的公司經營效率提高得再多,加息周期死的概率看似都較大,當然,最終還要視乎效率提高幾多同利息加幾多,而A呢個時候係+7.1+7.1%=14.2%

景氣差同減息A總共要-8.3-8.3%=16.6%,而D則-20+18.2%=-1.8%,即使係C都-16.7+12.5%=-4.2%,似乎D比較好,但都係冇一隻掂,即使減息都係揸現金好D咁

景氣唔好時央行班人去減息,就是為左拉平上面個數字,起碼要減到大頭鬼能夠持平先叫救市開始見效,景氣好時減息就是打劫A的14.2%去救大頭鬼個負數,起碼要減到大頭鬼能夠持平先叫多謝A大人有大量

如果好似埃爾多安咁既經濟大師,景氣差又加息,A會-8.3+7.1%=-1.2%,D-20-28.6%=-48.6%,還冇一隻正數,再狠點再加息,A會正數,但其他的都負數變大,目的是令有錢人變更有錢

至於聖上咁英明,景氣好又減息,A會+7.1-8.3%=-1.2%,D就+14.3+18.2%=32.5%,結果是鼓勵借錢,高大威,型英帥靚正,厲害了你的覺,谷GDP,然後鐵拳存戶

基本盈利

A--10+3=13

B--10=10

C--20-6=14

D--30-12=18

基本資產

A--100+100   

B--100+0    

C--200-100  

D--300-200 

以下是貨幣兌美金貶值,例如貶10%,利率3厘借錢6厘

資產

A--100+90   

B--100+0    

C--200-90  

D--300-180 

收入是本國內需的話

A--9+2.7(-10)=11.7(1.7)  1.3/11.7=-11.1%

B--9=9       1/9=-11.1%

C--18-5.4(+10)=12.6(26.6)    1.4/12.6=-11.1%

D--27-10.8(+20)=16.2(36.2)   1.8/16.2=-11.1%

賺少的比例一樣,但計及一次性的匯兌收益/虧損,借得多帳面賺得多,但是,如果計派息的話,D會好似賺多左錢但一樣派少左,而且好似賺多左錢卻掩飾了賺少左的事實,如果貨幣升值,也是主要都是帳面數字較實際大

收入是出口美國的話

A--11+2.7(-10)=13.7(3.7)  0.7/13.7=5.1%

B--11=11       1/11=9.1%

C--22-5.4(+10)=16.6(26.6)    2.6/16.6=15.7%

D--33-10.8(+20)=22.2(44.2)   4.2/22.2=18.9%

實際上邊間公司大概也不會100%內需或100%出口美國,多少直接間接受影響而在位於全內需同全出口之間,例如貶值而出口量多左或加價,貶值而生命值硬接,介於兩者之間,硬接的方面4間減派息一致,加價方面大頭鬼的加派息多D,大頭鬼的表現比較好,如果貨幣升值大概會相反

總括而言有錢的公司有防止變化,不歡迎變化,變化去死去死的傾向,除左個別情況,基本會比人話係廢老股,這個變化是環境的變化,而那個別情況,是公司自己變化

大頭鬼公司則是跟隨變化,歡迎變化,吸食變化,死於變化,反正唔係生就係死,主要是有人賺就代表會有人死

大頭鬼相比於閒錢公司好的限定期間:

1.景氣改善限定期間

2.減息周期限定期間

3.幣值變化期間

買入552

5/22再沽多10000股已除淨5.25的2386,換入10000股1.67的筆克同10萬股0.32的神冠

5月29一次過賣曬除淨後5.44的5萬股2386,0.315買多10萬股1522湊夠100萬股,剩低的3.8換入64000股除淨前的552,係永亨度落單大手指打錯數字賺少左幾千

雖然買左552,但轉頭又賣返出去的可能性還是有的,都係睇相對價格

*6月6日4.05-4.06賣出64000股552,再5.1買返50000股2386,算係賺左果10萬股1522

雖然買左2386,但轉頭又賣返出去的可能性還是有的,都係睇相對價格

1522京投交通

建設鐵路的唯一目的係將人或貨便宜迅速安全的運送到目的地,嘛,正常的情況下

不過有D地方會想係各種行業包括鐵路上面加入原本沒有需要的其他偏離主旨的功能,於是洐生一D例如撩鼻之類奇形怪狀的行業,特別係最近呢10年,好似1522就係出於呢種原因而產生的公司,可以說沒有聖上的登基就不會有這公司存在

1522的業務係起同保養地鐵站,  ---的入閘機,售票機,充值機,電視機,wifi點,監控,人臉識別,安檢,數人頭,自動門,警報,估計係呢類名曰大數據AI維穩野

呢類野係估計係唔會真招標的,而是事先指定某人做,再成立公司,再扮投標,然後內定,因此經營者唔會點變更,而地鐵公司開公數,除左呢幾年地方政府可能開始會拖數之外,穩定性應該是有保證的

成長性的話,上面係大地鐵時代,會有人為左追求GDP,加上炒地皮,會不斷起地鐵,對地方官來說簡直是魔戒,除左呢幾年地方政府可能開始會拖數之外,成長性應該是有保證的,本來商用鐵路係應該追求快速便宜易保養,但來到執行果度就會變成追求高大威,變成更多無謂多餘浪費燒錢丟空的建設,這樣也會變成1522的成長養份,而且天朝獨自的無謂技術可能會輸出到某D有需要的國家

"將CCTV的密度再加多一倍","鼻毛呢!我要看到鼻毛","廁所也給我往死裡裝","角度噠!由下往上的角度"之類應該唔會嘅,如果上面出台呢類政策,也會是1522的收入,1522相信就是這樣的公司

由於係唔招標的,會唔會分派到比佢就是概率事件,好似1522的公司似乎是分好多山頭的,可能母公司都係同一個地方政府,但每個仔都有各自的豬肉,可能係二代,可能係退職幹部之類,例如1522揸注京師兩個機場線咁,如果環狀線加站那是其他二代的山頭唔到1522插手,只有加長機場線先會100%輪到佢,如果京師新建全新的線路咁就有幾十%概率輪到佢

成長性來說,1.來自原先的地鐵延線,2.低概率接新路線(包括高鐵站),3.收購

收購的話,收購同級的二代肥肉相信比較困難,即是說1522有帝都政府撐腰,但1522唔可以向其他同樣帝都政府撐腰的二代出手,相信也不可以向力量相當的魔都政府的爪牙出手,但1522可以用狐假帝威向四天王實力之外的中boss著手,招攬一些豬頭人將軍,哥布林薩滿,寶箱怪之類二三線戰力

建設收入是一次性的,賬期長,近年仲有可能拖數,但保養應該會穩定,毛利率高,而且一手錢一手貨,味皇主要係貪佢的保養收入

2386起同保養煉油廠,門檻是技術,1522起同保養地鐵站,門檻是權力,除左產品形狀唔同,內裡其實都差唔多

PB只有0.25,但是公司的實際財產其實唔多,所謂"資產"大半係商譽之類溢價,真資產主要係價值不定的經營權

派息0.25,比之前兩年低,相信是政府唔找數,就好似唔找核酸數咁,不過話曬係京師,應該有拖冇欠,如果係徐州揚州荊州果類地方就大機會唔找數

損益表營業額十幾億,盈利大約1成,但佢稅率普遍都比法定稅率低,代表盈利比賬面高,現金流表顯示已交稅項每年都極高,代表佢稅基也很高,但相對佢經營現金流最近幾年好少,"賺左錢"所以"交埋稅",但冇錢袋仲要掏存款出黎交稅咁樣,現在睇政府肯幾時一次過找一大筆數啦,拖緊的尾數起碼6億以上,派息5000萬,交稅4000萬,盈利同派息其實都很好,尾數到手就升天,如果一直拖就二年後會出大問題,不過味皇假定京師為顏面最終還是會找數的

市值唔夠7億,資產淨值27億(偽),盈利1.7億,派5000萬,交稅4000萬,看起來生意來源穩定(除左政策變化時),一定有成長性,唔駛點錢升級,hea做,派息比率高,1522應該係很不錯的出糧股,對股東來說,更加是對安插來的高層來說,唔駛點做,唔駛揹鑊,係辦公室食下秘書,就有糧出,如果味皇冇理解錯的話

缺點主要係拖數問題,仲有就是高層如果想刷存在感亂收購的話,可能會高溢價買野,錢賺唔到反而多一堆商譽要攤銷令盈利數子減少,呢類公司好多時都是基層中層同副手很會做野,但高層是白痴

雖然由登基而來,但佢應該唔會怕萬一駕崩的影響,無論繼任者係乜人,當權力者得到一樣很好用的控制工具時,是不會放手的

1713四川能投

寫之前先講下AI股

點解NV會當成AI股炒到咁高,而同整樣晶片INTEL同AMD又唔可以呢,IT狗味皇認為並不是因為NV的晶片計算能力比較優勝,而是因為軟件問題,正確來說是OS問題,無論win定linux,可以支持一部機同時用好多張顯卡,但唔支持同時好多粒CPU,習慣上底板廠可以設計成支持插100張顯卡的底板,但唔會設計插100粒CPU的底板,CPU的功能可能包括南北橋總線內存總線之類雜物,插100粒就有100份雜物,而顯卡就相對純度更高只有運算功能插100張就單純增加100倍算力,並唔係用顯卡搞AI更有效率,而是用大量的CPU並不會增加效率

如果AMD當年唔收購由香港人創立的ATI,或者唔鏟除ATI個牌子,咁齋ATI可能炒得貴過現家的AMD+ATI整體

咁100張顯卡帶來的是什麼呢,是100倍的功耗,一張高級顯卡起碼450W,100張就是45000W,一個鐘燒45度電,100張顯卡放埋一齊降溫的冷氣可能要6000W,即使用80puls的火牛的高級火牛,耗電應該還是超過60000W,如果其他國家冇又新又貴的顯卡又想彎道超車,咁450W的新卡實際上係可以用10張3年前的300W二手舊卡黎超越的,即係用300000W耗電的1060的新時代算力黎超越45000W的4090外國反動算力,1000張新時代顯卡的機房可能要500000W,一個鐘燒500度電咁樣,AI係帶來美好的J圖時代之前,太概會先帶來人類毀滅吧,所以其他國家想彎道超車的話,就必需帶上毀滅全人類的氣勢,智慧可以輸,但氣勢不能輸

簡而言之,味皇想說的是,發展AI是假,搞AI的公司大多並無生產出有多實際的東西,不是用AI產品黎盈利,而是炒賣集資製造財富轉移的籍口,真正係AI發展上有直接相關的除左晶片股,就是電力,而電力股卻不被市場視為AI相關,可能是太實際了,冇得發夢,所以沒有利用價值

電力市場好多地方是依靠政府補貼的,所以凡是發展高耗電而又唔會盈利的行業,例如半導體,只是會拖垮政府財政,反正小學生不會懂,同樣搞AI也一樣,如果用火力發電黎搞,只會邊度搞邊度死,所以味皇先話真係有心搞就去冰島搞,慳返煤炭同散熱,類似這樣的原因,要搞AI最重要的是穩定強大便宜唔駛補貼的電力,可以是水電,可以是核電,唯獨不能是火電,受地理條件同政治因素限制,全世界只有極有限的指定地方可以搞

呢度有幾間電力公司,可以發現火電好易奉旨蝕錢,只有其他接近免原材料的先易D賺錢

現家就話搞AI啫,而AI其實是第二代藉口,上一代藉口是挖礦,如果排除了名稱,你會發現炒買的方法,炒賣的人,目標的群體,消耗的資源,是完全一樣的

挖礦高峰期火力發電廠好易蝕到媽媽聲,特別係離偷電黑點多的地方的電廠,(836可以睇落最近增長咁多,是因為火力發電蝕錢變成中間有個氹),1713同1816由於發電唔駛本賣一度賺一度,即使偷電也是偷市電,政府找數都係賺,而火電發一度蝕一度偷一度蝕一度

點解全國挖礦的基本都集中曬係四川呢,因為全國只有四川果邊的地理條件適合大量做水力發電,全世界冇幾多地方有咁密的斷層,咁高的落差,咁大的水量,咁窄的河谷,所以四川的水電廠名義可能只是山卡啦鳥不生蛋地方的的電廠,但佢卻是服務左全國的礦工,所以你就算幾唔鍾意幾唔想承認都好,只有地理是冇得呃人的

1713是四川不算大的城市的水電廠,但需求不需視乎不算大的城市有幾不算大,反正只要挖礦有利可圖,礦工頭子就會好似蟲族咁蜂擁而至,變成不算大的城市有奇怪的高耗電

基於呢個理由,味皇果幾年就想買1713了,不過直至最近先買到,而現在升左咁多已冇乜加注的動力,雖然仲係平

係各電力公司之中,1713盈利算相當穩定,而財政可能是最好的一間(早幾年想買果時),味皇認為佢可以無視疫情影響,就算唔增長都至少唔會衰退,當時味皇將佢當成是投資組合出危機時的換馬退路之一

最近期的業績所示,佢營業額/固定資產增加相當多,同時現金減少/債務增加,可能有GDP鐵拳成份,叫有增加投資,由於是營業額增加多而盈利增加少,是前期投資或低回報投資都有可能,當中有50%概率盈利之後會追上營業額比例,如果唔計自然成長同額外投資,5年次中佢盈利大概在營業額的7-10%, 50%的概率3/10的成長

另外佢5年的經營現金流是8.2, 8, 6.2, 6.6, 4.9(億),增長應該是算多的,現家市值先16億,派6厘幾,仲係平,又平又穩定,又有真AI加持,係冇得發夢啫,至於礦工,由於挖礦同AI是同一班人,重覆左的舊題材效果會比早幾年差

搞假AI同挖礦是邪魔外道,但水力發電卻是真環保,味皇唔拍拖唔生仔,係真☆環保份子

買入1522

早排5.09同5.29賣出各20000股中石煉化,之後0.305-0.31買入90萬股京投交通,1.21買入20000股東瑞,股息應該提升返一萬,之前講想買粵海時仲係3.4,轉頭就升最後左冇買到,有D野就好似杜拜王子咁,過左就唔好提咁

2386由原先冇乜成長性的10厘股變成現家冇乜成長性的6厘股,冇乜成長性的10厘股同有D成長性的7厘股相比可能10厘股較優,但冇乜成長性的6厘股同有D成長性的6厘股相比就後者較優了,要搵的話點都會搵到,搵野比新資金買比較困難,但搵野同原先的做比較會相對易少少

1522做的生意同2386一模一樣,只是產品不同,一個做煉油廠bot同保養,一個做地鐵站bot同保養,相對1522比較平同唔駛股息稅咁解

如果2386再繼續升,味皇應會繼續賣,買返乜就要視乎其他目標升得有幾少,另一方面2386下星期就除淨,比其他股早差唔多一個月,如果除淨後同其他三天王除淨前同一水平的話都值得轉換類似道理

股市大升,也唔代表乜都升,之前股市大跌,也唔代表乜都跌,例如之前買過的2230咁,上年跌市時升幾成到2毫,而現家升市時跌到0.17之類咁樣,不過想要味皇由752換回2230,感覺還是太早

之前3亳賣的6119,果然左一巴右一巴,特登唔派息令股價大跌再收貨,現家升到差唔多6毫,不過要留意,佢就算點講都只係一個蚊型的地方港口,之前市值1億幾啫,現家升到3億幾,如果私有化一個蚊型的地方港口可以出幾錢呢?合理價唔會話好高,特別係佢衰到特登唔派息呢點就已經唔覺佢會益外人,係除非佢收到剩好少街貨,咁D貨尾就會出高價收

相傳移英的香港AA就專門呃返香港人,買英國樓無論靠中國人家靠香港人,似乎都係信唔過,正如杜拜王子咁,當年味皇買日本樓點解要咁強調避開中國人而直接去搵日本當地地產買,就係怕中國人隨時比味皇更聰明

四天王

呢度有4隻股,質量幾乎完全相同,前景也類似,屬於成長性微妙又唔多會衰退名氣又差唔多的物體

甲現價5.14,PB0.67,派0.34人仔,乙現價3.83,PB0.61,派0.25港幣

丙現價3.77,PB0.56,派0.22人仔,丁現價3.15,PB0.69,派0.17人仔

差距基本都在誤差範圍內,大概揸是但一隻結果都差唔多...大概,但資本市場並唔會對完全一樣的東西比完全一樣的估值,何況只是類似的東西,現實並唔講道理,但我們文明小市民的心中一般都唔會忽略道理嘅,以後會唔會比現實毒打就係另一件事了

如果相信道理的話,可以嘗試係甲乙丙丁之間反覆橫跳嘅,只要股價超出其他的太多的話換馬也是一種選擇

甲係2386,乙係934,丙係552,丁係3969

不過四天王有五人係常識,味皇正在買其他

沽清遠航

上星期0.305左右出清剩低的8502,之後0.39買多40000股唐宮同6.82買多3000股中信湊齊頭數,今個月味皇係其他地方有較多意外支出,補貨會緊手D

8502係屬於味皇有機會再買返的股,但現在感覺留唔過,佢今次唔派息,味重認為原因是關閉礦山斷佢衣食的影響,煤炭股之前升好多,但再之前煤礦可是比聖上關停左好幾年的,學得煤礦咁,石灰石礦山要關閉幾耐睇唔到上限,環保政策一件事,主要係現在的水泥無利可圖供過於求,如果不是好似齊魯呢D搞咁多無謂的工程黎消耗水泥,隨時海螺都要走數,至於8502碼頭的旁邊,正是海螺的主基地,8502味皇要等以後佢邊期的季報營業額恢復左先會再考慮

味皇是散戶,散戶通常會有為自己的蟹貨找理由合理化的傾向

唐宮原先諗住現家就已經食左糊的,味皇預測佢會恢復中期息--恢復左,會大幅增加派息--增加左,會虧轉盈--轉盈,結果呢段時間跌左7000點,倒跌一半,由食糊反而變成賣唔過,另外佢下半年業績變差左總盈利不夠高,本來正常今年就用完的免稅額用唔曬有剩,所以增持些少,佢生意主要係帝都同魔都,前景麻麻,屬於食唔飽死唔去要知足感黨恩的樣子

中信算係冇乜選擇時知足的選擇

疫情解封是一次性事年,題材己經用完,再冇其他確定性的有益事件,現在想找一隻前景很好又平又靚又免捱打的選擇實在有點腦力大挑戰

減派息統計

味皇唔係咁想做呢種統計,一黎要睇曬千幾二千隻股的痛苦,二黎會喚起自己被打拳的痛苦

標準姑且就咁設定,今年派息比上年少的計-,上年唔派今年唔派的唔計,上年唔派今年派的計+,今年派息比上年多的計+,新股唔計,下半年比上年下半年減的計-,全年總數增加但下半年減少的計-,全年總數比上年少但下半年加的計+,中期唔派但恢復末期計+,恢復中期末期減少人總額比上年高計+,末期一樣但全年減的計-,未出末期業績的唔計,但因為減派息係下半年顯現的問題,主要是味皇想知道第4季呢個時點發生左乜事,由於數量多眼花或者大手指症,數字唔一定準確,統計數據係上商的同業分類

廣告及宣傳--有4隻計算,3+1-

航空國防--有3隻計算,2+1-

農產品--有1隻-

空運及物流--有4隻計算,1+3-

航空--有2隻+

酒--有3隻+

再生能源--有8隻計算,3+5-

鋁--有4隻計算,3+1-

飼料--冇

衫--有18隻計算,13+5-

衫零售--有1隻+

軟件--有5隻計算,3+2-

汽車零件--有13隻計算,8+5-

汽車--有5隻計算,3+2-

銀行--有28隻計算,20+8-

生技--有6隻計算,4+2-

廣播--冇

承建--有11隻計算,6+5-

賭--有4隻計算,3+1-

中藥--有5隻計算,3+2-

煤--有9隻計算,2+7-

貨車--有12隻計算,8+4-

電腦--有4隻計算,1+3-

綜合企業--有9隻計算,6+3-

建材--有12隻計算,3+9-

消費電子--有4隻計算,2+2-

電力--有8隻計算,6+2-

銅--有2隻+

奶--有7隻計算,1+6-

百貨--有4隻計算,1+3-

電子商務--有17隻計算,10+7-

教育--有12隻計算,8+4-

電子零件--有8隻計算,2+6-

電池--有3隻計算,2+1-

環保--有11隻計算,7+4-

肥料--有3隻計算,1+2-

放貸--有16隻計算,8+8-

添加劑--有6隻計算,3+3-

鞋--有6隻計算,5+1-

木材--冇

game--有8隻計算,4+4-

燃氣--有11隻計算,7+4-

金--有4隻計算,3+1-

工程機械--有12隻計算,9+3-

重型機械--有7隻計算,5+2-

家電--有9隻計算,6+3-

家裝--冇

酒店--有4隻計算,3+1-

家具--有7隻計算,3+4-

工業器材--有18隻計算,8+10-

保險--有12隻計算,8+4-

基金--有5隻計算,2+3-

鐵--有6隻計算,3+3-

珠寶--有2隻計算,1+1-

文娛--冇

整容--有18隻計算,14+4-

保健--有14隻計算,10+4-

藥品分銷-有5隻計算,3+2-

影視--有2隻+

新能源物料--有2隻計算,1+1-

飲品--有7隻計算,5+2-

核-有1隻+

油氣設備--有7隻計算,6+1-

油商--有5隻計算,2+3-

服飾配件--有6隻計算,4+2-

其他金融--有1隻+

礦--有7隻計算,1+6-

其他零售--有2隻計算,1+1-

支援服務--有12隻計算,9+3-

食品--有12隻計算,6+6-

紙--有2隻計算,1+1-

護理--有3隻計算,1+2-

藥--有25隻計算,11+14-

肉--冇

印刷--有12隻計算,5+7-

地產--有30隻計算,7+23-

收租--有15隻計算,7+8-

物管--有30隻計算,17+13-

出版--有1隻+

路--有12隻計算,7+5-

地產經紀--有1隻+

reit--有10隻-

飲食--有8隻+

陸運--有1隻+

衛星--有2隻,1+1-

劵商--有15隻計算,5+10-

半導體設備--有1隻-

半導體--有5隻計算,2+3-

航運--有18隻計算,9+9-

採購--有4隻計算,2+2-

化工--有10隻計算,3+7-

超市--有2隻-

IT--有12隻計算,7+5-

電訊設備--有8隻計算,5+3-

電訊--有6隻+

布--有2隻+

煙--有1隻+

玩具--有2隻+

客運--有2隻+

旅行社--有1隻+

水務--有5隻計算,2+3-

如果好景的話,照計大半都係+,但現家多數一啖砂糖一啖屎,你話佢市道差定市道好都啱唔曬

當中量大偏向大比較有統計意義的係呢D:

地產7+23-,reit10-,建材3+9-

銀行20+8-

劵商5+10-

電訊6+

飲食8+

衫13+5-

整容14+4-

保健10+4-

奶1+6-

化工3+7-

礦1+6-

煤2+7-

油氣設備6+1-

支援服務9+3-

個市跌咁多日日有新聞好似好驚嚇,似乎係因為中國特色股市主要係由地產股組成,地產股不是股市的全部,但每次都嗌得最大聲,同地產相關的係全面食屎,但其他行業還可以用一啖砂糖一啖屎黎形容,至於水泥公司就賒數到等銀行call死為止

銀行大致未死得,但下端的死唔少

劵商執好多,現家應該叫整合

電訊股係清流,賺三賺四最後還是救了你

放監出黎,飲食,衫,整形,大保健返生,放監效應是一次性的,有冇持續性就唔清楚

冇人飲奶,味皇推測坐監幾年期間冇人熱衷於繁殖

化工應該係需求減少自己用少左同鬼佬入少左應該都有關

礦同煤意外地唔掂,味皇一時想不到能套用的理由

油氣設備主要係之前簽落的多數係長期訂單

支援服務內容太雜唔知點形容

另外

航運--9+9-

佢又將船公司同碼頭視作同類,如果拆分返出黎,船公司大半係-,運費由上年高峰回落左,碼頭大半係+,7+2-,唯獨味皇的兩隻遭精準定點要害打擊,到底要說味皇選股有問題定係個天都唔鍾意我?味皇其中一隻係忽然冇理由唔派息重插然後有劵商狂收爆升,另一隻係主要做海螺的水泥碼頭,第4季水泥唔賺錢全國關閉石灰礦山

藥11+14-

政府用乜藥都要招標,每次招標都會重新洗牌,味皇算是死於概率

今次特登做個減派息統計,係因為股齡咁多年好少好似今次咁狠,味皇中招率咁高,想知死因,今年感覺應該是比較特異的,可惜以前冇做統計冇得參照

味皇不每項都評價,基本每個行業的屎入面都有豆,有心搵的話唔係一文不值,總體而言,平時一D叫做穩定,穩賺的行業,今次都有叛徒中出,有今次,可能也有下次,但果個行業平時都是穩定,穩賺的,另外現時運氣的作用相對較大,好多公司不是漸變而是突變,屎豆各半總有一半機會中,暫時地產唔見起色,好似水泥股化工股好多都還在賒數過程中,賒數期限倒數,總會倒一批,銀行下端輪完大米之後就到中端,債務多的私人公司難續期,債券少的私人公司也難借,地方政府公司視乎地方的財力決定借幾多錢駛,而中央企業會因鐵拳下繼續大放出,進行多餘的貸款無謂的收購浪費的投資盡量的派息,由於回報率低,中央會減息或扮減息,水,電的政府對內收購價亦可能會減

經過今次統計,並沒有得出甚麼乜非常特別了不起的結論,味皇的死因欄求其填"死於不幸",感覺浪費精力白寫左一大篇文

沽清茂名港

0.32沽清6119,仲未換馬,有可能換1883或270或3315

本來業績期之後味皇應該寫一批業績分析,但是味皇現在可能需要賣股時而D股冇成交量,咁寫出黎只係揾自己笨7,雖然有幾多關於下半年特別係第4季的想寫,但最多都係由唔關事的開始寫

最優先賣的唔係6119,但佢有奇怪的成交量而且有奇怪的人托,所以賣到先,佢好地地忽然唔派息,味皇思疑佢係唔係學1270咁先收小股東皮,再黎私有化,可能會左一巴右一巴,不過味皇還是決定唔博,佢無論係好地地忽然唔派息,定係想先收小股東皮再黎私有化,邊一樣都係顯示佢係有問題的獨裁者,友誼的小船話翻就翻,失去信任只需一瞬,想恢復信任則要幾年

明明尚書大人說股票CP值越來越高,股市表現不錯,聖上又要求A股帶頭派息,但現時味皇係上商個網度批量睇,發現10厘股係字面上大量消失,似乎減派息停派息是非常大面積的事情,個個食左熊心豹子膽,唔通存錢入銀行會提唔返出黎咩?比如說中石煉化,現家升到8厘左右,味皇想換馬睇下有似乎冇更高或更高品質的,居然搵唔到咁滯,無論對味皇呢種垃圾佬,定係唔想再蝕錢的散戶,投資目標都變得相當細範圍同集中

之後味皇會試下統計一下派息情況

味皇早兩日又開始收到密集的垃圾詐欺短訊同電話,CTM恢復似乎意外的快?感嘆變變變生命力,果然只要有人類就一定擺脫不了

另外上一篇去的地方,味皇住的酒店價錢多介於85-119之間的垃圾房,上面無論不同地方例如A市或附近的B市或幾千公里外的C市,市內景色可能都千篇一律,特別係夜晚,去得幾次就覺得冇乜好行的,大概第時港澳都會變成咁,於是行左食左大半日,夜晚留係酒店睇西片CP值比較高

冇比較冇傷害

月尾2.57增持多20000股CTM,另外8502業績後0.3賣出32000股,0.31換成30000股829

原本以為今年解封之後會有好結果,點知還不如上一年,連帶味皇也要陪上面共度時艱,上面唔係落左政策叫D公司能派息就派息?結果個個都當聖上冇到,唔係減派就停派,班人的心態都變了,估計味皇今年的收入應該比不上上年,近期的選股好多都出現了不如預期的結果,不過嘅然是味皇自己親自指揮親自部署的決定,結果當然應該由味皇自己承受返,冇乜好賴的,之後唯有自己想方法解救

原本事隔左幾年,味皇開始有外遊計劃,不過收入不如預期,局長又話港股性價比越來越高,頓挫味皇的外遊積極性

香港由治及興的好處越來越多大6人睇到,特別係深圳人,味皇不禁想起10幾年前,澳門人工極高,珠海人工極低,之後珠海物價比澳門人買到越來越高,珠海當地人反而買唔起的情況,現家深圳睇起黎有類似的情況,香港人上去買野嗌好抵,事實真係抵咩?

係呢度比較一下,味皇近期出大6食的價錢:

1月係湛江食的雞扒意粉,19蚊

1月係湛江食的雷州羊雜粥,10蚊

2月係英德食的燒鴨粉,1隻脾1邊胸,驚異的16蚊

同店23蚊燒鵝粉

2月英德食的雞扒意連野飲,19.9

3月珠海食的焗飯套,24.9

3月珠海食的焗飯套,25.9

3月珠海食的咖哩雞套,24.8

3月廣州食的牛腩淨雲吞,23蚊

另外廣州的大悅城已經起好,租滿,但人不多

3月廣州大悅城食的叉飯,16蚊

3月佛山食的扒包套,23蚊

3月順德食的冬陰功拉面套,29.9

3月西樵食的肉餅飯,19

3月順德食的咖哩雞套,20.9

(以上部份價錢包含優惠)

若以哩個價錢為基礎,深圳貴50-100%,澳門貴150-250%,香港貴250-400%,深圳不能說平,只能說相對平

雖然原料產地一樣,澳門食物唔一定比大陸食物差,有人留澳食,雖然原料產地一樣,香港食物通常比澳門差,煮的時間更短,份量更細,又要搭抬,又要趕時限,對於乜乜幣物物幣呢D不可視的東西人類不易分別,但食物之類可視的物體是經不起比較的,想阻止就是要阻止人地比較,例如想比較A同B就需要接觸A同B,要不就資訊封鎖令A或B"不存在",要不就行動封鎖阻止接觸A或B,要不就經濟封鎖令比較的媒介消失,不過救國大於救港,唔駛惗

另外淘寶雞扒原料先2蚊一塊,所以先有平雞食,雞命不是命

1883業績

業績好差,上半年賺7.3億,而全年總共只有12.3億,即係下半年只賺區區5億

有兩種情況,上半年成長率25%高得有點出奇,於是有可能係下半年的生意分配左去上半年,例如集中曬係上半年轉plan之類的,咁下年盈利會同今年比較持平,另一種情況係下半年真係好唔掂,咁下年可能繼續維持在低盈利水平,咁全年就會大跌到得10億

下半年盈利大跌的原因,味皇認為主要係10月尾的緬甸內戰,突然冇曬詐騙電話同詐騙短訊,相信在坐各位都實際感受到呢幾個月收少左垃圾電話,

CTM比較利好的係淘汰左ADSL,可以掉曬D陳年存貨,執左維修部,炒咁D老年IT狗,經營成本少D

營業額細分:

                           23全年     22全年      23/22上半     23/22下半

移動通訊服務         967        827         457/417         510/410       -下半年成長

(電話月費)

互聯網業務           1427       1331        705/649         722/682       -下半年成長

(光纖同數據中心)

國際電信業務       2954       3453      1951/1715     1003/1738    -下半年腰斬

(IDD)

企業業務              3079       3069      1506/1538     1573/1563    -下半年成長

(VPN同雲端)

所謂國際電信業務呢個分類係2022年由24億忽然爆升到34億幾的,現在只是回到原點而已,由於澳門係果D實力團體的係地球上的第二大據點,因此影響不會細,同樣道理,相信台灣大哥大也會有影響,如果今次連根拔起,到下次勃起之前呢D垃圾電話是不會再收到的,因此CTM下年係呢部份相信大概率唔會恢復,而且緬甸是10月尾打起來的,只佔半年的1/3時間,因此影響可能更大,當然這只是基於味皇個人推測

數據中心的營業額味皇推測是9.3億,而光纖5億,同業新意網營業額成長16%,因此CTM算長得慢,企業業務微微增長,月費也是,除左做詐騙呢行之外其他比較差但都叫穩定成長,整體是好的,只是中左一拳

假設IDD跌回2019年水平,即是18億,2019當時賺10億派20仙,2024年按比例最差賺10.5億派21仙,希望估錯啦

今年CTM實際是衰退的,但CTM還左5億利息支出減少,又炒左D服務詐騙的人,所以派息仲可以微增,現家CTM債務還剩大概35億,予計7年就還清,可能減少派息,但債務少可能增加派息比率而維持,兩邊都有概率

2348東瑞製藥

味皇睇中佢時仲係1.01,當時沒有閒錢買,現家已1.3,如果不是1606中途突然爆升有錢換出黎,味皇應該錯過左佢,業績前寫一下,費事馬後炮

用30秒大法黎睇:

1.固定資產增加,特別係上年大增,應該有搞頭

2.現金大增,大概率增加派息,或者是特別息

3.有回購股票的習慣

根據上面3點,東瑞已經有投機價值,至少一年前就可以通過睇呢個表知道,至於有冇投資價值就睇價錢了,1.01的話是PB0.57,派息8.7厘,味皇覺得非常可以接受,不過在15000點的時候也唔一定輪到佢

之後中期後呢個表冇寫出黎的事情係,佢又有子公司賣左比人,現金再度增加,派特別息的機會再增大,不過也是味皇買左之後的時情,非常近期

於是東瑞有多個好處,股市特低而佢有回購,借錢極難而佢有現金,生意唔好而佢好轉,行家縮小而佢增產

唯一壊處是增產請人賺唔賺得到唔一定,但折舊會先增加

佢經營現金流連續5年增加,疫情下仲想點

通過30秒大法的東瑞有睇年報詳細了解的價值,佢固定資產增加是因為舊廠搬新廠,而新廠今年己全部投入使用,無論好定唔好,都會在今年表現出黎,現金增加是舊廠地皮收地的收地款,由於是非經營收入,所以派的話是歸類為特別息,當然現金多身痕胡亂收購也有可能,但東瑞有回購的習慣所以收購外人的機率低一半,雖然想這樣說,但近年並沒有回購

按呢5年經營現金流的數量黎睇,經營現金流大致係存貨的2倍,折舊的7倍,佢折舊率約10%,最新的8億固定資產應該會產生8000萬折舊,因此東瑞下年的經營現金流估計4.8-5.6億之間,由於最近賣左批子公司變現,經營現金流可能少過估計,但相對地利息收入會超出正常

最近賣左子公司之後,現金應該已經超過10億,味皇不清楚佢想留幾多現金為之合理,根據以往記錄,佢3年前現金7.3億時,就派了特別息,現金跌回5.8億,因此東瑞如果派特別息的話,預計連同正常派息合共派總額1.5-4億之間,即每股0.1-0.27

如排除呢點,係大6賣藥不確定因素很多,想穩定地長長久久地賺錢可能比較困難,在組合中只能分散不能柯煙,要形容的話,好似球會咁,你可以推斷佢的實力係行家當中算強定算弱有冇優勢,但對賽結果同排名同實力並無必然關係而不太能準確預測

新地圖一游

早幾個星期由於未搵到新目標,於是1.65入多30000股1713,之後果個星期1.7再入多54000股,另外0.39再入多80000股8502,沽1606的錢大致都買返曬

最近某神又追加了新地圖,原型物理距離比較近味皇又得閒於是去左幾日,咁上下:

攝自三叔s10e,都唔應該叫叔,5年前的老爺機應該叫叔公了,地點係英德,味皇買左包三無茶,英德紅茶好似好出名,但是無論是車仔立頓還是蜜雪冰城,我們每週飲的廉價茶葉也就是英德紅茶,對我們同英國佬來說也不是甚麼希罕珍奇野,英德紅茶能夠出國無非是物理距離,400年前葡國佬上岸的是澳門,而離澳門最近的茶園剛好是英德而已,如果葡國佬上岸的是泉州,咁現家沖奶茶的茶底可能是鐵觀音了,好多時只係咁啱撞正係你而唔係你有乜特別

不過英德的重大景點味皇沒有去到,因為沒有前往方法,可能係地方政府缺錢?定係本身就係咁,英德甚少巴士路線,遠少少都去唔到,來回大景點的方法一係打車一係併車,荒山野岭狀甚可憐的味皇點會鬥得過彪形大漢,不信任人類特別是其他國家的人類的味皇自然沒有上車(而且又貴),結果味皇只能去市中心比較近的景點,同桂林相比,好處係人少全程廣東話少老實商人,壞處係交通唔方便,英德的話,市中心街市學校旁邊3房1廳唐樓月租800售20萬,燒鴨20蚊斤,人工3-4000

講開茶葉,茶園遠睇落去係幾好睇的,味皇去過有D以前產茶但現在不產茶的地方,會有展示用的茶園,好睇係好睇但實際上只係燃燒稅金,完全唔覺得游客買紀念品可以回本,而英德的茶園是實際產茶的,D茶樹葉有D比蟲咬到一個窿二個窿,修剪也不甚齊整,唔似專人杜蟲修錢的咁靚,但產值起碼可以交到地租同養埋自己,反正實用的係講效率,自然不及不計成本的美觀

維多利亞港係天然深水港,澳門的淺水港由木船一轉到鐵船年代就被市場淘汰,以港口來說進入鐵船年代,維多利亞港比澳門的港口優勝,維多利亞港好係邊呢?水深港闊,有山擋風,有島擋浪,海岸線長,直出直入,不用疏浚,相比起周圍現家更先進更多船的例如南沙港蛇口港鹽田港,維多利亞港依然是最優,優點在於不怕被海浪侵蝕不用派船挖泥,不用在維護上多出1個仙,地球會自動保養,然而在硬件上全面勝出的維多利亞港比其他人造港取代,也就是上面的人頭腦不行,係度燒煙花喎,好睇係好睇,好似茶園一樣,起個茶園係用黎睇定係用黎種茶架?維多利亞港係實用型的港口,遠比周圍所有港口都實用,你不去實用,而是用黎觀賞,不是用黎抽稅而是用黎燒稅,這就是現時社會的狀態

味皇覺得,維多利亞港如果要回碾上面的港口,只要找個地方劃成三不管,不當成香港不適用香港勞工法,入面全用外勞,食強國科學飯,開專門的路直連強國,收工運返上去,在人力成本上強行同周邊拉平,就好似新加坡剝削外勞唔當佢地係人咁,官已不講人道,何不更加地獄?

2020年剩蔗

上期2019年上市的股票入面揾唔到托付的目標,退而求其次,係2020年度搵,舊文係果年寫早左,11月寫的,懶搵資料,11月後上市的的就算

好多上市前的數字都已經可以看出端倪,但4年後再回頭看,2020年上市的股質量低得令人髮指,好多都是沖著詐騙而來,之後幾年唔係蝕錢就是增發,實際上當時的社會風氣確實如此,正如乜幣乜宇宙咁,講返係生意難做股市低迷的時候上市圖甚麼?一係想騙錢,一係缺錢到連賤賣股權都唔放過,可以預期2021年到現在上市的股票目的大都係咁上下

2020年119隻海量的老千股入面,味皇現家30秒大法齋睇負債表,初步剩下9901, 9995, 2132, 1455, 9987, 9633, 9913, 6968, 1163, 1502, 6078, 9997, 9999, 2381, 1936, 1953, 1463, 1343, 9916, 2263, 9919, 1416, 3718,共23隻

9901新東方

公司還好,怕鐵拳

9995榮昌

又增發又收購,唔知好壞,唔知算唔算合理,財政仲可以,唔派息,估計唔係老實人

2132譽燊

規模相對固定,現金略有增加,但最近冇派息,PB1.9,唔可靠

1455利利

規模相對固定,現金略有增加,有派息,幾肯派息,但有增發,PB0.6,馬馬夫夫

9987百勝

5年如一日,派利低PB高,冇利用價值

9963農夫三拳

固定資產增加現金增加存貨增加,成長中,PB18.5,垃圾

9913智勤

現金增加比較快,好似有點暴利,但唔派息,PB6.9,佢現金咁多都唔派,之後估計多數唔派

6968港龍

地產股之中比路勁好一點點啦,有努力掙扎,也就是比路勁好一點點的程度

1163虎視

大致上原地踏步,現金多但基本不變,唔派息,變相蝕緊錢,垃圾

1502金融街

現金多但基本不變,固定資產同投資多一點點,有派息,PB0.6,吸引力不高

 6078海吉亞

財政看起來不好,不好是佢呢幾年買好多固定資產同回購股票,狂戰士一樣,姑且有派息,PB3.1,經營作風冇話對錯,味皇覺得不太可靠,而且又貴

9997康基

固定資產增加,回購股票,財政又好,又肯派息,個底相當好,問題是PB2比較貴

9999網易

以佢現金增速黎講,163其實係好野,但PB5說明一切,而且佢全身金光閃閃,好似中移咁,一臉揍打的樣子

2381蜆殼

比較平穩,有派息,pb1.2算貴

1936唔知叫乜

現金增加,有回購,但冇派息,PB0.7,博唔過

1953又唔知叫乜

現金傾向增加,有派息,PB0.8,太貴

1463 C link

固定資產增加,現金傾向增加,冇派息,有拆細,呢種程度PB6.2硬膠

1343偉源

還在還債途中,等佢還到咁上下先算,冇派息,PB0.3,未駛急住

9916興業

雖說財政超好,但是管理公司...最近唔派息,PB0.45

2263富石

現金增加,但冇派息,可見的將來也唔覺佢會派,PB0.4,利用價值不高

9919艾德韋宣

淨現金,連續回購,有派息,pb2.2....平返一半可能會買

1416CTR

規模不變,冇派息,現金只是微增,冇乜料到

3718北控

係咁借錢收購,有派息,PB0.55,馬馬夫夫

結論而言,2020年的垃圾堆入面仲未有一隻可以吸引味皇,2019的也未有,因此味皇的錢增持原先有留意開的可能會比較好

2633保濟丸

就係那個傳說中的保濟丸,上市後集資所得用左黎收購左賣西藥的何濟公,最近幸運傷風素又炒到百幾蚊,見TVB賣何濟公的傷風素廣告,結果濟公能醫百病都只係用西藥,唔係用漢方老泥丸

味皇睇中佢主要係高息,跌得耐唔算貴,產品連老母都聽過,有南洋收入,移民潮會帶動東方神藥去到西人地方流通,好似潘高瘦枇杷膏咁

細部黎講,係資產負債表到睇,好幾個好處:

1.股本下降左兩次,有回購股票的習慣,加上佢本身派息多,輸出大

2.固定資產平穩,冇增產需要就冇資金需要,閒錢可以用黎派息或還債

3.現金增加,特別係最近大幅增加,之前存貨同現金咁上下時有周轉壓力,現家冇

4.存貨大致平穩,固定資產也差不多,看起來近期不會大變

5.最近1年現金狂飆,佢增派息,有回購,還算老實

6.可能係保就業筆錢?一次性收入也可以作特別息或回購,反正已解決了周轉問題

7.明顯經營好轉,要買就呢一年

不好的部份是欠債冇點還,欠債來自收購,每次都收購欠債公司

基本上單一張表就可以結案了,姑且睇埋現金流

1.近7億現金流,只派1億其實姑寒,20年能派1/4,之後有周轉壓力派少,今期現金大增,可能增派

2.(其他)應該係回購股票的支出,上年用左3200萬

3.稅4700萬,稅率17%計賺2.8億,比現金流少得多,佢低估盈利,也可能代表佢折舊同攤銷高,至於折舊是否有效,味皇對於佢生產幾十年老泥丸的設備應是無效,但收購的專利藥的有效期減損就可能有效,總體而言盈利多少會有低估,於是佢能存到錢

4.佢自稱盈利2.5億,同上面2.8億的差距不大,明面上冇點厄人,2.5億派1億還算可以

5.收入增加可能係保就業筆錢?一次性收入也可以作特別息或回購

6.明顯經營好轉,要買就呢一年

結論就咁,呢年股市大跌,應該話年年都大跌,但佢今年跌得最多,而佢呢年經營好轉,會增派,會回購,股價低回購又有著數,未增派息時都7厘8厘,味皇睇中時,佢派息係醫藥股中排第二,仲唔駛抽稅,如果冇增長學白花油咁全派OK,好似扮增長咁學利豐咁收購也可以接受

市值12億,pb0.4多D,子公司2161都8億市值,2161經營情況同佢相似,相比之下不算標青,但貴得多,pb0.9

另外中期顯示,呢張表之後的半年,一如上面結論,盈利再增加2成,而股價卻繼續跌

移民潮會帶動東方神藥去到西人地方流通,好似潘高壽屁杷膏咁,BNO算英人唔算外勞,16年後可能有香港人球星踢英超,食老泥丸,就好似將來港隊成隊巴基斯坦人咁,唔食豬扒

2019年新股剩蔗

本來冇呢篇文的,忽然味皇手上多左筆錢,忽然就有搵股需要,於是即席揮亳寫文

現家過左2023年,比5年時間D新股收水,時間黎講本來想寫2018年的半新股的,睇下發現味皇好多觀察名單都係呢年的上市的,為左搵新野避免重複,退而求其次寫2019的

舊文有雞立的2019年新股列表2019新股,30秒大法睇,初步判定可以留的有,6049, 9928, 1553, 8216, 3348, 8617, 8627, 1401, 6186, 1987, 1853, 8441, 3601, 1876, 1839, 3798, 1935, 6117, 3692, 2230, 8635, 1780, 2682 ,3316, 1785, 2885, 當年上市164隻,留底26隻

另外2019年下半年RF死server,味皇當時寫唔到文又留唔到言,遺言都做唔到,有半年空窗期,好多讀者唔知味皇之後搬左google,以為執7左,之後味皇就冇乜人睇了

6049保利服務

貴,唔抵買,對於發展商的物管股,味皇認為是一大市場陷阱,也括藍籌果批,同外判管理公司唔同,佢地唔駛招標,自己出糧比自已,成本可以開公數,唔夠人可以問老闆借,用避稅的術語叫轉移訂價,例如味皇開間動畫公司,母公司係病大,拍一套26集的每集24分鐘的玩具廣告,正常賺100萬咁,病大想將間動畫公司上市,同味皇講,墨水夠唔夠?我1蚊二手讓比你,地方夠唔夠?我1蚊租比你,上網用唔用?我比你痴WIFI,肝夠唔夠?我同你捉帕魯返黎,你套廣告片要上CCTVB播?本來要比錢CCTVB的,我病大大代比,CCTVB同你買套片,錢你照袋,這樣味皇的動畫公司盈利就平白增加到1000萬,然後10倍以上的價錢上市,然後病大袋返,對於成本數字能夠任吹的公司,味皇會迴避

9928時代鄰里

也是物管,如果是外判的就仲可以,如果是開發商旗下的也是迴避

1553邁科

看起來比較OK,有還錢意向同能力,不過存貨比較高,周轉需求大毛利率相信也不高,派息約9厘,PB0.44,呢個市上看一般般,唔夠平

8216豐城

看起來經營良好賺錢多存錢快,但不派息,也極貴

3348鵬飛

財政也算是不錯,冇欠債的習慣,但存貨比較多,有周轉壓力,壓力可能仲不少,短期內唔會派高息,PB0.6偏貴

8617永聯豐

現金大致是一味增加的,冇欠錢,看來相當不錯,pb7倍幾,買果個傻

8627旅橙

同上,但是冇派息,唔派息下的存錢能力也未見非常優秀,PB0.7不低

1401唔知乜叉

最近情況很好,清理大量存貨,也還了債,但有幾個缺點:1.情況很好是因為清理存貨,但存貨清理是有上限的,2.佢冇派息,3.PB4.8買果個傻

6186飛鶴

現金每年都上升呢樣好,積存大量甚至過量的現金,也有派息但相對較奀,pb1.2還算OK,但個格似姑寒財主,3年前已能增派但佢冇

1987新加坡乜叉

還債的途中,想要買等佢還到差唔多先,而不是現在

1853春城熱力

已寫過,pb0.8有點貴

8441國際永勝

公司好似好,但集資過兩次,唔好

3601魯大師

味皇IT狗也不知道佢點賺錢的,冇派息,pb0.3,唔知點形容

1876百威

現金大致年年增加,冇固定資產投資,派息比率相當偏低,pb2比較貴

 

1839中車

財政不差,也不叫好,有存貨壓力,pb1唔抵

3798家鄉互動

感覺似炒股的公司,比唔到一種長久的感覺,pb1.6,叫有派息

1935嘉宏教育

財政上係好,但怕鐵拳,pb0.5

6117日照港

寫過買過,pb0.3平係平,但味皇親身驗證過佢有幾姑寒

3692翰森製藥

pb3,唔見得有相應的暴利

2230羚邦

寫過買過,pb0.7,有成長,但現價吸引力不大

8635

微量的上進,非常微量,微量的派息,非常微量,pb0.2,老闆咬糧股

1780 B&D

有賺有蝕,只派特別息,pb6倍幾

2682潤利

寫過買過,pb0.8,平穩中帶少少貴

3316濱江服務

又是物管

1785成都高速

品質很好,但好價錢己過,pb0.8

2885彼岸

差唔算差,好又唔到好好,pb0.5,小貴,唯一好處係博亏轉盈咬一啖

結論呢年上市的164隻對現在的味皇都唔夠吸引力

換出國銀

之前跌穿15000點都費事出文了,估計大家都冇閒錢買,冇成交量也換不了馬,我們專心做帕魯好了

但係呢兩日有d動L,成交多左,味皇自已幾年前買落的國銀忽然爆升,尋日1.82-1.85沽出一半25萬股的國銀,分別0.59換入11萬股保濟丸,1.62換入66股筆克,0.52換入26000股唐宮,2.14換入14000股衛星,1.67換入146000股怨念的四川能投,大重組下國銀由第二大持股跌到第四,衛星升上第二,筆克第三,組合的派息應該多6-8千

國銀收返契哥沒收的飛機錢,盈利增加財政變好可能回撥,要說增加派息呢,應該會增,但又唔會話多成倍,話派特別息呢,可能會派,但頂盡咪多1亳幾子,話減息呢,阿爺又冇聲氣怕人仔貶值最多味吸乾港紙,現價水平國銀要做10厘股未輪到佢,相對而言四川能投派息應該高D成長好D,而筆克呢D就免股息稅

之前CTM的問題,呢度一次過回答,味皇關於CTM係橫琴部分有謬誤,尋日味皇去CTM門市度問,橫琴新街坊關唔關CTM事,給論是橫琴唔關CTM事(用澳門號碼另計),果邊係大陸,叫雞找上門的是公安而不是警察,至少廣東冇放棄橫琴的稅收,果邊係用中國移動,不好的是CTM冇得分盈利增加少,好的是CTM冇必要花冤枉錢投資可以派息,要花錢鋪網的係填海地A區,咁牌照問題係點呢,CTM經濟係有復數牌照,固網牌,流動牌,之前到期展期的應該係固網牌,而流動牌之前續左,同中國電信一齊25年到期,另外搞數據中心唔需要牌照

*冇訓到,今日見升,繼續賣,賣左先算

*剩底的25萬股1.91-1.96出清,再1.68補多20000股能投,4.1補多20000股煉化,1.11買入20萬股東瑞制藥,剩下的遲下先決定點買法,賣完訓覺

穿萬6

香港己不亂,股市非常好,大市升穿16000點,下一個目標是不是要超過納指呢?

呢兩日1.4沽出26000股國銀,1.98-2沽出61000股齊魯,0.56-0.57換入278000股保濟丸,繼續去中腳化

之前齊魯2.2左右現在只有2,但之前睇中保濟丸時是0.63現在插水到0.57,大家都跌咁上下比例因此賤賣齊魯換馬還算可以接受,相反同時睇中的東瑞當時是1.01現在反升到1.1只能放棄

香港政府似乎又話想加乜稅物稅,如果學味皇話齋突襲式調聯匯掛勾價就起碼解決一半問題,包括公務員有加冇減,物價有加冇減,同上面物價差距有加冇減,機場同碼頭使用費用高之類的,相反如果加開一D常設稅種,最後又是請更多的公務員,只能叫做解決政府問題而不是解決社會問題,無論郁聯匯定加稅,社會都不是無痛,一樣都要痛的話選治療而不是拖延應該會更好?

味皇比例擔心的是班傻佬,搞搞下最後整個股息稅出黎,理由是度度都收股息稅自已照跟就唔駛用腦了,同樣理由是不是又要收埋遺產稅?味皇覺得調聯匯是扣HP兼上一個時效中毒buff,而加稅種是扣最大HP上限,一個短時間的傷害,一個是永久性弱化,香港競爭力唔夠還要踩多一腳,可謂極品,就好似之前寧願捱餓成年係都唔肯食夏威夷薄餅咁,有時會咁諗,如果係劉江華做情況會唔會好D?然後就等於話現在的人連劉江華都不如?到底香港人希望要甚麼人才,股壇要大C,政壇要劉江華張建宗?

要降決問題,味皇覺得呢,調聯匯到8點幾,將監獄外判去境外,收銀行利息稅,裁走大半駐軍,基建蘇聯化(超實用主義),減少光污染,貨櫃碼頭搬去機場跑道,搬上面70年地權黎對付丁屋之類