炒6蛋

舊文的傳送門http://realblog.zkiz.com/lgaim/37087
適當的時候做適當的事,心中雖有不快,但此時惡形惡相的批評無濟於事,正如犯了小錯需要的是教訓,但犯了大錯就反而需要安撫,做人同搞政治的手段並不相同,當然善後處理還是必需的
味皇讚同換走列納,但亦反對請保亞斯,好似有好多人叫CY落台,但其他人上任又會反對,不想食爛萍果,之後就轉食爛芒果,不由你選擇,味:"喂,我的理由和你不同呀",5銅幣:"我才不管,多種理由,一種表述"
大前年熱刺的人員配置味皇是比較滿意的,雖然列納不會用,每個人也有自己的理念,即使不歡喜也要接受,念力不足以改變任何實體,而味皇心中的理想人員配置是:
GK哥頓/古迪仙尼  CB森巴/京治/細米/活基治  LB彭利拿/伊高圖    RB哥魯卡/薩巴列達  MC侯度史東/咸美艾天托/泰摩斯卓克/摩迪/卡蘭積卡    ML馬田柏杜夫/化芬  MR施蒙/柏杜利安  CF辛達告魯斯/沙維奧拿/彭迪夫
這已經是好幾年前的東西了,好像是08年,果時個個人工都唔高,味皇的理念僅僅是向前傳球而已,戰術包括左快速反擊和小組滲入,和現在流行的邊路內切不同,主打落底傳中同中路直塞,具體是反擊時由史東長傳任意方向,左路柏杜夫直衝傳中/射門,右路施蒙組織,中路卡蘭積卡ONE-TWO/突破/後腳,前鋒辛達告魯斯接傳中窩利/接後腳射門/背身做波,反擊失敗就壓上,留史東同兩中堅3人在後場頂龍門球,前場控球走位直塞,泰摩斯卓克接應,防守時泰摩斯卓克中場逼搶,京治或細米後場逼搶兼做埋防中,活基治留後防傳中,技術型攻擊球員不回防
對現機的球隊評頭品足似乎不太合適,況且講完都冇用,理念不同,只是熱刺失去了自己的風格,非常可惜
紙上談兵而言,保亞斯的問題係--自曝其短,用速度慢的球員回追,留下廣闊的空間比對手快放,如果對手是速度型為主的,應讓防線後移,令對手的面對己方大隻佬的正面,逼佢地在禁區外遠射,如果對手是站桩式為主的,就應讓防線推前做越位,失敗左都追到,進攻無力原因是一係有交唔交,禁區外亂射,一係就交波過多,把前鋒拉回來接應,相信理由是球員之間冇共識,分工不明,唔知邊個係傳球手,交黎交去,冇人敢傳最後一腳
,冇人知幾時要走位去接應最後一腳,由於保亞斯買的球員都是平均型的居多,人人都有接近的功能,所以冇人知分工,相反如果是史東或者膠治這些異端球員上場,不用說所有人都會知道之後要點做
踢波是球員踢波,上到場就係佢地踢自動波,成績好係球員問題,上到場叫人點點點踢其實是干擾,還不如換個第二個人上場,主教練根本可有可無,唔好拖後腿就得,主教練功能應該係改善球員心情,氹佢地出多D力,安排日程,分配工作,一個好的隊長比如費高同J辛,完全可以代替教練的功能,味皇是這樣認為的
閃電11人是一個以足球為名的遊戲卡廣告,入面描寫的11人都是形態各異,能力特殊的異種生物,味皇作為球迷,也是喜歡由11個奇芭球員而不是由11胞胎組成的球隊
雖然工作上11胞胎組成的球隊每場都有完全穩定的成績,千篇一律的自動波唔駛用腦,教練亦唔駛煩換人,比如集合謝老一到謝老十一的力量,球隊踢出黎成績或許會很好,而榮光都是教練的
天空海闊我共你,去領略人生的美,門外漢,嘥鳩氣

沽出富豪

早幾日2.26左右沽清富豪,目的係準備買日本樓的錢
地址証明好Q麻煩,日本果邊連澳門政府發出的地址証明公文都不承認,一定要"公証處"開的先得,不過澳門的公証處都不開地址証明,要去身份証明局搞,身份証明局即係出身份証同護照果度開出的又唔承認,死循環,睇下有冇其他方法,最後都唔得就唯有去當地大使館嘈下
永亨分行總行1個仙的日元都冇,雞到冇朋友,唯有走去瑞昌換左50萬円,4萬港紙找返900蚊,散紙佢唔比返,比銀行標價差左0.8%
日元的匯率不定,想要好匯率,有人會等等等運到,但味皇發現,要日元跌就是要美元升,美元升就要港股升,股市比起匯市也許更容易評估,因此只要知道港股比較高位時,換日元就冇錯了,事實上睇日元的10年圖,剛好同港股走勢是相反的
最近寫文的產量少左,主要係分心其他事務,下年或者會密返D

譚玉瑛姐姐

在你眼中譚玉瑛姐姐是個怎樣的人?
70後--金妹嘜共你食花生,夠青春,卜卜脆,跳飛機之後就係佢,金妹嘜氹你食花生,笑笑口,巴巴閉,黑白彊屍都亦要跪佢
80後--曾同度過漫長的歲月,關心你每處為你看多一點,時日度過亦全不變樣,天天有你伴我創造美好,譚玉瑛與你,共享昨天今又明天(姐姐)
90後--她的眼光,她的眼光,好似好似星星發光,睇見睇見睇見多囉唆,她的眼光,她的眼光,好似睇見俺的暗瘡,睇見睇見好似想拍拖
00後--來灑脫地做多80年,地位未曾改變,昨日新款在明日膚淺,妖精日日都會見
在不同年代的人的眼中,雖然是同一個人,但譚玉瑛完全是不同且不重疊的印象,無論係周星星定味皇,見到譚玉瑛都會好自覺咁"姐"左出黎,相反對現在的人來看,就是小龍女姑姑,萬年妖精之類的,不同時代的人的思考模式完全不一樣,可以說同時代脫節,但卻不可說是錯,例如某些年份出世的人都知道鬍鬚佬同彊屍,而之後出世的人就完全不知道一樣
廿幾三十歲睇姐姐大的港澳人由細到大都被洗腦,話買樓會發達,長遠一定升,咁事實又真係咁,而隔一個時區廿幾三十歲睇綠色哨牙恐龍大的某國人,就由細到大都被洗腦,話買樓會蝕死,長遠一定跌,咁事實又真係咁
如果港澳人去到果邊,仲用返原先果套思想,不入鄉隨俗的話,同蝗蟲有乜分別?你也可以大聲地說:"別人笑我發花癲,我笑他人眼生滋",然後比人當白痴

說回自已,味皇打算做思考模式完全相反的地方的包租公的計劃,味皇已經切換成混合換式,已經進入實施階段,訂左機票同酒店,機票連稅3千5蚊,唔算太平而且衰轉機,但酒店330蚊一晚就好很平,貨幣貶值影響當地的物價,但卻影響不到多國業務的公司的訂價,打電話可以係澳門D電訊商度開通國際漫遊,中國電信就要500蚊按金,返歸後個零月可取消漫遊同收返按金,要上網的話當地可以租移動WIFI,約90蚊一日,單人非常唔化算,因此可以DOWN離線地圖代用,GOOGLE地圖的5.7版先至有離線功能,無論如何都DOWN返個舊版有著數,味皇由於不食海鮮同生鮮,於是行程唯有集中在狂啖拉面同隨街遊蕩上
要買果邊D樓,首先要有錢先,之後要有政府印章的地址証明,去中華廣場比15蚊等10日就得,仲要一張証件相,用打印機彩色自己影印就得,可以九宮格咁排好D舊相,一次印一堆再自己剪會平過影相舖好多,果邊唔承認簽名,所以仲要係淘寶做個印十幾蚊,由於帶1萬美金以上要左報右報,所以交錢只有用匯款,事前申請一大堆銀聯卡都可以,10張每日都可以提到20萬,要先比錢中介,中介再同你轉交,唔係直接比業主
收到一間套房的資料,位置類似高士德旁邊的蓮莖巷的感覺,用香港的比喻就是彌敦道附近的金巴利街咁上下,實用約300呎賣26萬連約,乜費物費前租12厘幾,但可以實收幾多到時傾過先知
因為果邊間地產未曾試個做我呢D鬼佬,所以交易細節同事後管理仲係度度緊

其他消費股業績

592BOSSINI
營業額同毛利同步下降,毛利不變不存在大清貨,銷售成本下降比較多,說明執左租金貴的舖同炒人
存貨下降,現金上升,債務還清,經營情況改善,總體來說,有得救,盈利有很大機會回到2010年的水平
由於現金重新高過存貨,而還債的任務已經完成,因此派息大幅回升,而且可以持續
合理值0.74

709GIORDANO
營業額同毛利同步上升,支出亦上升,看似乎是同通漲同步加價,公司冇進步,亦無退步
存貨略升,可能是開店存貨多左,亦可能是不開店的存貨單價上升,後者居多
現金下降,在沒有甚麼用途下,可謂下落不明,由於零售股正常是會累積到現金的,因此這不是好現象
沒有特別的買點,只值6蚊左右

483TOUGH
現金大幅上升,存貨下降,強烈的利好,而且營同毛利亦有上升
排除特殊收益後業績同上年一樣,但公司財務質量改善
派息雖然回升了不少,但將來還會再大幅提高,最多可派0.15
已到合理值

999I.T
營業額同毛利同步下降,產品本身冇問題,只是租金同人工食曬,其支出比例佔毛利過高,經營手法有問題,可能亂請人,可能租太一線的舖位,充大頭鬼,不切實際的扮上菜
存貨稍降,合乎營業額的縮減比例
現金多10億,但借貸多左唔止10億,因此佢只係係扮賺錢,實際見紅
可能停埋派息
雖然合理值比現價高,但都係買邊個死邊個

321BALENO
營業額同毛利同步下降,而銷售支出亦下降,是縮規模
存貨大幅下降,現金上升,財政改善
已到合理值

130MOISELLE
存貨上升現金下降,核心盈利短期不會改善(唔計炒樓的話)
合理值雖高,但一般地產股都有大折讓,而且佢D派息唔太可靠

1173VEEKO
存貨上升現金下降,而且負債增加,雖然盈利好似差唔多,其實佢死黎緊
而且毛利率下降左好多
類似I.T
派息凍過水

458NAUTICA
營業額同毛利冇問題,但存貨勁升,分銷支出燒錢,借左好幾億,出現行政失當
除非存貨下降番,唔係買邊個死邊個

533Goldlion存貨下降,現金上升,財政良好,雖然營業額下降,但不影響派息能力,同時佢各種支出都減少,收掣及時,管理手法比樓上好
但銷售下降依然是事實
值5蚊

393Jeanswest
營業額上升,但毛利率下降,靠減價促銷
存貨下降,還左D債,雖然布改善,但存貨依然佔營業額的極大比例,減價促銷還要維持一兩年
應該唔會再差落去,但未有咁快好轉
合理值2.8

375YGM
不計出售HAND TEN的收入,核心盈利只是少量下降,但營業額下降,其他支出都上升,經營比較被動
而且存貨上升亦不能忽視,雖然不是升太多
總體沒有甚麼賣點
已到合理值

647JOYCE
經營未有起息
雖然水浸,依然借D倚減派息
值0.6-0.7

738Le Saunda營業額同毛利都上升,但銷售支出有點失控,似乎是快速推分店
存貨少量升,現金亦升,基本冇欠債,營運狀況良好,用2蚊存貨賺1蚊,不算很好做,現金少於存貨,資金不算很充足
很好的公司,但已到合理值

1880BELLE
情況同樓上一樣
只值7-8蚊

891利邦
用1.2的存貨賺1的盈利,在以上咁多隻股中算是中上水平
為什麼得佢會坐過山車?因為用佢的槓桿全世界最高,扮開高成長,現家現形人地反應過大啫,比如戴面紗扮秋香比唐唐點,一揭開原來是石榴,結果就哇左一聲,明明好樣過如花好多,都當成如花的對待,這就是技安效應
營業額下降,其他支出都上升,經營比較被動
存貨下降返,但又越借越多
只能投機用,PB1時先考慮