視察業務

算係白過左3年咁啦,對上一次去日本味皇仲係3字頭,現家已經4字頭了,都咪話芒亨已經是5年前的game了,連原神味皇也收左3個蛋糕,好多野幾年前是完全不會想到也不會想像的事連續發生,基本上是回不到原來的狀態的,要適應新常態,包括我們的人類身份可能會越來越惡劣

重新開放後,久違的業務視察,明天起味皇會出大陸幾日,去深圳睇幾間公司,順便踩單車食下野,今次重點會去睇1480同1668

1480係3年前有個賣樓計劃,1億賣斷1幅地皮A,6億賣1幅地皮B兼搬廠,定金1億,之後點點3個月-2年內再比1億,之後點點點再比1愈,搬走再比1億,交樓後再找3億尾數兼送1個商場同幾棟住宅,佢A同B共用1個定金,買家比左定之後一直冇找之後的錢,係恩達最近的年報又重新將A由待售資產轉回自有資產,即係A也沒有賣,如果未動手開拆而恩達又未開始起新廠,咁恩達冇損失,如果拆左而恩達未搬就小蝕抵,如果拆左而恩達搬左就蝕大本,殺定就一定的,之後果6億有同冇會影響恩達的大灣區布局,今次味皇會去睇有冇拆同間廠新定舊

另外602的地址同1480大致重疊,味皇也會去睇埋,結果恐怕變成坪山一日游,反正有山也可以行山

1503的財技好似今年就斷,派息應會大減,如果味皇經過蛇口港,可能會睇下佢有幾橙,出租率低的話或者傷上加傷

1668主要係睇萬達廣場同前面的鐵棚拆成點定係爛尾

視情況味皇可能會入機場睇下人流,如果路過廣州的話白雲機場同405都會去下

恆指跌下跌下又變返20000點了,整體升跌一般都是坐定定,係個別升跌先會有機會換馬,現家等緊路勁換返做惠記的時機,業績期到,味皇如果有股票出業績後大升大跌,可能會搵其他股接力,2230已經想定有可能用752接力,2386應該冇太大機會姑且想定用1713黎續,2682可能會接6663,當然都要估值能拉開先

是咁的,人生到某些時段,可能會較能感到人生得意須盡歡,誰也說不定變譚仔的肉碎米,早前味皇生日銀行職員召見味皇派50蚊超市劵,順便向無業的味皇推銷孖展:

役:孖展借乎?

味:君尋甚奇?上年否之者,汝也

役:真怪奇也,何由且額為甚?

味:廿皮是也

役:廿皮不批者常,次回可謂吾,今有百皮善哉?

味:五十可也

役:五十甚少,人皆望金而善,何不倍之

味:食不過高脂,床不過兩米,多也不增,少亦不減,倍不肥而半不瘦,就不強求

役:真奇人也,察汝持株且甚,利子如何?

味:十年有來,年十四也

役:真有眼不識泰山也,孖展大可再商,可加微信乎?日則三省吾身

味:吾獨來也,汝速去

最後味皇沒有借孖展,借50萬會借,借100萬怕hold唔住,而且套息每年多幾萬(保守判斷不計市值),有冇對未有追求的味皇來說影響不是非常大,實際上好多野幾年前是完全不會想到也不會想像的事連續發生,期間組合也曾經由最高800幾萬試過跌到400幾萬,100萬現家睇好似佔比唔多,但一樣有hold唔住的可能性,正常人怕痴線佬,2年前同味皇聯機原神打蒙德本的戰鬥民族,已由人變成肉碎,都是相當近期的事,誰也不能保証之後冇痴線佬

領匯供股

首先,REIT供股不是孤例,越秀同朗豪坊都供過股,而且作為"基金管理人",手續費是同資產規模成正比的,例如0.5%手續費咁,增加資產規模200億,就可以每年抽多1億手續費,同強積金一樣,別人的錢放在別人的口袋遠不如放在他們的口袋,因此佢地有強大的動機威逼利誘別人把錢給佢地,那怕是拿來做定存也能抽手續費,不過領匯班人似乎係逗糧型而唔係%型,利益沖突比其他REIT少一點

然後REIT同其他股一樣,人地會打拳自己就唔會打拳?中電減管制利潤,煤氣唔派紅股,地鐵唔比人聚集,匯豐收返派息,以為好穩陣諸如此類,最後証明地球是圓的,只是今次輪到領匯而已

味皇食得鐵拳多,明白到REIT只能是收息股的一部分,而不是全部

咁供唔供好呢?回到初心,當初點解買REIT,無非係想收息,淨輸出,佢一定派咁解,咁今次比人打爆左,目的同結果有冇改變呢?並沒有,你供唔供領匯都繼續派,只是少左而已,正如上面的其他股比人打爆一樣,隻股唔係死左,係你有所損失咁解,企得入市場,有時得硬食幾成損失,呢幾年特別正常,於是,收息的計劃冇變,但你得承認損失,如果你準備左較多的收息股數量去cover你的日常支出例如多一倍有100%的安全邊際,咁食硬食完得返70%安全邊際,如果你只係啱啱夠食,硬食完就-30%安全邊際要出黎兼職咁樣,所以還是有備無患

供唔供的問題,如果你目標是淨輸出,咁就唔應該供,收錢人變比錢人是本末倒置,你應該承認損失並接受收少左的現實,夾硬攞錢出來供是破壞人生計劃,並不推薦,如果目標不全是淨輸出,有個閒錢想供又唔想供,你要比較下拿錢供A同拿錢買B的優劣,如果有B比A好,又何必要供A呢,最後共通的,姑且叫領匯A,市場上還有BCDEF,在這個時點上,可能有比A更高息,更高成長,更低估值的股,如果搵到,大可以認損完換馬可能仲有賺,如果搵唔到,就認損完坐好

味皇向來不認同領匯的高溢價高估值,市場眼中領匯的顏值同味皇看到的不一樣,今次供股,市場看領匯可能會發現佢是會痾屎,會有臭狐,會P很大,會派帽,會食窮郎,同以往的女神形象有億點點差別,咁佢以後的差距可能和其他綠茶之間有所收窄,領匯係市場的優勢是懶上流人咁,如果形象下滑,佢以後同人講條件也不利要價,好似物非所值的利豐同tesla可以用形如空殼的股交換大量實際資產,估值跌左就冇得咁玩,今次供股的決定對領匯長期來說絕對是得不嘗失,小股東是否需找上門賞他們一兩記修正破顏拳?

如何代替品非藍籌不可,味皇傾向中信泰富同長江基建

如非要供股不可,咁可以用供股權套戥,股價比供股價高就沽出供股權數舊股目再供,反之就唔供市價入,好彩的話來回幾次也能補少少血,唔好彩也至少降低些少供股成本

AI

2/1第9次5.91沽出60000股首機,22.65換回15000股美蘭,差價0.17增持80000股地勤,地勤現有93萬股,如有第10次,湊夠齊頭就收手,之前唔出文現家係度補返

最近好似有隻AI問答好似好紅咁,跌吉都多人提起,其實嘥9氣,市場需要的只是炒作的題材,醉翁之意不在酒,盡在水魚之中

是咁的,隻AI好似可以越來越有智慧咁,但是人類並不如AI有智慧,正如你問大C快樂的要訣係乜,最後會變成你說得對咁樣,出左一隻AI,其他人也可以山寨各種A1,AL,A|之類的,就算佢地相較弱智,以質來說,AI向受眾回答一個正確的答案,而A1回答一個似是而非的答案,AL回答一個引導性的答案,A|回答一個錯誤的答案,而受眾本身不具備判斷答案對錯的知識,咁AI同其他山寨並沒有任何優勢,因為人類比AI蠢,甚至說A1因為答覆無菱兩可,反而事後點都可以自圓其說,結果反而劣幣驅逐良幣,而AL比引導性的答案,有利上等人控制下等人,得到上等人大力投資,也會劣幣驅逐良幣,正如人類社會一樣,另一方面以量來說,AI如果提供1000個答案,A1提供100個答案,AL提供10個答案,A|提供1個答案,咁AI同A1並無分別,極少數人會睇靠後的900個,AI同AL也可能冇分別,第一頁睇左10個的話少數人睇第二頁,AI同A|也可能冇分別,A|只提供唯一的答案唔用腦可能更有說服力,查實呢,下等的人類用唔起高級貨

咁AI可以有乜利用價值呢,呢度要講下米哈游miHoYo,技術宅拯救世界,二次元濃度極高甚至可算是全宇宙最高,算是最接近元宇宙異世界的公司,佢有研究乜呢?AI作畫,AI配音,AI建模,AI回應都有,回到先前的主題,AI對答,不需要非常高明的答案,有答就係,實際使用上,個AI不過就是自動生成NPC的對白,這正是現實世界的一部分,如果有一個能用的AI對答,或可外判,或可出租,比任何上網GAME或人狼GAME的NPC設計對白,如果有一個能用的AI配音,任何上網GAME或人狼GAME的玩家配音,讓霍金用初音的聲音唱甩蔥歌,如果有一個能用的AI建模AI作畫,輸入一個洪金寶,輸出一個葉劉,輸入一個關羽,輸出一個甘雨,人人也能變米少女,全人類夾起來,這樣視覺,聽覺,NPC都齊備,之後就是缸中之腦了

技術再成熟點最多就是皮套人產業升級,不會再美少女皮但是男人聲咁啦,最終可能演變成是AI皮套人全自動掛機然後一直有人抖內

大致係咁啦,最後估計都係租比游戲公司做NPC對白生成器,租比服務業做客服小妹,租比人狼騙人錢財,市場有限不會去到吹水規模,如果說真正有極大價值的AI是實時翻譯,做到滿意出黎先算啦