兩隻仲未郁的內房

大面積浮升的內房,仲有少量未郁的,味皇希望手上的華南城風口浪尖完仲食到時間差啦,一隻係上實563,一隻係綠景95,呢兩隻比較平,而且存貨水平比較低,又有租收

上實現價1.75,PB0.7,最最主要的賣點係味皇早前文章提過的還債走勢,也不算還債嘅,係近年賣樓賣得特別多順便還咁D仲剩到現金,存貨本身超多,上年已經清理左1/3,係內房之中上實係財政情況相當好的一隻,如果停止新開發齋清存貨會更好

固定資產約150億,現金流約20億,效率13%,利息近10億,非控股的人分一半剩5億,派息2億,維持應該冇問題甚至仲可以提高,現金130億,債150億,有心還兩年內就清到,派息2厘,加倍的機會雖然也不低,但也不過係4厘

上實看似冇乜爆炸性項目,予測唔到佢之後賣到幾多樓,因為存貨也少左,存量下降下年唔一定賣得比現家多,只能予測利息支少左,如果鱷魚頭老襯底先係高估值內房股的常態,咁本身抵押潛力唔錯的上實有心的話恐龍頭都笠到

綠景現價2.33,PB1.1,財政嘛...稍為老襯底,但有劇情,2014年固定資產由30億變120億,同時最近先開始派息,因此會唔會果120億固定資產開始進入收成期呢?

由於2015年發過新股,謹慎D好

利息支出全年應該過5億,賣樓部分應該比得起掛,唔理佢賣樓,最新半年租金同管理費收入3.5億,收租物業的面積正在增長,出租率都高,全年應該過7億,當佢淨賺一半3.5億,投資物業約120億,效率約3厘,齋收租部分以3.5億3.3厘計值100億多D,同現家市值差唔多,附加的賣樓部分價值不明,由於財政唔好,因此派息提高應該有限,當佢賣樓唔駛蝕,租金3.5億派一半,可以派到4仙,派曬都係8仙,最多3厘半

近期佢賣樓的項目應該唔算少,相對於其他偷步都影都見唔到的,綠景具有相同的條件,而股價相對仲未起步

瑞安272的財政都改善左D,雖然未算話好,但比起其他內房,條件也算不錯,郁得都較少,不過公司條件比唔起上面兩隻(唔考慮市場名氣)

增持匯賢

匯賢之前3.02收紅股,同時3.07賣出8000股,早兩日3.05再增持16000股,電腦網打算聽日就賣換成其他

手上的晨嗚以外,華南城都狂升,加上就到收期的建業,味皇要諗定下一步要換乜代替,寫呢篇文同時係度研究緊,最好當然係搵下大市升左咁多仲有冇煙頭係地,姑且都有幾個目標,之後寫文講

現家同以往10年間的扮升唔同,原材料價格回升,運費回升,估計消費力也會開始提高,仲加息周期,如果按20年前的步驟選購,應該行得通,今年到現家味皇收左超過廿萬息,因此想在穩定收入以外著手,因此味皇打算係仲未郁的工業股,旅遊股同消費股方面落手

大陸股市一暢旺,必然代表下等人係銀行的存款以自己方式流向準備移民外國的上等人,銀行缺水的話就難以將借款推比子孫,所以味皇也打算減少所持的大陸地產股佔例,大陸地產股乜都狂升之下,就好似豪門球迷連勝幾場就聚眾周圍大嗌我地係不可(準)戰勝嘅啪啪啪咁,味皇呢D落單保級隊球迷更加係怕左佢

你知道嗎?機械人聚眾就話冇事啫,人類聚眾9成冇好事發生

最近加泰搞公投比軍隊打扑,如換成鄉民搞公投,其他國家可能會用船圍繞一圈,不知名潛水人士剪網線乜線物線,日日有漁船氹氹圈阻頭阻勢,維修做唔到,經過漁場附近就漏油,成日巧遇貨船航道浪費船公司燃油,想打佢地又唔係,空氣污染物無故增加,間中天上跌D錫紙粉落黎收唔到電波,對岸一味話唔知情,加泰相信於某D地方有利的地方在於有其他地方的直接邊界唔怕完全斷補給,經濟價值做到交涉條件

10/4

1.4賣清電腦網,2.26換入44000股CTM,剩低的本來想買肛蛋的,但最後1.75買左42000股上實