1883業績

手提營業額微降至8.3億,由於聖上握比卡超的毒手是比較後期的事,所以漫遊才剛開始恢復,同時防疫短訊亦停止,一消一長,總體來說漫游的上限會比1毫1條的短訊高,因此下年傾向會增長,另外CTM賣電話大跌除左冇錢的原因外仲有因為5G最近先發牌D人唔會想在4G時代換5G機,但是今年5G開展之餘,第2批8000蚊消費劵係6月到期而相當多的人未駛曬,因此在期限前買電話的概率相當非常極之高,但賣電話不賺錢可以忽略不計,不過換5G電話後肯定有人換plan,而換plan會收更高的月費,呢度會賺相當多錢

光纖同數據中心增至13.3億,而上年是12.4億,上年味皇推算數據中心的營業額佔12.4億中的7.7億,味皇不認為澳門光纖賺錢有大增長,當佢增長5%好了,咁呢期光纖4.9億,數據中心就會是8.4億,今期只增長1成相當少,不過同期新意網的增長也是1成

IDD增加4成到10億,味皇唔清楚有乜原因可以增加咁多,照計現時的電話投注應該支持唔到咁大升幅,除非個個電話都係打去KK園區...其實也不無可能,澳門就是這種人集中的地方

VPN同雲之類的微跌至30.7億,味皇呢個星期原神ping值四五百,明顯唔正常,唔知係上海阿里的問題定係CTM自己的問題,要不是流量增加,要不就機器出事,如果只是流量增加倒是對CTM有利,最近聽說香港要搞數據中心幫大陸國際化之類的,咁會對CTM不利,現在的香港已經變成舔9,唔同以前只有澳門是,唔會吠返自己咁主人放邊隻出黎守門口也沒有差,城牆門口的衛兵增加,每人收到的賄賂就會變少,以後即將市道好,CTM也未必競爭得過香港的數據中心,姑且澳門也能翻牆,保持平穩應該仲可以的

還左9億,受加息影嚮,利息支出冇下降,固定資產沒有增加,折舊增加,提高左折舊率,應該係開始將4G以下設備淘汰

之後的CTM睇唔出有乜不利情況,澳門的市況回穩,金沙的殺數回到每日都9000幾萬,外勞開始入返黎,項目都是向上的,即使如果政府落命令要減費提速,D人換plan都會變相加返,如果話有乜不明因素,就是會唔會錢多手痕,亂咁投資,只是唔好突然要話投資6G,或者買起橫琴之類,派息都會快速增加

最近應該唔會點加息,以5厘計算,佢下年還9億可慳4500萬,約1.2仙,即是唔增長下年都派0.26以上

以味皇的入貨價,已經是10厘股

仲欠緊45億,按現時速度大概4年半就會還清,現時派緊0.245,到時隨時跳高加倍,但是錢越多佢亂駛錢的機會越大,CTM只是百億規模的公司,借也是借得一百幾十億,蚊骴肉,國家任務應該未駛佢,不過收割母公司中信的可能性倒是不低,如果中信發債,CTM會有接債的可能性,好在母公司的財政看起來也不算建康,介於吊鹽水同冇水之間,未必成為強行徵收的優先目標,咁CTM將來只需多派點息比母公司扮吊鹽水就得