20000點千古

從今日開始,我們要開始習慣20000點樓下的生活了,所謂一次生,兩次熟,三次好舒服.要活得健康,舒服的感覺很重要

奧普同世紀陽光的業績出左,冰火二重天,奧普業績相當唔錯,最令人驚喜的是佢派特別息,一早知佢用唔到咁多錢,本來有d擔心佢會亂買衍生公具,現家清楚知道奧普對金庫的錢還是很盡責的,加上特別息,中期息共7仙人仔,即8仙港銀,我在業績公告出左之後立即再追入4000股,作價0.89,現時平均價0.93左右,齋中期息已經8厘幾,成1800蚊,以佢下半年的利潤將會為上半年的2倍多少少計,全年派息有望超過15厘,加上佢報表的盈利數字下跌,佢之後唔方升得郁,開心死

世紀陽光的業績同之前的3個月一樣毫無起色,這是意料之中的事情,公司主席之前仲同記者話跟住幾個月會比之前幾個月好,等我仲有少少期待,原來係空口講白話.一如所料,公司將大量錢投放曬係d毛利率奇低的業務上,上年年已經去到1.6億,雖然話果d錢無血汗,求其用左佢不如派返比我仲好,這是奧普同世紀陽光的理財觀最大的不同.雖然話港幣存款兌人仔唔見左1000萬,不過因為咁就唔派息好似好衰喎.盈利數字比上年同期下跌89%,咁佢似乎仲有得跌,都算係好消息,我仲有幾會再買多d

大市一直向下,這是因為很多公司都會選擇在這個時候放壞消息,可以話有"唔趁現家衰,更待何時!"的感覺,反正我自我感覺良好

等待下一個業績公告日,9號的味丹