匯豐收購友邦?

當然,這只是我亂up,不過沒有可能性嗎?

養兵千日,用在一時,匯豐這兩年乜都唔撿,留返子彈一擊必殺是有可能的,想一想,友邦係世界最大的保險公司,有邊個可以吞得落?即使匯豐也會噎死,以現時的美銀花旗,亦無福消受

對友邦可不是好消息,以友邦的規模來說,佢死同兩房死一棣咁大獲,同時會動搖"保險業"存在的合理性,布殊為左選票同自己d保險,美國政府不得不救,可是現在美國政府還是希望友邦自己搞掂唔好煩佢,如此一來友邦唯有賣盤一途,友邦當然希望保持自己的獨立性,打算最多只賣幾成股權,購買方多數唔會賣賬,冇控制權根本冇用,救競爭對手對自己都冇好處,但是友邦出賣控制權,又冇幾多人食得起,唯一噎得落的銀行由於係英資,美國政府基於政治理由絕對會否決,所以要友邦自救唯有拆骨

友邦有兩種資產組成--優質資產同劣質資產,如果兩者同樣各係5的話,此時市值係淨值1.5倍,即係15;劣質資產價值下跌至4時,因為資產看來有下跌的風險,人們給予較低的估值,此時市值係淨值1.2倍,即係10.8;當劣質資產價值下跌至3時,人們覺得佢會再死快d,此時市值係淨值0.9倍,即係7.2;當劣質資產價值下跌至1時,人們覺得買佢會自己會再死快d,此時市值係淨值0.6倍,即3.6;在此情況下,由於除左友邦自己之外冇人知佢會跌幾多,冇人肯注資,友邦話資產優勢亦唔會有人信,事實上優質資產並不會咁易蝕而且數額比市值更多,因為無論賣家定買家都不願交易,基於政府的施壓,友邦唯一的出路是將公司一分為二--優質友邦同劣質友邦,此時優質友邦可以以5以上的價錢出售,劣質友邦保持劣質資產同賣剩的優質資產及友邦的名稱同獨立性

對友邦實在非本意,其優質資產中的亞太區保險業務被匯豐吞噬的可能性是存在的,那些人壽單同無良的101單等等友邦現時的財力難以理賠,失去信心保障的人很大機會斷供或轉用其他,反正客戶會流失,在流失之前賣走是合理的,而且當地政府都要人去承擔那些強積金,否則所有市民一齊上街的話...反正外判左的社會責任政府絕不會再承擔,因此匯豐會有好多人支持,亦合匯豐的意思,而友邦集中返做美國業務,美國政府都落到台