可樂的怪招?

[可樂以市價3倍全購匯源],簡直係爆炸性的新聞,比巴菲特知道佢實成個彈起都似

有人話今次收購係巴菲特事先張揚的目標,但只要是對老巴有d認識的人都大慨會否定,事關出價太貴,而且巴菲特應該唔知匯源係乜,何況巴郡只持有可樂百分之幾的股份,沒有足夠的影響力

我去過大陸的超級市場市場,清楚知道匯源比幾年前的市場地位是退步的,可樂肯出3倍市價當然是貴了,不過亦反映匯源的市值僅等於兩間維他奶是不合理的,這價錢代表可樂對今次收購志在必得(足以作為惡意收購的價錢了)

誠意就比足有突了,問題是匯源值幾多.可樂錢多冇地方駛係一個問題,但匯源以現在規模並不值這價錢,但收購成事後完全唔係咁講,如果要匯源的盈利在幾秒之內升10倍,只需可樂將匯源d橙汁送去全世界的麥當奴賣就可以,要麥當奴做個順水人情很容易,不過這對可樂來說有著數嗎?

一條友走去叫個套餐,實會叫杯野飲,不過僅此而已,佢唔會叫完果汁再叫杯可樂黎飲咁白痴,即係每賣出多一杯果汁就賣少一杯可樂,對可樂並無著數...不過顧客是味皇就唔同解法:

有條味皇走去叫個套餐,佢好窮,由於叫其他野飲要加兩蚊,所以味皇次次都叫可樂,間中朋友請我飲野,所以會叫貴d嘅雀巢雪梨茶...因此,可樂同雪梨茶面對的顧客可能不同,未必形成競爭,如果加兩蚊的層面出動匯源橙汁,咁味皇就會多個選擇,未必飲雪梨茶(but個人真心認為匯源果汁並唔好飲),所以可樂買匯源的目的是為左咬雀巢都唔定

結論係,可樂d汽水面對某一層面的客人,卻不能觸及另一層面的客人,因此為了佔據這一層面,需要用到匯源的意思,戰略頗為正確

不過還是改變不了可樂是冤大頭的事實