為維持透明度起見，現將林益勝先生及何益堅先生之辭呈內容載列如下：－
林先生日期為二零零八年九月九日之辭呈
「致各位董事：
有關辭任董事職務本人謹此請辭本公司之董事職務，即時生效。
本人辭任之理由為：
( ) 於二零零八年八月十七日，本人履行職責視察位於深圳沙江之工廠，以期瞭解該工廠之營運狀況及本公司之債務狀況，被一群自稱為地方法院官員之人士拘禁。幸得香港友人與安全局斡旋，本人方得脫險。事後，本人患上嚴重創傷後壓力心理障礙症。
( ) 再者，本人須得承認，目前本人已不具必備經驗、技能、能力及資質，以繼續在有如德發一樣複雜之上市公司執行及履行董事職責。
本人聲明，本人對公司並無任何申索，本人之辭任完全出於個人意願。
林益勝
謹啓」
此辭呈的文筆充分體現出阿林生的豪情激昂,比起平常好似水喉水咁淡而無味的通告精警百倍,洋溢著慷慨的人文情感,實在係難得一見的模範文章....
雖然題材就比較普通,上市公司拥有武裝力量本來就唔係新聞,好似190香港建設以前叫熊谷組一樣,實在不用大驚小怪
對地產公司來說,組織武裝力量實在很有必要,但德發這類成衣公司居然都有能力組織到一批地方法院官員...世界實在太大了
在財務報表上,由於武裝力量只隱藏在行政支出上,而且無論係摺櫈定係水管,都不會在折舊上攤銷,而且不會增加員工數,唔駛交公積金等支出之餘,仲可以向稅局申請退稅,拥有武裝力量能大幅降低原材料成本,實在本小利大
對於呢種好公司,卻因為同本人的投資理念不合而浪費實在可惜,但我頗關心如何識別呢類公司,現在試下神速分析:(僅用以下二表)
固定資產上升--無問題
投資上升--炒股?上升幅度太大,有d不安
流動比率--流動比率看來相當健康甚至可以話一流,但流動資產的組成有冇問題呢?
股本--強力集資,不知是福是禍?要睇發行價
長債--比較多,不過未死得人
存貨--比較多,不過同固定資產成正比例,應該正常
現金--夠還短債,應該足夠
現金流--07年收數收過龍,連08年d都計埋,按以往年水平,2年為一個周期,約1.7億兩年,按此比例08年應為-2億
利息--支出好多,仲可以接受,05年同07年債務數額相近,但近年變左貴利
股息--上升,好事
交稅--仲算正常,1400萬對應返05年的稅/現金流,07年現金流係1.9億左右,即提早收左08年2億,上面的現金流判斷成立
增添固定資產--有大手筆
其他--不明
貸款--還債中,好事
債卷--有發債的本事,而且早兩年大陸低息,係好事,不過錢一定唔可以亂用
發新股--數額巨大,佢增添固定資產的營運效率一定要好高先可以圍皮(攤薄),以用途來看,筆錢用左1.6億黎還債,1.3億增添固定資產
結果看來,除左投資上升奇怪左d之外,並沒有甚麼特別會死人的缺點,於是我會覺得--這公司體質仲可以接受
問題出來了,公司現家停左牌,除左董事走佬之外,仲傳出要清盤
到底有乜一擊必殺的排除方法?
核數師意見---保留
如果味皇以事後孔明地解釋說:公司必然係因為身上貴利太多,加上投資上升,其實係用於炒買,公司炒燶左"城市三炒"--金,樓,股(解話者應該會武斷地話),結果財務急速惡化,早兩年仲係好公司黎嘅,不過現家就咁咁咁
按此分析結果,味皇事前就會係傻瓜,事後就會係專家,所以大家唔好咁易信人,就算看似幾有道理,都係要自己動腦
沒有留言:
張貼留言