持股業績前預計

第一天然將於下星期公佈業績,展鴻也是,業績半年先出一次等到變化石了,先預測一下成績表

第一天然用黎對比的係07年上半年的業績,當時公司仲未有衍生工具虧損,如果今年又有衍生工具虧損,帳面一定幾難睇,不過同上年唔同,上年人仔狂升,美金狂跌,今年卻有d逆轉,因此之前衍生工具虧損會唔會逆轉為盈利?不論如何,衍生工具賺蝕都同公司"盈利能力"無關,受影響的是資產負債表;

根據條文,公司每半年收銀行800萬美元加上0-13%的利息,同時還(10%-n)x1億美元,當最惡情況出現時,只收銀行800萬同0利息,公司還1000萬比銀行(n=0),公司確實會損失200萬美元;而最善場合下,收銀行800萬同750萬利息,公司還小於1000萬美元(點計唔知,只知n>0),數額好似有著數,但賺的機率應該遠比蝕的機率大,用常識都知銀行唔易搵苯

200萬美元即1560萬港紙,即公司的行政費最多會無端多1560萬(最大值),盈利要增長1560萬以上應該唔難,如果有驚喜就最好;除此之外,衍生公具的賬面值盈虧可以無視

現金流方面,上年收賬太多(接近兩年份量),今年應該會大減甚至負數,不過買的時候已經預料了,當然,是受06年托高流動比率令盈利下降的可能性還是存在的(發行換股債的陰謀?)

衰野惗到嘅係得呢d

第一天然今年由零售的盈利應該會因分店增加而倍増,而黑龍江的水田亦開始有收成,其他產品產能亦提升,其他國家的定單尤其係日本增長應該唔錯,加上出口受國加支持,雖然韓國應該冇希望,除非連歐洲人日本人窮到唔食魚,唔係毛利應該多起碼兩成

我上過第一天然的一些同業的網頁,霉死,同第一天然個網相比,福清隆裕(第一天然的本體)係"一支捧"

展鴻,現稱中國包裝,同樣有第一天然一樣的衍生工具,衰野就唔重復了(兩兄弟都咁鍾意做埋d無謂野),最關心的係主席會唔會又再趁低發認股權

講返好野,展鴻新增左成都廠同深圳廠,產能飛躍提高,加強成都有王老吉,深圳有健力寶等潛在客戶,捉唔捉到大魚比較難講,可能性還是存在的,而且本身的舊客的銷量增長了不少,至少銀鷺都將產品賣到黎澳門;主席講公司將來會出現爆炸式成長,可能言過其實,但值得其待(股數唔好同我爆)

總之兩公司的人事比較雜之外,營運體質係一流的,值得繼續加注

奧普的業績已經看完,相當滿意,業績分析唔做注,打算獨立一個專題分析,我只曾對兩間公司進行全行業性的分析及所有重要競爭對手的調查,一間係中國消防,另一間係奧普