昨日預測的衍生工具虧損並沒有減少,由於鰻魚派息是按1/3純利的比例派的,因此比呢d唔實際的數字影響派息,非常不爽
營業額增加24%而銷貨成本升30%,毛利率下降,不過公司新增了一些高毛利產品,可以平衡一下,況且43%的毛利率仲可以點挑剔?員工數係500人(上年670),產能增加的部份應該係全自動生產,行政費升12%,由於鰻魚包員工食宿(三餐食塘鱔?),可能係伙食費隨通脹上升等因數,12%可以按受,分銷成本上升似乎是因為零售部門增加左分店
存貨上升1倍,而營業額只增加24%,由於零售店面要存放足夠的存貨,唔同出口果可以d即刻送走,比較麻煩,而且sea food放得耐會唔新鮮,賣唔曬會有好多要丟,而且雪櫃好燒電,存貨成本會大增,而且有必要作一些撥備,不過存貨同銷貨成本相比,比例極低,還未至於要擔心
應收賬款比應付賬款由6.8倍升至7.3倍,淨額由1.4億升至2.5億,周轉日子未知,不過至少都知道比上年進步超多
負債減少令利息支出減少,非流動負債減少了4000萬,而鰻魚的現金仲多左7000萬,可以想像其現金流量
營業額按地區細明,日本多10%至3億,美國14%至1.1億,歐洲同蘇聯1440%至2200萬(新業務),大陸207%至4600萬,由其係大陸業務,鰻魚開始由出口股轉營為內需股,不能期望大陸人會日日食鰻魚,但是大陸僅城市人口都已經超過日本人口,3億的營業額比d時間不難做到
日本同美國經濟咁差,d人居然仲可以咁開胃....
同鐵罐一樣,股數增加左而認股權減少左,其增發比例當然冇鐵罐咁離譜,但是都很明確地表示利益人士看好公司前途
"二零零八年六月，本集團代表福建烤鰻行業接受美國食品及藥物管理局之檢查，並以「零不符合項」順利通過"--能夠以行業代表出戰係相當了不起的事,至少是關乎政府面子的問題
同三鹿一樣,鰻魚都有免死金牌....係福建有出口免死金牌的公司,只有超大現代,綠色食品及鰻魚等10間
同鐵罐同步進行的是新工廠的建設,地址又係相鄰的,年尾動工,另外鰻魚為左慳電,換左節能雪櫃,因此折舊會提高
同福建農林大學研究緊點令鹹魚襟擺d,另外研究左免加熱的殺菌方法(紫外線?),暫時係行業獨有技術
零售舖頭期內有兩間營業,半年毛利280萬,即每間每月毛利23萬(己更正),或者我自己都應該開返間"味皇鹹魚"
;鰻魚打算今年開到起碼有6間如果鰻魚全年純利數字僅2.1億,咁派息就係7000萬,即每股6仙
沒有留言:
張貼留言