莊家有利

賭場的毛利率並唔高,但係佢總是可以殺清光,即實際毛利100%,原因是本金大小的問題

有兩種情況:一是賭客小注連贏3局,叫3連勝,贏10局輸7局,都叫3連勝(數學上的化簡);二係賭客1局曬冷,或者玩n局中有1局曬冷,都叫曬冷(邏輯上的化簡)

如果賭客可以承受10000連敗就清袋的話,賭場方只要有承受10001連敗的財力就可以清個客袋,因為冇時間限制一直賭落去的話,最終只會出現一方有錢一方冇錢的結局,而一旦其中一方清袋,遊戲就結束冇仇報,因此莊家只要確保賭客比自己先清袋就可以了,方法是比賭客有更多的本金,如果勝率是50%的話,只要多1蚊就可以了,如果莊家有5%優勢的話,本金只需比賭客的95%多1蚊就可以了,另外1局過後,就算兩者的本金相等,賭客的本金變成95%,莊家卻變成105%,優勢更顯著,即使設定莊家有50%的劣勢,只要保證本金可以在任何時候都是賭客的兩倍多1蚊就可以了

如果賭客玩曬冷,同樣莊家只要比賭客更曬得起就可以了,另外當有一堆人例如100人玩時,第一局會有50人清袋,剩下50個雙倍本金的人,第2局25人清袋,剩下25個四倍本金的人.....最後會剩底1個100倍本金的人,在過程中,莊家一個仙都唔駛出,因此莊家只要在決勝時有100倍以上的本金,就可以清曬果100人的袋

上面的情況加上莊家優勢,到決勝局的時候,那個客只有抽左50次手續費的本金,莊家卻可以用手續費同佢賭

其實賭場本身係唔駛出一分錢本的,只要有銀行撐腰就得了

如果有比賭場更有錢的客又點?賭場當然唔受啦,除非等到有其他蛋散數量足夠多的時候,就可以將清袋的風險分散出去,如果最後客仲係比賭場有錢?再搵蛋散囉;因為賭場限死左每局最多可以買幾多,因此每次需要的蛋散有限

 

那股市又如何?市場上有好多衍生工(賭)具,莊家總是可以抽到手續費,牛三時抽最多,但抽下抽下市場資金就會減少,因為數量再多都是有個極限的,之後每次巨大升跌,總會有1/2的人清袋,清下清下,玩的人數越來越少,成交金額萎縮(因為手續費令本金縮水),最後所有錢都成為手續費時,市場成交到了谷底,手續費就入市,牛一就開始了

(這裡莊家的定義除大戶外仲包括賺左唔攞出黎用的人,手續費泛指"封印的資金")