806惠理基金

基金的股票是特別的,同美聯一樣,我會稱它們為"平方股",在景氣時乘方式上升,不景氣時開方式下降,1929年美國仲好流行"立方股"添,亦都因為咁1929年先跌得咁慘,金融創新真是妙不可言...

講返惠理,佢有幾個特性幾得意,公司盈利一係0,一係正數,公司冇蝕錢可能,蝕都係用戶蝕,佢賺錢的原理係"代管資產收管理費"只要有人寄放就有錢收(話知你有冇真係管理),如果冇人寄放就最多解散,d人都唔會收到幾多人工,另外公司營運所需,只係一間房仔,一d文具,辦工設備,一部電腦,一個基金經理甚至唔洗,一個電腦程式都可以,即係話,基金規模可以不斷擴張,但營業支出並不一定因此增加,如果搵到個巴菲特咁嘅大蛤毑幫手仲可以唔駛出糧添

看看惠理的一些營運支出:

(百萬)              08上               07上

分銷費用           32                   33

經營租賃租金     4                     5

這部分是固定支出,並不會跟營業額變化,其實分銷費用為0都不會令盈利減少,最多以後盈利唔會增加咁解

顧問費用            7                    42

其他薪酬          32                  125

這部分減少是因為股市下跌,而員工的人工以花紅為主,公司收唔到表現費自然唔出糧,而且,管理資產市值下跌1%同99%,這些支出的數字亦差唔到幾多,因為d人算係收緊底薪,即係花紅為0,一係有,一係冇,所以--如果股市繼續下跌,花紅都只會係0,唔會負數,即係這數字是見底的(除非減薪裁員)

股份基礎報酬 124                    -

其他開支           19                  10

股份基礎報酬係指發行認股權比自己人,即係變相出花紅,實際上唔會產生營運支出,但這賁在是轉移視線,公司本身唔出比佢,而改為向股東伸手要錢的意思

我要說明一點--對公司好的事不等同對股東是好事

管理層會成日重複相反的句子,但是想深一層,如果公司強行徵收股東的財產,咁對公司是天大的好事,咁對股東是什麼?

惠理市值約93億,按此比例,股東要有每年攤薄1.5%的生理準備

其他開支並無說明,估計都算是辦公開支

 

因此惠理保持運作的固定最低支出約9400萬,暫時當佢係槓桿的支點

設惠理管理資產50億,固定最低支出9400萬,總管理費3%,表現費20%,股下上年下跌,現時盈利5600萬

情況1:如果公司管理資產增加50%,其他不變

情況2:股市按年上升50%,,其他不變

情況3:股市按年下跌50%,,其他不變

情況4:股市崩壞,,其他不變

 

情況1:

盈利  75億x3%-9400萬=1.31億

情況2:

盈利  75億x3%+25億x20%-9400萬=6.31億

情況3:

盈利  25億x3%-9400萬= -1900萬

情況4:

盈利  0億x3%-9400萬= -9400萬

情況3同4是不會發生的,因為公司會:甲-減少支出;乙-在入肉之前清算;所以公司的股東是安全的,有問題的是客戶

情況1,盈利上升134%,如果公司管理資產只增加25%,盈利升67%

情況2,盈利上升1027%,股市按年上升25%,盈利升513%

正是因為固然費用的存在,比例先會咁大反差,當然,在情況2當中,我們還要比基金經理花紅,支出會大大大增

即係,如果睇好以後幾年後市,出現情況1+2,買到佢就開心死,當然,佢業積倒退中,仲有起碼半年機會走棧

 

題外話了,看看惠理的一些營運額:

(百萬)              08上               07上

管理費             202                 180

表現費               66                 367

認購費                 0                     3

贖回費               13                   11

仲有表現費証明仲有基金曾幾何時仲有少少升幅,如果去到0就好搵囉,認購費縮到冇,贖回費仲增加,即係話市場信心全失,雞金經理食粟米....雖然上年都食緊