有點令人遺憾的,味皇如果係上市公司主席,我當然會致力於公司的實質營運,但亦會亳不客氣的使用財技,因為在市場上,無知+貪婪係罪惡而必須被消滅
,我的行動會以原有並打算一直持有的股東的最大利益出發,當然,採用的方案都必須合法,而且唔以自己獨肥為準則基於這一目的,我會在經濟好時,令公司的業績好好睇睇,仲要特登控制每年盈利數字的成長率(例如今年賺太多就入數去下年)去陰基金經理比個超高市盈率,之後就印公仔紙吸水,再投入主業當中,只要股價夠高就係咁印公仔紙,咁公司就可以極速發展,就算唔投資,收利息都可以令盈利大增;相反,經濟差時,令公司的業績睇落去有咁衰得咁衰(實際營運我絕不打算馬虎,會盡力改善營運同資本架構),將d利潤有咁遲推咁遲,股價一跌就狂回購同收購....
這會有什麼結果呢?結果就係經過這一行動--經濟好-->抽--經濟差-->插,公司的實力會大增,因為在營運以外搲到好多油水,而在行動開始到完結都一直是股東的人就會獲得這營運以外的油水,這油水是由在中途貪心高追同因無知而低沽的股東提供,而中途追入而唔賣出的同開始就持有但中途賣出的會分享到當中的一部分
我不能控制股東結構,我只能無時無刻為現有股東而不是潛在股東創做最大的利益,由於利益並不是短期的,不理解我苦心的人多數不會同我共同進退
所以說為什麼成日總是大股東同佢d親友發達呢,係因為多數得佢地知道公司做緊乜
講完我邪惡的假設了,我想我應該幾有做ceo的潛質,不過現實我只是過食杯麵的打工仔;作為一個拥有高道德標準的主席,一定會希望股東結構好似巴郡咁只由信任自己的人組成,咁自己就唔駛搞咁多花臣了,即使不能在財技上收放自如,但卻可以在真正業務上自由發揮
結局,只要一日有咁樣嘅市場,業績數字會乘機見高就拜,見低就踩,因為投機者只顧結果而不管動機
現實上好多公司主席似乎都好老實甚至老實過頭,例如德昌同味丹,亦有一d正職係財技,例如木木大同威禾刀,也有一d兩面針的,例如世紀陽光同展鴻,只要主席係有心有福同享,陪佢地過世又點話,問題是估唔中佢地點惗啫
但是認股權是完全用於肥己的東西,應該堅決抵制
沒有留言:
張貼留言