百家樂

一提百家樂,第一時間惗起廣州妓男大學出面果間百家樂快餐,佢d野食又平,又好食,又多餸,又污漕,又有得打8折,生意超好,完全係市場經濟的表現(因為有飯堂相比較)

回到澳門,才知道百家樂的廣義解釋原來係指一個蠢才遊戲

規則比較復雜,總之就係莊家閒家各拿幾隻牌,點數加埋,尾數大的一方贏,玩法冇乜特別,愚蠢的是玩家玩的過程同前提

玩家拿牌後要看牌,他們的樂趣在於鬼鬼祟祟地看牌而不直接開牌,開牌時用手特登用手指摭注數字,一dd咁睇圖案

例如10點,佢有左右各4粒花,中間2粒,H排列,d人睇H到下部,稱為"有腳",有腳的包括4,5,6,7,8,9,10,"冇腳"指123,之後再看旁邊,看見一旁的4粒花,叫"4邊"有9,10,當然還有"3邊"6,7,8同"2邊"4,5...總之咁樣去睇牌的

愚蠢之處在於賭客們都確信可以用念力改變牌的點數(類型用念力弄彎湯匙),例如當出現"4邊"同"有腳"時,可能是9或者10,如果佢地想出10,就會鬼揸咁叫"頂",拍擡拍櫈,如果想要9,就會鬼揸咁叫"吹",真係系度猛吹氣....目的据說是為左吹走中間果粒花或者留住中間果粒花喎(一早縮開隻手指咪知數字囉,痴線)

類似衍生左好多術語,舉些少例如:

1--一條毛

5--烏龜

7--乞衣

8--肥婆

j,q,k--公

結果佢地要8果陣就狂嗌"肥婆同我出黎",要5果緊就狂嗌"做烏龜好過做人",要公果陣就嗌"公"加上拍擡拍櫈,不過好多人發音不準,"公"讀成"戈""旺""糕"等,變成吠聲

由於玩百家樂幾乎都係中國人,所以特別感慨

講返賭場方,有錢就係娘,話知d人科唔科學,百家樂的慨率閒約是49%莊51%左右,而賭客買莊贏到收5%手續費,另外仲有對子--兩隻牌相同,同和局--莊閒打和可以買,開對子的機會是1/13,因為有1-k共13隻牌,但賠率是11倍,食左兩倍,和的機會是1/10,因為有0-9共10個可能,但賠率是8倍,又食左兩倍

百家樂是最受中國人歡迎的game,提供了賭場絕大部分的盈利

 

最近賭場為了提高毛利率,推出了"免手續費百家樂",規則一樣,但不收手續費,只是莊開6點贏到就只賠50%

這是很高明的手法,佢第一日出我就料到佢會廣泛推行

分別如下:

普通百家樂是100%收5%手續費,而免手續費百家樂是變相10%收50%手續費,效果一樣(5%),但名義成了"免手續費"

假設莊閒的勝率各50%,普通百家樂5%手續費毛利率=50%x5%=2.5%

免手續費百家樂莊開6點贏到就只賠50%,要留意的是開9有90%贏10%和,開0有10%和90%輸,而佢開6是60%贏10%和30%輸---因此好易明白佢點解要6點賠一半而不是5點賠一半,於是毛利率=60%x5%=3%,毛利率比普通百家樂多1/5

ps:味皇是澳門人,味皇是支持禁賭的