中國鋁業(02600-HK) 3.84 每股資產淨值4.78
市值479億 資產淨值596億 上年息率5.57%
現金流為利息支出的十倍以上,盈利雖然倒退,但衰極都係回報到商品牛市之前,唔會真係駛錢,事實上中鋁規模遠比早幾年大,沒有理由認為公司唔安全,即使盈利倒退一半至每股4毫半,以10倍市盈率及折價收購中國最大的其中一間企業,實在沒有甚麼理由可以拒絕
西王糖業(02088-HK) 1.19 每股資產淨值1.83
市值10億 資產淨值15億 上年息率13.46%
其盈利是不尋常的,04年上市集資4億,之後一年盈利就增加1億幾,係點做到呢,這方法我實在很想學習學習;不論如何,西王實現如此獲利的同時交稅並沒有因此提高,令人覺得奇怪;另一方面,西王的現金大量流失,同時負債大幅提高,理由係增添固定資產及存貨,理由雖然好合理,但現金水平未免太低了,感覺唔係太安全
合豐集團(02320-HK) 0.55 每股資產淨值1.54
市值2.7億 資產淨值7.4億 上年息率10.91%
負債比較多,為左還債多次發新股集資,但借借咁埋多錢,5年間現金流同稅款卻未有明顯提高(只有公告盈利數字提高),比較懷疑管理層的能力
雅天妮(00789-HK) 0.445 每股資產淨值?
市值4.5億 資產淨值?億 上年息率8.99%
新股,盈利數字不可盡信,最近一年流動比率較低,特別係有一批短期負債,賣出果個冇問題,買入果個有問題
惠記集團(00610-HK) 0.83 每股資淨值4.1
市值6.6億 資產淨值32億 上年息率14.46%
老千股呀!!非也,佢冇成日發新股,冇千你,佢最多千銀行啫;成身債,越借越多,好彩佢有個好有義氣的子公司年年派錢比佢,唔係一早執左,成日有巨額"投資增加"又冇"投資減少",只有炒,沒有賣,實在唔知佢做乜
彩星集團(00635-HK) 1.9 每股資產淨值10.7
市值4.3億 資產淨值24億 上年息率23.68%
連續巨額"股本融資",用於"投資增加/減少",但業務現金流其無明顯增加,又係集資炒賣的,疏於本業的公司應該放棄,雖然派息好高,但這是用借款維持的
富邦銀行(香港)(00636-HK) 2.63 每股資產淨值3.5
市值31億 資產淨值41億 上年息率7.22%
資本充足比率比例比工銀亞洲低高,貸款/存款比例比工銀亞洲低,存款回報率亦比工銀亞洲低,成本/收入亦比工銀亞洲高,即係話佢又怕蝕錢,又冇本事賺錢,管理仲好官僚添
港台集團(00645-HK) 0.5 每股資產淨值1.07
市值1.7億 資產淨值3.6億 上年息率0%
一蚊稅都冇交過,叫人點信,虧核數師可以比佢過骨
香港飲食管理(00668-HK) 0.6 每股資產淨值0.97
市值2.1億 資產淨值3.4億 上年息率8.33%
前景好似相當不明,佢稅31.6萬,香港稅率16%,即稅前盈利估計為200萬,佢點用3.5億營業額賺200萬?
創科實業(00669-HK) 5.09 每股資產淨值4.6
市值76億 資產淨值69億 上年息率1.57%
盈利表面上下降88%,但實際現金流並沒有下降太多,不過利息支出佔左現金流一半,相當不妙,我相信創科公告如此不體面的盈利數字是為左制造減派息的籍口以及減少稅金,以用於還債,實際上創科的盈利數字扣除了很多一次性支出而才這麼低的,而真正的盈利並非咁差,因此之前一直都冇點跌;債務問題非常嚴峻,今年創科可能會想辦法再次公告更不體面的數字...如果債務能因此而下降,將來創科的爆炸力會非常恐怖
嘉裡建設(00683-HK) 23.2 每股資產淨值31
市值331億 資產淨值446億 上年息率4.09%
現金流,不論本體定係子公司都很不穩定,唯一直都係正數,市值比資產淨值低可能代表值得買入,但存貨增幅令人擔憂
聯想集團(00992-HK) 3.25 每股資產淨值1.4
市值299億 資產淨值129億 上年息率4.86%
流動比率水平低得令人擔憂,而盈利成長亦高得令人顧慮,到底其報表值得相信嗎?如果盈利數字為真(4.8億美元),同現金流數字未免相差太遠(11億美元),如果現金流數字為真,聯想市值37億未免低得可怕,而且用資產淨值16億賺11億似乎超越我們對電腦行業的常識
路勁基建(01098-HK) 2.7 每股資產淨值11.3
市值20億 資產淨值84億 上年息率19.26%
情況同惠記一樣,事實兩隻股係同系的,出現類似情況並唔出奇,我想這兩公司的存在價值並非在經營用途
天津發展(00882-HK) 2.62 每股資產淨值7.9
市值28億 資產淨值84億 上年息率4.2%
盈利數字上升中,而現金流數字下降中,因此盈利數字必然存在很多現金以外的溢價同折讓,天津發展有不少資產係來自"投資",今年如果炒濃並唔出奇,不過以53億的固定資產同淨現金來看,佢都係抵的
中國海洋石油(00883-HK) 7.17 每股資產淨值3.2
市值3203億 資產淨值1430億 上年息率4.18%
我想不到中海油本身有乜缺點,只係現價並唔平,而且唔知有幾多盈利係來自資產重估
美蘭機場(00357-HK) 3.16 每股資產淨值3.8
市值15億 資產淨值18億 上年息率8.86%
現金流,盈利,負債水平都冇問題,只係06年係無任何財政壓力下停左派息
中怡精細化工(02341-HK) 0.86 每股資產淨值1.5
市值4億 資產淨值7億 上年息率5.23%
資產負債表相當健康,現金流唔錯,梅花間竹的情況睇得出收賬以2年為一周期,並非出現問題,07年增添固定資產1.3億為歷年最大,公司可能會迎來盈利的井噴,現價幾抵,而且潛在的成長價值頗高
大新銀行集團(02356-HK) 6.72 每股資產淨值9.9
市值63億 資產淨值93億 上年息率5.95%
今年會有唔少捌賬,可能見紅,資產淨值亦會減少,但並不代表大新會執粒,現在的價位好似話大新會執粒咁,其實大新的經營效率之前一直都好高,比工銀,富邦,廖銀等銀行好得多,係2線銀行當中最好的一間同星展永亨永隆同水平,如果要買入本地銀行,現在可能係最好時機
長安民生物流(08217-HK) 1.62 每股資產淨值2.77
市值0.9億 資產淨值1.5億 上年息率5.27%
可能係一間好公司,不過流動比率唔高,如果剔除現金項目,流動比率少於1,代表行業唔係咁好搵,況且公司冇提供04年資料
九興控股(01836-HK) 7.5 每股資產淨值7.1
市值61億 資產淨值58億 上年息率12%
又係新股,以佢的現金流,派息肯定保持唔到,另外盈利數字比現金流數字未必差得太多了
長城汽車(02333-HK) 2.33 每股資產淨值6.3
市值24億 資產淨值65億 上年息率9.56%
無負債,淨現金,現金流入高達14億,派息區區1.6億已有9.56%,資產折讓63%,名副其實的煙頭投資目標,如果可以收集到10隻咁嘅股票就發
建滔積層板(01888-HK) 2.14 每股資產淨值2.25
市值64億 資產淨值67億 上年息率14.02%
上市時背負著左母公司的偉大任(債)務,不過由於即沉板係建滔的主業,而建滔化工係一流公司,因此即沉板係一間搽左屎的一流公司,佢集龐大的現金流,極高的利息保障,超然的行業地位及惡毒的股東咀咒於一身,現價相當低迷,我頗樂意沽出中鋁換入佢,此為後話
天津港發展(03382-HK) 1.28 每股資產淨值1.9
市值23億 資產淨值34億 上年息率4.22%
半新股,又係好公司,集資d錢用左唔少係增添固定資產度,或能大幅增加盈利,而投資增加果度又超多,如果係收購就冇事,由於公司投入本業的心力似乎唔少,所以其投資增加應該有正當理由,公司的稅款穩步上揚,其真正盈利並非如損益表所示下降,雖然派息少d,佢都算相當抵買
華鼎控股(03398-HK) 0.62 每股資產淨值1
市值13億 資產淨值21億 上年息率23.74%
其盈利數字比現金流數是是高估的,而且比例不少,但都不能抹煞佢巨大的盈利能力,增添固定資產投入相當重手,因為佢有大把錢,而果筆錢是建立在上市時水魚的痛苦上,當時大約20幾倍市盈率啦,上市時係2蚊;公司現時持有7.5億,流動資產-現金-流動負債=5.7億,所以下年毛利有幾大機會接近5.7億,23.74%的派息金額為2.9億,5.7億減1億幾的稅之後唔會話比唔起掛,咁嘅荀貨唔係成日有,唔怪得湯才會留意佢
沒有留言:
張貼留言